O GOBERNO DE BARREIROS QUITA6.000 EUROS DOS CAMIÑOS PARA DESTINAR A PUBLICIDADE E PROPAGANDA

O GOBERNO DE BARREIROS QUITA 6.000 EUROS DOS CAMIÑOS PARA DESTINAR A PUBLICIDADE E PROPAGANDA

Esta cantidade súmase aos 10.000 euros que se contemplaban nos orzamentos inicialmente

Barreiros, 30 de novembro de 2018. Mediante unha resolución da alcaldía do 23 de novembro, o goberno do Partido Popular en Barreiros vén de aprobar sacar 6.000 euros do investimento en camiños para destinalos a publicidade e propaganda.

Para o BNG esta modificación do orzamento demostra que “o goberno de Barreiros está máis preocupado de vender a súa propia imaxe que do estado no que están os camiños que usan as veciñas e veciños”, asegura a portavoz municipal, Ana Ermida.

“É unha verdadeira lástima estar sufrindo un goberno coma este, que só se preocupan de si mesmos e de meter cartos en pagar publirreportaxes para limpar a imaxe nefasta que calquera persoa que vexa como está Barreiros ten”, afirman desde o BNG.

“Con estas actuacións demóstrase cales son as prioridades deste goberno municipal. É absolutamente vergoñento que, coa situación que teñen os camiños municipais nin sequera investiran os miserables 70.000 euros que se orzamentaban inicialmente.” Ana Ermida cualifica de “obsceno” o feito de que se deixen cartos sen gastar nesta partida e decidan gastalos en propaganda e publicidade.

A formación nacionalista lamenta ademais que “todos estes cartos que o goberno destina a propaganda e publicidade -estes 6.000 euros que se suman aos 10.000 que xa se contemplaban nos orzamentos- son absolutamente inútiles no caso de Barreiros; porque a situación que ten este concello como consecuencia da xestión do goberno municipal non se maquilla nin gastando en anuncios millóns de euros.”

O CONCELLO DE BARREIROS, ACUSADO DE INTRUSISMO PROFESIONAL NO SERVIZO DEAMBULANCIA DAS PRAIAS

O CONCELLO DE BARREIROS, ACUSADO DE INTRUSISMO PROFESIONAL NO SERVIZO DE AMBULANCIA DAS PRAIAS

O escrito do Colexio de Enfermería, que non foi facilitado ao BNG, traslada unha denuncia formal dos profesionais da enfermería pola insuficiencia de medios humanos na ambulancia e intrusismo profesional.

A persoa que ocupa o posto de auxiliar na ambulancia de praias non estivo contratada con esa función, senón como auxiliar de axuda no fogar.

O alcalde mentiu ao anunciar servizos profesionais nas praias que non se prestaron.

Barreiros, 27 de novembro de 2018. O BNG de Barreiros reiterou no pleno de onte a solicitude de ter coñecemento directo dun escrito presentado polo Colexio de Enfermería de Lugo, que xa tiña solicitado por escrito a primeiros de novembro. A negativa do goberno municipal a facilitárllelo, ocultando o contido do mesmo, propiciou o salto ao público da información sobre o posible erro de funcionamento nun desfibrilador, que foi desmentido polo alcalde no día de onte. “Supoñemos que o que dixo onte o alcalde no pleno sexa totalmente certo, aínda que é difícil crer a unha persoa que minte sistematicamente para tapar a súa propia incompetencia”, asegura a portavoz municipal Ana Ermida. “En calquera caso, alegrámonos que a información fose errada e podería terse aclarado inicialmente se o alcalde na primeira semana de novembro nos contestara ao escrito, aínda que entendemos que tiña outras preocupacións ás que atender”, sinalan.

Sen embargo, a información trasladada polo alcalde sobre o escrito é aínda máis preocupante, xa que “foron precisamente as mentiras do alcalde as que propiciaron a presentación dunha denuncia formal do Colexio de Enfermería por falta de medios humanos na ambulancia das praias e por intrusismo profesional.”

As mentiras do alcalde destapan servizos falsos.

