Archivo de la categoría: Sanidad

Hospital, Salud, Sanidad

REMATA O CICLO DE ASEMBLEAS INFORMATIVAS ORGANIZADAS POLA PLATAFORMA SANITARIA DA MARIÑA CUN BALANCE MOI POSITIVO EN ASISTENCIA E PARTICIPACIÓN

REMATA O CICLO DE ASEMBLEAS INFORMATIVAS ORGANIZADAS POLA PLATAFORMA SANITARIA DA MARIÑA CUN BALANCE MOI POSITIVO EN ASISTENCIA E PARTICIPACIÓN.

As asembleas, que tiñan como obxectivo informar sobre a situación da sanidade pública, resultaron verdadeiros foros de debate pola súa participación veciñal.

A Mariña,1 de febreiro de 2020. O ciclo de asembleas informativas convocadas pola Plataforma Sanitaria da Mariña  rematou na noite de onte coa celebración da última das tres que se organizaron,  no Centro Sociocultural de Alfoz. O acto, que comezou ás oito da tarde, foi un éxito tanto en asistencia como en participación , ao igual que nas celebradas en Viveiro e Barreiros.

O formato das asembleas foi igual nas tres, comezando cunha exposición da situación sanitaria en Galiza en xeral e avanzando ata a comarca da Mariña . Os actos contaron coa presencia de diversos colectivos para analizar todos os ámbitos. Integrantes da Plataforma Sanitaria en Defensa da Sanidade Pública abriron os actos para falar do desmantelamento progresivo  e continuado, do que está a ser vítima a Atención Primaria, con desabastecemento de material e  falta de cobertura dos permisos ou baixas do persoal.

Este colectivo sanitario abordarou tamén a ampliación do hospital da Mariña, ampliación moi necesaria e conseguida froito da loita social durante anos.Lamentaron que esa gran obra civil non fora acompañada de novas prestacións de servizos coma a resonancia fixa prometida cando houbese sitio para ela, a densitometría ósea,as placas dentais ou a electromiografía e electroencefalografía. Igualmente tratouse a blindaxe de servizos existentes no hospital e a creación de novos servizos e prestacións, que consideramos básicas e irrenunciables para a dotación dun hospital .O aumento das listas de agarda a pesares da maquillaxe de datos por parte do SERGAS foi un dos temas que causou máis indignación a veciñas e veciños.

Enfermeiras Eventuais en Loita asociaron a precariedade laboral á perda de calidade asistencial e á repercusión negativa sobre os coidados a pacientes

A continuación o colectivo Enfermeiras Eventuais en Loita puxo de manifesto que a precariedade laboral á que teñen sometido a este colectivo, acumulando máis de cincocentos contratos tras dez anos de traballo ,sen dereitos a descansos reglamentarios, vacacións ou sabendo que se collen unha baixa por enfermidade lles vai supoñer a non renovación dalgún un pouco máis longo ( de un mes), repercute directamente sobre sobre a calidade asistencial. “ Non podemos impartir os coidados que @s pacientes merecen cando estamos cada día nun sitio diferente, sen ter a oportunidade de coñecer a historia e evolución da persoa enferma,e eso perxudica á sua evolución ao tempo que causa frustración en nós”-lamentan.

O colectivo de técnicos de transporte sanitario analizaron as consecuencias da supresión dun técnico na ambulancia medicalizada.

Nas asembleas participou tamén un TES,que analizou as consecuencias para a comarca da supresión dun dos técnicos da ambulancia medicalizada.Explicou que no caso dunha emerxencia que precise da presencia da ambulancia medicalizada,os efectivos actuales non son suficientes e moitas veces teñen que solicitar a presencia dunha segunda ambulancia básica que lles aporte reforzo de persoal, o que implica  derroche de recursos e que esta segunda ambulancia non preste servizo noutros lugares mentres esté reforzando á medicalizada.

A Plataforma Sanitaria amosa a súa indignación pola represión e censura da dirección do centro ao retirar dúas pancartas da fachada do hospital.

A retirada no día de onte de dúas pancartas da fachada do hospital por parte da dirección do centro, en cumplimento da instrucción emitida polo SERGAS, causa indignación no colectivo, que ve nestas actuacións un acto represivo e de censura sanitaria. Segundo @s activistas sanitari@s, estas actuacións propias de gobernos totalitarios , que nos retrotraen a tempos da dictadura, non van conseguir que deixemos de informar, de mobilizarnos e de protestar polas políticas de privatización e de desmantelamento da sanidade pública.”Lonxe de conseguir o seu obxectivo, o que lograrán será o efecto contrario, magnificando as mobilizacións”-conclúe.

Para máis información chamar a Víctor Vila  677343429 ou a Montse Porteiro 615187637

Alcaldia, Barreiros, Medio ambiente, Sanidad

AS ANALÍTICAS DE SANIDADE NA PRAIA DE AREALONGA DESACONSELLAN O BAÑO EN DITO AREAL

AS ANALÍTICAS DE SANIDADE NA PRAIA DE AREALONGA DESACONSELLAN O BAÑO EN DITO AREAL

Desde o departamento autonómico comunicaron ao Concello de Barreiros a necesidade de colocar nas entradas do areal a recomendación de non bañarse pola presenza de enterococos intestinais.

