O 18 DE SETEMBRO CELÉBRASE EN BARREIROS O V DÍA SOLIDARIO, CON CEA-BAILE BENÉFICA

O 18 DE SETEMBRO CELÉBRASE EN BARREIROS O V DÍA SOLIDARIO, CON CEA-BAILE BENÉFICA. O RECADADO IRÁ DESTINADO Á ASOCIACIÓN PIEL DE MARIPOSA DEBRA ESPAÑA.

Barreiros, 4 de setembro de 2015. O vindeiro 18 de setembro terá lugar o V Día Solidario, con cea-baile benéfica, que organizan a Rede de Voluntariado Local e a Concellería de Servizos Sociais de Barreiros. O recadado será destinado á asociación Piel de Mariposa Debra España.

A cea celebrarase no restaurante A Ribeira a partir das 21:30 horas. O prezo do cuberto por persoa será de 20 euros. Os nenos e nenas de ata 10 anos pagarán 10 euros.

As persoas interesadas en acudir deben anotarse antes do día 16 deste mes nos seguintes teléfonos: 661 07 83 23 ou 982 124 002.

Durante esta cea-baile benéfica intervirá un representante da asociación Piel de Mariposa Debra España. Os organizadores explican que haberá sorteo de agasallos entre os asistentes.