Archivo por meses: octubre 2020
A Xunta de Goberno aproba a achega de 175.000 euros para a mellora da rede de abastecemento de auga potábel de Barreiros
A Xunta de Goberno aproba a achega de 175.000 euros para a mellora da rede de abastecemento de auga potábel de Barreiros
23-10-20
Lugo, 23 de outubro de 2020. A Xunta de Goberno da Deputación vén de aprobar as obras de mellora de máis de 2 quilómetros na rede de abastecemento de auga potábel da parroquia de San Cosme, en Barreiros.
As obras contan cun orzamento total de 217.000 euros, dos que a área de Medio Rural achegará 175.000 e o concello asume os 42.000 restantes.
A Deputada da área, Mónica Freire, explicou que “uns servizos públicos de calidade son imprescindíbeis para mellorar as condicións das veciñas e veciños do rural, por iso colaboramos cos concellos para mellorar as súas infraestruturas”
As obras consistirán na instalación dun colector primario transversal, que discorrerá ao longo de máis de 2 quilómetros ao carón da CP-0611, subministrando auga aos núcleos de Remior e San Bartolo. Ademais, aproveitando a execución da zanxa principal, levarase a cabo unha pequena rede secundaria paralela ao colector principal que dará servizo a sete vivendas.
Un concurso público de recetas con alimentos de A Mariña
A ALCALDESA REUNIUSE CO DELEGADO DA XUNTA EN LUGO PARA TRASLADARLLE AS NECESIDADES DO MUNICIPIO
Piden cárcel para dos acusados de instalar una vivienda prefabricada en una finca rústica de Barreiros
LA VOZBARREIROS 19/10/2020 16:43 H
Esta semana serán juzgadas en la sala de lo Penal número 2 de Lugo dos personas sin antecedentes penales por un supuesto delito contra la ordenación del territorio en Barreiros. La fiscalía acusa a ambas, copropietarias de la parcela donde se construyó, de instalar una vivienda prefabricada, levantar una construcción auxiliar (durante el año 2016) que cuenta con cierre de bloque de hormigón con huecos para carpinterías y solado de hormigón pulido, y hacer soleras de hormigón para la cimentación de las construcciones y la instalación de una caravana. Todo ello se ejecutó, sostiene la fiscalía, en suelo rústico de protección agropecuaria.
La Axencia para a Protección da Legalidade Urbanística incoó un expediente de reposición de la legalidad que en 2018 concluyó decretando que las obras no son legalizables por ser incompatibles con el ordenamiento urbanístico de Barreiros y ordenó su demolición y reposición de la finca al estado anterior a las obras.Para la fiscalía, los acusados son autores de un delito contra la ordenación del territorio y pide que se les imponga una pena de cárcel de 15 meses a cada uno, además de una multa y de tener que demoler lo construido.
TAMBIÉN EN LA VOZ
Plan Maior de Seguridade
O vindeiro xoves, 29 de outubro, nova xornada do “Plan maior de seguridade”
O departamento de servizos sociais, en colaboración coa Garda Civil, organiza unha charla sobre prevención e mellora da seguridade dos/as nosos/as maiores.
Colexios vellos de San Miguel ás 17:00 horas.
Inscrición previa no Dpto. de Servizos Sociais ou no telf. 982317143 en horario de 10:00 a 14:00 horas.
Me gusta
Comentar
Compartir
A Alcaldesa de Barreiros reuniuse co delegado da Xunta para trasladarlle as necesidades do municipio
A Alcaldesa de Barreiros reuniuse co delegado da Xunta para trasladarlle as necesidades do municipio
22-10-20
Barreiros, 22 de outubro de 2020. A alcaldesa de Barreiros, Ana Ermida, reuniuse esta mañá co delegado da Xunta en Lugo, Javier Arias, para trasladarlle algunas das necesidades municipais e abordar a posibilidade de colaboración entre a administración galega e a municipal en distintos ámbitos.
A rexedora trasladoulle a necesidade dunha depuradora para a zona de San Miguel e Reinante e deulle conta das xestións realizadas polo goberno municipal para acadar o finanzamento necesario. Nese sentido, Ermida reiterou que “a regla dos tercios na aportación, tratándose dun investimento tan importante é inasumible para Barreiros”. Por esta razón, tamén puxo enriba da mesa a posibilidade de que a Xunta puidese incluír este proxecto nos destinatarios dos fondos europeos que se poidan recibir.
Outra cuestión sobre a que falaron na xuntanza foi a situación do refuxio de peregrinos de Gondán e a posibilidade de intervención no mesmo coa vista posta no ano Xacobeo. Neste sentido, a alcaldesa explicou que “existe un proxecto para o que se anunciara finanzamento no seu momento por importe de 586.000€ que, de poder desenvolverse, sería sen dúbida un importante impulso para o Camiño Norte e para a zona.”
Ademais destas cuestións, Ana Ermida manifestoulle a necesidade de contar con un centro de día para dar servizo á poboación barreirense e á posibilidade de retomar o convenio anunciado a principio do 2019 de humanización de rúas en San Cosme e San Miguel.
A alcaldesa agradece ao delegado a disposición amosada para afrontar as posibles solucións e agarda que “esta xuntanza sexa o inicio dunha senda de colaboración entre as dúas administración que redunde en beneficio para as veciñas e veciños de Barreiros.”
Dende este xoves, 22 de outubro ás 00.00 horas, toda Galicia atópase en #Nivel2
Dende este xoves, 22 de outubro ás 00.00 horas, toda Galicia atópase en #Nivel2 con novas medidas impostas pola Xunta debido a situación epidemiolóxica e por un periodo mínimo de 14 días.
