PREVISIÓN INFORMATIVA MARTES 17 DE DECEMBRO 2019
Data: Martes 17 de Decembro de 2019
Hora: 12 horas
Lugar: HOSPITAL DA MARIÑA.ENTRADA PRINCIPAL
Asunto: A Plataforma en Defensa da Sanidade Pública da Mariña , en solidariedade co movemento #VerínNonSePecha, polo peche dos paridoiros e urxencias pediátricas no Hospital de Verín , convoca unha concentración diante do hospital coincidindo en data e hora coa que este movemento e SOS Galicia teñen convocada diante do Parlamento.
🎭 Achégase o Nadal e con el as habituais voltas. E, claro, no noso caso a volta dunha nova obra de #teatro. Chámase “O Documento” e, por suposto, imos contarvos un pouco de que vai:
“Manueliño atopa unha carta de amor no mandil da súa moza Sabeliña. Desesperado polos celos non atopa outra saída que…”
Non pensariades que iamos facer un spoiler, non? 😃
Para coñecer o desenlace nada mellor que vivilo na estrea desta nova peza que terá lugar nos 📍Colexios Vellos de San Miguel nas seguintes datas:
📆Venres, 20 de decembro, ás 22:00h.
📆Sábado, 21 de decembro, ás 20:00h.
📆Domingo, 22 de decembro, ás 18:00h.
🎟Prezo da entrada: 4€.
O 5 DE XANEIRO TERÁ LUGAR A CARREIRA POPULAR SOLIDARIA DE REIS EN BARREIROS
Na maña de onte foi presentada a Carreira Popular Solidaria de Reis e a I Andaina Solidaria que por primeiro ano organiza o Concello de Barreiros.
Barreiros, 13 de decembro de 2019. O 5 de xaneiro terá lugar a Carreira Popular Solidaria de Reis (7km) e a I Andaina Solidaria (10km), ámbalas dúas organizadas pola área de Dinamización e Participación Veciñal do Concello de Barreiros que este ano colle o relevo da organización dunha carreira que se iniciou fai xa 20 anos.
“Queremos darlle un novo enfoque a esta mítica carreira, retomando na proba absoluta un dos circuítos que mais lle gusta ós/ás corredores/as, cunha distancia de 7 km e a creación da primeira andaina solidaria que compartirá parte do recorrido da carreira e contará cunhas vistas espectaculares no entorno da Lagoa dos patos e a Ría do Masma” indica o edil Dani García.
Unha proba solidaria
Parte do recadado coas inscricións tanto na carreira como na andaina será doado a APNED (asociación de pais e nais de nenos con discapacidade da Mariña Lucence) con sede en Barreiros, e da cal forma parte Nico Veiga que foi un dos precursores da carreira no ano 2000. “Decidimos darlle un novo impulso a esta proba mantendo as raíces e a súa razón de ser, unha proba para os verdadeiros/as reis e raíñas, os/as nenos/as, polo que colaboramos cunha asociación que traballa día a día con eles/elas e tamén é unha forma de agradecerlle ós precursores desta carreira, tanto Nico, Suso e os demais colaboradores que sempre fixeron desta data un referente polos seus valores” comenta Dani García, concelleiro de Dinamización e Participación Veciñal.
O prazo de inscrición, que xa se atopa aberto, finaliza o 2 de xaneiro. As inscricións para as categorías menores será de balde e formalizarase dende a web www.championchipnorte.com. Para a inscrición da andaina existe tamén a posibilidade de facelo na Biblioteca Municipal ou no Concello.
Dende o Concello de Barreiros animan a toda a veciñanza a que participe nas probas así como agradecen a todas as empresas e particulares que desexen colaborar co evento.
A concellería de medio ambiente planifica unha campaña de concienciación sobre recollida selectiva dos residuos, ampliando os puntos de recollida e facilitando información á veciñanza.
O mércores 18 de decembro terá lugar unha charla dirixida a toda a poboación sobre selección de residuos nas vivendas.
Barreiros, 12 de decembro de 2019. A concellería de medio ambiente do Concello de Barreiros continúa desenvolvendo traballos para facilitar a recollida selectiva de residuos nas vivendas. As actuacións inclúen desde novos puntos de recollida ata charlas divulgativas e accións formativas sobre a recollida selectiva de residuos.