A alcaldesa insiste en que existe un proxecto redactado por Augas de Galicia de construción dunha nova depuradora que dá solución aos vertidos causantes da contaminación.

Barreiros, 23 de agosto de 2019. A última hora da mañá de hoxe o Concello de Barreiros recibiu unha comunicación de sanidade sobre a existencia de enterococos intestinais (escherichia coli) en niveis que superan o valor aceptable establecido de contaminación microbiolóxica na auga de baño. Por esta razón, desde o departamento autonómico instaron á entidade municipal a sinalizar a recomendación de non bañarse na praia de Arealonga, á espera dunha nova analítica na vindeira semana. O Concello procedeu a colocar carteis informativos sobre a contaminación temporal, xunto coa recomendación de non bañarse.

Desde o goberno municipal explican que a presenza de enterococos intestinais vén dándose especialmente nos últimos anos a consecuencia dos problemas de depuración  das augas residuais que existen nas parroquias de San Miguel e Reinante. “Por esta razón, entre outras, é urxente acometer as obras necesarias para a construción dunha nova depuradora en San Miguel que, tal e como recolle o proxecto elaborado por Augas de Galicia, solucionaría o saneamento que provoca verquidos en dito areal.”

O Concello lembra que xa existe un proxecto concreto e que o goberno municipal trata de sacalo adiante.

Lembran ademais que, pese ás declaracións do delegado da Xunta, a administración autonómica ten asumido noutros lugares obras similares e, mesmo en Barreiros, existiu hai un tempo un compromiso para aportar unha importante suma de diñeiro a un convenio para a mellora e ampliación das infraestruturas de saneamento entre as que se atopaba esta mesma depuradora.

“Existindo xa ese proxecto concreto para afrontar o problema de depuración das augas residuais de Barreiros  que demanda o delegado e que foi redactado e cuantificado por Augas de Galicia, desde o Concello tomamos a iniciativa de iniciar un diálogo con outras administracións para analizar a posibilidade de execución do mesmo. E nese sentido e nese contexto se encadran as misivas enviadas aos distintos departamentos da Xunta que entendemos poden ter interese e implicación na solución”, relata a alcaldesa.

Ana Ermida  manifesta que “a disposición do Concello é buscar solución a un problema existente desde hai anos e, sendo conscientes da imposibilidade de que esta sexa dada exclusivamente polo Concello, debemos buscar a colaboración interadministrativa en beneficio das veciñas e veciños e fuxir de sectarismos ou apriorismos insubstanciais que non levan a solución algunha”.

Sanidad

A COMARCA DA MARIÑA ESTÁ SEN PEDIATRAS DESDE  RIBADEO ATA BURELA

A COMARCA DA MARIÑA ESTÁ SEN PEDIATRAS DESDE  RIBADEO ATA BURELA.

As vacacións sen substituir da maioría d@s profesionais deixa á comarca nunha situación crítica na atención das nenas e nenos  da Mariña, e nos vindeiros días sumaríanse Cervo e Xove.

A Mariña 9 de agosto de 2019. A decisión do goberno da Xunta e do Sergas de non substituir @s pediatras en vacacións ou con calquera outro permiso  sume á comarca nunha situación crítica , que ben podería chegar a convertirse en emerxencia. As políticas  do PP de non cubrir as ausencias xustificadas destes profesionais durante todo o ano exarcérbanse no período estival , polas vacacións sen substituir do persoal,  o que provoca  caos asistencial e alarma social ante a posibilidade de ter que percorrer moitos  quilómetros de distancia para que unha crianza poda ser atendida por un ou unha pediatra.

A Plataforma Sanitaria da Mariña tivo coñecemento de que na actualidade a pediatra que atende os concellos de Barreiros , Mondoñedo e Lourenzá está a desfrutar do seu período vacacional ser ser substituída – nin siquera algún día á semana -, ao igual que as profesionais que atenden os concellos de Ribadeo e Foz. No caso de Foz ( onde só se substitue á profesional algun día ) , a ausencia de pediatra afectaría tamén aos concellos de Valadouro e Alfoz, ao non dispoñer estes últimos con servizo de pediatría propio e ter que desplazarse ao concello de Foz, para ser atendid@s por unha profesional sobrecargada de traballo e cunha reducción de xornada tampouco substituída.

 

A resposta do Sergas á grave problemática  de atención sanitaria semella un insulto á poboación da Mariña.