A portavoz municipal explica que antes de iniciar a temporada de verán, o alcalde anunciaba con un comunicado á prensa que se pode consultar aínda a día de hoxe na páxina oficial do Concello de Barreiros que “este ano imos contar cunha ambulancia, xa hai pouco tempo prestaba o servizo de ambulancia medicalizada na Mariña, que é como unha UCI móbil, imos tela a disposición no concello de Barreiros durante todo o verán. Oxalá non haxa que usala, pero sabemos que sempre hai algunha cousa e ímola ter aí con dous técnicos sanitarios sumados aos 21 socorristas…”. “Nestas declaracións, asegura Ana Ermida, hai tal cantidade de mentiras que é insultante que este señor se atreva a acusar a ninguén de mentir”

“En primeiro lugar, vende claramente un servizo de ambulancia medicalizada. Aínda que agora pretenda facer ver que do que falaba era do vehículo e non do servizo, está clarísima cal era a intención naquel momento e a mensaxe que trasladaba. Este tipo de voltas gramaticais ou sintácticas poden valer nunha defensa xudicial, pero non en declaracións políticas, que é fronte ao que estamos agora mesmo”, inciden desde o BNG. Por iso o Colexio de Enfermería traslada a falta de medios humanos, porque a ambulancia medicalizada debe contar, cando menos, con persoal técnico e de enfermería e non se cumpría neste caso.

“Pero aínda hai outra mentira máis, ao anunciar dous técnicos; xa que só había unha persoa técnica sanitaria. De feito, nas declaracións de hoxe mesmo xa fala de un técnico e unha auxiliar”, sinala Ana Ermida.

O persoal auxiliar da ambulancia de praias, auxiliar de axuda no fogar.

Pero o máis grave, e o que si que ten responsabilidades políticas directas, é que a persoa que exerceu como auxiliar sanitaria na ambulancia das praias nos últimos anos nunca estivo contratada como tal. De feito, xa o ano pasado, o BNG denunciara publicamente que esa persoa estaba contratada como auxiliar de axuda no fogar no Concello durante todo o ano. Polo tanto, a ambulancia nas praias a efectos laborais só contaba con unha persoa técnica.

Esta cuestión é gravísima e a responsabilidade é dun goberno municipal que antepón a propaganda e o autobombo ás necesidades reais do servizo e, desde logo, trátase dunha clarísima neglixencia profesional”, aseguran desde a formación nacionalista.

Desde o BNG manifestan que a actitude do alcalde e do equipo de goberno tapando todo o relacionado con esta cuestión e negando o acceso directo ao escrito. aínda a día de hoxe, demostra que hai algo que tapar en todo esto e, en todo caso, desde o BNG cren que é moito máis grave a actitude do goberno municipal a respecto de poñer persoal non adecuado nun servizo coma este que o posible fallo nun aparato que, de terse producido e aclarado, non tería maior responsabilidade. “Non ter contratado persoal obrigatorio e, por riba, anunciar servizos falsos, ten unha clarísima responsabilidade, mesmo máis aló das políticas”, aseveran.

A formación nacionalista quere deixar “meridianamente claro o apoio do seu grupo ás persoas profesionais do servizo de salvamento e socorrismo, como sempre trasladou publica e privadamente, e en todo momento poññendose á súa disposición. “Por iso non imos permitir que a neglixencia dun goberno municipal poid amnachar o bo facer destes profesionais que velan pola seguridade nos areiais barreirenses”, conclúen.

A AMBULANCIA ASISTENCIAL COA QUE CONTA BARREIROS DURANTE O VERÁN “O QUE FAI É AXILIZAR A ASISTENCIA SANITARIA QUE SE PRESTA NAS PRAIAS”

A AMBULANCIA ASISTENCIAL COA QUE CONTA BARREIROS DURANTE O VERÁN “O QUE FAI É AXILIZAR A ASISTENCIA SANITARIA QUE SE PRESTA NAS PRAIAS”, SEGUNDO O ALCALDE.FUENTE PARGA ACUSA AO BNG DE MENTIR E DE PREXUDICAR AO SERVIZO DE SALVAMENTO ESOCORRISMO E SOSTÉN QUE NON SE PRODUCIU O FALLO DE NINGÚN DESFIBRILADOR.

Barreiros, 27 de novembro de 2018.O alcalde, Alfonso Fuente, asegurou no pleno celebrado onte, que a ambulancia asistencial coa que conta o Concello durante o verán o que fai é axilizar a asistencia sanitaria que se presta nas praias, onde hai xornadas nas que se poden xuntar arredor de 25.000 persoas. O rexedor acusa ao BNG de mentir, xa que non se produciu o fallo de ningún desfibrilador, e critica aos nacionalistas por prexudicar así ao servizo de salvamento e socorrismo, e ao conxunto de Barreiros. Fuente Parga aclara que o escrito remitido ao Concello polo Colexio de Enfermería alude ao persoal co que debe contar unha ambulancia medicalizada, servizo do que non dispón o Concello barreirense. O alcalde subliña que o órgano colexiado enviou un escrito baseado nunha premisa errada.

