Archivo de la categoría: Concello

Piden 12 años por falsedad documental y cohecho a la exsecretaria de Barreiros

Piden 12 años por falsedad documental y cohecho a la exsecretaria de Barreiros

La imagen puede contener: 5 personas, personas sentadas, tabla, niños e interior
 Pleno de Barreiros en 2005, presidido por Alfonso Fuente y María Antonia Martínez. AMA

La denuncia del promotor Xabier Díaz incluye a otra funcionaria y un promotor con peticiones de 6 años para cada uno

La situación judicial en el municipio de Barreiros dio otro giro más al contemplarse la apertura de juicio oral contra la exsecretaria del Ayuntamiento, María Antonia Martínez, así como contra la auxiliar administrativa Ramona Rodríguez Pérez y el promotor Juan Carlos Sobral González a raíz de la denuncia presentada por el promotor Xabier Díaz Díaz y su empresa Promoelja. Para la exsecretaria pide una pena total de doce años de cárcel y 321.600 euros de multa como presunta autora de los delitos de cohecho y falsedad en documento público. Para la funcionaria, seis años de prisión y 300.000 euros de multa por presunta falsedad en documento público. Idénticas penas pide para el empresario por el presunto delito de cohecho.

En este proceso, el Ministerio Fiscal, por su parte, pide sobreseer la parte de la exsecretaria y el promotor pero le reclama tres años de cárcel a Ramona Rodríguez.

El proceso judicial se retoma ahora después de que Xabier Díaz lo iniciase en abril de 2011. En esencia, según el escrito de acusación que presenta y al que tuvo acceso este diario, el promotor asegura que “con objeto de obtener informes favorables de la secretaria municipal en las licencias y asimismo de agilizar la tramitación de sus expedientes, Juan Carlos Sobral realizó un pago a la secretaria municipal Maria Antonia Martínez Barcia por importe de 100.000 euros en fecha 2 de octubre 2007″ e incluso afirma presentar un justificante de ello.

EN BARREIROS QUEDOU RESTABLECIDO O SERVIZO DE PEDIATRÍA, SEGUNDO DEU A COÑECER HOXE O ALCALDE, ALFONSO FUENTE PARGA

EN BARREIROS QUEDOU RESTABLECIDO O SERVIZO DE PEDIATRÍA, SEGUNDO DEU A COÑECER HOXE O ALCALDE, ALFONSO FUENTE PARGA.

Barreiros, 1 de febreiro de 2019. En Barreiros quedou restablecido o servizo de pediatría, segundo deu a coñecer esta mañá o alcalde, Alfonso Fuente, que lembrou que foi posto en marcha en 2011 cun goberno do PP á fronte da Xunta de Galicia.

O rexedor explicou que “no día de onte en Barreiros quedaba restablecido o servizo de pediatría. Xa hai un pediatra para atender os nenos e nenas do noso concello e a semana que vén continuará este profesional prestando o servizo; despois esperamos que se incorpore a pediatra que estaba neste centro médico”.

Fuente Parga contou que “falei persoalmente co xerente da Área Xestión Integrada da provincia de Lugo, Ramón Ares, e confirmoume que, a pesar dos poucos facultativos de pediatría que hai, conseguiron cubrir este servizo e esperan que as carencias que poida haber sexan as mínimas posibles tendo en conta este feito. Dende onte xa pasaba consulta o pediatra no centro médico de Barreiros, que seguira a próxima semana e ata que se reincorpore a facultativa que está habitualmente”.

O alcalde tamén aludiu a que este asunto se abordou no pleno celebrado no Concello hai uns días: “como a oposición no último pleno insistiu moito neste feito, aproveito para recordar que este servizo de pediatría se puxo en marcha no centro médico de Barreiros no ano 2011, gobernando xa o Partido Popular na Xunta. Un servizo que naquel momento entendemos que era importante, dado que somos un concello de 2.900 habitantes que contamos cunha gardería municipal e poucos municipios de Galicia con esta poboación teñen unha instalación deste tipo. Polo tanto desde o equipo de goberno do Concello de Barreiros temos claro que queremos protexer, coidar e dar todos os servizos aos nosos nenos e nenas do concello. Primeiro coa gardería e loitamos naquel momento, no 2011, por ter o servizo de pediatría. E quero recordarlle á oposición, como xa o fixen no pleno, que evidentemente se agora se estaba debatendo se se cubría ou non o servizo era porque se puxo gobernando o Partido Popular na Xunta atendendo á solicitude deste equipo de goberno”.