Novos puntos para recollida de aceites domésticos.
Nos últimos días, téñense colocado novos puntos de recollida de aceite doméstico usado e procedeuse tamén a renovación dos xa existentes en Reinante, San Miguel, Altar e San Cosme. Os novos puntos colocáronse en Vilamar, Viladaíde, nas vivendas sociais novas de San Cosme e no punto limpo; facilitando así a reciclaxe de aceite ás veciñas e veciños.
O concelleiro de medio ambiente, Dámaso Ratoeira, explica que “o aceite debe depositarse en botellas de plástico pechadas dentro dos colectores, evitando así verquidos arredor dos mesmos. O feito de contar con un colector no punto limpo facilita tamén que as persoas poidan enviar este residuo nas recollidas programadas polo concello se non teñen facilidade para desprazarse.”
Charla sobre residuos e reciclaxe.
Ademais deste incremento e renovación de colectores, que prevén continuar nos vindeiros meses, desde a área de medio ambiente organizan tamén unha xornada divulgativa e informativa sobre a recollida selectiva, en colaboración coa empresa Servicios dos Concellos Galegos que se encarga desta recollida.
A charla terá lugar o vindeiro mércores 18 ás 17:30 horas no centro sociocultural de San Cosme e nela explicaranse como xerar menos residuos e como facer correctamente a súa selección. Desde a concellería de medio ambiente insisten en “animar ás veciñas e veciños a acudir para lograr unha separación dos residuos máis eficiente, xa que iso redunda nunha mellor e máis eficiente recollida.”
“Tendo en conta ademais que estamos nunha época na que se xeran moitísimos residuos con motivo das festas, é bo lembrar como debe ser o seu tratamento, para tratar de evitar un maior dano medioambiental”, manifestan.
Con estas actuacións preténdese clarificar que residuos teñen que depositarse, por exemplo, no colector amarelo; xa que é habitual que a xente, con moi boa intención, deposite todo tipo de material plástico nos mesmos e só están destinados a plásticos domésticos. “Hai un exemplo claro: as flores de plástico dos cemiterios, por exemplo, non poden ir ao colector amarelo, senón ao verde. E é habitual que se boten coa mellor intención no amarelo”, asegura Ratoeira.
O goberno de Barreiros continuará levando a cabo campañas divulgativas sobre a xestión dos residuos, xa que ten detectado eivas importantes nos mesmos e consideran que “a administración ten que poñer todos os medios para que os residuos que se produzan sexan os mínimos e que os que existan sexan tratados correctamente.” Por iso, explican, “púxose en marcha un sistema de recollida de restos vexetais previo aviso e estase tratando de divulgar a necesidade de utilizar correctamente todos os medios dos que dispón o concello, como as recollidas a domicilio ou o punto limpo, evitando os depósitos de residuos a carón dos colectores.”
Nestes días tamén se continúa coa limpeza exterior dos colectores co fin de que a imaxe de Barreiros sexa a dun concello limpo.
Video grabado en casas antiguas y paisajes de Barreiros, entre las casas está la de mi sobrina Belén Castrillón pegada a la mía.
Video grabado en casas antiguas y paisajes de Barreiros, entre las casas está la de mi sobrina Belén Castrillón pegada a la mía.
Es una auténtica maravilla.
Gracias, Álvaro
Con raíces fondas e sentimentais en Celeiro de Mariñaos, a actriz barreirense Estíbaliz Veiga acaba de mergullarse nunha nova aventura dentro da súa carreira. A última incursión televisiva da mariñá leva por título Un país en 360, programa de Adiviña Producións baixo a dirección de Jorge Algora, que entraba onte á noite nas casas galegas a través da TVG en horario de máxima audiencia (emítese os luns ás 22.00 horas) coa estrea dedicada á Ribeira Sacra. O seguinte capítulo será o vindeiro 16, o da Mariña, e continuará nesta orde: Oseira, Lugo, A Coruña, Costa da Morte e Parque das Illas Atlánticas. A novidade é o formato no que foi gravado, incorporando nun concepto multiplataforma en España a denominada estereoscopia.
-Como prevé «o parto»?