O alcalde contou que “o pleno de onte comezou cunha moción presentada polo BNG baseada na rebaixa da enerxía. Nós votamos a favor, evidentemente, cómo non imos querer pagar menos en enerxía, incluso lles trasladaba que podían elevala tamén ao gasóleo, que nos vai subir a principios de ano ou ao gas, que acaba de subir. Tamén nesa moción se falaba dunha rebaixa do tipo de IVE do 21% ao 4%, e nós dixémoslle á concelleira do Partido Socialista que o traslade ao goberno do Estado, que é quen ten competencia para baixar o IVE da enerxía. Evidentemente nós estamos de acordo niso”.

Fuente Parga seguiu a relatar que “na quenda de rogos e preguntas, como xa anunciara o BNG que ía preguntar polo fallo dun desfibrilador e eu xa dixera que falaban co díxome díxome, saquei o escrito do Colexio de Enfermería ao que facían referencia do 3 de setembro, e nese escrito queda constatado que non hai nin unha soa palabra que mencione o desfibrilador, en ningún momento se fala do desfibrilador. Isto quere dicir que o Bloque Nacionalista Galego mentiu na nota de prensa, así de claro, contou mentira. O desfibrilador non fallou, non houbo ningún problema con el, e o Colexio de Enfermería non se refería en ningún momento ao desfibrilador”.

O rexedor puntualizou que “este colexio dirixiu unha carta ao Concello de Barreiros dicíndolle que, se poñía en marcha unha ambulancia do 061 avanzada, tiña que contar cun técnico e cunha enfermeira e que tamén podería incluso incorporar un facultativo. Así o recolle a carta do Colexio de Enfermería, pero tamén se lles explicou que hai dous tipos de ambulancias en servizo. Unhas son as ambulancias asistencias, o que é o nivel básico, e ambulancias avanzadas, as que se coñecen como medicalizada. Nós o que prestamos no concello de Barreiros, por iso o colexio partía dunha premisa errónea, é un vehículo que fai uns meses prestaba o servizo de ambulancia medicalizada na Mariña con base en Foz, e ese mesmo equipo o utilizamos nosoutros. Este verán nas praias de Barreiros contamos con ambulancia asistencial, non medicalizada. As ambulancias asistencias levan incorporado un chófer e un técnico, cando nós o que levábamos era un técnico e un auxiliar, é dicir, estamos por encima do que levan as ambulancias asistencias do 061”.

Alfonso Fuente engadiu que “se nos referimos a este feito que se mencionaba no escrito do Colexio de Enfermería, que foi o accidente que se producía na praia de Fontela, a ambulancia do Concello de Barreiros preséntase no sitio antes de catro minutos, logo chegou a ambulancia asistencial do 061, onde trae un técnico e un chófer, no mesmo nivel que a do Concello. Cando viron que non era suficiente, dada a situación, o propio 061 mobiliza tamén á medicalizada, e alí se xuntaron tres ambulancias”.

O alcalde de Barreiros salientou que “nós o que facemos desde o Concello de Barreiros é axilizar a asistencia nas praias. Tendo en conta que unha ambulancia do 061, sexa asistencial ou medicalizada, tarda entre quince e vinte minutos en chegar, e que en Barreiros durante o verán hai unhas 15.000 persoas máis os que nos visitan nas nosas praias, en total pode haber momentos en que haxa unhas 25.000 persoas na nosa costa. Iso nos leva a ter estes medios para dar un mellor servizo a todos os cidadáns e a todos os visitantes”.

Fuente Parga dixo: “a min o que me parece é que cunha noticia falsa, onde se conta mentira por parte do BNG e quedou constatado onte, o único que se prexudica é ao servizo de salvamento e socorrismo, a todos os veciños de Barreiros, e en definitiva a Barreiros porque calquera que viu esa noticia pode pensar que non pode vir a Barreiros porque o desfibrilador non funciona. O desfibrilador funcionou sempre porque ademais leva uns rexistros que pode consultalos calquera e, é máis, non só hai un senón que hai dous, ao ter uns medios dunha ambulancia medicalizada, porque alí está por se aparece un facultativo que se poida atopar na praia e queira utilizar eses medios, tenos alí ao seu servizo. Cousa que outros Concellos non teñen, cando son conscientes de que as súas praias as visitan 4.500 persoas ao día. Pero nosoutros si queremos ter eses medios para dar ese servizo na nosa costa. Cada equipo de goberno opta por ter unhas cousas ou outras, e nós consideramos que ter esa ambulancia en servizo é unha seguridade para os usuarios da costa”.

