O 3 DE FEBREIRO TERÁ LUGAR EN BARREIROS A 1ª CEA BAILE DE ENTROIDO. ESTÁ ORGANIZADA POLO CF CELTA E POLAS COMPARSAS OS MACANUDOS E HABELAS HAINAS E COLABORA O CONCELLO.
Barreiros, 29 de xaneiro de 2018. O vindeiro sábado, 3 de febreiro, terá lugar en Barreiros a 1ª Cea Baile de Entroido, que organizan o CF Celta e as comparsas Habelas Hainas e Os Macanudos. Con eles colabora o Concello barreirense.
A cea dará comezo ás 22:00 horas e celebrarase no polideportivo de San Cosme de Barreiros. O menú constará de sopa de cocido, cocido con morro, rabo, orella, lacón, botelo, costela salgada, carne fresca, patacas, garavanzos, chourizo e repolo. Ademais completarase con postre, viño tinto, auga e refresco, café e chupito. Será servida polo catering Chao dos Navais, e o prezo por persoa é de 20 euros.
Esta Cea Baile de Entroido estará amenizada por Discoteca móbil Eventec. Os asistentes poden ir disfrazados si o desexan.
As persoas interesadas en participar nesta cea poden facer as súas reservas nos números de teléfono 659 392 666 (Manolo), 667 316 459 (Demelsa) e 609 575 536 (Iria).
Os alumnos do Ceip San Cosme de Barreiros vanse de vacacións con moita alegría. A que demostraron na función desta mañá. Divertiron aos espectadores (as familias) cun bo número de actuacións musicais e teatrais, desde contos populares a cancións reivindicativas contra a violencia de xénero a golpe de rock. Como sempre fixeron gala de alegría e moito enxeño e deixaron sobre o escenario divertidas anécdotas. O acto finalizou coa proxección dun vídeo realizado polo equipo escolar no que se mostra a evolución e o compromiso dos estudantes do Ceip San Cosme. Un agasallo moi emotivo para as familias.
