Archivo de la categoría: Hosteleria
No Concello de Barreiros tivo lugar a presentación do DisfraBAR
No Concello de Barreiros tivo lugar a presentación do DisfraBAR, unha actividade de Entroido organizada pola asociación de
Hostelería de Barreiros e na que se vai sortear un menú completo de cocido para un grupo de 10 persoas. Será entre todos aquelas persoas que percorran os 7 establecementos hostaleiros que participan na iniciativa entre o 4 e o 6 de marzo. Cada persoa obterá
un selo para a súa papeleta por cada consumición realizada. O sorteo do premio terá lugar o 8 de marzo, na praza do Concello, durante a Festa do Entroido de Barreiros.
Para facilitar a participación no DisfraBAR e favorecer a mobilidade segura haberá un bus gratuíto durante os tres días, grazas á colaboración do Concello de Barreiros. Funcionará o luns e o mércores entre as sete da tarde e as doce da noite e o martes de Entroido de doce do mediodía a 4 da tarde e de sete da tarde a doce da noite. Partirá das inmediacións do Centro de Saúde e percorrerá os bares que se dan cita no DisfraBAR e que son La Barrica, A Yenka, A Curva, Lozano, O Asador, Moderno e Centro Social.
Na presentación desta mañá estivo o alcalde, Alfonso Fuente, xunto a representantes da asociación Hostelería de Barreiros.
Asociación HOSTELERÍA DE BARREIROS
Asociación HOSTELERÍA DE BARREIROS NOTA AOS MEDIOS DE COMUNICACIÓN “DisfraBAR”, a actividade de Entroido da asociación de Hostelería de Barreiros na que se sorteará un menú completo de cocido para un grupo de 10 persoas. Haberá unha liña de bus gratuíta durante os 3 días, con paradas en distintos puntos do municipio, para o que se conta coa colaboración do Concello de Barreiros. Un total de 7 bares pertencentes á asociación de Hostelería de Barreiros toman parte na actividade “DisfraBAR”. Trátase dunha idea novidosa na que serán os establecementos de hostalería os que estarán disfrazados durante os días 4, 5 e 6 de marzo, con temáticas de antroido cada un deles. É dicir, luns, martes e mércores. Os establecementos participantes son o Bar Centro Social, Moderno, O Asador, Lozano, A Curva, A Yenka e La Barrica, que durante estes tres días selarán unha papeleta por cada consumición realizada. Cada papeleta selada na súa totalidade nos 7 establecementos poderá entrar nun sorteo dun menú completo de cocido para un grupo de 10 persoas. Ademais, as persoas que visiten estes locais poderán escoller o bar que máis lle gustara. O establecemento que máis votos teña será galardoado como o gañador do “DisfraBAR 2019”. Como peche, o mércores a partir das 20:00h., as comparsas barreirenses “Habelas Hainas” e “Os Macanudos” percorrerán e actuarán nestes locais, agás no Asador que como de costume o mércores pola tarde permanecerá pechado. Para facilitar a asistencia e favorecer a mobilidade segura, haberá un bus gratuíto durante os 3 días, para o cal se conta coa colaboración do Concello de Barreiros. O bus fará os seguintes horarios: – Luns, de 19h. a 24h. – Martes, de 12h. a 16h. e de 19h. a 24h. – Mércores, de 19h. a 24h. O bus fará un percorrido circular cunha frecuencia aproximada de 30 minutos. Partirá sempre do Centro de Saúde de San Cosme ás horas marcadas como hora de inicio, e continuará o percorrido parando nos seguintes lugares: O Asador, Bar Lozano, A Curva, Parada de bus de Vilamartín Grande, Parada de bus de San Miguel de Reinante (ao lado do aparcamento), A Yenka, La Barrica e de novo Centro de Saúde para volver a comezar. As persoas que desexen usar este servizo poderán subir e baixar na parada que consideren, estar nos bares participantes e agardar a que volva pasar de novo o bus para continuar a ruta no bar que escollan. O sorteo do premio terá lugar o día 8 de marzo, na praza do Concello, durante a festa do Entroido de Barreiros. As papeletas deberán depositarse nun buzón habilitado para este efecto, que estará dispoñible na zona de baile. A recollida do vale do premio deberá facerse presencialmente. No caso de non aparecer a persoa gañadora, sortearase de novo. Igualmente, no caso de que a papeleta escollida non estea selada na totalidade dos bares, esta será inválida e realizarase o sorteo de novo. O premio poderá ser desfrutado nos restaurantes A Curva, A Yenka, La Barrica ou O Asador. Consistirá nun menú de sopa de cocido, cocido, postre tradicional, café, viño da casa, gaseosa e auga, para un grupo de 10 persoas. Deberá consumirse durante o mes de marzo, previa reserva dunha semana.
