no Concello ao Celta Barreiros polo seu ascenso á segunda división autonómica de fútbol con entrega de agasallos e moita emoción entre os xogadores, o corpo técnico e o seu presidente. O alcalde, Alfonso Fuente, felicitounos por este ascenso e desexoulles moita sorte na nova categoría na que xogarán a vindeira tempada.
Archivo de la categoría: Deportes
Carreira popular das Praias 21 Abril 2019
A correr 10 kilómetros por las playas de Barreiros
RECTA FINAL PARA A CARREIRA POPULAR DAS PRAIAS, QUE SE CELEBRARÁ EN BARREIROS O DOMINGO. AS INSCRICIÓNS PÉCHANSE O VENRES, DÍA 19, ÁS DOCE DO MEDIODÍA
RECTA FINAL PARA A CARREIRA POPULAR DAS PRAIAS, QUE SE CELEBRARÁ EN BARREIROS O DOMINGO. AS INSCRICIÓNS PÉCHANSE O VENRES, DÍA 19, ÁS DOCE DO MEDIODÍA.
Barreiros, 15 de abril de 2019. Este próximo, 21 de abril, terá lugar en Barreiros a VII Carreira Popular das Praias, organizada pola asociación deportivo cultural Praias e Comado, e coa que colaboran o Concello de Barreiros e a agrupación de Protección Civil. As inscrición péchanse o venres ás doce do mediodía.
A zona de carreira estará ubicada, como en anteriores ocasións en Punta Anguieira – San Bartolo, diante do Hotel Ría do Masma.
As carreiras infantís serán a partir das 11 horas con circuítos adaptados a cada categoría e integramente pola area da praia de Altar.
A carreira absoluta será a partir das 12.15 do mediodía, aproveitando a marea baixa. Sairá da praia de Arealonga e a meta estará situada na praia de Altar, para un total de case quilómetros nos que os participantes pasarán por todas as praias de Barreiros, agás a de Anguieira por tratarse dunha praia de ría.
A característica principal desta carreira é que o circuíto transcorre nun 80% pola propia area mollada das praias, o que a fai especialmente atractiva para o disfrute dos participantes.
A organización pon a disposición dos atletas un servizo de autobús para os traslados dende a zona de meta ata a saída.
A entrega de trofeos será ás 13 horas para os máis cativos e ás 13.30 horas para os adultos. Ao remate haberá uns pinchos para os participantes e acompañantes.
Toda a información e inscricións para a carreira están na web www.carreirapopulardaspraias.jimdo.com ou no tfno. 649 57 13 60.
CONVOCATORIA DO CELTA BARREIROS FC
CONVOCATORIA DO CELTA BARREIROS
A directiva do C.F. Celta Barreiros invita a socios e afeccionados a asistir o vindeiro domingo, 14 de abril, ao partido que o enfrontará ao AD Matela, na fase de ascenso a segunda rexional. O equipo barreirense gañou 2-0 na casa, “entón imos con moita ilusión o domingo a ver este encontro e queremos que moitos socios, socias e afeccionados en xeral nos acompañen”, sinalan desde a propia directiva.
Haberá autobús e entrada de balde para todas as persoas que se animen a viaxar o vindeiro domingo co Celta Barreiros. O bus sairá ás tres da tarde das inmediacións do restaurante O Asador, na Cruz do Lobo. TELÉFONO DE CONTACTO: Manolo – Presidente 659392666
Outro ano máis estamos aquí coa CEA BAILE do IBERIA CF
Outro ano máis estamos aquí coa CEA BAILE do IBERIA CF. Nesta ocasión será no emblemático “METRO” de San Miguel de Reinante. Apúntate!
FORZA IBERIA!!!
Presentación do libro de David Val Pena “UN NÓMADA EN BICICLETA”
O Praias de Barreiros organiza a presentación do libro de David Val Pena “UN NÓMADA EN BICICLETA”
Este Venres día 5 a partir das 20:30 h. No Centro Sociocultural Manuel Díaz Sampedro de Barreiros.
Esperamosvos a todas e todos.
David Val, percorreu o Mundo en 13 meses pasando por unha morea de países e tres Continentes, ou sexa, como el ben define “O camiño dunha vida”.
O 21 DE ABRIL TERÁ LUGAR EN BARREIROS A VII CARREIRA POPULAR DAS PRAIAS
O 21 DE ABRIL TERÁ LUGAR EN BARREIROS A VII CARREIRA POPULAR DAS PRAIAS. O EVENTO FOI PRESENTADO POR VARIOS ORGANIZADORES E AFECCIONADOS AO ATLETISMO POPULAR, QUE ESTIVERON ACOMPAÑADOS POLO ALCALDE, ALFONSO FUENTE.
Barreiros, 24 de marzo de 2019. O 21 de abril terá lugar en Barreiros a VII Carreira Popular das Praias. O evento foi presentado por varios organizadores e afeccionados ao atletismo popular, que estiveron acompañados polo alcalde, Alfonso Fuente Parga.
A carreira comezará ás 11.00 horas na praia de Altar en Barreiros (Lugo). As carreiras infantís serán todas no propio areal con distancias adaptadas en cada categoría, mentres que a absoluta terá a saída na praia de Arealonga (Reinante) e percorrerá todas as praias de Barreiros ata rematar en Altar. Trátase dunha distancia aproximada de 10 quilómetros.
A entrega de dorsais será en Punta Anguieira, diante do Hotel Ría do Masma, habilitando a organización un servizo de autobuses para o traslado de participantes dende a zona de meta á saída. Ao remate da carreira será a entrega de trofeos e haberá tamén uns pinchos para os participantes e acompañantes.
A Carreira Popular das Praias está confirmada como unha das máis fermosas de Galicia por tratarse dunha proba fora do común e polas paraxes polas que discorre. Así mesmo os organizadores confían en consolidala en participación nesta 7ª edición, tratando de fomentar o deporte na zona ao mesmo tempo que dar máis a coñecer as fabulosas praias de Barreiros.
As persoas interesadas en participar nesta cita poden atopar toda a información e realizar as inscricións están na web www.carreirapopulardaspraias.jimdo.com
Praias de Barreiros