Archivo de la categoría: Concello

O CONCELLO DE BARREIROS DESPIDE AOS NENOS SAHARAUIS DO PROGRAMA “VACACIÓNS EN PAZ”

2 nenos pasaron o verán en casas de familias de Barreiros

Barreiros, 04 de setembro de 2019. A alcaldesa, Ana Ermida, xunto cos concelleiros María Carmen Veiga e Antonio Veiga recibiron no salón de actos do Concello de Barreiros aos nenos saharauis que se despiden ata o ano que ven.

Estes nenos pasaron os 2 meses do verán en barreiros grazas ao programa “Vacacións en Paz” que é organizado en Galicia por Solidariedade Galega co Pobo Saharaui (SOGAPS) coa colaboración económica da Xunta de Galicia e o apoio dos concellos.

Ana Ermida agradece ás familias “a súa solidariedade e a gran labor social que fan con estes nenos, contribuíndo na medida do posible a paliar a débeda histórica que o Estado español ten co pobo saharaui”.

Galicia vén participando nesta iniciativa solidaria desde o ano 1991, ofrecendo ás familias saharauis a posibilidade de que as súas fillas e os seus fillos gocen dunha estancia agradable, humana e culturalmente rica, baixo a supervisión e os coidados das familias acolledoras galegas.

O GOBERNO DE BARREIROS DIRÍXESE AO MINISTERIO DE TRANSICIÓN ECOLÓXICA PARA SOLICITAR UNHA REUNIÓN SOBRE A POSIBILIDADE DE CONSTRUCIÓN DA DEPURADORA DE SAN MIGUEL

O GOBERNO DE BARREIROS DIRÍXESE AO MINISTERIO DE TRANSICIÓN ECOLÓXICA PARA SOLICITAR UNHA REUNIÓN SOBRE A POSIBILIDADE DE CONSTRUCIÓN DA DEPURADORA DE SAN MIGUEL.

, 28 de agosto de 2019. O goberno municipal de Barreiros vén de dirixirse ao Ministerio de Transición Ecolóxica e ao Secretario de Estado de Medio Ambiente para solicitar unha reunión para trasladarlle a necesidade de colaboración entre administracións para tratar de solucionar un problema moi importante que leva anos existindo e que empeora co tempo; como é a depuración de augas residuais que se leva a cabo nas zonas de San Miguel de Reinante e Santiago de Reinante. A carta asinada pola alcaldesa, Ana Ermida, e a segunda tenente da alcaldía, Carmen Veiga, expón que “este problema, que se coñece e se ten determinado hai anos, podería solucionarse coa construción dunha nova estación depuradora en San Miguel que daría solución a ambas parroquias; tal e como se contempla no proxecto elaborado por Augas de Galicia. Dito proxecto, que este goberno considera fundamental executar, está orzamentado en máis de 3.300.000 euros; cantidade imposible de afrontar para esta administración local.

Segundo sinalan desde o goberno “a localización dos puntos de vertedura actuais son en zonas moi próximas á praia, mesmo a lugares tan emblemáticos como a praias de Augas Santas/ As Catedrais, e mesmo en Rede Natura, o que supón uns impactos tanto ambiental como turístico negativos; a maiores dos evidentes de saúde pública que se detectan nas analíticas realizadas pola administración competente.”

As representantes do goberno municipal expoñen ao Ministerio que dada a urxencia da solución, consideran necesario poñelo en coñecemento da administración estatal, entendendo que o propio Estado español ten interese en que devanditos problemas poidan solucionarse no menor tempo posible e, dese modo, evitar unha deterioración maior da nosa costa e do propio medio ambiente.

Esta cuestión foi tamén trasladada polo goberno municipal á Xunta de Galicia a pasada semana, solicitando igualmente unha reunión con distintas Consellerías coa intención de “poñer en marcha vías de colaboración para buscar unha solución efectiva a un problema que se arrastra desde hai anos.”

A alcaldesa barreirense agarda que a proposta sexa tida en conta e se poida iniciar unha vía de colaboración que redunde no beneficio das veciñas e veciños de Barreiros e manifesta a “esperanza de que os intereses xerais das veciñas e veciños estean por riba de todo e todas as administracións se impliquen en facer posible a solución.”

