Archivo de la categoría: Cultura

O EIDO DOURADO PECHA AS SÚAS PORTAS O VINDEIRO DOMINGO, 19 DE AGOSTO

O EIDO DOURADO PECHA AS SÚAS PORTAS O VINDEIRO DOMINGO, 19 DE AGOSTO, TRAS 10 ANOS DE CONTINUA ACTIVIDADE CULTURAL. FAINO CO CONCERTO QUE OFRECERÁ A BANDA DA LOBA.La imagen puede contener: 5 personas, personas de pie y exterior

A banda da Loba

Concerto de despedida con A banda da loba

Barreiros, 17 de agosto de 2018. O concerto que A Banda da Loba ofrecerá o vindeiro domingo, 19 de agosto, no Eido Dourado servirá como despedida deste espazo, que pecha as súas portas tras dez anos dun proxecto dedicado ao arte e situado na praia barreirense de A Pasada. Acaba o ciclo de concertos Sons no solpor e péchase o Eido Dourado, que durante dez veráns acolleu infinidade de actuacións musicais, recitais de poesía, visitas guiadas e talleres para nenos e nenas, entre outras actividades. O artista Celso Dourado asegura que o espírito do Eido Dourado seguirá, pero fora de Barreiros.
Dourado anunciou que “neste concerto de despedida do Eido Dourado imos contar cun grupo ao que lle teño moito cariño. É un grupo, de nome A Banda da Loba, de música galega e integrado por cinco mulleres que uniron as súas traxectorias para crear un proxecto común. Mesturan o pop, o blues, o folk, o rock e tamén os sons tradicionais, creando un estilo musical moi propio, moi singular”.
Celso Dourado explicou que “Bailando as rúas foi o título do seu primeiro traballo, que é autoproducido e editado no 2017. O máis salientable, pese a xuventude deste grupo, é que no marzo do 2018 gañaron o certame aRi(t)mar de música galego-portuguesa. É un grupo que toma como nome o de A Banda da Loba, non é un nome calquera. Estas cinco mulleres teñen a idea moi clara de escoller o nome vinculado a unha figura feminina coa que se identificaban, estamos falando da bandoleira Pepa A Loba, que foi unha auténtica lenda galega do século XIX”.
O artista barreirense engadiu que “o traballo Bailando as rúas inclúe temas de autoría propios e tamén musica a poetas clásicos como Celso Emilio Ferreiro, Manuel María ou Rosalía de Castro, e de poesía contemporánea como pode ser a de Rosalía Fernández Rial ou Celia Parra. Están nunha xira practicamente por toda Galicia e están colleitando cantidade de éxitos. Se a noite acompaña, como sempre digo, será unha noite máxica”.
Respecto ao peche do Eido, Celso Dourado comentou que “cando co Eido Dourado iniciamos o proxecto, alá polo 2009, sabíamos que era un proxecto tremendamente altruísta, pero enriquecedor e o foi e en certa maneira o sigue sendo. Non contabamos coa cantidade de zancadiñas que nos puxeron neste longo andar. Cando empezaron a caernos algunha que outra denuncia, algunha que outra zancadiña, propuxémonos resistir ao menos dez anos con dignidade e facendo unha actividade cultural vinculada ao noso país. Eses dez anos cumprímolos neste 2018 e a partir de aí veremos, tanto a miña compañeira Tereixa como eu, o que imos facer. Este é o último ano deste proxecto e a ver que pasa”.
Celso Dourado ten claro que “o espírito do Eido Dourado espero seguir manténdoo, case con total seguridade, salvo que cambien moito as cousas, fora de Barreiros”.

Eido Dourado Eido Dourado

Arredor de 200 persoas encheron na noite de onte os xardíns do Eido Dourado, en Barreiros

Arredor de 200 persoas encheron na noite de onte os xardíns do Eido Dourado, en Barreiros, para disfrutar dos sons de Tanxugueiras, as pandereteiras que puxeron a nota musical a unha auténtica noite de verán a carón da praia da Pasada. O concerto, que foi un auténtico éxito, enmárcase no ciclo Sons no Solpor, que organiza o Eido Dourado e polo que xa pasaron este verán formacións como Agüeira Project, Milesios ou Barahunda. Celso Dourado subliñou que “quedamos sen sillas e houbo moita xente que presenciou o concerto de Tanxugueiras de pé. Estamos moi contentos coa acollida que está a ter a nosa programación cultural”.  

 

Arte no Eido Dourado

A actividade non para no Eido Dourado, en Barreiros. Por este espazo dedicado ao arte pasaron os rapaces e rapazas que están a participar no campamento multiaventura medio ambiente e mar, que se desenvolve na Devesa. Os asistentes tiveron a oportunidade de coñecer as creacións do artista Celso Dourado e de visitar os xardíns do Eido, onde os domingos pola noite continúa a celebrarse o ciclo de concertos Sons no Solpor. Onte foi o grupo Barahúnda o que encheu de música este espazo e deleitou ao público coas súas interpretacións.

