No día de onte a Xunta de Galicia publicaba no DOGA (6 de maio) una serie de acordos adoptados no seo do Centro de Coordinación Operativa da situación de emerxencia sanitaria que buscan aclarar ou desenvolver a normativa estatal sobre o proceso de desescalada.

Para ver toda a información pódese acceder dende aquí DOGA (6 de maio) para unha lectura pormenorizada, nós resumimos uns puntos que nos parecen de maior interese para a veciñanza.

– Permisos de queimas de restos agrícolas nos terreos rústicos.

A partir do vindeiro luns, 11 de maio, poderanse solicitar permisos de queima dende o teléfono 012 ou por internet dende so seguinte enlace: https://queimasweb.xunta.gal/queimasweb/. Non dirixíndose ao Concello

– Restablecemento da actividade de pesca fluvial.

Na Comunidade Autónoma de Galicia queda restablecida a actividade da pesca fluvial en calquera das súas modalidades, federada e non federada, sempre sometida ás mesmas restricións da mobilidade que están en vigor e á normativa específica da pesca. En Barreiros, por ser municipio con menos de 5.000 habitantes, a actividade física e o deporte están autorizados  sen franxas horarias, aínda que a súa práctica só pode desenvolverse unha vez ao día e sempre sen saír dos límites municipais.

– Restablecemento do procedemento de admisión de alumnado do 2º ciclo de educación infantil, educación primaria, educación secundaria obrigatoria e bacharelato.

• Solicitude: do 11 ao 18 de maio
• Documentación acreditativa dos criterios de baremación: ata o 26 de maio
• Listaxes provisionais: antes do 9 de xuño (Alegacións durante 3 dias hábiles trala publicación)
• Listaxes definitivas: até o 26 de xuño
• Matrículas en infantil e primaria: do 1 ao 10 de xullo
• Matrícula ordinaria en ESO e Bacharelato: do 1 ao 10 de xullo. Prazo extraordinario: do 1 ao 10 de setembro