Archivo de la categoría: Letras

BARREIROS DA COMEZO Ó MES DAS LETRAS CO OBRADOIRO “CADA DÍA, A FAMILIA”

📆🔠💙 BARREIROS DA COMEZO Ó MES DAS LETRAS CO OBRADOIRO “CADA DÍA, A FAMILIA”
✅Na mañá de hoxe deron comezo as actividades enmarcadas dentro da programación cultural que Barreiros adica á celebración das Letras Galegas cun obradoiro a cargo da escritora Andrea Barreira. Nel participaron cerca dun cento de alumnos e alumnas dos colexios de San Cosme e San Miguel.
🗣“A actividade deu a coñecer a figura de Xela Arias ás crianzas á vez que lles fixo descubrir unha forma divertida de facer poesía e na que acabaron creando a súa propia homenaxe á familia partindo da obra Darío a diario da autora sarriá”. sinala o concelleiro de dinamización, Daniel García.
🔜A seguinte actividade será o vindeiro luns 17 de Maio ás 18:00 h. co recital poético musical “Versos na baixamar” para o cal se pode reservar asistencia contactando coa Biblioteca Municipal ☎️ 982.124.106 en horario de mañá.