Archivo de la categoría: Cultura

CONTINÚA O BARREIROS CONVÍDATE, CON 5 ACTUACIÓNS PARA REMATAR O MES DE AGOSTO

CONTINÚA O BARREIROS CONVÍDATE, CON 5 ACTUACIÓNS PARA REMATAR O MES DE AGOSTO

Música nas prazas e cine ó aire libre en 5 ubicacións diferentes.

Barreiros, 21 de agosto de 2020. A programación cultural organizada polo Concello de Barreiros, como mostra da aposta pola reactivación cultural do municipio, visita neste final de mes cinco localizacións diferentes (Celeiro, San Cosme, San Bartolo, San Xusto e Vilamartín Grande) co obxectivo de “achegar, pouco a pouco, os actos culturais a cada recuncho do concello” segundo o concelleiro de dinamización e participación veciñal, Dani García. “Tivemos unha boa acollida das primeiras 3 actividades con moita participación e moito respecto polas normas de hixiene polo que lle agradecemos á xente a comprensión das circunstancias peculiares nas que se desenvolve a programación e invitámola a seguir disfrutando dela” apunta o concelleiro.

As vindeiras actuacións serán as do grupo Tumba e Dálle en Celeiro de Mariñaos (sábado 22, 20:30h ), a Banda de música de Foz na pista de San Bartolo (domingo 23, 20:30h) mentres que Charo Pita actuará na praza do Concello co seu espectáculo “a familia papaventos” dirixida ó público infantil (luns 24, 19:30h). Para o mércores 26 a cita será co cine ao aire libre coa proxección do fime “O que arde” en San Xusto (22h) e cerrará o mesde Agosto a actuación de Tumba e Dálle en Vilamartín Grande (sábado 29, 20:30h).

Esta serie de actividades enmárcanse dentro do programa Barreiros Convídate financiado con abeiro ao plan único da Deputación de Lugo, ademais da aportación do Pacto de Estado contra a violencia de xénero con cargo ao que se organiza a actividade “a familia papaventos” de Charo Pita.

Unha programación cultural adaptada á nova normalidade

As áreas de dinamización e participación veciñal e de igualdade do Concello de Barreiros realizaron esta programación de xeito transversal adaptando a oferta cultural do municipio ás normativas vixentes co fin de achegar as actividades culturais e educativas a todo o concello.

Barreiros Convídate, a oferta cultural do Concello de Barreiros para agosto e setembro

Barreiros Convídate, a oferta cultural do Concello de Barreiros para agosto e setembroLa imagen puede contener: 1 persona, exterior

Adxúntase o cartel coas actividades e a foto da presentación cos concelleiros Montse Porteiro e Daniel Garcia.

13-08-20

 Barreiros, 13 de agosto 2020. Daniel García, concelleiro de dinamización, e Montse Porteiro, concelleira de igualdade, presentaron hoxe o programa Barreiros Convídate, programa de actividades co que dende o Concello de Barreiros se pretende reactivar a oferta cultural do municipio.

A programación para os vindeiros meses de Agosto e Setembro contará con actividades de diversos tipos como cine ao aire libre, actuacións musicais, teatro e contacontos repartidos por diversas parroquias do municipio.  Estes espectáculos estarán dirixidos a todos os públicos e contarán cun número importante de actividades ao aire libre no que se pretende, según o concelleiro de dinamización e participación veciñal, “facer das prazas un lugar de encontro seguro e lúdico ao mesmo tempo”.

Quico Cadaval, Charo Pita, Cándido Pazó, Oliver Laxe, Amador Arias e artistas locais e comarcais completan o elenco desta programación

As actividades comezaron o pasado día 3 de Agosto coa proxección da película María Solinha de Ignacio Vilar, “todo un éxito de público e crítica”, según o concelleiro Dani García, que tamén recalca que serán actos que cumplirán con tódalas medidas sanitarias vixentes.

Neste mes de Agosto, haberá actuacións musicais e cine ao aire libre sendo todas as actividades no exterior (sempre que as condicións metereolóxicas o permitan) entre as que destaca a proxección do filme “O que arde” coa presenza de Óliver Laxe e Amador Arias.

Setembro será un mes adicado ao teatro con, entre outras, dúas actuacións de renome como “Memorias dun neno labrego” de Cándido Pazó e a obra “Cadaval conta.. vacas, guerras, porcos e cregos” de Quico Cadaval.

