Lugar: Hotel Ría do Masma (San Cosme de Barreiros)
Hora: 11 hrs.
Asunto: Presentación dos programas e terapias naturais do Templo da Saúde
O hosteleiro, Xesús Seivane (O Marqués), e a especialista en terapias alternativas, Magdalena Seixas, presentan este sábado ás 11 hrs no Hotel Ría do Masma (San Cosme de Barreiros) os novos proxectos de terapias naturais enmarcados no programa “Barreiros Templo da Saúde”.
Ademais da presentación, por parte de Xesús Seivane e Magdalena Seixas, proxectarase un vídeo e farase unha demostración grupal dalgunha das terapias que desenvolven: relaxación da mente, nivelación enerxética, etc…
O CONCELLO DE BARREIROS, A TRAVÉS DA DELEGACIÓN MEDIO AMBIENTE, ORGANIZA A ROMERÍA DE SANTO ESTEVO DO ERMO QUE TERÁ LUGAR ESTE SÁBADO, 7 DE XULLO.
Barreiros, 3 de xullo de 2018. A Delegación de Medio Ambiente do Concello de Barreiros organiza a Romería de Santo Estevo do Ermo, que se celebrará o vindeiro sábado, 7 de xullo.
O programa de actos dará comezo ás 10:00 horas cunha ruta a pé que sairá dende o Concello. Ás 12:30 horas será a misa e despois a procesión, ás 13:30 horas haberá unha degustación de empanada de sardiñas e ás 14:00 horas terá lugar a sesión vermú co Dúo Epok.
Pola tarde, a partir das 16:00 horas haberá xogos infantís con agasallos para os gañadores, un torneo de tute e o concurso de fotografía Santo Estevo 2018. Ás 19:00 horas terá lugar a entrega de premios.
A xornada rematará cunha actuación musical do Dúo Epok que comezará ás 20 horas.
A asociación Mar e Monte colabora coa Delegación de Medio Ambiente do Concello de Barreiros na organización deste evento.
OS BOLECHAS ACTUARÁN EN BARREIROS O VINDEIRO DOMINGO, 8 DE XULLO.
Barreiros, 2 de xullo de 2018. Barreiros acolle o vindeiro domingo, 8 de xullo, unha actividade de promoción da lingua galega para a que contará coa presenza de Os Bolechas.
O centro sociocultural Manuel Díaz Sampedro, en San Cosme de Barreiros, será escenario do espectáculo OAmigo Monte, de Os Bolechas a partir das 12:30 horas.
A actividade está incluída no programa de animación lingüística FalaRedes da Xunta de Galicia. O Concello colabora con este acto.
O BNG PIDE UN PLENO EXTRAORDINARIO EN BARREIROS PARA SOLICITAR DA DEPUTACIÓN O ARRANXO DO VIAL CEDIDO A SEMANA PASADA.
A formación nacionalista considera que aceptar a cesión dun vial en mal estado sen negociar o arranxo ou o acompañamento de diñeiro é unha nefasta xestión para o Concello de Barreiros.
Barreiros, 2 de xullo de 2018. O Bloque Nacionalista Galego de Barreiros vén de rexistrar esta mesma mañá unha solicitude formal dun pleno extraordinario, para ser convocado coa maior urxencia posible, a fin de adoptar o acordo de dirixirse á Deputación Provincial para que a cesión do tramo da LU-P 0608, que vai desde a estrada xeral no centro de San Cosme ata a que sube cara a Trabada pola Insua, veña acompañada do aranxo do mesmo ou dunha cantidade de diñeiro suficiente para poder arranxala desde o Concello.
A portavoz municipal, Ana Ermida, explica que “pese a ter presentado un rogo por parte do BNG pedindo esto mesmo a primeiros de xuño, o Alcalde volveu ignorar as necesidades do Concello e solicitou a cesión dun vial que pasará a converterse nunha carga máis para Barreiros. Pedir a titularidade dun vial en mal estado sen pedir o seu arranxo ou diñeiro para levalo a cabo é unha torpeza absoluta, carente da mínima lóxica”, asegura.
Desde o BNG aseguran que “aínda que segundo as declaracións na prensa do alcalde barreirense debemos entender que unha empresa privada realizará esas obras a cambio de non sabemos que beneficios, consideramos que ise non é o xeito oportuno de xestionar os bens e diñeiro público; polo que o Concello de Barreiros debera esixir da administración provincial que o vial sexa entregado en condicións óptimas ou, no seu defecto, acompañado dunha cantidade suficiente de diñeiro para poder levar a cabo as obras precisas para a súa posta nun estado óptimo.”
