En total corenta nenos e nenas pasaron polos tres laboratorios creativos celebrados no Eido Dourado, en Barreiros, esta semana. Os días 10 e 11 de agosto terán lugar dúas novas xornadas creativas. Lucía Vila, a licenciada en Bellas Artes, que está a impartir estes talleres, explica que “o mércores será ás seis da tarde e o xoves ás doce da mañá, sempre e cando se formen grupos. Para anotarse o único que teñen que facer é dirixirnos unha mensaxe privada a través do facebook do Eido Dourado ou pasándose mesmo por este espazo museístico”.