Para o colectivo sanitario a resposta que deu o Sergas ás críticas realizadas polo Concello de Barreiros esixindo que se substitúa á pediatra semellan un insulto a mariñás e mariñaos, posto que as afirmacións de que “os rapaces están perfectamente atendidos cos médicos de familia “ e que “no caso de existir algunha urxencia a atención pediátrica está reforzada pol@s pediatras dos concellos limítrofes e tamén polo servizo de pediatría do hospital” non se poden consentir, e desde este colectivo esiximos unha desculpa pública e que dunha vez por todas contraten persoal que supla estas ausencias e carencias na atención sanitaria.

Desde a Plataforma sanitaria lembramos que se a día de hoxe unha crianza destes concellos ten que ser atendida por un problema de saúde só podería acudir ao centro de saúde de Burela como punto máis cercano ou ao de Foz se coincide co día que se substitúen as súas vacacións. Polo tanto terían que atender aos posibles casos que xurdiran de Ribadeo, Trabada,Lourenzá, Mondoñedo ,Barreiros sumados a Foz ,Valadouro e Alfoz se ese día coincide que non se cubriu a pediatra de Foz. A este caos asistencial  “virían  sumarse os concellos de Cervo e Xove nos próximos días, xa que a partir do 14 de agosto a pediatra destes concellos tamén collería vacacións.Simplemente vergoñento”- explica a coordinadora do colectivo sanitario.

 

 

 

 

 

 

 

 

 

 

 

 

Para máis información chamar a Víctor Vila 677343429 ou a Montse Porteiro 615187637

Sanidad

A ALCALDESA DE BARREIROS DIRÍXESE Á CONSELLERÍA DE SANIDADE E AO SERGAS PARA SOLICITARLLES A COBERTURA DA PEDIATRA DO CENTRO DE SAÚDE DE BARREIROS

A ALCALDESA DE BARREIROS DIRÍXESE Á CONSELLERÍA DE SANIDADE E AO SERGAS PARA SOLICITARLLES A COBERTURA DA PEDIATRA DO CENTRO DE SAÚDE DE

Barreiros, 6 de agosto de 2019. O goberno municipal de Barreiros tivo coñecemento de que o Sergas non ten previsto cubrir as vacacións da pediatra que presta os servizos no centro de saúde de Barreiros; polo que a alcaldesa dirixiu unha misiva ao conselleiro de sanidade, ao xerente do Sergas e ao xerente da EOXI de Lugo, Monforte e Cervo solicitándolles a cobertura de dito posto durante o mes de agosto.

A mandataria municipal expón que “o concello de Barreiros, aínda que en censo poboacional non supera os 3.000 habitantes, ten unha poboación flotante moi abundante e, durante o mes de agosto, as persoas que habitan neste concello poden rondar as 10.000. Trasladados estes datos á poboación menor de 14 anos e, polo tanto, susceptible de ser atendida por persoal pediátrico; temos que nos atopamos no mes de agosto con máis de medio cento  persoas sen atención pediátrica no centro de saúde do noso concello.”

Para Ana Ermida “é obvio que a falta de persoal durante un mes interfire moi negativamente no control que poida existir, especialmente en recén nados, pola importancia do seguimento en escasos días que debe realizarse. Pero, a maiores, debemos ter en conta que esta situación afecta tamén ás consultas eventuais por enfermidades comúns que poidan ter lugar; interferindo moi negativamente noutros servizos e lugares que, xa de por si, carecen dunha atención pediátrica axeitada; tal como poden ser o PAC de Ribadeo ou o propio servizo do Hospital da Mariña; onde non existe, de inicio, persoal pediátrico dispoñible.”

A situación non afecta só a Barreiros, xa que a falta de persoal  é a mesma tamén cos centros de saúde de Lourenzá e Mondoñedo, onde a profesional comparte servizo co concello barreirense; polo que a poboación afectada é moi superior á mencionada.

O goberno municipal considera que “a decisión de non cubrir temporalmente o período vacacional desta profesional crea unha situación de desatención nas nenas e nenos e contribúe moi substancialmente á saturación doutros servizos e, polo tanto, provoca un mal funcionamento do Servizo Galego de Saúde.”

Por esta razón, o goberno municipal “solicitámoslle a reconsideración da decisión de non dotar de pediatra ao Centro de Saúde de Barreiros durante o período de vacacións da persoa titular e, en concreto, solicitamos a cobertura desta praza durante o mes de agosto; en aras de manter un funcionamento do Servizo Galego de Saúde dentro duns parámetros mínimos de calidade e cantidade.”

Hospital, Salud, Sanidad

 A PLATAFORMA SANITARIA DENUNCIA  ABANDONO E CAOS SANITARIO  NA MARIÑA POR PARTE DO SERGAS

 A PLATAFORMA SANITARIA DENUNCIA  ABANDONO E CAOS SANITARIO  NA MARIÑA POR PARTE DO SERGAS.

O colectivo sanitario esixe  ao  PP   que deixe de seguir poñendo en risco a saúde dos mariñaos e mariñás.

A Mariña, a 12 de xullo de 2019

PECHE DE CAMAS E REDUCIÓN DE QUIRÓFANOS.

