Archivo de la categoría: Hospital

A PLATAFORMA SANITARIA PARABENIZA Á COMARCA DA MARIÑA POLA AMPLIACIÓN DO HOSPITAL , RESULTADO DA LONGA E INTENSA LOITA SOCIAL

A PLATAFORMA SANITARIA PARABENIZA Á COMARCA DA MARIÑA POLA AMPLIACIÓN DO HOSPITAL , RESULTADO DA LONGA E INTENSA LOITA SOCIAL.

Tras unha longa étapa de reivindicacións,  a contestación social mariñá logra materializarse na ampliación do hospital, máis lamentan  que non se acompañe de novos servizos e prestacións.

A Mariña 16 de outubro de 2018. A Plataforma Sanitaria ,diante do despliegue de cargos e medios que onte acompañaron ao Presidente da Xunta na visita da obra de ampliación do Hospital da Mariña, desexa parabenizar ao conxunto de veciñas e veciños da Mariña polo logro que supuxo a longa e intensa loita  e que se materializou nesta ampliación de espazos.

Desde o ano 2009 ate a actualidade a comarca da Mariña  desenvolveu  unha frenética  mobilización social para reclamar a máis que necesaria ampliación do hospital, que  debe ir acompañada de novos servizos e prestacións e non só de metros cadardos. Durante esta longa etapa tivemos que sufrir por parte do PP  múltiples descalificacións  e reiteradas promesas incumpridas que , casualmente  sempre coincidían con períodos electorais, pero que” logo das citas coas urnas quedaban en  fume de carozo”- comenta o portavoz da Plataforma Sanitaria.

A día de hoxe a longa lista de agarda para consultas, probas diagnósticas e intervencións cirúrxicas, xunto co elevado número de derivacións  segue a ser o problema sanitario  que máis preocupa e padece a poboación mariñá, e lonxe de diminuir parece que vai en aumento , malios anuncios nos medios de comunicación de tempos medios de agarda maquillados e sesgados ,  incumplindo sistemáticamente a lei de garantías sanitarias.

Desde o colectivo sanitario confirman que  a loita non rematou porque  non temos constancia de que se vaia dotar ao Hospital dos novos servizos que se precisan, nin dos aparellos para diagnóstico radiolóxico básicos a día de hoxe e que se están a facer con unidades móbiles , nen do incremento máis que necesario de persoal  imprescindible para  unha asistencia sanitaria de calidade. “ Continuaremos sen tregua coa mobilzación social porque os logros non caen do ceo e, ainda que lento este é o único camiño”-sinalan

A implantación da UMAR foi clave para que se perdera o medo a denunciar

A implantación da UMAR, tras a aprobación da reforma da lei de saúde po parte dun PP en solitario e obviando o gran movemento de contestación social que se desenvolveu no país, foi clave para que @s veciñ@s empezaran a perder o medo a reclamar.Desde que se iniciou a actividade da unidade móbil tramitáronse máis de duascentas reclamacións , das cales moitas foron resoltas satisfactoriamente para @s doentes.

A UMAR vense colocando os primeiros martes de cada mes na entrada principal do hospital e o terceiro martes do mes nun centro de saúde diferente . A próxima cita será o vindeiro martes 20 de novembro no Centro de Saúde de Barreiros de 11 a 13 horas. Nesta ocasión , a maiores das reclamacións que xurdan  demandaremos a cobertura estable e continuada de todas as ausencias xustificadas e permisos da pediatra e a substitución tamén de xeito continuado e estable do médico de familia que leva  máis dun ano de baixa.

DENUNCIA QUE A XERENCIA INTEGRADA “DESPACHOUME CUNHA CARTA CON MOI BOAS PALABRAS PERO DEIXOUME ABANDONADO Á MIÑA SORTE”.

DENUNCIA QUE A XERENCIA  INTEGRADA “DESPACHOUME CUNHA CARTA CON MOI BOAS PALABRAS PERO DEIXOUME ABANDONADO Á MIÑA SORTE”.

Na carta que recibiu en resposta á súa reclamación non lle dan solución  ao seu problema logo de estar agardando un tempo excesivamente longo con molestias que non lle deixan facer unha vida normal.

Tras un accidente no ano 2014 o paciente comeza cunha imposibilidade parcial para ouriñar  que lle obriga a ir ao baño cada pouco tempo pois non é capaz de facer un vaciado completo da vexiga , coas conseguintes molestias e incapacidade para facer unha vida normal.