-Aínda será de noite [por onte], porque nos debemos ao noso público, á nosa audiencia. Para min esta experiencia foi das máis gratificantes que tiven nos 20 anos que levo de traxectoria profesional, pero ata que saia o primeiro capítulo e se teste cos que están na casa estou con todos os dedos cruzados.
-Fixo algún ritual de sorte en particular para que sexa exitoso?
-Simplemente mirei para o ceo e pensei no meu avó.
-Debe de ser emocionante sacar adiante un proxecto así…
-Efectivamente, é emocionante porque non só achegamos as nosas tecnoloxías aos usuarios e ás súas casas, senón que tamén nós imos con eles ás súas propias casas. De feito, estivemos sobrevoando co dron as casas dunhas mulleres de Zobra, por exemplo, onde vían onde tiñan o seu galiñeiro, a súa horta… e para min iso é realmente entrañable, pois recórdame o cariño que lle tiña meu avó á súa casiña naquela época dos 90, na que se levaban tanto as fotografías aéreas e a cada un lle gustaba ter unha. Neste programa atopámonos con esa xente que ten ese amor á súa casa, a que, con tanto esforzo, e a base de traballo duro, foron construíndo. Tamén mesturamos persoas, profesións, lugares, rural, urbano… e achegámonos moi de preto á súa forma de vida, sexa co dron, coa realidade virtual, nun 360? ou dun xeito totalmente convencional. Mesturando iso, as novas tecnoloxías e a xente do noso «país en 360?»… claro que é emocionante!
-Ás veces dise que en Galicia non valoramos o suficiente o noso. Servirá isto para darlle a volta?
-Este programa amosa o patrimonio paisaxístico, histórico, cultural e etnográfico, todo canto hai. Todos temos eses puntos que coñecemos da nosa Galicia, pero eu mesma, que me movo moito, estou coñecendo verdadeiros lugares máxicos, de paisaxes incribles e inexplorados. Velos a través dunha cámara 360? dende a casa é realmente impresionante. Poden ver a través dos meus ollos, como o poema de Rosalía Vista dos meus ollos. Eu levo a cámara, busco planos (cun equipo detrás obviamente), busco os recunchos… Vou contar unha sorpresa que se pode dicir: subinme ao faro de Illa Pancha de Ribadeo por unhas escaleiras fermosas de forxa de Sargadelos, metinme por un buraco e, dende alí arriba, fixen planos que ninguén ten.
-Viviu algunha anécdota tamén a «nena» que leva dentro?
-De feito, a cativa que vive en min é a que fai o programa. Ando escapada ás veces do resto do equipo, a «cabriña de Celeiro» está presente todo o tempo, buscando alturas ou pensando: «isto ten que velo a xente, ten que experimentalo comigo».
-Pasoulle factura algunha peripecia con «Un país en 360?»?
-Non! Estou enteira! Teño caído máis na miña propia casa. Fixen todo tipo de deportes: foil surf en Ribadeo, barranquismo nas pozas de Melón, snorquel nas illas Cíes, bicicleta eléctrica en Vigo… Hai moitas cousas en cada programa que son xeniais. Ademais, é a primeira vez en España que se fai un formato deste tipo, con esta tecnoloxía. É algo arriscado, pero confiamos en que incluso todos aqueles que queiran viaxar dentro da nosa Galicia poidan sacarlle partido, pois imos colgar tamén parte dos capítulos na canle de YouTube da TVG, para poder ver en 3D e 360?.
-A ver se vai producir algún que outro «efecto As Catedrais»…
-Sempre repito isto: non é unha postal, é unha paisaxe viva que debe ser coidada, respectada e medida. Así que todo o mundo que se achegue aos lugares que nós amosamos ha de ir con esa perspectiva de coidar o contorno, porque só temos un planeta, e eu, que son superecoloxista, vivo con esa premisa dende que me ergo ata que me deito.
-Xa sabemos que as comparacións son odiosas sempre, pero… podemos chancear dicindo que é a nosa «Calleja galega»?
-[Sorrí]. Si, xa mo teñen dito!