Desde a Plataforma Sanitaria denuncian e rexeitan o peche de camas no Hospital da Mariña e a redución da actividade nos quirófanos durante o verán. Afirman que se procedeu por orde da Xerencia ao peche de 9 camas na unidade de hospitalización de Cirurxía e outras 9 na de Traumatoloxía “ao que temos que sumar as 12 camas pechadas por obras, é dicir 30 camas en total”.

Tamén denuncia publicamente a redución da actividade cirúrxica. “Soamente haberá dous quirófanos programados e un quirófano urxente ao día“, afirman.

Estas medidas provocan un incremento das listas de espera fomentando a derivación de doentes á sanidade privada para cumprir a Lei de Garantías. A lei di que teñen que ser atendidos en 60 días para intervencións cirúrxicas e en 45 para consultas u probas diagnósticas . “A imposibilidade de cumprir eses tempos na sanidade pública favorecerá a súa derivación á privada, que é onde serán atendidas”- manifesta o portavoz do colectivo.

Outra das consecuencias será o aumento do traslado e ingreso de pacientes do Hospital de Burela a Lugo, unha práctica que levan facendo durante os últimos meses e que esta a provocar o malestar das persoas afectadas e familias que se ven obrigadas a desprazamentos innecesarios por mor dunha mala planificación da Xerencia nun Hospital que remata de ser ampliado.

Ademais, denuncian que por mor do peche de camas producirase un recorte de persoal nas devanditas unidades de hospitalización, suprimindo unha enfermeira e unha TCAE nas quendas de mañá, tarde e de noite (na que unha soa enfermeira e

unha soa TCAE serán as responsábeis de prestar os coidados a 15 pacientes, e asumir as posibles urxencias e complicacións a maiores do traballo programado

SEN TRABALLADORA SOCIAL NO HOSPITAL.

A Plataforma Sanitaria da Mariña ao mesmo tempo denuncia que o Hospital da Mariña quedou dende primeiros de xullo sen a única Traballadora Social durante dous meses, en concreto durante os meses de xullo e agosto ao non cubrir o SERGAS a súa ausencia, a pesares de existir persoas dispoñibles nas listas de contratación (autonómicas) para cubrir esta categoría profesional.

Os traballadores e traballadoras sociais desempeñan un papel esencial e imprescindible e cumpre poñer en valor o seu traballo”- explica a coordinadora da Plataforma, e esta decisión do SERGAS de non cubrir a súa ausencia amosa por unha parte o desleixo cara a atención sociosanitaria na Mariña e o nulo recoñecemento por parte da administración ao traballo que desenrolan nas equipas multidisciplinares tanto de Atención Primaria como de Atención Especializada”.

ABANDONO DOS CENTROS DE SAÚDE DA COMARCA.

A Plataforma Sanitaria xa ten denunciado en numerosas ocasións que sistematicamente, ano tras ano, as vacacións que por dereito lles corresponden ao persoal dos Centros de Saúdes non se cubrían. Esta circunstancia leva a un evidente deterioro na atención sanitaria aos pacientes debido a unha acumulación de traballo do persoal do centro ao ter que asumir a atención dos pacientes asignados aos outros profesionais. Se a isto lle sumamos que en época estival a poboación da Mariña duplícase ou triplícase podemos sacar a conclusión de que a situación agravase moitísimo máis producíndose un auténtico colapso na que afecta á calidade asistencial. “Non se pode prestar unha asistencia sanitaria de calidade cando os profesionais teñen que asumir o traballo propio e o de compañeiros que non son substituídos”- afirman.

Denuncian entre outras situacións a falta de tres médicos “en pleno Resurrection” no centro de saúde de Viveiro, a falta de pediatra en Foz, cuberta parcialmente, provocando demoras na atención e aprazamentos dos controis de saúde, a médica de tarde de Foz cuberta só unhas horas ou a ausencia o mércores 10 de xullo de 3 dos 7 médicos en Viveiro.

FEIJÓO, O DESTRUTOR DA SANIDADE PÚBLICA DA MARIÑA.

A Coordinadora da Plataforma, acusa o Presidente da Xunta de ser o “destrutor da sanidade pública da Mariña“, como responsable dunhas políticas, encamiñadas a engordar a sanidade privada, que xeran un desastre de tal magnitude que non só provoca críticas por parte dos pacientes senón tamén do “persoal sanitario, de organizacións profesionais e de sindicatos.