Estas actividades son financiadas con fondos propios do Concello e tamén con axudas do Pacto de Estado contra a Violencia de Xénero, así como a colaboración da área de Cultura da Deputación Provincial de Lugo e os programas Agadic e Ler Conta Moito da Xunta de Galicia.No hay ninguna descripción de la foto disponible.

BARREIROS PON EN MARCHA UN CURSO A DISTANCIA DE DEBUXO E PINTURA IMPARTIDO POLO ACUARELISTA JUAN RAMÓN ALVES

BARREIROS PON EN MARCHA UN CURSO A DISTANCIA DE DEBUXO E PINTURA IMPARTIDO POLO ACUARELISTA JUAN RAMÓN ALVES

O acuarelista leonés, con segunda residencia en Barreiros, ofreceu a súa colaboración ao Concello para dar clases mediante a rede social facebook a pequenos e maiores.

Barreiros, 15 de abril de 2020. O Concello de Barreiros pon en marcha un curso a distancia de debuxo e pintura dirixido ás nenas e nenos, mais tamén para persoas adultas, que será impartido polo acuarelista leonés Juan Ramón Alves.

A iniciativa partiu do propio artista, que ten vivenda en Barreiros, e que xa no verán pasado mostrara a súa obra no centro sociocultural barreirense. A proposta foi moi ben acollida polo executivo local, ao tratarse “dunha iniciativa de aprendizaxe e entretemento que nos fai chegar unha persoa con un alto coñecemento da técnica e que se presta a compartilo gratuitamente co conxunto da veciñanza.”

“É un luxo poder contar coa colaboración totalmente desinteresada dunha persoa do nivel de Juan Ramón Alves para achegar as técnicas de debuxo e pintura ás veciñas e veciños”, sinala a alcaldesa. Para Ana Ermida, este tipo de propostas como a ofrecida por Alves “demostran que nas situacións máis adversas sae o mellor das persoas que están dispostas a aportar tempo e coñecemento aos demais para axudar a levar mellor estes momentos”, agradece.

“Pinteando en Barreiros”, o grupo de facebook para aprender.

Para a posta en marcha do curso cóntase con un grupo de facebook chamado “Pinteando en Barreiros”, xestionado polo propio artista e persoal municipal, no que se compartirán as leccións e indicacións.

Aquelas persoas que teñan interese no curso, deberán trasladalo por mensaxe privada ou comentario na páxina de facebook do Concello de Barreiros ou solicitando a inclusión no grupo.

No grupo, o artista proporcionará contidos e actividades para ensinar as técnicas de debuxo e pintura e compartirá ensinanzas mediante documentos e titoriais para acompañar ás persoas que participen.

Haberá distintas publicacións dirixidas ás nenas e nenos e tamén a persoas adultas para que o grupo sexa dinámico e adaptado ás circunstancias de cada quen.

“Non se trata dun curso no que se busquen cualificacións finais, nen moito menos. Do que se trata é de que as persoas que poidan ter interese e lles apeteza practicar estas técnicas conten con un acompañamento profesional e as poidan desenvolver do mellor xeito posible, contribuíndo a ocupar o tempo libre e fomentando a capacidade artística da xente”, explican desde o goberno municipal.

Desde a institución municipal animan ás veciñas e veciños a participar nesta experiencia e compartir as súas aprendizaxes nas redes sociais baixo o cancelo #PinteandoEnBarreiros.

A PARTIR DO DÍA 18 E ATA O 30 DE DECEMBRO A EXPOSICIÓN “CULTURAS EN DIÁLOGO – SOMOS MIGRANTES, ABRIMOS CAMIÑOS” PODERÁ VISITARSE NOS COLEXIOS VELLOS DE SAN MIGUEL DE REINANTE

A PARTIR DO DÍA 18 E ATA O 30 DE DECEMBRO A EXPOSICIÓN “CULTURAS EN DIÁLOGO – SOMOS MIGRANTES, ABRIMOS CAMIÑOS” PODERÁ VISITARSE NOS COLEXIOS VELLOS DE SAN MIGUEL DE REINANTE

A Área de Cultura da Deputación de Lugo, o Concello de Barreiros e o Seminario de Estudos “Os Espigueiros” coorganizan esta mostra.

Barreiros, 18 de decembro de 2019. Coincidindo co Día Mundial das Migracións inaugurouse en San Miguel de Reinante, nas antigas escolas habaneras, construidas a principios do século XX pola Sociedade “Hijos de San Miguel y Reinante en la Habana”, a exposición “Culturas en Diálogo – Somos migrantes, abrimos camiños”. A exposición poderase visitar ata o 30 de decembro.