O rexedor barreirense insistiu en que “o Colexio de Enfermería o único que mandaba era unha nota dicindo que se poñemos en servizo unha ambulancia medicalizada necesitamos uns profesionais, pero parten da premisa errónea, nós non temos en funcionamento unha ambulancia medicalizada, temos unha ambulancia asistencial, e polo tanto conta cos recursos humanos que pide a lei. Pero os medios materiais si son os dunha ambulancia medicalizada, porque preferimos que así sexa. Non por ter medios a maiores imos ter que reducilos e deixalos nun almacén, poñémolos a funcionar evidentemente”.

O alcalde remarcou: “eu o que sinto é que se sacara unha nota de prensa, por parte do Bloque Nacionalista Galego, contando mentiras. Iso non se debe facer, prexudica moito ao noso Concello e ao servizo de salvamento e socorrismo, cando precisamente, neste desgraciado feito no que este señor perdía a vida, o seu propio fillo felicitaba ao servizo de salvamento e socorrismo pola actuación. Hai que felicitar tamén ao 061 que participou nesa intervención. Todos estamos para axudar, para tirar cara ao mesmo lado, pero parece que hai quen quere poñer paus nas rodas e prexudicar ao Concello de Barreiros, xa sabemos con que ánimo, pero iso non se debe facer”.

EN BARREIROS FORON ENTREGADOS OS PREMIOS DO IV CERTAME DE DEBUXO DI NON Á VIOLENCIA

EN BARREIROS FORON ENTREGADOS OS PREMIOS DO IV CERTAME DE DEBUXO DI NON Á VIOLENCIA.

Barreiros, 27 de novembro de 2018. Na tarde de hoxetivo lugar a entrega de premios do IV Certame de Debuxo Di NON á violencia, no que participaron alumnos e alumnas de 4º,5º, 6º dos CEIPs de San Cosme e de San Miguel. Ao acto acudiron o alcalde,Alfonso Fuente, e a concelleira de Cultura, Adela Rodríguez. 

Os premiados nas distintas categorías foron: 

-En 6º o primeiro premio foi para Uxía Fernández Díaz (do CEIP San Miguel). O segundo premio desta categoría quedou deserto.

-En 5º o primeiro premio foi para Sara Lamelas Fernández (do CEIP San Miguel) e o segundo para Bruno Arca Fernández (do CEIP San Cosme).

-E en 4º o primeiro premio foi para Anxo López Val (do CEIP San Miguel) e o segundo premio para Felipe Martín de Burgos (do CEIP San Cosme).

Desde o Concello de Barreiros agradecen a participación das rapazas e rapaces neste Certame convocado ao abeiro do Día Internacional contra a Violencia de Xénero.

FUENTEPARGA DESTACA OS MEDIOS COS QUE CONTARON AS PRAIAS DE BARREIROS ESTE VERÁN

FUENTE PARGA DESTACA OS MEDIOS COS QUE CONTARON AS PRAIAS DE BARREIROS ESTE VERÁN. O REXEDOR RESPONDERÁ NO PLENO DO VINDEIRO LUNS ÁS CRÍTICAS REALIZADAS POLOS NACIONALISTAS NAS QUE CUESTIONARON O FUNCIONAMENTO DUN DESFIBRILADOR.

Barreiros, 24 de novembro de 2018. O alcalde, Alfonso Fuente, amósase sorprendido tras a última nota de prensa do BNG “baseada no díxome, díxome”. Os nacionalistas emitiron un comunicado que alude a un escrito do Colexio de Enfermería de Lugo no que se cuestiona o funcionamento dun desfibrilador o pasado verán.

O rexedor dixo esta tarde que “despois de ver a nota enviada polo BNG de Barreiros aos medios de comunicación sorpréndeme que un partido político, neste caso o BNG, sexa capaz de facer unha nota de prensa baseada no díxome, díxome”.

Fuente Parga engadiu: “pero como din que preguntarán no pleno, alí é onde contestarei. O que me sorprende é que poñan en dúbida os medios de Barreiros nas súas praias. Eu soamente digo que miren cara a onde goberna o BNG, cántos medios tiñan, e os que temos en Barreiros. Pero contestarei no pleno deste vindeiro luns ás sete e media da tarde”.

OBNG PREGUNTARÁ NO PLENO POLO ESCRITO DOCOLEXIO DE ENFERMERÍA DE LUGO SOBRE A FALTA DE FUNCIONAMENTO DE DESFIBRILADORNAS PRAIAS DE BARREIROS

O BNG PREGUNTARÁ NO PLENO  POLO ESCRITO DO COLEXIO DE ENFERMERÍA DE LUGO SOBRE A FALTA DE FUNCIONAMENTO DE DESFIBRILADOR NAS PRAIAS DE BARREIROS

O Colexio Oficial de Enfermería enviou un escrito ao Concello de Barreiros despois de presenciar un rescate no que o desfibrilador non puido utilizarse por mal funcionamento.