O que ten que facer o Presidente da Xunta é deixar de mentir e manipular, de recortar e de privatizar a sanidade pública, e facer un cambio de políticas que pasen por unha maior contratación de persoal, manter todas as camas operativas, e a posta en marcha dun plan en atención primaria, para acabar coa precariedade en sanidad – conclúe Montse Porteiro

Para máis información chamar a Víctor Vila  677343429 ou a Montse Porteiro 615187637

A Mariña, Salud, Sanidad

O CENTRO DE SAÚDE DE VIVEIRO ACOLLERÁ UNHA UMAR EXTRAORDINARIA O VINDEIRO MÉRCORES 20 DE MARZO

O CENTRO DE SAÚDE DE VIVEIRO ACOLLERÁ UNHA UMAR EXTRAORDINARIA O VINDEIRO MÉRCORES 20 DE MARZO.
O grave problema da pediatría cunha praza vacante sen cubrir desde hai meses e o servizo de fisioterapia sen quenda de tarde, serán os temas obxecto de reclamacións colectivas.
A Mariña 15 de marzo de 2019. A Plataforma Sanitaria anuncia que desplazará a súa UMAR, de xeito extraordinario, ao centro de saúde de Viveiro o próximo mércores 20 de Marzo. Despois de que veciñas e veciños de Viveiro contactaran co colectivo sanitario para pedir que se desplazara a mesa informativa ao centro de saude, pola plaza de pediatra non substituída desde hai meses, e tras unha reunión dos seus integrantes activos,decídese dar resposta a esta demanda veciñal . O horario será o habitual, de 11 a 13 horas.
A situación do servizo de pediatría en Viveiro  nestes momentos é grave , xa que hai meses que a persoa que tiña que ocupar esa segunda plaza está en excedencia  e non se substitúe de forma estable e continuada,  ficando os concellos de  Viveiro, Vicedo e Ourol cun só pediatra. Cando o único profesional que atende nestes momentos as tres localidades solicita un permiso, é dicir ,cando quedan sen nengún pediatra,o Sergas substitúe con dous médicos de familia en quenda de mañá para atender a demanda, algúns días, e outros días  polas tardes para facer revisións, non atendendo neste caso urxencias. A situación semella esperpéntica, pois para o Sergas parece “que non é necesario que se cubra esa vacante que quedou polo traslado da anterior pediatra e que o facultativo que quedou só pode asumir todo o traballo, máis cando este falta , o Sergas ve necesario substituir con dous médicos de familia. Cando menos é sorprendente” – comenta o portavoz do colectivo, Víctor Vila.
Do mesmo xeito a UMAR fará tamén reclamacións colectivas demandando que se ponga en funcionamento o ximnasio para impartir fisioterapia en quenda de tarde. Actualmente as instalacións veñen utilizándose únicamente en quenda de mañá, cunha soa fisioterapeuta .O feito de que se infrautilicen as instalacións provoca listas de espera de até un ano .Está situación de agardas excesivas agravouse despois de que o Sergas rompera o convenio que tiña cunha clínica privada e deixando @s pacientes que atendía abandonados e sen que ninguén os informara do cese do servizo.Desde este colectivo vimos mantendo desde hai moito tempo que “sacando o máximo partido ás instalacións que xa  hai poderiamos aliviar gran parte das listas de agarda; esto pasa pola contratación dunha fisioterapeuta na quenda de mañá e a apertura das instalacións da quenda de tarde contratando a outras dúas profesionais”- explica Montse Porteiro, coordinadora da Plataforma.
Desde a Plataforma Sanitaria  animamos ás veciñas e veciños de Viveiro e dos concellos veciños, tamén afectad@s por estes dous problemas sanitarios de envergadura, para que acudan o mércores 20 de marzo  ao centro de saúde de Viveiro a facer efectiva a súa reclamación, pois “ parece que o Sergas só actúa e   dá solucións cando hai protestas veciñais e movementos de contestación social ”- conclúen.
Para máis información chamar a Víctor Vila 677343429 ou a Montse Porteiro 615187637
O CENTRO DE SAÚDE DE VIVEIRO ACOLLERÁ UNHA UMAR EXTRAORDINARIA O VINDEIRO MÉRCORES 20 DE MARZO.
O grave problema da pediatría cunha praza vacante sen cubrir desde hai meses e o servizo de fisioterapia  sen quenda de tarde, serán os temas obxecto de reclamacións colectivas.
A Mariña 15 de marzo de 2019. A Plataforma Sanitaria anuncia que desplazará a súa UMAR, de xeito extraordinario, ao centro de saúde de Viveiro o próximo mércores 20 de Marzo. Despois de que veciñas e veciños de Viveiro contactaran co colectivo sanitario para pedir que se desplazara a mesa informativa ao centro de saude, pola plaza de pediatra non substituída desde hai meses, e tras unha reunión dos seus integrantes activos,decídese dar resposta a esta demanda veciñal . O horario será o habitual, de 11 a 13 horas.
A situación do servizo de pediatría en Viveiro  nestes momentos é grave , xa que hai meses unha das titulares trasladouse a outra localidade e non se cubriu esa plaza vacante, ficando os concellos de  Viveiro, Vicedo e Ourol cun só pediatra. Cando o único profesional que atende nestes momentos as tres localidades solicita un permiso, é dicir ,cando quedan sen nengún pediatra ,o Sergas contrata dous médicos de familia para atender a demanda algúns días e outros días son contratados polas tardes para facer revisións, e neste caso non atenden urxencias. A situación semella esperpéntica, pois para o Sergas parece “que non é necesario que se cubra esa vacante que quedou polo traslado da anterior pediatra e que o facultativo que quedou só pode asumir todo o traballo, máis cando este falta , o Sergas ve necesario substituir con dous médicos de familia.Cando menos é sorprendente” – comenta o portavoz do colectivo, Víctor Vila.
Do mesmo xeito a UMAR fará tamén reclamacións colectivas demandando que se ponga en funcionamento o ximnasio para impartir fisioterapia en quenda de tarde. Actualmente as instalacións veñen utilizándose únicamente en quenda de mañá, cunha soa fisioterapeuta .O feito de que se infrautilicen as instalacións provoca listas de espera de até un ano .Está situación de agardas excesivas agravouse despois de que o Sergas rompera o convenio que tiña cunha clínica privada e deixando @s pacientes que atendía abandonados e sen que ninguén os informara do cese do servizo.Desde este colectivo vimos mantendo desde hai moito tempo que “sacando o máximo partido ás instalacións que xa  hai poderiamos aliviar gran parte das listas de agarda;esto pasa pola contratación dunha fisioterapeuta na quenda de mañá e a apertura das instalacións da quenda de tarde contratando a outras dúas profesionais”- explica Montse Porteiro, coordinadora da Plataforma.
Desde a Plataforma Sanitaria  animamos ás veciñas e veciños de Viveiro e dos concellos veciños, tamén afectad@s por estes dous problemas sanitarios de envergadura, para que acudan o mércores 20 de marzo  ao centro de saúde de Viveiro a facer efectiva a súa reclamación, pois “ parece que o Sergas só actúa e   dá solucións cando hai protestas veciñais e movementos de contestación social ”- conclúen.
Sanidad

