Archivo de la categoría: Uncategorized

CERTAME INFANTIL DAS LETRAS GALEGAS 2021

Concello de Barreiros

💙CERTAME INFANTIL DAS LETRAS GALEGAS 2021
➡️A Biblioteca Pública Municipal de Barreiros xunto coa Biblioteca Provincial de Lugo e a Consellería de Cultura, Educación e Universidade da Xunta de Galicia, convocan o CERTAME DE NARRACIÓN E DEBUXO INFANTIL LETRAS GALEGAS 2021 (Fase Local)
📚O lema para o concurso deste ano no que se lle rende homenaxe a #XelaArias é: “O dereito das nenas e nenos a participar na vida cultural. (Art. 31 Convención sobre os Dereitos do Neno.)”
👩‍🏫Como resumo do artigo 31 podemos decir que: Os Estados Partes, recoñecen o dereito do neno/a ao descanso e ao esparcemento, ao xogo e ás actividades recreativas propias da súa idade, e a participar libremente na vida cultural, e nas artes.
✍️As follas de inscrición poden recollerse na Biblioteca Municipal e nos colexios do concello.
📑AS BASES:
1.- Poden participar todas as nenas e nenos con:
A) NARRACIÓNS, en galego, cunha extensión máxima dun folio por unha soa cara, sobre o tema: “O dereito das nenas e nenos a participar na vida cultural. (Art. 31 Convención sobre os Dereitos do Neno.)”
B) DEBUXOS, feitos sobre cartolina de tamaño aproximado de DIN A4, sobre o tema: “O dereito das nenas e nenos a participar na vida cultural. (Art. 31 Convención sobre os Dereitos do Neno.)”
2.- Cada autor pode presentar cantos traballos desexe, mecanografados, escritos a ordenador ou a man; neste ultimo caso sempre a bolígrafo e nunca a lápis. Con cada traballo, acompañarase unha folla co nome e demais datos do autor.
3.- Establecense 3 categorias:
CATEGORÍA A: ata 8 anos
CATEGORÍA B: de 9 a 11 anos
CATEGORÍA C: de 12 a 16 anos
4.- O prazo de presentación dos traballos rematará o vindeiro 7 de maio , debendo de ser entregados polos seus autores na BIBLIOTECA MUNICIPAL ou nos COLEXIOS DO CONCELLO.
5.- O xurado , formado por persoas entendidas na materia, seleccionará por cada modalidade e categoria un máximo de tres traballos.
6.- O fallo do xurado local farase público antes do DÍA DAS LETRAS GALEGAS.
7.- Os traballos premiados nesta fase local participarán na fase provincial do Certame, convocada pola Biblioteca Publica de Lugo, co patrocinio da Consellería de Cultura, Educación e Universidade da Xunta de Galicia.
8.- Os traballos premiados pasarán a ser propiedade da Biblioteca Pública que se reserva o dereito de publicación dos mesmos.
9.- Todas as incidencias non previstas nestas bases serán resoltas polo xurado.
☎️Dúbidas? Podes chamar á Biblioteca Municipal (982.124.106) ou enviar un correo a cultura@concellodebarreiros.gal
🧒👧Desde aquí animamos a participar a toda esta rapazada que desborda talento a raudais e tan bos resultados acadaron en pasados certames a nivel provincial.
🤩Vamos a deixar voar esa imaxinación!!!

Descubrir o “Barreiros dos antergos” a través dunha Ruta autoguiada

Descubrir o “Barreiros dos antergos” a través dunha Ruta autoguiadaPuede ser una imagen de al aire libre y texto que dice "SẠN COSMEDE COSM DE BARREIROS N-634 CARRETERA PBoreiros"

Barreiros, 28 de marzo de 2021. A Área de Turismo do Concello de Barreiros deseñou un novo percorrido turístico-cultural autoguiado pola parroquia de San Cosme chamado “O Barreiros dos nosos antergos”, en castelán “El Barreiros de antaño”.

Durante este percorrido, deseñado a modo de visita guiada, expoñerase o vínculo entre o patrimonio etnográfico máis propio de Galicia e o posterior legado daqueles que emprenderon a aventura de facer as Américas. Compleméntase con descricións audio guiadas e relatos sobre a nosa historia.

Como puntos de interese inclúe casas indianas, patrimonio etnográfico, capelas e casas labregas. Sae da Oficina de Turismo e percorre os núcleos de San Cosme, Vilar, Áspera, Viladaíde, San Bartolo e Remior; retornando de novo a San Cosme.

Conta cunha lonxitude aproximada de 10Km e pódese facer a pé, en bicicleta ou en coche, opción menos recomendable xa que se debe ter en conta que nalgúns puntos de interese non hai espazo para estacionar xusto ao carón do recurso.

Para seguir o percorrido tan só é preciso entrar na web https://www.concellodebarreiros.gal e acceder ao apartado de Sendeirismo que atoparán na sección “Turismo”. Dende alí pódese acceder a Google Maps ou a APP Wikiloc para facer o itinerario a través da tecnoloxía GPS utilizando un teléfono móbil ou unha tableta.
Desta forma, calquera persoa pode facer esta visita audio guiada en calquera momento, ao seu ritmo, e coñecer así, un pouquiño máis de preto, parte da nosa historia e patrimonio.

Vaian dende aquí os nosos agradecementos a tódalas persoas que colaboraron desinteresadamente aportando información histórico-artística sobre os elementos patrimoniais de Barreiros.

Promoción turística:
Neste eido, co fin de modernizar a imaxe turística de Barreiros e adaptarnos ás novas tendencias de viaxe trala irrupción da Covid, creáronse novos logotipo e lema turísticos: “Barreiros queda en ti”.
O logotipo consiste nunha B simulando un corazón no que están representadas as ondas do mar, as praias e o interior do municipio a través da cor verde.

Co lema preténdese transmitir unha imaxe de proximidade co viaxeiro/a, hospitalidade e experiencias turísticas en contacto coa natureza e a esencia do destino.

Recentemente tamén se puxeron en marcha novas contas de Facebook e Instagram co nome de “Barreiros Turismo” para a promoción e divulgación dos recursos turísticos do concello.

Paula Méndez Bajatierra, de Barreiros, recolleu o seu premio do certame de Poesía de Nadal que convoca a Biblioteca Pública de Lugo en colaboración con outras bibliotecas públicas da provincia

HOME  CONCELLOS  BARREIROS  PAULA MÉNDEZ BAJATIERRA, DE BARREIROS, RECOLLEU O SEU PREMIO DO CERTAME DE POESÍA DE NADAL QUE CONVOCA A BIBLIOTECA PÚBLICA DE LUGO EN COLABORACIÓN CON OUTRAS BIBLIOTECAS PÚBLICAS DA PROVINCIA