Desde o executivo local afirman que a súa disposición é “petar en todas as portas que fagan falta. Porque cando existe un problema hai que afrontalo e tratar de poñerlle solución. Temos claro que a xente nos escolleu para gobernar e faremos todas as xestións que estean nas nosas mans para acadar o resultado final esperado.”

As analíticas de sanidade continúan coa recomendación de non bañarse.

Os resultados recibidos polo Concello de Barreiros a respecto das novas mostras de augas de baño na praia de Arealonga seguen arroxando valores de contaminación microbiolóxica por riba dos normais, polo que a administración local mantén a recomendación de non bañarse en dito areal ata que os resultados das analíticas sexan normais.

A ALCALDESA DE BARREIROS VÉN DE DIRIXIRSE ÁS CONSELLERÍAS DE MEDIO AMBIENTE, TURISMO, SANIDADE E INFRAESTRUTURAS PARA TRASLADARLLES A PROBLEMÁTICA DA DEPURACIÓN NA ZONA DE SAN MIGUEL E REINANTE E SOLICITAR A  IMPLICACIÓN DA ADMINISTRACIÓN GALEGA NO SEU FINANZAMENTO

A ALCALDESA DE BARREIROS VÉN DE DIRIXIRSE ÁS CONSELLERÍAS DE MEDIO AMBIENTE, TURISMO, SANIDADE E INFRAESTRUTURAS PARA TRASLADARLLES A PROBLEMÁTICA DA DEPURACIÓN NA ZONA DE SAN MIGUEL E REINANTE E SOLICITAR A  IMPLICACIÓN DA ADMINISTRACIÓN GALEGA NO SEU FINANZAMENTO.

Barreiros, 22 de agosto de 2019. O goberno municipal de Barreiros manifesta que o seu interese “é tratar de solucionar un problema moi importante que leva anos existindo e que empeora co tempo; como é a depuración de augas residuais que se leva a cabo nas zonas de San Miguel de Reinante e Santiago de Reinante. Este problema, que se coñece e se ten determinado hai anos, podería solucionarse coa construción dunha nova estación depuradora en San Miguel que daría solución a ambas parroquias; tal e como se contempla no proxecto elaborado por Augas de Galicia. Dito proxecto, que este goberno considera fundamental executar, está orzamentado en máis de 3.300.000 euros; cantidade imposible de afrontar para esta administración local.

Ana Ermida explica na carta remitida aos departamentos da Xunta que “o concello de Barreiros ten un censo poboacional de menos de 3.000 habitantes, porén a súa poboación flotante multiplica esta cifra por máis do triplo nos meses de verán. Isto supón que os servizos que se precisan, deben estar dimensionados para atender dita demanda; o que require de investimentos importantes para poder levar a cabo ditas execucións.”

Segundo sinalan desde o goberno “a ubicación dos puntos de vertido actuais son en zonas moi próximas á praia, mesmo a lugares tan emblemáticos como a praias de Augas Santas/As Catedrais, e mesmo a Rede Natura, o que supón uns impactos tanto medioambiental como turístico negativos; a maiores dos evidentes de saúde pública que se detectan mesmo nas analíticas realizadas pola propia administración galega.”

Por esta razón, e considerando que a Xunta de Galicia ten competencia na cuestión e varias das súas consellerías poderían estar involucradas na resolución deste problema, o goberno municipal solicita unha xuntanza para abordar esta cuestión coas distintas Consellerías que poden estar implicadas.

A alcaldesa considera que “é imprescindible a colaboración entre administracións para afrontar investimentos desta importancia, en beneficio das veciñas e veciños de Barreiros, das persoas que visitan este municipio e do propio País, que precisa dunha imaxe moderna, avanzada e con servizos propios do século XXI.”

XORNADA DE PILOTAXE DE DRONS NA AULA CEMIT DE BARREIROS

Fecha de publicación:
Martes, 20 Agosto, 2019 – 13:14

Este luns, 26 de agosto, rapaces e rapazas de 9 a 16 anos poderán iniciarse na pilotaxe de drons.

Barreiros, 20 de agosto 2019. O Concello de Barreiros xunto co Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan a actividade “Voa con nós” para que os rapaces e rapazas se inicien no mundo dos drons creando un circuíto onde adestrarán as súas habilidades na pilotaxe destas aeronaves.