BARREIROS ACOLLERÁ UN ESPECTÁCULO CON POMPAS DE XABÓN XIGANTES . SERÁ ESTE VENRES, 3 DE AGOSTO, ÁS 12 DO MEDIODÍA NO CENTRO SOCIOCULTURAL

La imagen puede contener: 2 personas, textoBARREIROS ACOLLERÁ UN ESPECTÁCULO CON POMPAS DE XABÓN XIGANTES . SERÁ ESTE VENRES, 3 DE AGOSTO, ÁS 12 DO MEDIODÍA NO CENTRO SOCIOCULTURAL.

Barreiros, 30 de xullo de 2018. A Delegación de Cultura organiza un espectáculo de pompas de xabón xigantes para o público familiar que se celebrará o vindeiro venres, 3 de agosto. Será ás 12:00 horas e terá lugar no centro sociocultural Manuel Díaz Sampedro.

Os Fabulosos Cleaners presentarán un sorprendente espectáculo visual con pompas de xabón dirixido a un público de todas as idades. Interpretado por Xoque Carvajal e Jouse García, é unha creación de Luis Beviá e o propio Xoque Carvajal é quen tamén dirixe esta cita xunto a Marcos Orsi.

É unha actuación enmarcada dentro do programa Cultura no Camiño 2018 da Xunta de Galicia.

O GRUPO GALEGO BARAHUNDA ACTÚA ESTE DOMINGO, 29 DE XULLO, NO EIDO DOURADO EN BARREIROS

O GRUPO GALEGO BARAHUNDA ACTÚA ESTE DOMINGO, 29 DE XULLO, NO EIDO DOURADO EN BARREIROS.

Barreiros, 27 de xullo de 2018. O Eido Dourado en Barreiros continúa este domingo, día 29, co seu ciclo Sons no Solpor. Barahunda é o grupo que actúa esa noite.

O artista barreirense Celso Dourado contou que “este domingo, esperemos que o tempo nos acompañe como o pasado que foi unha noite marabillosa, traemos a Barahunda. É unha formación composta esencialmente por Helena de Alfonso, José Lara Gruñeiro e Txema Mawenya”.

Dourado explicou que “este grupo colabora habitualmente con outros varios músicos, e é unha formación que evoluciona sempre en torno á voz da súa líder, unha voz preciosa e magnífica que é a cantante e investigadora Helena de Alfonso. O compositor José Lara é quen lle dá forma ás diferentes composicións e é unha voz realmente que apaixona, actuou fai uns anos no Eido Dourado, estaban de paso dunha xira que estaban a facer, e quedou un grandísimo sabor de boca. Este domingo preséntanos o seu novo disco, veñen de facer unha xira por Cantabria e por Asturias e van recalar o domingo no Eido Dourado”.

O artista Celso Dourado engadiu que “é unha formación que se desenrolou esencialmente en Madrid, e actuaron practicamente en todos os locais da capital do estado español. Por circunstancias decidiron volver a Galicia, establecéronse en Rianxo, e seguen coa súa formación e compoñendo música”.

Dourado convida “a todos, porque se a noite nos acompaña non hai dúbidas de que vai ser un magnífico concerto. Será sobre ás dez e cuarto, abriremos as portas ás dez, e a entrada é libre”.

O GRUPO DJANG DHARMA ACTÚA MAÑÁ, 27 DE XULLO, NAS TERRAZAS DO CÁMPING GAIVOTA

O GRUPO DJANG DHARMA ACTÚA MAÑÁ, 27 DE XULLO, NAS TERRAZAS DO CÁMPING GAIVOTA.

Barreiros, 26 de xullo de 2018. As terrazas do Cámping Gaivota, en Barreiros, acollerán maña unha nova queimada proletaria coa actuación do grupo Djang Dharma, que fusiona instrumentos da India, de Australia e do Tíbet.

O artista barreirense Celso Dourado dixo que “este venres temos a tradicional queimada que facemos todos os venres no cámping cunha actuación musical dun grupo que posiblemente sexa dos máis orixinais que eu coñezo. Trátase de Djang Dharma, que son Chus, Tomás e Adrián”.

Dourado explicou que “esta xente coñeceuse hai uns anos tocando polas rúas de Santiago. Desta relación naceu unha fonda amizade que os leva a xuntarse e a convivir longas tempadas, sobre todo polo inverno, nun val de Asturias, máis en concreto na comarca dos Oscos. Aquí crean, improvisan e ensaian practicamente sen ningunha influencia, nada máis que os seus coñecementos e o dominio dos seus instrumentos, que son a base deste grupo”.

Celso Dourado comentou que “a súa música é unha fusión principalmente de tres instrumentos pertencentes a culturas e épocas moi diferentes, o sitar da antiga India, o didgeridoo dos aboríxenes australianos e un curioso instrumento dos máis antigos e coñecidos que é o hang, que é unha especie de tambor metálico tibetano que na actualidade se crea en Suiza”.