Éxito da xornada informativa sobre axudas e subvencións organizada pola asociación de Hostelería de Barreiros.
Éxito da xornada informativa sobre axudas e subvencións
organizada pola asociación de Hostelería de Barreiros.
O colectivo organizador contactou con diferentes departamentos da Xunta de Galicia, así
como tamén co GDR Terras de Miranda e o GALP A Mariña-Ortegal.
70 persoas asistiron á xornada organizada polas persoas que integran o colectivo de
hostelería de Barreiros, que lograron reunir na mesma mesa a diferentes departamentos
da Xunta, así como ao GDR Terras de Miranda. A idea desta xornada partiu do colectivo
barreirense ao observar o amplo abano de posibilidades de subvencións e axudas que
existen neste momento e das cales poden ser beneficiarias tanto persoas que traballan
por conta propia como empresas.
A asociación considera a xuntanza como un éxito, dada a alta participación que houbo, o
que dá mostra de que é un tema que esperta interese entre a xente. Axudar a difundir
estes apoios considérano básico para que as persoas interesadas teñan máis
coñecemento sobre as oportunidades que existen, e así, contribuir a reforzar o tecido
económico tanto do municipio como do resto de concellos do arredor.
Cristina Sanz do IGAPE, Paloma Vázquez da Axencia Galega de Turismo, Rocío Rebolo
do Servizo de Emprego e Economía Social, e Elena Martínez do GDR Terras de Miranda,
foron as expositoras desde o punto de vista técnico, de todas as axudas e subvencións
existentes. Na sesión tomou tamén a palabra o Delegado Territorial da Xunta de Galicia
na provincia de Lugo, José Manuel Balseiro Orol. A asociación organizadora agradece a
disposición de todas estas persoas para celebrar a xornada.
As poñentes facilitaron as presentacións empregadas, e foron agrupadas nunha carpeta
de acceso público para calquera persoa que desexe consultalas. En dita carpeta está
tamén dispoñible material informativo sobre outras axudas de outros departamentos ou
organismos. Esta información pode consultarse accedendo á páxina de Facebook de
“Hostelería de Barreiros”, ou ben solicitala por correo escribindo a
[email protected]
A Xunta informa en Barreiros dos programas de axuda que convoca para emprendedores, autónomos e pemes
Hostelería de Barreiros <[email protected]>
Mié 20/02/2019 14:06
Boa tarde,
Escribimos desde a asociación de Hostelería de Barreiros dado que observamos que a información publicada sobre a xornada informativa sobre axudas e subvencións celebrada onte en Barreiros, é errónea en dous punto:
1. Onde di: “A Xunta de Galicia organizou, en colaboración coa Asociación de Hostalería de Barreiros”. Debe dicir ao revés, a asociación de hostelería foi a organizadora e quen contactou con distintos departamentos da Xunta e outros como o GALP e o GDR para realizar este evento.
2. Onde di : “a xestora da asociación de hostaleiros de Barreiros, Tamara Rubiños”. Esta referencia é errónea, a nosa compañeira non é xestora de dita asociación, que está presidida por David Hinojosa Bermúdez. A participación de Tamara na xornada de onte foi unicamente en calidade de representante para este evento en particular.
Agradecemos, por favor, a rectificación dos puntos anteriores e informamos que enviaremos en breve a nosa propia nota como entidade organizadora.
Graciñas e un saúdo.