Comezarán coñecendo que é un dron, porque voa, que partes ten, … e despois pilotaranos. Unha vez iniciados na pilotaxe, probarán unhas gafas FPV para sentir a velocidade vendo o que ve un coche teledirixido con cámara incluída. Para os máis habilidosos que cheguen a dominar dron e coche, probarán a pilotaxe FPV nun dron.

A inscrición debe facerse na propia aula CeMIT (telf. 666 87 59 46) ou dende a web: https://cemit.xunta.gal

OS GASTOS DO ANTERIOR GOBERNO DE BARREIROS SITUAN AO CONCELLO NUNHA SITUACIÓN COMPLICADA SEGUNDO A INTERVENCIÓN MUNICIPAL

OS GASTOS DO ANTERIOR GOBERNO DE BARREIROS SITUAN AO CONCELLO NUNHA SITUACIÓN COMPLICADA SEGUNDO A INTERVENCIÓN MUNICIPAL

O incremento do gasto realizado durante o ano 2018 polo goberno do Partido Popular, supuxo o “incumprimento de todas as magnitudes orzamentarias” e “situou a economía do concello nunha situación complicada”, segundo o informe á Conta Xeral da secretaría-intervención.

Barreiros, 13 de agosto de 2019. O informe de intervención que acompaña a aprobación da Conta Xeral manifesta que no ano 2018 “continuouse coa liña negativa de incrementar o gasto e isto trouxo como consecuencia o incumprimento de novo de todas as magnitudes orzamentarias, situando a economía do concello nunha situación complicada.”

A conta xeral foi estudada en comisión informativa na tarde de onte e someterase a aprobación no vindeiro pleno no mes de setembro.

Para o  recén estreado goberno municipal, esta situación vén a ratificar que a política de gasto descontrolado que se estaba a levar a cabo ata maio foi atendendo a criterios puramente electorais e esquecendo os intereses xerais e lamentan que “por causa do despilfarro do anterior goberno, nos vexamos nunha situación complicada que requirirá a adopción de medidas.”

A alcaldesa, Ana Ermida, manifesta que “é inconcebible que coa situación deste Concello non se realizara un control do gasto e iso é o que agora ten que asumir o novo goberno, que traballará con rigor e seriedade para non seguir afondando un burato económico que dificulta enormemente o funcionamento, mesmo diario, desta administración.”

O informe de intervención conclúe que “revisando a situación económica, deberanse tomar medidas drásticas de control e redución do gasto, tanto corrente como de investimento. Sen embargo, considero que con isto soamente non se vai poder volver á senda do cumprimento, polo que será preciso tomar tamén algunha medida importante para o incremento dos ingresos.”

Desde o goberno municipal sinalan que estudarán as medidas a tomar e que procurarán que as mesmas non recaian de xeito xeral sobre as veciñas e veciños, que levan anos sufrindo o descontrol económico no municipio.

O GOBERNO DE BARREIROS INSTA Á LIMPEZA DE FINCAS PRÓXIMAS A VIVENDAS E NÚCLEOS

O GOBERNO DE BARREIROS INSTA Á LIMPEZA DE FINCAS PRÓXIMAS A VIVENDAS E NÚCLEOS

Fecha de publicación:
Martes, 23 Julio, 2019 – 15:16

O bando publicado no día de hoxe contempla a posibilidade imposición de multas coercitivas de entre 1.000 e 10.000 euros.

Barreiros, 23 de xullo de 2019. A alcaldesa emitiu un bando para lembrar  ás persoas propietarias de fincas próximas a vivendas ou núcleos a obriga de limpar de maleza, lixo ou outros elementos que xeren risco u insalubridade.

A estes efectos, outórgase un prazo de 15 días para levar a cabo ditas labores, advertindo de que se non se adecentan ditos terreos, o Concello executará o procedemento legalmente previsto, que contempla a posibilidade de interposición de multas de 1.000 a 10.000 euros, a execucións subsidiaria ou calquera outra medida das que recollida na lexislación aplicable.

Ana Ermida explica que se trata “dunha medida que leva anos contemplada na lexislación galega e que se debe aplicar igualitariamente para tratar de que o noso concello amose unha imaxe o máis limpa e ordenada posible.”

