Na mañá de hoxe, foron entregadas por parte do delegado territorial da Xunta as bandeiras azuis para tres dos areais do noso Concello.

O feito de contar con estes galardóns recoñece o esforzo feito para garantir os servizos e a conservación do medio ambiente nas praias, aínda que o seu izado estará condicionado pola posibilidade de contar con suficiente servizo de socorrismo; dificultade que se vén dando nos últimos anos.

A alcaldesa agradeceu o recoñecemento e asegurou que seguirán traballando para contar cos mellores servizos posibles, aínda coas limitacións existentes.