Archivo de la categoría: Teatro

O centro sociocultural Manuel Díaz Sampedro, de Barreiros, acolleu na xornada de onte unha actuación do grupo Odaiko

O centro sociocultural Manuel Díaz Sampedro, de Barreiros, acolleu na xornada de onte unha actuación do grupo Odaiko, especialmente destinada ao público familiar e aos colexios do concello.
A actividade enmarcouse no programa Cultura no Camiño 2019 da Xunta de Galicia.
Ata o centro sociocultural acudiron as concelleiras Montserrat Porteiro e Carmen Veiga, que lles dirixiron unhas verbas aos asistentes ao remate da actuación de Odaiko.La imagen puede contener: 1 persona, sentado, multitud e interior La imagen puede contener: una o varias personas, multitud e interior La imagen puede contener: una o varias personas, multitud e interior

ODAIKO PRESENTARÁ O ESPECTÁCULO COUSAS DE CATRO O 18 DE XUÑO NO CENTRO MANUEL DÍAZ SAMPEDRO DE BARREIROS

ODAIKO PRESENTARÁ O ESPECTÁCULO COUSAS DE CATRO O 18 DE XUÑO NO CENTRO MANUEL DÍAZ SAMPEDRO DE BARREIROS.No hay descripción de la foto disponible.

Barreiros, 13 de xuño de 2019. Odaiko presentará o espectáculo Cousas de Catro o vindeiro 18 de xuño en Barreiros.

A cita, incluída no programa Cultura no Camiño 2019 da Xunta de Galicia, correrá a cargo da formación artística Odaiko que presentará o espectáculo teatral-musical dirixido a toda a familia, especialmente para [email protected] de 3 a 11 anos de idade, titulado Cousas de catro. Terán prioridade, ata completar aforo, os/as [email protected] dos colexios de Barreiros.

Trátase dun musical narrado e escenificado por percusionistas. Xunto con instrumentos do mundo da percusión contemporánea, Sergio Sande, Antonio Ocampo, Juan Collazo e Pepe Varela mesturan a creación, referencias humorísticas, artísticas e tradicionais, máis o efecto sorpresa, destacando sempre a importancia do traballo en equipo.

O espectáculo terá lugar o vindeiro martes, 18 de xuño, no centro sociocultural Manuel Díaz Sampedro de San Cosme de Barreiros a partires das 11:30 horas.

O GRUPO AXOUXERES REPRESENTA EN BARREIROS O 12 DE MAIO A OBRA UN DIVORCIO NO POBO

O GRUPO AXOUXERES REPRESENTA EN BARREIROS O 12 DE MAIO A OBRA UN DIVORCIO NO POBO.

Barreiros, 7 de maio de 2019. O grupo de teatro Axouxeres actuará en Barreiros o domingo, 12 de maio.

Axouxeres porá en escena Un divorcio no pobo, trátase dunha obra cómico-costumbrista apta para todos os públicos.

A función terá lugar no centro sociocultural Manuel Díaz Sampedro, en San Cosme, ás 18:30 horas.

A representación está organizada polo Concello de Barreiros, a través da súa Delegación de Cultura e a Oficina de Información Xuvenil.

 

O CONCELLO DE BARREIROS CELEBRA O DÍA MUNDIAL DO TEATRO O 31 DE MARZO CO GRUPO ARDORA E O SILENZO DO BADAL

O CONCELLO DE BARREIROS CELEBRA O DÍA MUNDIAL DO TEATRO O 31 DE MARZO CO GRUPO ARDORA E O SILENZO DO BADAL.

Barreiros, 25 de marzo de 2019. O Concello de Barreiros organiza unha función especial para conmemorar o Día Mundial do Teatro. Será o vindeiro domingo, 31 de marzo, e correrá a cargo do grupo Ardora, que porá en escena a obra O silenzo do badal. Terá lugar no centro sociocultural Manuel Díaz Sampedro, de San Cosme de Barreiros, ás 18:00 horas.

O evento está organizado pola Delegación de Cultura do Concello de Barreiros, a través da Oficina de Información Xuvenil.

ESTE DOMINGO, 10 DE FEBREIRO, HABERÁ TEATRO EN BARREIROS. FARO-MIÑO PORÁ EN ESCENA LANGREIRA DE AMOR, UNHA OBRA CÓMICA PARA TODOS OS PÚBLICOS

ESTE DOMINGO, 10 DE FEBREIRO, HABERÁ TEATRO EN BARREIROS. FARO-MIÑO PORÁ EN ESCENA LANGREIRA DE AMOR, UNHA OBRA CÓMICA PARA TODOS OS PÚBLICOS.

Barreiros, 8 de febreiro de 2019. O grupo Centro Teatral Faro-Miño actuará este domingo, 10 de febreiro, en Barreiros, onde porá en escena a obra Langreira de amor.