Alfonso Fuente Parga lembrou: “Pero entre o anos 2005 e 2009, cando gobernou o bipartito na Xunta, non puxeron en marcha este servizo no centro médico de Barreiros, polo que parece que para eles non era moi importante este servizo naquel momento, porque entre os anos 2005 e 2009 xa había nenos e nenas no concello e xa estaba funcionando tamén a gardería municipal. Pero eles parece que non entendían que fora necesario o pediatra no noso centro médico. Sen embargo pouco a pouco foise mellorando o servizo asistencial que se presta no centro médico, a pesar das críticas á política sanitaria do Partido Popular que seguen verténdose desde a oposición; imaxino que o fan porque estamos preto dunhas eleccións”.

O GOBERNO DE BARREIROS ACUMULA FACTURAS SEN PAGAR DO ANO PASADO POR CASE 600.000€

O GOBERNO DE BARREIROS ACUMULA FACTURAS SEN PAGAR DO ANO PASADO POR CASE 600.000€

Esta cantidade incrementouse con respecto ao 2017 en 100.000€.

Barreiros, 24 de xaneiro de 2019. No pleno do vindeiro luns, o Partido Popular leva un recoñecemento extraxudicial de crédito de facturas pendentes do ano 2018 por falta de crédito no orzamento dese ano, por un importe de 566.041,69€.

“A esta cantidade, debemos sumarlle 28.000€ que contempla o orzamento do 2019 para investimento en alumeado que o propio alcalde recoñece na memoria presentada que son para gastos do 2018”, explican desde o BNG.

A portavoz municipal do BNG, Ana Ermida, lamenta que “esta estea sendo a práctica habitual do goberno do PP, especialmente nos últimos anos, o que está creando un verdadeiro burato negro económico que fai perigar a propia sustentabilidade do Concello.”

En xaneiro do ano pasado, xunto coa aprobación do orzamento para o 2018, o goberno municipal recoñecía 467.955,14€ sen pagar do 2017 para cargar contra o orzamento do 2018. “Este ano, o importe de facturas sen pagar increméntase en practicamente 100.000€”, explica Ana Ermida, “o que supón que en só un ano a cantidade sen pagar sube case un 25%”.

Desde o BNG sinalan que “é algo que era evidente que ía pasar e xa o advertimos o ano pasado, cando vimos o descontrol existente e como estaban quedando facturas sen pagar desde mediados de ano.” A portavoz municipal explica que “isto é unha auténtica bola de neve que levará todo por diante de non poñerlle freo, porque se para pagar esas facturas pendentes restamos crédito do orzamentado para o ano 2019, sen que esa necesidade se contemple nos mesmos, supón que se empeza o ano con moitos menos cartos dos necesarios para facer fronte aos gastos do ano en curso. Polo tanto, volveremos a atoparnos a mediados de ano sen crédito para pagar facturas que se volverán a incrementar cada ano máis, restando cada vez máis fondos e provocando que cada ano o crédito para as facturas se acabe antes.”

Desde o BNG lamentan que o PP siga empeñado en arruinar Barreiros e aseguran que “dá a sensación de que o que pretenden é deixar o Concello nun estado lamentable para impedir que quen veña detrás poida reverter a situación.”

O ALCALDE DE BARREIROS DIRÍXESE Á XUNTA PARA PEDIRLLE QUE CUBRA DE INMEDIATO AS BAIXAS MÉDICAS QUE SE PRODUCEN NO CENTRO DE SAÚDE

O ALCALDE DE BARREIROS DIRÍXESE Á XUNTA PARA PEDIRLLE QUE CUBRA DE INMEDIATO AS BAIXAS MÉDICAS QUE SE PRODUCEN NO CENTRO DE SAÚDE. ALFONSO FUENTE ALUDE AO MALESTAR XERADO POLA AUSENCIA DO PEDIATRA.

Barreiros, 18 de xaneiro de 2019. O alcalde, Alfonso Fuente, ven de enviarlle unha carta á Dirección Xeral de Saúde Pública da Xunta para que cubra de forma inmediata as baixas médicas que se produzan no centro de saúde da localidade. O rexedor refírese ao malestar xerado pola ausencia de pediatra, xa que “ocasiona retrasos nas vacinas, na atención e nos tratamentos que precisan nenas e nenos deste concello”.

Alfonso Fuente contou que “ante a situación que está a pasar no centro médico onde non se está a cubrir a baixa do pediatra e ante a incertidume por parte dos pais dos nenos que necesitan atención pediátrica, desde o Concello o que fixemos foi dirixir unha carta ao director xeral pedíndolle que se cubran esas baixas de inmediato, porque non se está atendendo o calendario de vacinas e cremos que é importante que se faga así”.