Unha exposición que recolle unha parte da historia da nosa emigración

Esta exposición, elaborada e deseñada pola Rede Museística Provincial de Lugo, da Área de Cultura da Deputación e que está circulando por todo o país desde 2014, pertence ao proxecto de museoloxía social e diálogo intercultural denominado Culturas en Diálogo Lugo-Arxentina, proxecto no que participaron  e colaboraron diversas asociacións e persoas vencelladas a diferentes actividades artísticas e culturais de ambas beiras do Atlántico fomentando o intercambio de culturas. Entre os artistas que colaboraron está tamén  o fotógrafo barreirense Xosé Reigosa.

A xerente da Rede Museística, Encarna Lago foi a encargada de guiar aos asistentes nesta exposición, explicando a mesma, acompañada pola presidenta do Seminario de Estudos “Os Espigueiros” Noela Fernández Soto, a deputada provincial Mónica Freire Rancaño e a alcaldesa de Barreiros Ana Ermida, que tamén interviron no acto de inauguración.

O antigo Edificio Escolar da Sociedade “Hijos de San Miguel y Reinante”, un emblema histórico e cultural

A Rede Museística Provincial de Lugo, o Concello de Barreiros e o Seminario de Estudos “Os Espigueiros” escolleron as  antigas escolas habaneras de San Miguel de Reinante para esta exposición, polo significado e a historia que este noble edifico atesoura, memoria viva da emigración barreirense e mariñá a América a finais do século XIX e principios do XX. Na exposición, ademais de fotografías e material relacionado coa emigración a Arxentina e Uruguay poderase contemplar tamén parte do fondo fotográfico e documental sobre a emigración a Cuba, recopilado polo Seminario de Estudos “Os Espigueiros”, de San Miguel.

O antigo Edificio Escolar da Sociedade “Hijos de San Miguel y Reinante”, construido a principios do século XX, foi remodelado e rehabilitado pola Área de Cultura da Viceprensidencia da Deputación no ano 2013, invertindo no mesmo a entidade provincial 310.775,80€, e desde aquela alberga numerosas actividades culturais, sociais, educativas e de lecer, organizadas por diferentes asociacións do concello, seguindo así o ronsel e a filosofía das súas orixes primixenias que tan ben definiron aqueles filántropos da diáspora.

 

Horarios para visitar a exposición: 

Xoves 19, de 16:00 a 20:00

Venres 20, a partir das 20:00

Sábado 21, a partir das 19:00

Domingo 22, a partir das 17:00

Luns 23, de 16:00 a 18:00

Xoves 26, de 16:00 a 18:00

Venres 27, de 16:00 a 18:00

Sábado 28, de 11:00 a 13:00

Luns 30, de 16:00 a 18:00

“O Documento” Colectivo Cultural Ollomao

🎭 Achégase o Nadal e con el as habituais voltas. E, claro, no noso caso a volta dunha nova obra de #teatro. Chámase “O Documento” e, por suposto, imos contarvos un pouco de que vai:

“Manueliño atopa unha carta de amor no mandil da súa moza Sabeliña. Desesperado polos celos non atopa outra saída que…”

Non pensariades que iamos facer un spoiler, non? 😃
Para coñecer o desenlace nada mellor que vivilo na estrea desta nova peza que terá lugar nos 📍Colexios Vellos de San Miguel nas seguintes datas:

📆Venres, 20 de decembro, ás 22:00h.
📆Sábado, 21 de decembro, ás 20:00h.
📆Domingo, 22 de decembro, ás 18:00h.

🎟Prezo da entrada: 4€.

Un documental repasa a vida e a obra de Celso Dourado e o espazo que creou en Barreiros

Un documental repasa a vida e a obra de Celso Dourado e o espazo que creou en Barreiros

Martín G. Rodil dirixe a peza audiovisual, na que se dan cita voces de persoas que falan sobre o home e o artista

Celso Dourado. AXM

O documental ‘Eido Dourado‘, sobre o espazo de arte do mesmo nome que no pasado ano pechou en Barreiros despois de dez anos de andaina, repasará “a persoa e a obra” do pintor mariñao Celso Dourado, o seu promo

Dirixida por Martín G. Rodil, a peza audiovisual “é unha celebración da creatividade e a vida, na que se dan cita as voces de persoas que o coñecen para falar da persoa e do artista”.