Plataforma en Defensa da Sanidade Pública da Mariña

ROLDA DE PRENSA 7 DE MARZO DE 2019 Bo día. Grazas a todos as medios que vos achegastes até esta convocatoria que  fixemos desde a Plataforma en Defensa da Sanidade Pública da Mariña. Comparecemos ante vós cando se  vai cumplir un ano da aprobación da reforma da lei de saúde (20 de marzo de 2018) , reforma aprobada polo Partido Popular en solitario, desoíndo o gran movemento de contestación social que culminou cunha masiva manifestación en Compostela , desoíndo aos axentes sociais e á totalidade dos grupos políticos da oposición .

Vai case un ano desde que nos roubaron a ÁREA SANITARIA con promesas de “máis e mellores Servizos” que non só non se cumpliron, senón que agora mesmo temos peores servizos que hai un ano malia potente obra de ampliación que se acometeu.

Vai case un ano desde que anunciaron que a perda da área Sanitaria para convertila en DISTRITO do HULA ía  BLINDAR O HOSPITAL DA MARIÑA, e a triste realidade é que dependemos aínda máis da capital que  hai un ano.

Neste tempo a ATENCIÓN PRIMARIA, que xa viña acusando un deterioro progresivo e “in crescendo”, tras a perda da área acelera o seu esmorecemento :

– Hai falta de persoal de enfermería e continúan sen respectar a ratio de unha praza de medicina por outra de enfermería.

-A privatización do almacén agudiza os recortes en material.

– Non se substitúen aos profesionais  de baixa ou con vacacións,provocando sobrecarga asistencial e longas listas de espera para ser atendidas . No caso das pediatras este feito causou un grave problema sanitario e desencadenou unha resposta social contundente, o  que obrigou ao Sergas a cubrir a praza de pediatría en Mondoñedo/ Lourenzá/ Barreiros. Máis volve saltar o problema en Cervo/ Xove ao coller a pediatra vacacións e non substituir, polo que o problema non está solventado e temos que seguir a loitar para lograr que o Sergas actúe tamén nestes concellos.

– A ruptura do concerto que o Sergas mantiña cunha clínica privada para atender a demanda de logopedia en pacientes maiores de 6 anos e a fisioterapia, deixa sen atención a centos de pacientes ( en moitos casos nenas e nenos) con tratamentos pendentes de rematar, o cal significa un atraso na súa evolución, e sen que as familias fosen informadas en ningún momento polos responsables do Sergas. As e os pacientes foron abandonados pol@s responsables  das políticas sanitarias.

Na ATENCIÓN HOSPITALARIA tamén perdemos calidade pois cunha obra de ampliación importante, que debera solventar eivas que consideramos imprencindibles, seguimos igual ou peor , porque as ilusións que crearon os responsables políticos do PP cos anuncios , campañas de publicidade e publirreportaxes a toda cor, desvanecéronse deixando a veciñas e veciños nunha situación de desesperación e desleixo:

– Ampliouse o espazo , que era a condición para que puxeran a resonancia fixa ,e seguiremos sen ela pois non hai vontade de poñela. Interesa seguir derivando cara a privada que fai caixa a costa dos fondos que desvía a sanidade pública. Tampouco teremos densitometria ósea , nen aparello para facer radiografías panorámicas dentais ou electromiografías…… seguiremos a desplazarnos a Lugo.