Segundo a portavoz municipal “en todo caso, se existe posibilidade de ingresos extraordinarios provintes doutras entidades, deberían destinarse a calquera das numerosas necesidades que hai no concello e non en suplir a actuación que deberá facer a institución ata o de agora titular do vial. Actuar doutro xeito, non vén máis que a confirmar a falla de interese en obter beneficios para o interese xeral das veciñas e veciños por parte do goberno municipal e o desentendemento na realización das máis mínimas xestións para conseguir investimentos que contribúan a mellorar a situación dos viais municipais.”
Desde o BNG xustifican a solicitude deste pleno asegurando que “tendo en conta que o acordo adoptado pola Deputación Provincial debe ser aceptado polo Pleno do Concello de Barreiros, é oportuno, con carácter previo a tal aceptación, especificar as condicións ou negociacións que deban acompañar tal aceptación, xa que do contrario sería asumir innecesariamente obrigas que non corresponden ao Concello de Barreiros.”
O Alcalde barreirense ten agora 15 días para convocar dita sesión e, de non facelo, quedaría automaticamente convocada para o décimo día seguinte.
«Cando elixes o traballo de socorrista sabes que podes ter que arriscar a vida»
«Afortunadamente temos avanzado moito, pero aínda hai quen segue sen respectar as normas»
PEPA LOSADA
ANDREA ARRUÑADA J.A.
BARREIROS / LA VOZ
Borja Rocha Vázquez repite por segundo ano como coordinador do servizo de vixilancia de praias de Barreiros. Leva sete anos de socorrista.
-Barreiros é dos poucos concellos que conseguiron cubrir todas as prazas de socorristas.
-Si, 19 subvencionados pola Xunta, dous polo Concello e dous ATS. Dez repiten do ano pasado e o resto son novos. Fomos falando entre nós, tirando de amigos, de xente que viña preguntar e ao final amañamos. Penso que o bo ambiente no equipo é fundamental e aquí buscámolo.
-Que é o peor dun traballo así?
-O principal é que a túa vida corre un risco, aínda que é algo que asumes cando optas por este traballo. O outro ten que ver cos usuarios da praia, cando non te respectan a ti nin as túas indicacións. Algúns pensan que estas aí para amolar. É un traballo no que hai que mediar moito e falar, porque non tes a autoridade dun policía ou dun garda civil.
-Entón, son os bañistas pouco respectuosos co voso traballo?
-Afortunadamente, nos últimos anos temos avanzado moito, pero seguen sen respectarse as normas. Parece como se na praia mudasen todos os códigos que usamos na vida cotiá. Eu creo que inflúe que ao ser un espazo natural parece como si tiveras barra libre para facer casqueira cousa.
-Non respectar a bandeira roxa, é o máis habitual?
-Nos intentamos poñela o menos posible. Entendemos que a xente que ven á praia no verán o que quere é bañarse. Cando o mar está perigoso, se as condicións o permiten, habilitamos pequenas zonas de baño que sexan fáciles de controlar.
-Cales son as outras indicacións que menos se respectan?
-O uso da papeleiras. Parece como se para algúns fose unha obriga tirar o papel do xeado na area. E o mesmo cos cigarros.
-E iso? Falta de educación?
-Antes podías falar de ignorancia, pero agora non. A xente sabe que a auga do mar estase contaminando día a día. Penso que é por pereza. Sen embargo, moita xente pregunta por que non quitamos as algas da area, e témoslles que explicar que non pode ser, que forman parte dun proceso natural e que son necesarias para o medio mariño.
-A pregunta máis habitual dos bañistas?
-Pola baixamar e a preamar. Tamén cales son as mellores zonas para bañarse.
-Cales son as intervencións máis habituais?
-Por picaduras de fanecas bravas. Pero tamén sempre se dan casos de algún rescate, de xente a quen leva a corrente e lle custa saír, ou de nenos pequenos que se poñen nerviosos no mar.
-Cal foi a situación mais complexa que ten vivido como socorrista?
-O ano pasado tivemos un rescate na praia de Lóngara que acabou co falecemento dun home. Chamáronnos cara as oito menos cuarto da tarde, cando o servizo de vixilancia e salvamento xa estaba rematado, pero volvemos o máis rápido que puidemos. Arriscamos a vida para intentar salvalo, porque o estado do mar era bastante malo, e despois intentou ser reanimado durante cerca de dúas horas, pero non se puido, e morreu.