TRÁILER

O filme conta con imaxes inéditas gravadas ao longo de varios anos. Pero, sobre todo, é “o esbozo dun creador único, no que sobresae a propia voz de Dourado para amosarnos que non existe maior tesouro na existencia que atopar un lugar, o verdadeiro fogar dun mesmo, e habitalo”.

‘Eido Dourado’ representa, en palabras do director, “a celebración dun lugar simbólico, dunha idea que dá forma a toda unha vida de traballo e dedicación entorno a un proxecto que vai máis alá daquel espazo e dos dez anos de tempo durante os que permaneceu aberto ao público”. Podes ver o tráiler da película nesta ligazón.

AUTOCONSTRUCIÓN E RECICLAXE

No filme descríbese como, logo de máis de 20 anos de traballo, o pintor Celso Dourado abriu ao público o espazo de arte nas inmediacións da praia das Pasadas, baseado na autoconstrucción e na reciclaxe de materiais, e o que isto significou no seu momento para unha persoa cunha traxectoria persoal tan complexa.

ENTREGADOS OS PREMIOS AOS GAÑADORES E GAÑADORAS DO CONCURSO DE POESÍA E DEBUXO DE NADAL, QUE ORGANIZOU A BIBLIOTECA PÚBLICA MUNICIPAL DE BARREIROS

ENTREGADOS OS PREMIOS AOS GAÑADORES E GAÑADORAS DO CONCURSO DE POESÍA E DEBUXO DE NADAL, QUE ORGANIZOU A BIBLIOTECA PÚBLICA MUNICIPAL DE BARREIROS.

Barreiros, 15 de xaneiro de 2019. Nas últimas horas foron entregados os premios aos gañadores e gañadoras do Concurso de Poesía e Debuxo de Nadal, que organizou a Biblioteca Pública Municipal de Barreiros.

Na modalidade de Poesía os participantes que resultaron gañadores foron: Xela Veiga Iglesias, Ángela Ventoso Carrera, Aaron Rodríguez Enterríos, Armando Ventoso Carrera, Saray López García e Anxo López Val.

No apartado de Debuxo os gañadores foron: Leire López Boto, Inés Seco Sánchez e Noa Irimia Mariña.

Xunto ás rapazas e rapaces estivo a concelleira de Cultura, Adela Rodríguez, que agradeceu a participación de [email protected] @s que presentaron os seus traballos a estes certames.

XA SE COÑECEN OS NOMES DAS GAÑADORAS E GAÑADORES DO

XA SE COÑECEN OS NOMES DAS GAÑADORAS E GAÑADORES DO
CONCURSO DE POESÍA E DEBUXO DO NADAL, QUE ORGANIZOU A
BIBLIOTECA PÚBLICA MUNICIPAL DE BARREIROS.
Barreiros, 7 de xaneiro de 2019. A Biblioteca Pública Municipal de Barreiros
fixo público o fallo do xurado do Concurso de Poesía e Debuxo do Nadal.
Na modalidade de Poesía os participantes que resultaron gañadores foron: Xela
Veiga Iglesias, Ángela Ventoso Carrera, Aaron Rodríguez Enterríos, Armando
Ventoso Carrera, Saray López García e Anxo López Val.
No apartado de Debuxo os gañadores foron: Leire López Boto, Inés Seco
Sánchez e Noa Irimia Mariña.
A Concellería de Cultura barreirense felicita aos gañadores e agradece a
participación de [email protected] @s que presentaron os seus traballos a estes certames.

A CONCELLERÍA DE CULTURA DE BARREIROS ORGANIZA UN CURSO DE TÉCNICAS DE RELAXACIÓN E CONCENTRACIÓN

A CONCELLERÍA DE CULTURA DE BARREIROS ORGANIZA UN CURSO DE TÉCNICAS DE RELAXACIÓN E CONCENTRACIÓN.

Barreiros, 4 de outubro de 2018. A Delegación de Cultura, a través da Oficina Municipal de Información Xuvenil, organiza un curso de técnicas de relaxación e concentración.

Esta actividade vai dirixida a [email protected] e adultos, e estase a desenvolver dende o pasado 1 de outubro ata o 31 de maio de 2019. Celébrase os luns e os venres, en horario de 10:30 a 11:30 horas, no salón de usos múltiples do centro sociocultural Manuel Díaz Sampedro de San Cosme de Barreiros.

As inscricións poden facerse na Oficina de Información Xuvenil ata cubrir prazas.