Barreiros, 13 de abril de 2021. A Consellería de Sanidade continou realizando cribados selectivos en distintos puntos da Mariña para atallar a posible expansión da covid-19 logo dos casos detectados recentemente. O delegado territorial da Xunta en Lugo, Javier Arias, desprazouse hoxe ata o pavillón municipal de San Cosme de Barreiros, acompañado pola xefa territorial de Sanidade, Begoña Seco, entre outros.

Arias confirmou que se someteron voluntariamente ás probas PCR 430 veciños e veciñas do municipio, dos 450 que foran convocados. A útlima hora confirmouse que non apareceron positivos. Tampouco os cribados realizados onte en Ribadeo -a 130 persoas- e o domingo en Foz -a outras 140- revelaron ningún novo positivo.