Incide ademais de que “é una cuestión de seguridade, xa que as fincas sen limpar son un perigo a efectos de incendios ou mesmo de animais que poidan vivir nelas e chegar a vivendas próximas.”

Desde o goberno local manifestan que a intención do bando é tratar de que a xente execute por si mesma estas limpezas, sen necesidade de ter que avanzar no procedemento. Porén advirten que “a limpeza pública e a seguridade de inmobles e persoas son obxectivos fundamentais deste goberno municipal, polo que executaremos as medidas que sexan necesarias para a consecución dun concello limpo e en condicións de salubridade.”

La Audiencia Provincial dictaminó la absolución del exregidor de Barreiros

La Audiencia Provincial dictaminó la absolución del exregidor de Barreiros

Alfonso Fuente Parga. JOSÉ Mª ÁLVEZ
 Alfonso Fuente Parga. JOSÉ Mª ÁLVEZ
Alfonso Fuente y cinco concejales fueron absueltos de un delito de prevaricación urbanística

La sección segunda de la Audiencia Provincial de Lugo dictó el viernes sentencia firme absolutoria sobre un recurso de apelación presentado por la fiscalía y Adega contra la sentencia dictada el pasado 8 de febrero por el Juzgado de lo Penal número 2 de la capital lucense, por la que se absolvió al exalcalde de Barreiros, el popular Alfonso Fuente, a cinco de sus ediles y a la arquitecta municipal de un delito de prevaricación urbanística, por la concesión, en 2006, de 40 licencias con las que se preveía la construcción de 3.000 viviendas en el concello mariñano.

En el dictamen final, uno de los tres magistrados que instruyó el recurso de apelación se mostró en contra de la sentencia final absolutoria, sobre la que no cabe casación. Así las cosas, el ministerio fiscal sostenía, al igual que Adega -que se presentó como acusación particular y que también había recurrido-, que “no se han valorado adecuadamente las pruebas practicadas”.

Uno de los acusados, Alfonso Fuente, mostraba el viernes su satisfacción tras conocerse la sentencia. “Estoy aliviado, y alegre porque desde el principio sabíamos, tanto el equipo de gobierno como yo, que habíamos hecho las cosas bien. Todas nuestras decisiones estaban basadas en los informes de los técnicos del ayuntamiento”, reconoce el ex regidor barreirense y ahora en la oposición.

A ALCALDESA DE BARREIROS TRASLADOULLE Á XUNTA AS NECESIDADES E DEMANDAS DO MUNICIPIO

Fecha de publicación:
Martes, 2 Julio, 2019 – 14:31

Ana Ermida reuniuse co delegado da Xunta en Lugo, José Manuel Balseiro, para tratar cuestións prioritarias para o goberno municipal.

O financiamento do servizo de socorrismo, o saneamento, a ordenación urbanística ou a necesidade dun centro de día puxéronse enriba da mesa para abrir vías de colaboración.

No día de onte, a alcaldesa de Barreiros desprazouse a Lugo para manter unha reunión co delegado da Xunta e trasladarlle as prioridades do goberno municipal para traballar nos vindeiros anos.

A pimeira cuestión que a mandataria barreirense trasladou ao executivo galego foi a insuficiencia de finanzamento autonómico para a contratación de socorristas para este verán, ao recurtar de 19 a 8 os socorristas subvencionados, sen previo aviso e cambiando os criterios sen capacidade de reacción por parte dos gobernos municipais. Desde o executivo barreirense trasladouse a posibilidade de revisión desa cuestión para que a distribución dos fondos sexa acorde ás necesidades reais dos municipios.

Ordenación do territorio e servizos.

Ana Ermida tamén sinalou as vías principais nas que traballará o goberno municipal e nas que a Xunta debe implicarse para garantir a mellor das solucións para as veciñas e veciños de Barreiros.

Neste sentido, a alcaldesa sinalou que “en Barreiros é urxente abordar todos os traballos relativos ao saneamento e depuración, desde as parroquias nas que non existe un só metro de rede de saneamento ata o funcionamento das depuradoras; que supoñen un  problema importante tanto a nivel medioambiental como mesmo de saúde pública.”