«Esta experiencia foi das máis gratificantes que tiven en 20 anos de traxectoria»
«É a primeira vez que se fai un formato deste tipo. Somos pioneiros con esa tecnoloxía»
A ALCALDESA DE BARREIROS DIRÍXESE Á XUNTA PARA PEDIR QUE SE NOMEE BARREIROS NO MATERIAL DO PROXECTO “GALICIA SURFING”
O proxecto inclúe no top 16 dos areais a praia barreirense de Oliñas, definíndoa como “un gran areal entre Ribadeo e Foz”.
Barreiros, 10 de decembro de 2019. A alcaldesa de Barreiros vén de remitir unha carta á directora xeral de turismo da Xunta trasladándolle o “disgusto” porque o material editado no proxecto “Galicia Surfing” obvia que unha das praias incluídas no top 16 se atopa en Barreiros, mencionándoa como “un gran areal entre Ribadeo e Foz”.
A alcaldesa asegura na súa misiva que “como representante do Concello de Barreiros síntome honrada de ter un espazo no material editado sobre o mencionado programa, nomeadamente, incluíndo a praia de Oliñas como unha das destacadas a efectos da práctica do surf. Porén, gustaríame trasladarlle o meu disgusto por obviar a ubicación da praia de Oliñas en Barreiros e situala como “un gran areal entre Ribadeo e Foz”.
Ana Ermida asegura que o goberno municipal é “consciente de que a situación de Barreiros entre dous polos de atracción turística como son os municipios de Foz e Ribadeo é unha oportunidade”, pero consideran “pouco acertado non ter sequera mencionado o concello que acolle na súa xeografía dito areal.”
A alcaldesa fai fincapé en que “o feito de ser un concello de menor entidade poboacional que os seus veciños e con un menor impulso turístico neste momento xa dificulta de por si a propia promoción, polo que non podemos desde as institucións deixar pasar as oportunidades de situarnos no mapa dos diferentes recursos turísticos para abrir un oco na recepción de visitantes.”
A comunicación enviada remata con unha solicitude expresa á Xunta para que corrixa o material editado no proxecto Galicia Surfing, facendo constar que a praia de Oliñas se atopa en Barreiros e non nun punto indeterminado entre Ribadeo e Foz, e trasladando a consideración de que “a promoción local inserida na promoción colectiva é o mellor xeito de aproveitar os nosos recursos e contribuír ao desenvolvemento económico dos nosos municipios.”
A rexedora aproveita a ocasión para convidar á directora xeral ao municipio e traballar no ámbito turístico, desde o local, facendo País.
08 DICIEMBRE 2019 14:36 H.
Zona de Remior donde se producen las roturas. AMAUna nueva rotura en la tubería de fibrocemento de abastecimiento de agua en la zona de Remior del municipio de Barreiros volvió a provocar un disgusto a los trabajadores municipales, que tuvieron que aplicarse a fondo para sellar una fuga registrada a solo unos pocos metros de la que se había registrado anteriormente, a comienzo del pasado verano y que les causó más problemas.
En este caso el servicio de agua tuvo que cortarse de nuevo en una zona de la parte norte del municipio de Barreiros mientras se hicieron algunos de los trabajos más urgentes. El alcalde en funciones a lo largo de estos últimos días, Antonio Veiga, explicó que el servicio quedó totalmente restablecido ya durante la mañana y que consiguieron controlar sin problema la situación, aunque los trabajos se prolongaron durante parte de la tarde.
La zona en la que se produce esta rotura es junto a la carretera de las playas en la zona de Remior. Se trata de una tubería de fibrocemento que es muy frágil y que además se encuentra en un lugar que está muy expuesto a cualquier tipo de incidencia
Veiga comentaba que era probable que las continuas lluvias del mes de noviembre pudieran influir en esta rotura “porque a terra está totalmente enchoupada e pesa máis. Se polo que sexa un coche pasa preto e fai un pequeno golpe, é sinxelo que rompa debido ao seu estado de deterioro”.
CAMBIO RETRASADO. La localidad focense fue objeto de otro episodio de similares características, en este caso en la zona de Marzán afectando a un buen número de vecinos. Los operarios municipales estaban trabajando con urgencia a última hora de la tarde de este sábado para devolver el servicio a la normalidad.
El alcalde de Foz, Fran Cajoto, apuntaba que no se trataba de una rotura de importancia e indicaba que fue en una tubería de fibrocemento “das que queremos ir cambiando pouco a pouco como xa fixemos con algunhas”.