A representación terá lugar no centro sociocultural Manuel Díaz Sampedro, ás 18:00 horas. Trátase dunha obra cómica para todos os públicos.

Está organizada polo Concello de Barreiros, a través da Delegación de Cultura e a Oficina de Información Xuvenil-Biblioteca.

O COLECTIVO CULTURAL OLLOMAO PRESENTA EN CASTROPOL A SÚA “ENCICLOPEDIA ÁLVAREZ”

Barreiros, 23 de xaneiro de 2019.

O COLECTIVO CULTURAL OLLOMAO PRESENTA EN CASTROPOL A SÚA “ENCICLOPEDIA ÁLVAREZ”

A REPRESENTACIÓN TERÁ LUGAR O VINDEIRO SÁBADO 26 DE XANEIRO ÁS 20:30 h NA CASA DA CULTURA (ANTIGO CASINO)

Despois de máis de vinte representacións por toda a xeografía galega e do occidente asturiano, en moitas das cales houbo que colocar o cartel de “non hai entradas” (Betanzos, Vedra, Vegadeo, Rinlo,…), pódese considerar esta produción como un dos éxitos indiscutibles do teatro afeccionado galego desta tempada. Este espectáculo foi galardoado co premio Conde Santo á Mellor obra e co premio Lourenzo ao Mellor Actor Protagonista no I Certame de teatro afeccionado de Lourenzá (no que tamén estivo nominada á mellor posta en escena e á mellor actriz protagonista) e cos premios á Mellor Montaxe e Mellor Actriz Protagonista nos XXI Encuentros Teatrales de Vegadeo (Asturias).  Foi tamén seleccionada para participar no IX Encontro de teatro afeccionado de Betanzos 2018, no Festival Teatrofilia de Vedra e na Mostra Internacional de teatro amador Estenarúa de Ferrol.

Agora, e  despois de todo este percorrido a Enciclopedia de Ollomao chega a Castropol

Enciclopedia Álvarez” é a historia do día a día de catro nenas e catro nenos sometidos á absurda e ilóxica “des-educación” da escola franquista. Os problemas de matemáticas aos que “lles faltan datos” ou están “mal planteados”, as preguntas de catecismo que se contestan de determinada maneira “porque lo pone el libro”, as clases de ximnasia impartidas por mutilados de guerra, as de “hogar” para as nenas a cargo de mulleres da Sección Femenina ou a visita do inspector da Falange, entre outras, poñen sobre o escenario algunhas das incoherencias máis notorias daquel sistema. Unha historia contada con humor, porque desde o humor é máis agradable exercer a sempre necesaria memoria histórica. Unha historia que nos axuda a comprender o absurdo dun sistema educativo autoritario e irracional. Un absurdo incrementado polo paso do tempo, pero que durante máis de corenta anos foi un dogma imposto pola forza. Unha historia que “nos fai pensar mentres escachamos coa risa” en palabra dun dos espectadores asistentes á estrea.

 

O GRUPO DE TEATRO O BORDELO ACTUARÁ EN BARREIROS O 27 DE XANEIRO. TOLURAS DE PROVEITO SERÁ A OBRA QUE REPRESENTARÁ

 O GRUPO DE TEATRO O BORDELO ACTUARÁ EN BARREIROS O 27 DE XANEIRO. TOLURAS DE PROVEITO SERÁ A OBRA QUE REPRESENTARÁ.

Barreiros, 21 de xaneiro de 2019. A Concellería de Cultura barreirense organiza unha representación teatral que terá lugar o vindeiro domingo, 27 de xaneiro.

O grupo O Bordelo porá en escena a obra Toluras de proveito. Será no centro sociocultural Manuel Díaz Sampedro o domingo ás 18:00 horas.

Trátase dunha comedia costumista, orixinal do director do grupo, Francisco Piñeiro.

O GRUPO DE TEATRO A RABELA ACTUARÁ O VINDEIRO DOMINGO, 11 DE NOVEMBRO, EN BARREIROS

O GRUPO DE TEATRO A RABELA ACTUARÁ O VINDEIRO DOMINGO, 11 DE NOVEMBRO, EN BARREIROS, ONDE REPRESENTARÁ A COMEDIA AS CONSULTAS DO DOUTOR BALDOMERO BAUTISTA.

Barreiros, 6 de novembro de 2018. O grupo de teatro A Rabela actuará o vindeiro domingo, 11 de novembro, en Barreiros. Alí representará As consultas do doutor Baldomero Bautista, unha obra cómica cargada de enredos e improvisacións.

A representación, incluída no proxecto teatral Buxiganga da Deputación de Lugo, terá lugar no centro sociocultural Manuel Díaz Sampedro a partir das 18:00 horas.

Colabora, na organización deste evento, o Concello de Barreiros a través da Oficina de Información Xuvenil e da Concellería de Cultura.