Outra das cuestións abordadas na xuntanza foi a situación do PXOM, pendente de realizar unha xuntanza de traballo co persoal técnico, que debe tramitarse coordinadamente coa administración galega. “A ordenación urbanística do municipio debe facerse desde a responsabilidade da situación creada e pensando no beneficio e o interese xeral e para iso debe existir transparencia absoluta e colaboración interadministrativa.”

Os servizos sociais como centro do goberno.

A posibilidade de dotar a Barreiros dun centro de día foi outra das cuestións abordadas pola mandataria na xuntanza co representante da Xunta.

“O envellecemento da poboación e a necesidade de dar servizos que garantan o pleno desenvolvemento das persoas o máis próximas ao seu domicilio é fundamental para unha sociedade como a barreirense”, manifestou Ana Ermida. Nese sentido, trasladou a demanda social existente para que Barreiros se dote dun centro de día, que permita a atención ás persoas maiores e a conciliación da vida laboral e familiar, aliviando ás familias que aposten por instalarse e desenvolver as súas vidas en Barreiros. “As administracións temos que traballar por facilitarlles a vida ás veciñas e veciños e atender ás demandas existentes. A pirámide poboacional de Barreiros indica a necesidade de reforzar os servizos sociais e a atención á terceira idade e nese sentido se vai traballar desde o goberno municipal”, afirmou.

«Non é chegar e encher, ninguén cambia un concello nun día»

«Non é chegar e encher, ninguén cambia un concello nun día»La imagen puede contener: 1 persona, sonriendo, sentado, pantalla y oficina

BARREIROS / LA VOZ 

O luns día 17, o espertador de Ana Ermida (1983, Barreiros) soou ás 6.10, unha hora máis tarde do habitual nos últimos dous anos, cando se viña erguendo ás 5.10 para viaxar ao Concello de San Sadurniño para traballar na área de Secretaría e Intervención. Pero aquel día uns minutos fóronlle suficientes para chegar ao seu novo emprego, para entrar no consistorio lucense de Barreiros e facer historia como a primeira alcaldesa do municipio.

Ana Ermida é nacionalista, pero non de berce, nin tampouco da canteira de estudantes de Santiago, onde se licenciou en Dereito. Coma Celso Emilio Ferreiro, que falaba galego porque si, porque lle gustaba e lle petaba, ela ingresou en Galiza Nova con 16 anos. Un impulso, unha convicción -«penso que o noso país está necesitado de xente que loite e que o defenda, e non podemos facer outra cousa», di-, que se reforzou co tempo. Fai catro anos gravou no seu ombreiro dereito unha tatuaxe de Rosie a Remachadora, a figura icónica nos Estados Unidos e da loita laboral das mulleres. Pero cun acento galego: á Rosie remangada engadiulle unha estrela roxa de cinco puntas e un verso de Rosalía: «A estrela que brila», do poema Negra Sombra, que tamén está na lápida de súa nai.

Ana Ermida repetiu como candidata e gañou. Certo é que o trunfo do BNG en Barreiros víase vir, cun PP en caída polo estigma do urbanismo desaforado. «Podías intuílo, pero había que gañar. E, con todo, costa crelo», sinala. Así, o BNG, co apoio dunha concelleira socialista, rachou con catro décadas de goberno de centro dereita.

Tras a celebración chegou o primeiro día de traballo: «Entrei cunha sensación de preguntar: por onde imos empezar?». Son moitas as expectativas xeradas, e Ana Ermida sábeo, pero fala con prudencia, lonxe de estridencias. Que non se espere unha revolución en Barreiros: «Non é chegar e encher.Ninguén cambia un concello nun día». Vén de traballar da Administración e sabe que «unha cousa é o desexable e outra o que se pode facer. Hai compromisos que cumprir, cousas que funcionan ben e outras que revisar». E sobre o urbanismo, engade: «O mal está feito e hai que ir pouco a pouco, planificando de novo».

Pero algo xa se move en Barreiros. Ermida baixou o soldo que lle correspondía de 40.000 a 29.000 euros. Un xesto, un paso, di, nun obxectivo: «Mudar a imaxe e recuperar o orgullo de ser de Barreiros, que nos últimos anos perdeuse».