O CONSELLO DA XUNTA APROBOU A DESAFECCIÓN DO CENTRO DE SAÚDE DE BARREIROS

O CONSELLO DA XUNTA APROBOU A DESAFECCIÓN DO CENTRO DE SAÚDE DE BARREIROS. O ALCALDE SALIENTOU QUE LLE SUPORÁ UN AFORRO DE 30 A 60.000 EUROS AO ANO EN GASTOS DE MANTEMENTO ÁS ARCAS MUNICIPAIS.La imagen puede contener: casa, cielo y exterior

Barreiros, 5 de xullo de 2018. O Consello da Xunta aprobou a desafección do centro de saúde de Barreiros. O alcalde, Alfonso Fuente, subliña que “así aforraremos ao ano entre 30.000 e 60.000 euros correspondentes a todos os gatos de limpeza, mantemento, etc… que agora van depender da Xunta”. Fuente Parga fixo unha valoración moi positiva desta medida.

O rexedor contou que “no día de hoxe recibín a chamada do conselleiro de Sanidade para comunicarme que ao Consello da Xunta de hoxe ía a desafección do centro de saúde de San Cosme”.

Alfonso Fuente salientou que “isto vai supor para Barreiros un aforro de entre 30.000 e 60.000 euros ás arcas municipais porque pasa a depender integramente da Xunta de Galicia, o que é a limpeza, o mantemento, e todos os gastos do centro de saúde. Isto implicará que poidamos destinar eses fondos a outras necesidades que temos no concello”.

O rexedor  fixo unha valoración moi positiva desta medida: “entendemos que a Xunta de Galicia segue colaborando co noso Concello. Agora cando a veces nos preocupamos moito de conseguir subvencións, isto poderíamos dicir que é como recibir esas cantidades todos os anos, porque iso supoñía un gasto continuo todos os anos para os veciños e veciñas de Barreiros, que tíñamos que facernos cargo do mantemento do centro de saúde”.

Fuente Parga fixo fincapé en que “este centro de saúde agora pasa a depender integramente da Xunta de Galicia co cal xa non imos ter que facelo con fondos municipais. Isto pódese entender como unha axuda da Xunta de Galicia ao Concello con carácter anual”.

Actuación en Tenerife do Arco da Vella

Por outra banda, o alcalde comentou que “onte chegábamos a Tenerife onde o Arco da Vella vai actuar no día de hoxe, pola tarde, nun festival, nun intercambio cun grupo de aquí”.

Alfonso Fuente dixo que “o grupo Arco da Vella que se despraza por todo o país, neste caso aquí nas illas, onde tamén hai moitos galegos, eu creo que son un feito importante estas visitas. Estes intercambios supoñen que non só hoxe esteamos aquí un grupo de veciños e veciñas de Barreiros, senón que logo tamén esta xente do grupo de Tenerife visitará Barreiros”.

Deja un comentario

Tu dirección de correo electrónico no será publicada. Los campos obligatorios están marcados con *