Archivo de la categoría: Sergas

A PLATAFORMA SANITARIA ESIXE AO SERGAS QUE GARANTA UNHA ATENCIÓN SANITARIA BASEADA NA REACTIVACIÓN DA ACTIVIDADE PRESENCIAL

A PLATAFORMA SANITARIA ESIXE AO SERGAS QUE GARANTA UNHA ATENCIÓN SANITARIA BASEADA NA REACTIVACIÓN DA ACTIVIDADE PRESENCIAL.

Os centros de saúde deben dotarse do persoal necesario en todas as categorías para poder abrir as súas portas con total seguridade.

A Mariña, 14 de outubro de 2020. A Plataforma Sanitaria esixe ao Sergas que acometa todas as actuacións precisas para que os centros de saúde da comarca retomen a actividade presencial , rematando desta forma coa percepción que ten a poboación de que non está sendo atendida como se merece.

A raíz da pandemia de covid 19 o goberno da Xunta e o Sergas decidiron centrar a atención sanitaria  en citas e consultas telefónicas, reducíndose drásticamente a atención presencial, e mesmo en declaracións de Feijoo indicouse que a atención telefónica podería ser a “ medicina do futuro”. Este modelo de atención xenerou unha enorme dificultade para acceder aos servizos sanitarios, xa que non se dotou dos recursos materiais, tecnolóxicos e humanos precisos para que se poidera efectuar con garantías. O persoal sanitario e administrativo dos centros viuse totalmente desbordado, que viu como ás suas tarefas habituais se lle engadiron outras novas funcións de seguimento ,rastrexo  sin reforzarse  en absoluto o cadro de persoal e mesmo continuando coas súas políticas de non substitución do persoal ausente por diversos motivos. A esto hai que engadir a escasez de liñas habilitadas para as chamadas telefónicas , a desviación de chamadas a unha central privada de atención e á percepción pola poboación de que as chamadas non son atendidas, ao non dar ton de liña ocupada cando se está a atender unha chamada. A maiores da sobrecarga de traballo que desborda ao escaso persoal , estes profesionais teñen que soportar directa e inxustamente  as queixas de pacientes que se sinten desatendidos e abandonados polo sistema.

Desde este colectivo sanitario esiximos ao Sergas que adopte as medidas necesarias para garantir maioritariamente a atención presencial , dotando aos centros da ratio axeitado de persoal, substituindo aos profesionais  con ausencias xustificadas, garantindo un acceso seguro e progresivo aos centros e evitando as aglomeracións de persoas cuns protocolos de actuación precisos, pois ainda que a “ atención telefónica é unha ferramenta que pode solucionar certas situacións non debe ser en ningún caso a única nin a principal ferramenta “- refire Montse Porteiro, coordinadora do colectivo.

A  UMAR  ATENDE  NO CENTRO DE SAÚDE DE LOURENZÁ AS DEMANDAS QUE,  DE FORMA MASIVA SE TRANSFORMARON EN RECLAMACIÓNS POLA  FALTA DE COBERTURA DA PEDIATRA

A  UMAR  ATENDE  NO CENTRO DE SAÚDE DE LOURENZÁ AS DEMANDAS QUE,  DE FORMA MASIVA SE TRANSFORMARON EN RECLAMACIÓNS POLA  FALTA DE COBERTURA DA PEDIATRA.

En menos de dúas horas a mesa informativa recolleu unhas trinta reclamacións , formándose colas para   denunciar públicamente a súa indignación pola negativa  do Sergas  para substituir  á pediatra.

Un grupo moi numeroso de veciñas e veciños acudiron o pasado martes ao  centro de saúde de Lourenzá, onde se ubicou a Unidade Móbil de Axuda coas Reclamacións (UMAR), para reclamar a cobertura plena e estable da pediatra que ate o día de onte se atopaba en situación de baixa laboral e sen substituir, xerando  por elo serios problemas de asistencia nas localidades donde desenvolve a súa acitividade profesional.

A incorporación da pediatra ao seu posto de traballo non impediu que as nais,pais ,avoas, avós e veciñ@s deste concello quixeran deixar constancia expresa do seu rexeitamento a esta negativa do Sergas para cubrir calquera ausencia xustificada da profesional, como está a ocurrir nos concellos de Barreiros, Lourenzá e Mondoñedo , xerando agardas para exames de saúde e consultas ordinarias de case tres meses. Según manifestaron @s [email protected] veciñ@s alí [email protected]  “ ainda que a pediatra se incorporou da súa baixa nuns días voltamos a estar igual pois vai coller vacacións e ,se o Sergas non quixo cbrir unha baixa médica con menos motivo cubrirán as súas vacacións, co cal a situación de desamparo que temos voltará nuns días”– dicían algunhas nais visiblemente preocupadas.

Desde a Plataforma Sanitaria engaden que “ esta situación é totalmente esperpéntica e o Sergas non fai máis que dar excusas  moi pouco cribles e que nos levan a pensar que as súas políticas recortadoras chegaron xa a un punto no que se está a volver contra eles ; agora mesmo cremos que se estan a sentar por riba dun polvorin a punto de estoupar”.

 

 

 

O feito de que en menos de dúas horas se redactaran  unhas trinta reclamacións en demanda dun servizo de pediatría estable, independentemente dos permisos que poida solicitar a titular, “ danos unha aproximación do grado de malestar social que hai na comarca e que a pouco que o Sergas manteña a súa actitude desencadenará novamente movementos de contestación social masivos”– conclúe a coordinadora do colectivo sanitario.