O doente é seguido polo servizo de Uroloxía desde 2016 e en marzo de 2018 solicítaselle un estudo urodinámico, a realizar como moi tarde en tres meses, para valorar e diagnosticar a súa doenza e porlle un tratamento que solucione o seu problema.

Por iste motivo o paciente acude á Plataforma Sanitaria e , a través da UMAR  tramítase a correspondente reclamación , que se rexistra o día 4 de setembro e figura con número de entrada 3144.

Pasado un mes desde que rexistrou a reclamación o doente recibe unha carta da Xerencia da Xestión Integrada, con saída o 2 de outubro e número 28095, na que “ me despachan con moi boas palabras, pero solucións ao meu problema ningunha, máis ben deixanme abandonado á miña sorte”- relata o paciente indignado e ansioso por poñer fin a unha situación sumamente incómoda e que non lle permite facer unha vida medianamente normal.

Desde a Plataforma Sanitaria indican que coñecen numerosos casos de pacientes que son informados de que teñen que seguir agardando indefinidamente para ser [email protected] mediante unha carta similar a esta . “ Desde logo que nos facemos unha idea da gran incompetecia para a xestión que debe existir na Xerencia desde o momento en que precisan dun mes para certificarlle a un paciente que queda na mesma situación na que estaba,eso si, con moi bos desexos”.

Asemade o colectivo sanitario esixe á Xerencia e ao Sergas que se deixen dunha vez por todas de artigos e reportaxes facendo publicidade enganosa do bo estado da sanidade pública e do ben que xestionan e poñan solucións reais aos problemas [email protected] [email protected] , xa que “volven novamente a incumplir a propia lei de garantías sanitarias á que tanto bombo e pratiño lle deron sen amosar a máis mínima vergoña- conclúen.

PACIENTE PENDENTE DE INTERVENCIÓN DENUNCIA SENTIRSE ENGANADO POR PARTE  DO SERVIZO DE ATENCIÓN AO PACIENTE, QUE LLE ESTÁ A DAR LARGAS PARA EVITAR QUE RECLAME

PACIENTE PENDENTE DE INTERVENCIÓN DENUNCIA SENTIRSE ENGANADO POR PARTE  DO SERVIZO DE ATENCIÓN AO PACIENTE, QUE LLE ESTÁ A DAR LARGAS PARA EVITAR QUE RECLAME .

O paciente acudiu ate catro veces ao servizo de atención ao paciente para reclamar e alí déronlle datas para a intervención que resultaron todas falsas.

A Mariña, 26 de outubro de 2018. O paciente padece de dor e incapacidade para a mobilidade na  rodilla esquerda desde decembro do 2017. Acudiu ao seu médico de familia e ao PAC , e fixéronlle probas radiolóxicas pero como os síntomas non ceden volve ao seu médico : nesta ocasión  solicítalle  unha resonancia , feita en marzo de 2018 na sanidade privada.

Pero a súa dor non se alivia e en Xuño do ano actúal sofre rotura do menisco interno da rodilla esquerda. Solicítase cita para traumatoloxía que decide que hai que intervilo. Adxudícanlle unha prioridade dous ( ou preferente) e fanlle o preoperatorio. Como a dor e a impotencia funcional continúan e mesmo se acrecentan o doente acude a atención ao paciente para saber qiue ocurre co seu proceso. Neste servizo  indícanlle unha primeira data aproximada para a operación que non se cumple polo que volve ao devandito servizo a preguntar novamente. “Acudín até catro veces a Atención ao Paciente e de cada vez ´dabanme unha data diferente, ningunha das cales era certa.Estiveron mareando en min tempo e tempo, dándome largas para que me fora para a casa e mantivera a boca pechada sen facer reclamación . Enganáronme “- relata o paciente con evidente disgusto e raiba contida.

Por ista razón e xa desesperado contacta coa Plataforma Sanitaria, que tras escoitar o seu relato redacta a correspondente reclamación oficial e rexístrase  o día 23 de outubro de 2018 con número de entrada 3.742. A maiores o doente manifesta o seu desexo de que “ a miña reclamación sexa publicada na prensa pois quero que todo o mundo coñeza os procedementos da dirección do centro para que non reclames”-  lamenta o  doente.

