Un grupo de veciños e veciñas de Barreiros visitaron a cascada do Ézaro, no concello coruñés de Dumbría. Fixérono aproveitando a peregrinación na que están a participar e que está a percorrer este ano o Camiño entre Santiago e Fisterra-Muxía. O concelleiro de Medio Ambiente, José Manuel Gómez Puente, dixo que “hai uns días aproveitamos para coñecer este espectacular entorno natural. Trátase da cascada que forma o río Xallas na súa desembocadura ao mar”.