O artista barreirense engadiu que “Djang Dharma é unha unión destes tres elementos, da música ancestral da India, da tribal de Australia e o son tibetano do hang, mesturado con diversas influencias e á súa vez cunha improvisación que merece moitísimo a pena escoitalos porque a verdade é unha singularidade de grupo. A partires das once da noite, coa conseguinte queimada, poderemos gozar da música destes tres singulares músicos”.

Éxito do concerto ofrecido por Milesios o pasado domingo, día 22, no Eido Dourado, en Barreiros

Éxito do concerto ofrecido por Milesios o pasado domingo, día 22, no Eido Dourado, en Barreiros, dentro do ciclo Sons no Solpor. Milesios é un grupo

de música tradicional

galega e irlandesa que gustou moito aos asistentes a esta actuación, na que o bo tempo tamén foi un actor importante, segundo Celso

Dourado, o promotor desta iniciativa

cultural que chegou ao seu décimo aniversario neste 2018.

O EIDO DOURADO, EN BARREIROS, ACOLLE ESTE DOMINGO, 22 DE XULLO, A ACTUACIÓN DE MILESIOS

O EIDO DOURADO, EN BARREIROS, ACOLLE ESTE DOMINGO, 22 DE XULLO, A ACTUACIÓN DE MILESIOS.

Barreiros, 20 de xullo de 2018. O Eido Dourado continuará este domingo, 22 de xullo, co seu ciclo musical Sons no solpor. O concerto desa xornada correrá a cargo de Milesios, un grupo de música tradicional galega e irlandesa. A actuación dará comezo ás dez e media da noite, nos xardíns do Eido Dourado, a carón da praia da Pasada en Barreiros.

O artista barreirense Celso Dourado anunciou que “o domingo, no Eido Dourado, entre as dez e cuarto e dez e media da noite, temos unha nova cita. Neste caso vai ser con outro grupo referente do panorama folk galego. Forma parte do ciclo musical Sons no solpor do Eido Dourado, e imos ter a actuación do grupo Milesios”.

Dourado explicou que “Milesios é unha formación que xa ten dez anos, nace no 2009. Une o seu interese pola música tradicional galega e irlandesa dende as súas primeiras actuacións que foron en distintos festivais, podemos mencionar o Rabafolk, o San Froilán ou o de Pardiñas. Tamén compartiu escenario con grupos como Berrogüetto, Kepa Junquera, Pepe Vaamonde, Quempallou, etc…”.

O promotor do Eido Dourado e deste ciclo de concertos subliñou que “Milesios ten moitos galardóns na súa traxectoria, podo mencionar que no 2011 foi un dos dez finalistas do proxecto Runas do Festival de Ortigueira. Son unha delicia, unha formación moi numerosa, pero realmente moi conxuntada e moi ben ensaiada”.

E engadiu: “como sempre, quen coñece o ciclo musical Sons no solpor no Eido Dourado, se a noite acompaña é unha marabilla, se fai frío ou chove non tanto, pero as previsións parece que apuntan ben e imos agardar que a cousa saia ben”.

ESTE VENRES NO CÁMPING GAIVOTA, EN BARREIROS, TERÁ LUGAR A ACTUACIÓN DE TIS CHE TEIN

ESTE VENRES NO CÁMPING GAIVOTA, EN BARREIROS, TERÁ LUGAR A ACTUACIÓN DE TIS CHE TEIN.

Barreiros, 18 de xullo de 2018. Este venres, 20 de xullo, no Cámping Gaivota, en Barreiros, darán comezo as Queimadas Proletarias mesturadas con Músicas de Raíz. Será coa actuación de Tis Che Tein a partires das once da noite.

O artista barreirense Celso Dourado explicou que “como é tradicional no Cámping Gaivota iniciamos as queimadas todos os venres durante os meses de xullo e agosto. Nesta ocasión vainos visitar unha vez máis Tis Che Tein. É un grupo que xa estivera o ano pasado, pero por mor da choiva tivemos que suspender a súa actuación e quedou pendente para este 2018”.

Dourado dixo que “é un grupo que eles mesmos se definen como de folk tabernario, se forma entorno ás terrazas de Santiago de Compostela, traballan unha música que bebe do folk irlandés esencialmente e os seus membros, ademais desta formación que teñen que é moi dinámica, xa que se moven moito e viaxan, forman parte doutros grupos como poden ser Fía na Roca ou Os d´Abaixo, un grupo referente no panorama folk galego. É unha xente moi nova, pero cunha formación moi sólida no eido da música folk”.

Celso Dourado engadiu que “a hora deste concerto vai ser entorno ás once da noite, compaxinando os efluvios da queimada, como sempre, coa música deste grupo. É ao aire libre e sempre hai unha gran acollida, cando a noite nos axuda é un espectáculo realmente fermoso”.