Aquí podes consultar o #DOG no que se detallan as medidas de prevención da Comunidade Autónoma de Galicia 
https://bit.ly/31wOzX5
E aquí un pequeno resumo gráfico das medidas
O CONCELLO DE BARREIROS CONVENIA CON LUGO A CESIÓN DUNHA MOTOBOMBA PARA USO MUNICIPAL
O CONCELLO DE BARREIROS CONVENIA CON LUGO A CESIÓN DUNHA MOTOBOMBA PARA USO MUNICIPAL.
Barreiros, 21 de outubro de 2020. A alcaldesa de Barreiros, Ana Ermida, acompañada da segunda tenente de alcaldía e do concelleiro de medio rural, Carmen Veiga e Dámaso Ratoeira, acudiu na mañá de hoxe ao Concello de Lugo para asinar un convenio coa alcaldesa da cidade, Lara Méndez, no que se acorda a cesión dun vehículo motobomba propiedade do Parque de Bombeiros de Lugo ao concello barreirense para o seu uso municipal.
A alcaldesa explicou que “tras a avaría sufrida a finais do verán pola motobomba que tiñamos no concello, que tiña máis de trinta anos, e que supoñía un investimento demasiado elevado para un vehículo desas características que ademais non garantía a plena operatividade debido á antigüidade da mesma, o goberno municipal realizou todas as xestións posibles para garantir a dispoñibilidade dun vehículo deste tipo no municipio.”
“Tras coñecer que o Concello de Lugo contaba con un vehículo en desuso que cumpre coas características necesarias para a cobertura destes servizos en Barreiros, a colaboración entre ambos municipios fixo posible a dispoñibilidade da motobomba”, explica a rexedora.
Ermida agradece ao goberno de Lugo, e nomeadamente á súa alcaldesa, a boa disposición amosada e as facilidades para axilizar a tramitación administrativa que permite a posta a disposición do vehículo xa neste momento.
Con esta cesión gratuíta, Barreiros contará, unha vez posta a punto e regularizada a situación administrativa, con motobomba dispoñible para a prestación de servizos municipais contra incendios, limpezas de espazos públicos ou problemas de atascos na rede de sumidoiros municipal ou taxeas de camiños.
Ana Ermida manifestou que “en calquera caso, mentras o Concello non dispuxo de motobomba, estes servizos seguiron a realizarse, ben mediante a colaboración con medios de concellos veciños ou mediante a contratación dos mesmos”; polo que sinala “Barreiros non perdeu en ningún momento ningún deses servizos.”
A PLATAFORMA SANITARIA DA MARIÑA REÚNESE HOXE COS COMITÉS DE EMPRESA DA FACTORÍA DE ALÚMINA- ALUMINIO E EMPRESAS AUXILIARES
A PLATAFORMA SANITARIA DA MARIÑA REÚNESE HOXE COS COMITÉS DE EMPRESA DA FACTORÍA DE ALÚMINA- ALUMINIO E EMPRESAS AUXILIARES.
O colectivo sanitario trasládalle de novo o seu total apoio á loita polo mantemento dos empregos e a continuidade da fábrica.
A Mariña 21 de outubro de 2020. Integrantes da Plataforma en Defensa da Sanidade Pública da Mariña veñen de manter unha reunión cos Comités de Empresa da factoría e empresas auxiliares, na que lle amosaron e tarsladaron de novo todo o seu apoio na loita que veñen mantendo desde hai moitos meses, polo mantemento de preto de mil postos de traballo e pola continuidade da fábrica de aluminio .
O industria do aluminio é unha actividade estratéxica e debe seguir producindo aluminio e alúmina nesta comarca; non se entendería que os gobernos da Xunta e do Estado permitisen que unha multinacional ,que se estivo a beneficiar durante moitos ano de subvencións “ libres de polvo e palla”, sen prácticamente facer investimentos , fixera efectiva unha fuxida previa parada das cubas, deixando na rúa a preto dun milleiro de familias e cun impacto brutal sobre a economía da Mariña.
A Plataforma Sanitaria fai un chamamento para apoiar a manifestación do proximo sábado 24 de outubro en Lugo .
A Plataforma Sanitaria adhírese unha vez máis ás reivindicacións da industria do aluminio da Mariña e fai un chamamento a veciños e veciñas da comarca para que acudan á manifestación que o vindeiro sábado día 24 sairá ás 11 horas do edificio multiusos da Xunta de Galicia , en Lugo, e rematará diante da subdelegación do goberno. O futuro da comarca depende , en gran medida da permanencia desta industria, pois debemos lembrar que representa preto do 30% do PIB da provincia, e xenera milleiros de empregos directos e indirectos na Mariña. Perder esta industria significaría a desertización industrial da comarca, obrigando a gran parte da poboación á emigración.Segundo explica a coordinadora da plataforma sanitaria, Montse Porteiro, “temos que continuar a pelexar man con man pola actividade industrial da Mariña e por una sanidade pública digna e de proximidade, posto que tanto unha como a outra foron os obxectivos dos agravios máis brutais destes últimos anos”. No mesmo sentido manifestouse o portavoz do colectivo sanitario, Víctor Vila, quen engadiu que “A Mariña sálvase loitando e unida, ben sexa na sanidade, na industria o nas reivindicacións sobre infraestruturas”.
Desde a Plataforma sanitaria apelamos á responsabilidade de todas as persoas para respectar e acatar todas as medidas dictadas polas autoridades sanitarias nas reivindicacións.