– O Hospital de día oncohemátolóxico trasladouse para a parte nova , pero non se contempla a creación da consulta de enfermería oncolóxica, tan necesaria. Seguimos a ser o único hospital da rede Sergas sen esta figura.

– Tampouco se contempla a dotación dunha consulta de cirurxía vascular que evite desplazamentos innecesarios a Lugo para probas,  intervencións simples que ben se poderían facer aquí ( varices, fístulas para hemodiálise, ecodoppler…).

– O servizo de rehabilitación conta cunha soa rehabilitadora e hai déficit estrutural de fisioterapeutas. A principios deste mes, e tras a intensa loita mantida pola plataforma, sindicatos, grupos políticos e veciñas, consíguese a contratación de dúas fisioterapeutas para o hospital. Dita medida malia ser insuficiente, é acollida con satisfacción porque demostra que a contestación social é a forma de conseguir avances .Este logro de tod@s dá conta de que debemos manter a loita.

-A mobilización social conseguiu tamén, xa hai meses , que as plantas de hospitalización de Traumatoloxía e  Cirurxía, que eran atendidas en quenda de noite por unha soa enfermeira , foran dotadas coa segunda profesional nestas quendas.

Poderíamos seguir enumerando e relatando eivas, deficiencias e faltas na substitución ou dotación de persoal até cansarnos, e todas elas amosarían

a nefasta xestión na nosa comarca en materia sanitaria , a intención cada vez máis clara do goberno da Xunta de privatizar a sanidade.

Por todo isto e pola certeza de que só a contestación social masiva é capaz de mudar vontades políticas na dirección de recuperar a Área Sanitaria suprimida , de revertir as privatizacións xa efectuadas e impedir a que están na folla de ruta de Nuñez Feijoo,

FACEMOS UN CHAMAMENTO A TODAS AS VECIÑAS E VECIÑOS DA MARIÑA  PARA QUE ACUDAN Á MANIFESTACIÓN QUE A PLATAFORMA EN DEFENSA DA SANIDADE DA MARIÑA CONVOCA O  XOVES  28 DE MARZO , E QUE SAIRÁ AS 19,30 HORAS DO HOSPITAL DA MARIÑA PARA REMATAR NA PLAZA DO CONCELLO TRAS PERCORRER AS RÚAS DE BURELA.

A MOBILIZACIÓN RESPONDE AO LEMA “ A MARIÑA POLA SANIDADE PÚBLICA . AQUÍ, AGORA E SEMPRE”, en clara alusión ao lema que ilustran as camisetas  solidarias que este colectivo comercializa, e que fan referencia á sanidade de proximidade que reclamamos para a comarca.

Moitas grazas

Hospital, Sanidad

A PLATAFORMA SANITARIA ESIXE AO SERGAS QUE DÉ A CARA E GARANTA A MARIÑÁS E MARIÑAOS O RESTABLECEMENTO DOS SERVIZOS DE LOGOPEDIA E FISIOTERAPIA

A PLATAFORMA SANITARIA ESIXE AO SERGAS QUE DÉ A CARA E GARANTA A MARIÑÁS E MARIÑAOS O RESTABLECEMENTO DOS SERVIZOS DE LOGOPEDIA E FISIOTERAPIA.

Trala ruptura do concerto cunha clínica privada, o Sergas deixa sen asistencia a centos de pacientes sin darlles ningún tipo de información.A Mariña 7 de febreiro de 2019. A Plataforma Sanitaria da Mariña esixe ao Sergas que deixe de agocharse e dé a cara ante o gravísimo problema sanitario existente na Mariña, trala ruptura do concerto que o organismo sanitario viña mantendo cunha clínica privada, da que dependía o servizo de logopedia da comarca e que tamén proporcionaba fisioterapia. A Plataforma En Defensa da Sanidade Pública da Mariña foi alertada polas nais e pais de afectad@s do abandono total no que ficaban  ao  quedar as súas crianzas sen logopeda na Mariña e “ sin que o Sergas se dignara siquera a darnos unha explicación.Nin a máis mínima información temos, deixáronnos abandonados, non sabemos que vai pasar.Non teñen vergoña nen humanidade”,- relatan indignad@s .

Para o colectivo sanitario o Sergas chegou xa á súa desvergonza máxima deixando sen asistenza a nenas e nenos , xa non só  en pediatría, senon noutros servizos indispensables e que precisan de continuidade , como son a logopedia e fisioterapia ,tamén concertada coa clínica privada e que tamén  está afectada polo cese do convenio. Vemos así como a sanidade pública da Mariña avanza a pasos de xigante no seu desmantelamento trala supresión da área sanitaria, e mesmo os seus efectos son moito máis devastadores e rápidos do que esta Plataforma  calculou. “ Gostarianos saber onde andan agochados nestes momentos de crise os señores Balseiro e Vega para que nos relaten cales son os máis e mellores servizos que ían implantar, onde está a blindaxe do hospital ou cales son os numerosísimos profesionais que ían vir para Burela.Esiximos a estes dous representantes do goberno na Mariña que saian da coelleira onde están refuxiados e cumpran coas súas obrigas co pobo”- manifesta a coordinadora , Montse Porteiro.

