UNHA TRINTENA DE PERSOAS PERCORRERON ONTE, SÁBADO, 10 QUILÓMETROS DO CAMIÑO NORTE CON SAÍDA DA PARROQUIA BARREIRENSE DE VILAMARTÍN PEQUENO. A ACTIVIDADE FOI ORGANIZADA POLA CONCELLERÍA DE MEDIO AMBIENTE.
Barreiros, 3 de abril de 2016. Un trintena de persoas participaron onte, sábado, nunha peregrinación duns 10 quilómetros realizada polo Camiño Norte con saída da parroquia barreirense de Vilamartín Pequeno. Estivo organizada polo Concello e serviu como preparación para que a que dará comezo o vindeiro 16 de abril polo Camiño Primitivo. Esta actividade está programada pola Concellería de Medio Ambiente que dirixe José Manuel Gómez Puente.
Segundo explicou hai uns días o edil popular “a peregrinación que faremos este ano polo Camiño Primitivo dividirase en oito etapas que se realizarán os sábados cun percorrido de vinte quilómetros cada unha delas. Comezaremos na Fonsagrada o 16 deste mes e remataremos a xornada no Cádavo. A viaxe farase en autobús ata o comezo de cada etapa. A saída do autocar será da praza do Concello. Haberá ademais un autobús escoba ou de apoio”.
O custe das oito etapas, a través do Camiño Primitivo, será de 50 euros por persoa e os nen@s participarán gratis. Pódense apuntar todas aquelas persoas que desexen acudir desde calquera concello da Mariña. Os interesados deberán anotarse no número de teléfono 618 752 560 (José Manuel).
O CONCELLO ORGANIZA UNHA PEREGRINACIÓN POLO CAMIÑO PRIMITIVO QUE COMEZARÁ O DÍA 16 DE ABRIL. DIVIDIRASE EN OITO ETAPAS QUE SE LEVARÁN A CABO OS SÁBADOS.
