Foz 23/12/2015.- O PSOE de Foz celebra o vindeiro sábado día 26 de decembro as 12’00h un acto en recordo do histórico socialista Ceferino Díaz, destacado representante das ideas galeguistas no PSdeG e considerado un dos impulsores da Autonomía de Galicia.

Falecido en decembro do 2013, unha parte das súas cinzas repousan fundidas coas augas do cantábrico na punta do cabo de Foz.

O PSdeG-PSOE convida a todos os veciños e veciñas a este acto de homenaxe e recordo, ao que asistirán familia e amigos de Ceferino, que comezará ás doce do mediodía na sede socialista.