-Que recomendación lle da a un bañista?
-Sobre todo, que sexan prudentes e que respecten as sinais e indicacións. Tamén que confíen máis en nós e no noso traballo. A nosa única intención e garantir a súa seguridade e todo o que facemos vai nesa liña, non para amolar a alguén prohibindo, por exemplo, o baño.
Un grupo de veciños e veciñas de Barreiros visitaron a cascada do Ézaro, no concello coruñés de Dumbría. Fixérono aproveitando a peregrinación na que están a participar e que está a percorrer este ano o Camiño entre Santiago e Fisterra-Muxía. O concelleiro de Medio Ambiente, José Manuel Gómez Puente, dixo que “hai uns días aproveitamos para coñecer este espectacular entorno natural. Trátase da cascada que forma o río Xallas na súa desembocadura ao mar”.
Premios para el CD Foz y para el Playas de Barreiros en la Gala do Deporte de Galicia
GONZALO SALGADO
El CD Foz y el Playas de Barreiros fueron premiados el pasado viernes en la Gala do Deporte Galego por sus ascensos en fútbol y fútbol sala respectivamente. La gala, organizada por la Federación Galega, se celebró en el palacio de congresos de Santiago y reunió a representantes del fútbol y fútbol sala de toda Galicia.
Y no lo sé porque si cada vez que quienes les pagamos sus sueldos muy bien pagados, tenemos casi que suplicarle para que nos atiendan, para eso no los necesitamos para nada y lo hacemos nosotros por nuestra cuenta, que seguro será incluso mucho más barato.
Digo esto a cuenta de las reclamaciones habidas estos días en la prensa por parte de los partidos políticos que de alguna manera tienen algo que ver con el Concello de Barreiros, pidiendo que se acondicionen las carreteras por las que tienen que circular cada día los vecinos que como antes dije son los que les pagan sus muy buenos sueldos.
Yo desearía que estas cosas no ocurriesen y que no tuviéramos que reclamar nada a quienes tienen la obligación de servirnos.
O BNG DIRÍXESE Á DEPUTACIÓN PROVINCIAL PARA SOLICITAR MELLORAS PARA BARREIROS ANTE A INCAPACIDADE E O PASOTISMO DO GOBERNO MUNICIPAL
Despois das declaracións do Alcalde barreirense, Alfonso Fuente, demóstrase a incapacidade ou a falta de interese do goberno municipal por facer a mínima xestión en beneficio das veciñas e veciños.
Por esta razón, o BNG decidiu dirixirse á Deputación Provincial para trasladarlle as necesidades de municipio e solicitar o inicio dos traballos e melloras para Barreiros.
Barreiros, 29 de xuño de 2018. O grupo municipal do BNG en Barreiros vén de dirixir na mañá de hoxe un escrito ao servizo provincial de vías e obras para solicitarlle o inicio, na maior brevidade posible, dos traballos de desbroce das vías de titularidade provincial. Segundo fan constar no escrito, presentado no Rexistro Xeral da Deputación Provincial de Lugo hoxe mesmo, “vendo que o goberno municipal de Barreiros – e o seu Alcalde, Alfonso Fuente- carecen da capacidade ou do interese en realizar o seu traballo de goberno municipal e dirixirse a outras Administracións para solicitar traballos ou melloras que redunden en beneficio xeral e de manter as mínimas normas de cortesía e cooperación interadministrativa; envíando mensaxes vía notas de prensa e solicitando que o BNG solicite a realización deses traballos; entendemos que debemos asumir a representación veciñal que o goberno municipal non fai, en aras de non prexudicar ás veciñas e veciños de Barreiros.”
Así, desde a formación nacionalista explícanlle ao organismo provincial que “as estradas de titularidade provincial que existen no concello de Barreiros se atopan a estas alturas sen comezar as labores de desbroce, sendo de suma importancia a realización das mesmas, xa que na súa maioría afectan á zona de acceso ás praias, sendo notorio a gran cantidade de persoas e vehículos que circulan por elas en tempada estival e podendo supoñer un perigo importante.”