O alcalde dixo que “é un servizo que xa o temos nunha serie de días á semana e o que pedimos é que se cubra esa baixa, que se atenda de inmediato. Somos conscientes ás veces dos inconvenientes que xorden para encontrar pediatras, pero tamén pedimos que non queremos ser eses cidadáns de segunda e poder ter esa atención con normalidade”.

Fuente Parga engadiu que “hai pais que están decidindo levar aos nenos ao médico de cabeceira e autorizando os médicos de cabeceira a colocar esas vacinas, que se están poñendo por parte dos ATS do centro médico. Polo tanto aínda que esta situación poida ser temporal, o que pedimos é que se cubra esa praza canto antes. Eu creo que a forma de facelo é desde institucións como é o Concello, dirixirse por escrito ao director xeral para que atenda esta situación”.

Carta enviada Direccion Xeral de Saude Publica

COPIA DIRECCIÓN XERAL DE SAUDE PÚBLICA
Edificio Administrativo de San Lázaro
15781 Santiago de Compostela
Estimado Director Xeral:
Poñome en contacto con vostede para facerlle partícipe da situación que está a acontecer no Centro de Saude deste concello de Barreiros en relación, principalmente, coa praza de pediatra.
En ocasións anteriores, e actualmente estase a repetir, cando a persoa que ocupa dita praza de pediatra se atópa de baixa, non se produce unha sustitución da mesma e o servizo pediátrico deixa de prestarse de forma indeterminada. Esto ocasiona moitos
trastornos ás veciñas e veciños deste concello xa que se producen retrasos nas vacinas, na atención e nos tratamentos das nenas e nenos, sen que exista unha alternativa para os mesmos.
Dado o malestar xeral que esta circunstancia ocasiona é polo que se SOLICITA que, no caso de producirse estas baixas do persoal médico (que en moitas ocasións son de longa duración), a praza se cubra de forma inmediata para evitar que o servizo quede desatendido.
Quedo á súa disposición para calquera aclaración ou información adicional que poda precisar para tratar este asunto.
Cordialmente,
Barreiros, 18 de xaneiro de 2019.
Jose Alfonso Fuente Parga
Alcalde do Concello de Barreiros
ASINADO DIXITALMENTE Á MARXE

ENTREGADOS OS PREMIOS AOS GAÑADORES E GAÑADORAS DO CONCURSO DE POESÍA E DEBUXO DE NADAL, QUE ORGANIZOU A BIBLIOTECA PÚBLICA MUNICIPAL DE BARREIROS

ENTREGADOS OS PREMIOS AOS GAÑADORES E GAÑADORAS DO CONCURSO DE POESÍA E DEBUXO DE NADAL, QUE ORGANIZOU A BIBLIOTECA PÚBLICA MUNICIPAL DE BARREIROS.

Barreiros, 15 de xaneiro de 2019. Nas últimas horas foron entregados os premios aos gañadores e gañadoras do Concurso de Poesía e Debuxo de Nadal, que organizou a Biblioteca Pública Municipal de Barreiros.

Na modalidade de Poesía os participantes que resultaron gañadores foron: Xela Veiga Iglesias, Ángela Ventoso Carrera, Aaron Rodríguez Enterríos, Armando Ventoso Carrera, Saray López García e Anxo López Val.

No apartado de Debuxo os gañadores foron: Leire López Boto, Inés Seco Sánchez e Noa Irimia Mariña.

Xunto ás rapazas e rapaces estivo a concelleira de Cultura, Adela Rodríguez, que agradeceu a participación de [email protected] @s que presentaron os seus traballos a estes certames.

O PRESUPOSTO DO CONCELLO DE BARREIROS PARA 2019 ASCENDE A 4 MILLÓNS DE EUROS. FOI APROBADO ONTE NO PLENO E O ALCALDE SUBLIÑA QUE SE MANTEÑEN TODOS OS SERVIZOS QUE SE PRESTAN AOS VECIÑOS E VECIÑAS E QUE NON SE INCREMENTA NINGÚN IMPOSTO