AXUDAS E SUBVENCIÓNS PARA AUTÓNOMAS/OS E PEQUENAS EMPRESAS
RECORDATORIO:
Esta tarde, na “Xornada Informativa sobre Axudas e Subvencións para autónomas/os e empresas“, organizada pola asociación de Hostelería de Barreiros, tamén nos acompañará Rocío Rebolo Serén, Xefa do Servizo de Emprego e Economía Social, quen nos falará de AXUDAS que teñen por finalidade a promoción do emprego autónomo, e incentivos á contratación indefinida de persoas desempregadas.
Acompañaránnos ademais:
– José Manuel Balseiro Orol, Delegado Territorial da Xunta de Galicia en Lugo.
– Cristina Sanz Arias, Técnico de Información Especializada do IGAPE.
– Paloma Vázquez Fernández, Xefa da Área Provincial de Turismo en Lugo.
– Elena Martínez, xerente do GDR Terras de Miranda (xestión do programa LEADER).
Será HOXE (martes ) ás 19:30h. no Centro Sociocultural de San Cosme de Barreiros.
A asociación de Hostelería de Barreiros organiza unha xornada na que o IGAPE, o GDR Terras de Miranda e a Axencia Galega de Turismo presentarán axudas para autónomas/os e pequenas empresas de todos os sectores
A asociación de Hostelería de Barreiros organiza unha xornada na que o IGAPE, o GDR Terras de Miranda e a Axencia Galega de Turismo presentarán axudas para autónomas/os e pequenas empresas de todos os sectores.
Persoal técnico destes organismos estarán presentes o martes 19 de febrero ás 19:30h. no Centro Sociocultural de San Cosme de Barreiros.
A asociación de Hostelería de Barreiros organiza unha sesión informativa na que tomará parte o persoal técnico de distintos organismos vinculados coa Administración que recentemente presentaron convocatorias de axudas e/ou subvencións das que poden beneficiarse pequenas empresas e persoas que traballen por conta propia. Aínda cando a iniciativa parte dunha asociación relacionada co gremio da hostalería, esta xornada está dirixida á totalidade de sectores produtivos: sector servizos, fábricas, transformación agrogandeira, turismo, servizos á comunidade, etc.; pois pártese da idea de que a economía e o desenvolvemento local debe funcionar como un sistema conxunto.
As axudas que se van presentar están dirixidas a zonas da tipoloxía do concello Barreiros así como a moitos outros da Mariña Lucense. En opinión do colectivo este tipo de xornadas facilitan coñecer máis de cerca todo o abano das posibilidades que hai, moitas das veces, descoñecidas, e serven para aclarar dúbidas
Nesta ocasión estarán presentes: o IGAPE, Instituto Galego de Promoción Económica que conta cunha liña de axudas para emprendemento en diferentes sectores, para reforma de establecementos turísticos, etc., así como diferentes alternativas de crédito. Para falar de todas estas opcións estará presente o Técnico da Área de Financiamento do IGAPE, Miguel Ángel Romero Sáez.
Contarase tamén coa presenza de Paloma Vázquez Fernández, Xefa da Área Provincial de Turismo da Xunta de Galicia, en Lugo. Este ente conta actualmente cunha liña de axudas dirixidas á mellora de aloxamentos turísticos. Accesibilidade, incremento de categoría, obtención da Q de Calidade, embelecemento da contorna, renovación de equipos mobles ou aforro enerxético son actuacións de posible subvención. Esta axuda remata o seu prazo de presentación neste mes de febreiro.
Finalmente contarase tamén coa presenza de Elena Martínez, xerente do Grupo de Desenvolvemento Rural Terras de Miranda, ente que xestiona o programa Leader para os concellos de Alfoz, Barreiros, Burela, Cervo, Foz, Lourenzá, Mondoñedo, Ourol, Ribadeo, Trabada, O Valadouro, O Vicedo, Viveiro e Xove. Trátase dun programa de axudas económicas para proxectos que contribúan ao desenvolvemento rural, e que polo tanto, está dirixido a múltiples sectores de actividade.