“Isto só é unha nova mostra da incapacidade absoluta dun goberno municipal que non se preocupa en absoluto de atender as necesidades do Concello e que, por riba, pretende descargar esas responsabilidades noutros. Desde o BNG recordámoslle ao señor Fuente Parga que o Alcalde de Barrreiros é el. E que é el e o seu equipo quen teñen que facer xestións para mellorar Barreiros. Pero se vé que non é capaz ou non ten ganas, que o diga abertamente e deixe de seguir perxudicando a Barreiros coa súa incompetencia”, afirma Ana Ermida.
Melloras ou diñeiro para arranxar o tramo de vía transferido.
No mesmo escrito presentado hoxe, a formación nacionalista aproveitou para trasladar directamente outra petición ao goberno provincial, “tendo en conta que o goberno municipal de Barreiros tampouco o fixo”, aseguran.
“En canto soubemos que o Concello de Barreiros solicitaba a transferencia dun vial provincial, propuxemos no pleno que se negociasen melloras ou que esa transferencia viñese acompañada de diñeiro, xa que do contrario, estaríase asumindo como Concello unhas obrigas que non corresponderían”, explica Ana Ermida. “Naquel pleno todo o mundo parecía estar de acordo, pero a nosa sorpresa chegou cando se nos confirma desde a Deputación que esa petición nunca se realizou por parte do goberno de Barreiros.”
Por iso, o BNG tamén se dirixe á Deputación Provincial para “que se estude a posibilidade de dotar ao Concello de Barreiros dunha dotación económica que lle permita adecentar e arranxar o tramo cedido da LU-P 0608, de cara a evitar que o Concello de Barreiros siga acumulando viais en estado deteriorado.”
O CONCELLO ESTREA CARTEIS NAS PRAIAS ADVERTINDO DOS PERIGOS DOS CANTÍS, CON RECOMENDACIÓNS PARA PROTEXERSE DO SOL E INFORMANDO SOBRE A PRESENZA DE ALGAS.
Barreiros, 29 de xuño de 2018. O Concello coloca e estrea estes días nas praias do municipio unha serie de carteis advertindo de posibles desprendementos nos cantís, outros con recomendacións para protexerse do sol e informando da presenza de algas, “que non son lixo e son necesarias para manter o ciclo vital dos areais”, segundo subliñou o alcalde.
Alfonso Fuente manifestou que “no Concello de Barreiros o que estamos facendo estes días é colocar unha serie de carteis na zona das praias cunhas advertencias, que a veces son cousas que deberíamos ter todos presentes e coñecelas para recordalas”.
O rexedor declarou que “se trata de evitar o que pasou na praia das Catedrais, que non sabemos se vai pasar ou non porque pode pasar en calquera dos nosos cantís. O que facemos é colocar unha serie de carteis advertindo de que non se tome o sol preto dos acantilados, que ninguén se arrime pola parte de arriba aos acantilados xa que pode haber desprendemento de terras e pode caer alguén. Están os paseos e hai xa protección nos paseos, pero tamén se advirte desas zonas perigosas, igual que onde o mar traballou neste inverno movendo algunha escollera como pode ser na zona de Altar, tamén se poñen advertencias para que os usuarios da praia non suban por esas pedras porque pode haber accidentes”.
Fuente Parga explicou que “tamén se puxo cartelería advertindo dos perigos do sol e da protección que hai que tomar na exposición, e infórmase sobre as algas. Moitas veces nos din que parece que a praia está chea de lixo cando está chea de algas. Evidentemente da praia o que se debe retirar son os cristais, plásticos e restos de madeiras, pero as algas non son lixo senón que son alimento de moitas especies que viven na praia e no mar, e son necesarias para manter ese ciclo vital. É unha recomendación importante para que todo o mundo o teña presente”.
Día: Sábado 7 de xullo
Barreiros, 3 de xullo de 2018. A Delegación de Medio Ambiente do Concello de Barreiros organiza a Romería de Santo Estevo do Ermo, que se celebrará o vindeiro sábado, 7 de xullo.
Barreiros, 2 de xullo de 2018. Barreiros acolle o vindeiro domingo, 8 de xullo, unha actividade de promoción da lingua galega para a que contará coa presenza de Os Bolechas.
O BNG PIDE UN PLENO EXTRAORDINARIO EN BARREIROS PARA SOLICITAR DA DEPUTACIÓN O ARRANXO DO VIAL CEDIDO A SEMANA PASADA.
Y no lo sé porque si cada vez que quienes les pagamos sus sueldos muy bien pagados, tenemos casi que suplicarle para que nos atiendan, para eso no los necesitamos para nada y lo hacemos nosotros por nuestra cuenta, que seguro será incluso mucho más barato.