Para  a Plataforma Sanitaria  estas estratexias espúreas da dirección do centro para calar á xente e que non denuncie, dándolle largas e xogando coa  súa dor e sufrimento  superan xa todos os  límites  tolerables e demostran que “ lles vale calquera cousa por alonxada que esté da ética e a decencia con tal de agochar a lama na que están inmersos co tema sanitario, que é moita,  e salpica á totalidade dos cargos da sanidade e do goberno”- declara o portavoz da Plataforma Sanitaria.

 

Segundo nos comenta a coordinadora do colectivo sanitario estase a incumplir a  lei de garantías sanitarias xa que nestes momentos superanse con creces os sesenta días que marca a devandita lei para realizar as intervencións cirúrxicas, e “ estase a incumplir de xeito premeditado para poder derivar aos hospitais privados que teñen de man e que tantas cadeiras e portas xiratorias lles proporciona”.

 

A Plataforma Sanitaria celebra  formar parte do discurso de Feijoo no Parlamento.

Desde o colectivo sanitario amosaban  a súa satisfacción por formar parte do discurso do Presidente da Xunta cando declaraba que “ determinadas plataformas que formalizan queixas e denuncias no ámbito sanitario estan cheas de altos cargos do bipartito”. O colectivo asegura que  van no bon camiño e que seguirán a loitar, pois estas declaracións de Feijoo amosan “o grado de erosión que esta a sufrir o goberno nesta crise sanitaria de enorme magnitude”- conclúen

A UNIDADE MÓBIL DE AXUDA COAS RECLAMACIÓNS (UMAR) ESTARÁ EN LOURENZÁ O VINDEIRO MARTES 16 DE OUTUBRO

A UNIDADE MÓBIL DE AXUDA COAS RECLAMACIÓNS (UMAR) ESTARÁ EN LOURENZÁ O VINDEIRO MARTES 16 DE OUTUBRO

A mesa informativa colocarase na entrada do centro de saúde en horario de 11 a 13 horas.

O centro de saúde de Lourenzá acollerá o próximo martes 16 de outubro a Unidade Móbil de Axuda coas Reclamacións (UMAR) no horario habitual, de 11 a 13 horas. Dita mesa ten como obxectivo principal informar a [email protected] , profesionais e colectivos de todo aquelo que precisen en relación a tempos de agarda excesivos para realizar probas diagnósticas,consultas ou intervencións cirúrxicas . Tamén axudarán , a quen así o solicite, na redacción e rexistro de reclamacións.

A UMAR entrou en funcionamento o pasado mes de abril, pouco despois de ser aprobada a reforma da lei de saúde polo PP en solitario, co rexeitamento de toda a oposición e cunha masiva contestación social que ningunearon . Desde a súa implantación dito dispositivo foi gañando apoios paulatinamente , e na actualidade goza do beneplácito de toda a comarca e mesmo trascende os límites da Mariña. Cunha periodicidade de dúas veces ao mes, a UMAR ubícase o primeiro martes de mes na entrada principal do hospital e o terceiro martes nun centro de saúde que é diferente cada mes. O número de reclamacións rexistrada e resoltas vai in crescendo e non só se limita ás datas nas que hai UMAR , senon que existe un goteo continuo a través do correo da Plataforma Sanitara ou de chamadas telefónicas.

Nesta ocasión esta localización da UMAR ten un sgnificado especial pois Lourenzá , xunto con Barreiros e Mondoñedo comparten pediatra e actualmente os tres centros de saúde carecen do servizo, xa deficiente en condicións normais, ao estar de baixa a profesional e non ser cuberta . Este feito está a causar serios problemas na atención de nenos e nenas destes concellos, problema denunciado nos medios de comunicación días atrás e que produciu situacións esperpénticas e inadmisibles como un atraso de case tres meses na reprogramación de revisións protocolizadas.

Por iste motivo desde a Plataforma Sanitaria animamos ás veciñas e veciños do concello de Lourenzá a que se acheguen o vindeiro martes 16 de outubro ao centro de saúde para denunciar públicamente o que consideramos é unha vulneración dun dereito fundamental, agravado ao tratarse de persoas de curta idade.