Contarase tamén coa preseza do Delegado Territorial da Xunta de Galicia en Lugo, José Manuel Balseiro; e ademais das anteriores axudas, trasladarase información de outras en vigor como son as convocadas pola Axencia de Desenvolvemento Rural –AGADER-, o Grupo de Acción Local Pesqueira –GALP- .
A asociación de Hostelería de Barreiros convida a asistir a todas as persoas que poidan ter interese en renovar as súas empresas así como a todas aquelas outras que teñan algunha iniciativa que poner en marcha e poidan beneficiarse deste tipo de axudas, tanto do concello barreirense como de calquera outro do arredor. Ademais, aproveitarase a ocasión para presentar unha iniciativa desta asociación pola cal se pretende crear un grupo ou mesa de traballo polo desenvolvemento turístico de Barreiros e contorna, na cal teñen cabida todas aquelas persoas que a título particular, asociacións, empresas, etc. como poden ser colectivos en defensa do patrimonio, entidades de turismo activo e/ou deportivas, de actividades naúticas, etc. que teñan vinculación con Barreiros e o seu entorno.
Para calquera información sobre estas iniciativas, quedan a disposición as seguintes canles de comunicación: por correo electrónico, [email protected]; por teléfono, 650542932 (Tamara).
A asociación de Hostelería de Barreiros fai bo balance da súa visita a Fitur 2019
A asociación de Hostelería de Barreiros fai bo balance da súa visita a
Fitur 2019, na cal se deu cita con oito axentes do sector turístico.
Xornada e media estiveron en Fitur as persoas representantes da asociación de Hostelería de Barreiros, curta pero intensa visita que o colectivo, de apenas medio ano de andadura, valora moi positivamente.
Con motivo desta visita elaboraron tarxetas e un sinxelo folleto que tiña como única finalidade
dar a coñecer a existencia da asociación e sinalar e localizar Barreiros no mapa. Este material promocional foi esencial para os encontros realizados con axentes do sector turístico, que
finalmente foron máis dos marcados inicialmente.
A asociación deuse cita con axencias minoristas que traballan como emisoras, e que fan chegar á Mariña Lucense grupos ou persoas particulares baixo a experiencia paquetizada. Tamén a
maioría das contactadas traballan co Camiño de Santiago e máis particularmente co Camiño
Norte, as cales precisan do sector hostaleiro para contratar pernoctas en aloxamentos privados debido a que non é posible a realización de reservas en albergues municipais,
segundo transmiten. A maioría das contactadas comentaron que cando se dan fins de etapa en Barreiros se contratan hospedaxes en Ribadeo, o que supón trasladar aos peregrinos a unha
localidade anterior pola cal xa pasaron, e que descoñecían a existencia de establecementos de aloxamento de semellantes características nun radio de distancia menor. A entender da
asociación, esta é unha cuestión que está claramente desaproveitada para os establecementos barreirenses e que supón unha oportunidade de negocio. Explorar a posibilidade de poñer en
alza o Camiño do Mar, Ribadeo-Ferrol pola costa, e referenciar a existencia de establecementos asociados que se atopan no trazado oficial do Camiño Norte foron outras das cuestións trasladadas.
En canto ás experiencias paquetizadas, que incluirían ademais de actividades, xantar, cea e aloxamento, as axencias contactadas dispoñen xa de algún plan tipo adaptable ou xa aplicado
á Mariña Lucense, mais non estaban a traballar con ningún establecemento de Barreiros.
Neste sentido, a asociación hostaleira considera preciso aproveitar como oportunidade o auxe que está a ter a Mariña Lucense como xeodestino, trasladando ás axencias interesadas un
dossier detallado dos recursos dispoñibles no concello barreirense que fagan máis cómoda e práctica a estadía do turista, e polo tanto, sexa esta unha alternativa máis “vendible”. Entre estes recursos deberán estar a relación de establecementos asociados e as particularidades de cada un para encaixar as diferentes demandas.