O PRESUPOSTO DO CONCELLO DE BARREIROS PARA 2019 ASCENDE A 4 MILLÓNS DE EUROS. FOI APROBADO ONTE NO PLENO E O ALCALDE SUBLIÑA QUE SE MANTEÑEN TODOS OS SERVIZOS QUE SE PRESTAN AOS VECIÑOS E VECIÑAS E QUE NON SE INCREMENTA NINGÚN IMPOSTO. Barreiros, 11 de xaneiro de 2019. O presuposto do Concello de Barreiros para 2019 ascende a máis de 4 millóns de euros. Foi aprobado onte en pleno. O alcalde, Alfonso Fuente, subliñou que se trata dun presuposto para os veciños e veciñas de Barreiros en cantidade e calidade e insiste en que se manteñen todos os servizos que se presta á cidadanía. O rexedor rexeitou as críticas vertidas polo BNG. Fuente Parga explicou que “onte no Concello de Barreiros levábamos a aprobar o presuposto para o ano 2019, que ascende a 4.065.000 euros, no que se seguen mantendo todos os servizos que se prestan aos veciños, e non se incrementa ningún imposto senón que se mantén a carga impositiva e se adaptan as partidas de gastos precisamente aos ingresos que recibe o Concello”. O alcalde sinalou que “se fan unha serie de investimentos, se segue traballando na rede de abastecemento de auga na que se van investir outros 92.000 euros, así como nas vías públicas. Neste presuposto aparece unha partida de 50.000 euros pero esperamos, como todos estes anos, recibir ese Plan Único tamén no que contamos con outros 200.000 euros para poder executar e mellorar todas as vías municipais. Aínda temos pendente de executar o deste ano, polo tanto vanse ir mellorando todas as vías. Vanse investir outros 231.000 euros na reurbanización da N-634 pola execución dos avais a un promotor. Tamén se contempla a compra de terreos para a EDAR, se a Xunta dera adiante á nova depuradora en Reinante. Polo tanto mantemos todos os servizos que se están a prestar neste concello”. O rexedor declarou que “no debate no pleno de onte me sorprendía cando o Bloque Nacionalista Galego nos criticaba dicindo que este presuposto non é electoralista. É curioso que desde a oposición se nos critique porque non sexa, ao ser un ano electoral este 2019, un presuposto electoralista. Evidentemente nós non facemos presupostos electoralistas, o que facemos son presupostos para os veciños e veciñas de Barreiros para seguir mantendo todos os servizos que se veñen prestando en cantidade e calidade. Noutros concellos é certo, como manifestaba a propia portavoz do BNG que dicía que este ano aparecen presupostos con grandes partidas de investimentos. Parece que iso sería o que ocorrería se o Bloque Nacionalista Galego tivera que facer ese presuposto, seguramente este ano nos presentaría un presuposto con moitos investimentos, un presuposto como eles din electoralista. Pero nós non facemos un presuposto electoralista, facemos un presuposto para os veciños e veciñas”. Alfonso Fuente engadiu: “tamén criticaban a privatización de servizos. É curioso porque en todos estes anos atrás o BNG criticaba o gran número de persoal que tiña o Concello de Barreiros. É verdade que nunca puxeron nomes, senón que había que diminuír o cadro de persoal, e resulta que este ano que presentamos un presuposto cun cadro de persoal máis reducido precisamente por xubilacións e prexubilacións, que se foron pactando desde o Concello para que non houbese despidos, agora se nos critica porque baixa o persoal municipal e se fan privatizacións. Evidentemente os traballos hai que facelos e se non se fan con persoal propio, fanse con persoal contratado de empresas externas”. Para o alcalde barreirense “é curioso porque resulta que o Bloque Nacionalista Galego ten un discurso aquí en Barreiros, pero despois vemos que nos concellos onde goberna, que non son moitos, fai todo o contrario, é dicir é onde máis servizos hai privatizados, di unha cousa e logo fai a contraria. A portavoz do BNG é a coordinadora na Mariña do Bloque Nacionalista Galego, polo tanto o exemplo temos que collelo dos concellos onde gobernan e neses concellos vemos que os servizos están privatizados. No Concello de Barreiros é dos que menos servizos ten privatizados, pero evidentemente se temos menos persoal no Concello hai que contratar empresas que fagan eses traballos, non queda outra”. O rexedor dixo que “en canto ás partidas para actividades culturais tamén se criticaban por parte do Bloque Nacionalista Galego as axudas que se fan ás festas nas parroquias. Eu o que lles trasladaba é que aos veciños que deciden crear unha comisión de festas e levar a cabo a festa da parroquia, o Concello está para axudarlles, porque é o que nos demandan os veciños e veciñas. Se eles están dispostos a organizar as festas das parroquias cómo non vai o Concello axudarlles a manter viva esa festa da parroquia, esa festa que leva anos saíndo adiante. Pois parece que ao Bloque Nacionalista Galego non lle gusta, parece que suprimiría as festas porque iso é o que nos deron a entender no pleno de onte, e destinarían a outras cousas esas partidas que se gastan axudando aos veciños a que organicen a festa da parroquia. Nós non estamos dispostos porque cando os veciños son os que organizan, e fan unha labor importante para levar a cabo esa festa da parroquia, que o Concello estea aí axudando a min me parece o máis xusto e non retirarlles todas as axudas como pretende o Bloque Nacionalista Galego”.