O hospital queda hoxe cun só hematólogo para atender aos máis de setenta mil habitantes da Mariña.

Segundo vimos de coñecer a través de pacientes aos que se lles suspendeu a consulta de hematoloxía que tiñan hoxe no hospital, o centro sanitario queda hoxe cun so hematólogo dos tres que hai actualmente , dado que un deles colleu un permiso e a terceira  hematóloga foi derivada ao HULA como está a facer cada xoves. A Plataforma xa alertou hai tempo desta situación, e non se lle puxo remedio, so se adicaron a tachar de alarmistas e mentireir@s @s activistas deste colectivo. Agora volve ocurrir e “este é outro exemplo máis da incompetencia para xestionar e do agravio ao que se ten sometida a esta comarca, pois están a derivar a outra facultativa cara ao HULA, que xa dispón de dez hematólog@s en plantilla, sen importarlles como quedamos. Abandonad@s polo Sergas e polo goberno do PP son as palabras máis axeitadas para definir esta situación”- coméntan Víctor Vila, portavoz do colectivo.

A Plataforma fai un chamamento a veciñas e veciños para que acudan este domingo a Compostela a manifestarse en defensa da sanidade pública.

Desde o colectivo animan a mariñás e mariñaos a que acudan á manifestación que o próximo domingo día 10 de febreiro percorrerá as rúas de Compostela , e que parte da Alameda ás 12 horas, para berrar alto, forte e nunha soa voz que queremos unha sanidade pública de calidade, digna, universal, gratuita e equitativa.

Barreiros, Concello, Salud, Sanidad

EN BARREIROS QUEDOU RESTABLECIDO O SERVIZO DE PEDIATRÍA, SEGUNDO DEU A COÑECER HOXE O ALCALDE, ALFONSO FUENTE PARGA

EN BARREIROS QUEDOU RESTABLECIDO O SERVIZO DE PEDIATRÍA, SEGUNDO DEU A COÑECER HOXE O ALCALDE, ALFONSO FUENTE PARGA.

Barreiros, 1 de febreiro de 2019. En Barreiros quedou restablecido o servizo de pediatría, segundo deu a coñecer esta mañá o alcalde, Alfonso Fuente, que lembrou que foi posto en marcha en 2011 cun goberno do PP á fronte da Xunta de Galicia.

O rexedor explicou que “no día de onte en Barreiros quedaba restablecido o servizo de pediatría. Xa hai un pediatra para atender os nenos e nenas do noso concello e a semana que vén continuará este profesional prestando o servizo; despois esperamos que se incorpore a pediatra que estaba neste centro médico”.

Fuente Parga contou que “falei persoalmente co xerente da Área Xestión Integrada da provincia de Lugo, Ramón Ares, e confirmoume que, a pesar dos poucos facultativos de pediatría que hai, conseguiron cubrir este servizo e esperan que as carencias que poida haber sexan as mínimas posibles tendo en conta este feito. Dende onte xa pasaba consulta o pediatra no centro médico de Barreiros, que seguira a próxima semana e ata que se reincorpore a facultativa que está habitualmente”.

O alcalde tamén aludiu a que este asunto se abordou no pleno celebrado no Concello hai uns días: “como a oposición no último pleno insistiu moito neste feito, aproveito para recordar que este servizo de pediatría se puxo en marcha no centro médico de Barreiros no ano 2011, gobernando xa o Partido Popular na Xunta. Un servizo que naquel momento entendemos que era importante, dado que somos un concello de 2.900 habitantes que contamos cunha gardería municipal e poucos municipios de Galicia con esta poboación teñen unha instalación deste tipo. Polo tanto desde o equipo de goberno do Concello de Barreiros temos claro que queremos protexer, coidar e dar todos os servizos aos nosos nenos e nenas do concello. Primeiro coa gardería e loitamos naquel momento, no 2011, por ter o servizo de pediatría. E quero recordarlle á oposición, como xa o fixen no pleno, que evidentemente se agora se estaba debatendo se se cubría ou non o servizo era porque se puxo gobernando o Partido Popular na Xunta atendendo á solicitude deste equipo de goberno”.

Alfonso Fuente Parga lembrou: “Pero entre o anos 2005 e 2009, cando gobernou o bipartito na Xunta, non puxeron en marcha este servizo no centro médico de Barreiros, polo que parece que para eles non era moi importante este servizo naquel momento, porque entre os anos 2005 e 2009 xa había nenos e nenas no concello e xa estaba funcionando tamén a gardería municipal. Pero eles parece que non entendían que fora necesario o pediatra no noso centro médico. Sen embargo pouco a pouco foise mellorando o servizo asistencial que se presta no centro médico, a pesar das críticas á política sanitaria do Partido Popular que seguen verténdose desde a oposición; imaxino que o fan porque estamos preto dunhas eleccións”.