A Xunta inviste 190.000 euros en mellorar dez colexios

A Xunta inviste 190.000 euros en mellorar dez colexios

Os traballos realizaranse no verán para non alterar as clases

S. C. 
VIVEIRO / LA VOZ 

A Consellería de Cultura, Educación e Ordenación Universitaria contratou xa os traballos de mellora que beneficiarán a dez colexios da comarca da Mariña, cun investimento global de 190.200 euros.

Lembrouno onte o delegado territorial, José Manuel Balseiro, durante as visitas que realizou ao Colexio de Educación Infantil e Primaria (CEIP) Número 1 de Cervo e ao CEIP Pedro Caselles Rollán de Xove, dous dos centros nos que se executarán obras de reforma. En Xove mellorarán a cociña e o almacén. En Cervo mellorarán o patio e pintarán as pistas deportivas.

Melloras de todo tipo

Balseiro tamén explicou que estas obras realizaranse durante o verán para non alterar a actividade lectiva. Igualmente, neste período vanse realizar traballos para completar o proxecto de mellora de eficiencia enerxética no CEIP da Pontenova, pintura exterior nos edificios do CEIP de San Miguel de Reinante (en Barreiros), o cambio de caldeira no CEIP Álvaro Cunqueiro de Mondoñedo, e varias reformas no CEIP de Covas e no Pedrosa Latas de Viveiro.

Así mesmo, a consellería de Educación arranxará a cuberta do pavillón do CEIP O Cantel, en Foz, cambiará parte do muro de peche do colexio Gregorio Sanz de Ribadeo e construirá unha soleira para o parque infantil no CEIP Celso Currás de Trabada.

Deja una respuesta

Tu dirección de correo electrónico no será publicada.