Outro dos encontros mantidos tivo lugar cunha cadea de aloxamentos independentes que operaran baixo un mesmo paraugas de venta, con axencias maioristas e minoristas, o que multiplicaría as opcións de reservas. Esta mesma idea de aumentar o número de pernoctas mediante o emprego dun sistema de distribución das habitacións nos buscadores de reservas na rede, é o ofertado por outra das empresas coas que tamén se estableceu contacto.
Finalmente tivo tamén lugar unha conversa cunha Central de Reservas de Restaurantes para grupos concertados, o que ao traballar sobre demanda facilita o beneficio e organización de
dito servizo.
Con todas as entidades contactadas se acordou, por ambas dúas partes, compromiso a manterse en contacto nos vindeiros días, coa finalidade de valorar posibles acordos nun futuro próximo. O feito de asistir e presentarse como asociación, é dicir, como unidade e cun
considerable número de establecementos asociados, foi moi ben valorado polas entidades contactadas xa que facilita a consecución de acordos e aumenta as posibilidades de oferta para as axencias, ao tempo que para os establecementos pode resultar ventaxoso debido a que as cotas ou comisións precisas para a colaboración poden ser negociables e polo tanto, inferiores.
Castilla y León, Euskadi, Cantabria e Asturias foron stands visitados polas persoas representantes da asociación en Fitur para obter información de axencias emisoras coas que poder establecer contacto; e do mesmo xeito, Galicia, por medio do Clúster de Turismo, mais neste caso para coñecer axencias receptoras. Polas proximidade destes lugares con Barreiros estímanse como posibles orixes de turistas que desexen realizar pequenas estadías de 2 ou 3
días, o que contribuiría a limar a tan complicada estacionalización do turismo da zona.
A asociación de Hostelería de Barreiros prevé manter nos vindeiros días unha xuntanza para a posta en común desta visita, valorar colaboracións e plantexar novas accións en eventos de semellantes caracter
A Asociación de Hostelería de Barreiros estará presente en FITUR 2019
A Asociación de Hostelería de Barreiros estará presente en
FITUR 2019,
Feira Internacional de Turismo.
Unha representación composta por 3 persoas integrantes da recentemente creada Asociación
de Hostelería de Barreiros asistirá a vindeira semana a Madrid para participar na Feira
Internacional de Turismo, FITUR. A finalidade desta visita é asistir a diferentes presentacións
que terán lugar no stand de Turismo de Galicia, ben por tratarse de mostras que afectan á
Mariña Lucense ou á provincia de Lugo, como tamén a aquelas outras que poden servir como
exemplos de boas prácticas e como inspiración para o desenvolvemento turístico de Barreiros.
Con esta mesma intención prevén tamén a asistencia a outras ponencias ou mesas de traballo
propias da programación da feira.
Ademais disto, a asociación vén de marcar varias reunións con axentes do sector turístico,
máis específicamente con axencias de viaxes minoristas, coas cales establecer unha primeira
toma de contacto e coñecer os servizos ofrecidos para valorar o encaixe destes coa
versatilidade de opcións de hostalería que existen no concello barreirense. Dende a asociación
toman esta primeira visita como unha oportunidade para detectar posibles colaboracións
futuras, así como para indagar en novos modelos de xestión e aproveitamento turístico.
Como actos preparatorios e previos a esta ocasión, representantes de dita asociación
mantiveron unha reunión coa Xerencia de Turismo da Mancomunidade de Municipios da
Mariña Lucense para coñecer de primeira man como ía ser a participación desta entidade en
FITUR, entre outros. Coa mesma intención mantiveron recentemente unha reunión co alcalde
de Barreiros, a quen lle trasladaron a importancia de que o Concello tivera un papel activo en
dita feira fixando unha axenda de reunións con axentes do sector, aproveitando a súa
asistencia á mesma.
Igualmente, nas futuras semanas, a Asociación de Hostelería de Barreiros xuntarase de novo
para valorar a posible participación noutros eventos semellantes como é o III Fórum Fairway,
sobre o Camiño de Santiago; Xantar, Salón Internacional de Turismo Gastronómico ou
Turexpo, Salón Turístico de Galicia.
Tapeo en San Miguel de Reinante
https://www.facebook.com/1465512943548864/videos/191716638294555/