Vimos de coñecer a triste nova do pasamento de Emilio Rodríguez, coñecido popularmente como Milio da Carnicería. Ex xogador do clube na década dos 60, directivo na dos 80 e colaborador e simpatizante toda a vida. Dos bos, dos que estaban ás duras e ás maduras independentemente de resultados e categorías. Lembrarémoste sempre, Milio, pegado á banda, como cando xogabas, co teu paraugas e coa túa vehemencia e con esa poderosa voz que nos poñía firmes a todos. Unha calurosa aperta a toda a familia, pero en especial a Carmiña, outra acérrima siareira, e como non pode ser doutra maneira, a dous pilares básicos da familia branquiazul, os seus fillos: Javi incansable directivo e colaborador e Marcos, o noso gran capitán.