Para máis información chamar a Víctor Vila 677343429 ou a Montse Porteiro 615187637

PREVISIÓN INFORMATIVA MÉRCORES 2  DE OUTUBRO de 2018

PREVISIÓN INFORMATIVA MÉRCORES 2  DE OUTUBRO de 2018

Data:  Mércores 2 de OUTUBRO de 2018

Hora:  11 -13 horas

Lugar:  Entrada do Hospital da Costa

Asunto : Colocación da Unidade Móbil de Axuda coas Reclamacións ( UMAR ) na  entrada do Hospital. Trátase dunha mesa informativa onde profesionais ,[email protected]  e colectivos poderán consultar dúbidas sobre derivacións, tempos de agarda. Tamén prestamos axuda para redactar reclamacións e para presentalas no rexistro.

 

                             

Para máis información, chamar a Victor Vila 677343429 ou a Montse Porteiro 615187637

A UNIDADE MÓBIL DE AXUDA COAS RECLAMACIÓNS (UMAR) VOLTA O MARTES 4 DE SETEMBRO  Á ENTRADA PRINCIPAL DO HOSPITAL

A UNIDADE MÓBIL DE AXUDA COAS RECLAMACIÓNS (UMAR) VOLTA O MARTES 4 DE SETEMBRO  Á ENTRADA PRINCIPAL DO HOSPITAL.

 Desde a Plataforma Sanitaria anuncian tamén que a UMAR retoma a súa actividade en Atención Primaria o terceiro martes de setembro,  despois do descanso estival.

A Mariña 31 de agosto de 2018. A Unidade Móbil de Axuda Coas Reclamacións  (UMAR)volverá colocarse o vindeiro martes 4 de setembro na entrada  principal do Hospital da Mariña. A mesa informativa colocarase no seu horario habitual, de 11 a 13 horas, para proporcionar información a [email protected] , profesionais e colectivos en materia de derivacións e  agardas , e mesmo prestarán axuda para redactar reclamacións e para a súa presentación no rexistro.

A Plataforma Sanitaria informa tamén de que a actividade da UMAR en Atención Primaria retomarase, tras un período de descanso estival no Centro de Saúde de Viveiro. Será o  terceiro martes de mes, o día  18 de setembro de 11 a 13 horas.

  A maior parte das reclamacións respaldadas pola UMAR foron resoltas en tempo record.

O colectivo sanitario amosa a súa  total satisfacción e cataloga como un éxito a implantación destas mesas informativas, polas que pasaron [email protected] mariñás e mariñaos  demandando información, manifestando o seu malestar pola deriva da sanidade pública e  presentando reclamacións. A maior parte das reclamacións respaldadas por esta Unidade Móbil foron resoltas case de inmediato pola dirección do hospital , o cal da unha idea da incompetencia  xestora  da  Xerencia ,  máis tamén  revalida a importante función social que está a desenvolver este dispositivo móbil , totalmente instalado na comarca da Mariña.

A UNIDADE MÓBIL DE AXUDA COAS RECLAMACIÓNS (UMAR) VOLVERÁ Á ENTRADA DO HOSPITAL O PRÓXIMO MARTES 7 DE AGOSTO

A UNIDADE MÓBIL DE AXUDA COAS RECLAMACIÓNS (UMAR) VOLVERÁ Á ENTRADA DO HOSPITAL O PRÓXIMO MARTES 7 DE AGOSTO.

A mesa informativa para [email protected] , profesionais  ou colectivos colocarase na entrada principal en horario de 11 a 13 horas.

O vindeiro martes día 7 de agosto a Unidade Móbil de Axuda coas Reclamacións ( UMAR ) volve a estar na entrada principal da Mariña  en horario de 11 a 13 horas para atender todas aquelas dúbidas que poidan xurdir en temas de agardas, derivacións ou outras , tanto a [email protected] como a profesionais ou colectivos. Do mesmo xeito, ofrécese tamén para axudar na redacción de reclamacións  a quen precise e mesmo na súa entrega no rexistro.

Desde a Plataforma Sanitaria da Mariña animamos a [email protected] [email protected] veciñ@s que queiran reclamar por considerar que hai atrasos para facer unha proba diagnóstica, para unha consulta ou unha intervención cirúrxica que se acheguen ate a entrada do hospital e contacten con nós.

A Plataforma Sanitaria quere recordar tamén que durante o mes de agosto só funcionará a UMAR no hospital ,  aplazándose a UMAR que o terceiro martes de mes tería que estar nun centro de saúde ata setembro.

DENUNCIA QUE LEVA AGARDANDO OITO MESES PARA RECIBIR FISIOTERAPIA POR UNHA ENFERMIDADE INVALIDANTE

DENUNCIA QUE LEVA AGARDANDO OITO MESES PARA RECIBIR FISIOTERAPIA POR UNHA ENFERMIDADE INVALIDANTE .

O paciente está diagnosticado de espondiloartrose lumbar, enfermidade dexenerativa e invalidante que afecta aos discos e ás vértebras e que produce importante dor e rixidez ,podendo tamén desencadear espolóns que pincen raíces nervosas e hernias de disco. Por iso é clave a instauración  precoz dun tratamento rehabilitador, orientado á eliminación da dor, á melloría da mobilidade e  para evitar rixideces .

Este usuario acude ao servizo de Rehabilitación do Hospital da Mariña donde é visto pola facultativa rehabilitadora , que prescribe fisioterapia en clínica concertada o día 26 de outubro de 2017. Oito meses despois desta prescripción ainda non foi chamado .  “Como pasaba o tempo e non me chamaban da clínica privada achegueime ata alí a preguntar canto tempo máis tiña que agardar, e cal sería a miña sorpresa cando me contestan que non recibiran a petición”- comenta o paciente abraiado.

Diante desta deixadez da administración o paciente contacta coa UMAR.

Por iste motivo decide acudir á  Unidade Móbil de Axuda coas Reclamacións (UMAR), que desde hai tres meses presta axuda a [email protected], profesionais e colectivos , e decide poñer unha reclamación que lle redacta a devandita unidade  e que se presenta no rexistro o día 20 de xuño de 2018, con número de rexistro 2518.

A solución ao gran problema da Rehabilitación e Fisioterapia pasa pola contratación de profesionais e apertura dos ximnasios de Atención Primaria en quenda de tarde.

Desde a Plataforma Sanitaria reiteramos a nosa indignación pola inexcusable falta de previsión que mantén o SERGAS e as Xerencias , que cremos é  premeditada e froito dunha estratexia para desmantelar os servizos sanitarios públicos en aras dunha privatización da sanidade que avanza a “toda máquina.” A Plataforma Sanitaria  explicou por activa e por pasiva que o gran problema das excesivas agardas podería ter solución se hai vontade política para facelo . “ Esta solución ao gran problema da rehabilitación pasa por contratar en quendas de tarde fisioterapeutas que den uso aos ximnasios que xa están habilitados en quenda de mañá , ou mesmo dotar de persoal a outros coma o de Mondoñedo , que está pechado e os pacientes desa zona vense [email protected] a desprazarse cara a Foz, ou  habilitar un espazo no centro de saúde de Burela e dotalo de material e profesionais para  poder implantar o servizo. Gran parte dos problemas de agardas excesivas teríanse solucionado se contratarán oito fisioterapeutas que permitiran abrir as instalacións en quenda de tarde e que reforzaran tamén as tardes no servizo de rehabilitación hospitalario, como ben lle dixemos ao deputado Vega- explica o portavoz da Plataforma,  Víctor Vila.

O colectivo en defensa da sanidade pública esixe aos responsables da política sanitaria que deixen dunha vez por todas de enganar á poboación e comecen a facer as dilixencias que sexan precisas para rematar con esta situación que comeza a ser xa un problema de saúde pública e cada día que pasa tensa máis a corda da insatisfacción [email protected] [email protected]. “ A xente xa non está disposta a aguantar máis nen tampouco vai tolerar máis contestacións subidas de tono por parte da dirección do hospital cando [email protected] deciden presentar unha queixa ou sobre todo cando acuden á Plataforma Sanitaria para que lles asesore ”- conclúen.

A Unidade Móbil de Axuda Coas Reclamacións ( UMAR ) colocarase na entrada do Centro de Saúde de Ribadeo

PREVISIÓN INFORMATIVA

Data:  Martes 17 de Abril de 2018

Hora:   11- 13 horas

Lugar:  Centro de Saúde de Ribadeo

Asunto:  A Unidade Móbil de Axuda Coas Reclamacións ( UMAR ) colocarase na entrada do Centro de Saúde de Ribadeo  onde resolverá as dúbidas de calquera veciñ@ que se achegue ou  profesional en materia de tempos de agarda , derivacións ou calquera outra cuestión e mesmo lles prestará axuda para a redacción de reclamacións.