O escrito, presentado finalizada a tempada de verán, foi solicitado formalmente pola formación nacionalista para coñecer o seu contido.

Barreiros, 24 de novembro de 2018. O Bloque Nacionalista Galego preguntará no pleno do vindeiro luns por un escrito presentado polo Colexio de Enfermería de Lugo sobre o mal funcionamento do desfibrilador do servizo de salvamento e socorrismo nas praias de Barreiros durante un rescate o pasado verán.

Segundo puido coñecer o BNG, a falta de que lle sexa facilitado o escrito, o colexio profesional traslada a información achegada por unha persoa colexiada que presenciou un rescate no que o desfibrilador non puido ser utilizado, ao estar estropeado.

A portavoz municipal, Ana Ermida, asegura que “de ser certa esta información, estaríamos ante unha situación gravísima, na que o goberno municipal tería a responsabilidade de ter un servizo de salvamento e socorrismo infradotado de medios suficientes e eficaces para desenvolver a súa labor.”

A formación nacionalista sinala que “isto xa sería o despropósito absoluto, porque estaríamos falando xa non dun problema de mala xestión, senón de que se está a xogar coa vida das persoas. Esta situación vén derivada do descontrol sobre os medios existentes no concello, só hai que ver como se trata o material; pero a importancia é aínda maior polas consecuencias que pode ter”, afirma Ana Ermida.

No pleno que terá lugar o luns, 26 de novembro, ás 19:30 horas, o BNG pedirá novamente coñecer o escrito  e o expediente ao que debera ter dado lugar, e solicitará explicacións por parte do goberno municipal ante “unha situación que, sumada á imaxe que se está a dar nos últimos anos no relativo á xestión das praias, confirmaría o descontrol absoluto sobre un servizo que ten sido pedra angular no concello de Barreiros e, que ademais, estaría poñendo en risco a todas as persoas que acuden aos areais barreirenses”, conclúen.

rexistrou na mañá de hoxe unha moción no Concello de Barreiros para instar á corporación municipal a esixir, no pleno que se celebrará a finais de mes, que se adopten medidas que permitan rebaixar o recibo da luz; que vén sufrindo escandalosas subas mensualmente e que repercuten especialmente nas consumidoras e consumidores galegos.

A presentación da moción produciuse despois de que, durante pouco máis de dúas horas, recollesen máis dun cento de sinaturas de apoio ás propostas defendidas pola formación para lograr unha tarifa eléctrica galega e medidas que garantan o acceso da poboación á electricidade como un ben de primeira necesidade.

Así o defendeu a deputada nacionalista, Olalla Rodil, presente na recollida, que asegurou que “a día de hoxe a luz tense convertido nun ben de primeira necesidade, polo que non é comprensible que o IVE do recibo da luz sexa o mesmo que o do tabaco ou o alcool.”

Rodil manifestou que ademais de para as familias, as propostas do BNG terían unha importante incidencia no sector industrial e empresarial, “desde as gandeirías ata as persoas autónomas que están vendo como a factura da luz é cada vez máis alta e un dos principais gastos aos que se enfrentan mensualmente.”

Desde o BNG aseguran que unha tarifa eléctrica galega permitiría reducir o custo da enerxía arredor do  30% con respecto ao prezo actual. E cren que “nun País produtor coma Galiza, é lóxico que poidamos beneficiarnos cando menos nos nosos recibos, tendo en conta o impacto que teñen as infraestruturas produtoras de enerxía, tales como encoros ou os eólicos nos montes”, afirma a portavoz en Barreiros, Ana Ermida.

Desde a formación frontista defenden tamén a eliminación dos suplementos territoriais que se contemplan nos recibos, “xa que supoñen unha clara discriminación para Galiza”.

O BNG mantén ademais que “o lóxico sería que aquelas centrais que rematen a concesión, fundamentalmente encoros que se consturíron durante o franquismo con un importante impacto social e ecolóxico, retornen a mans públicas e se xestionen por unha empresa pública galega que socialice os beneficios da producción eléctrica en Galiza”.

FUENTEPARGA SUPERVISOU AS OBRAS DE AGLOMERADO QUE SE REALIZARON ESTES DÍAS NA ESTRADAQUE UNE VILAMAR CON SAN XUSTO

FUENTEPARGA SUPERVISOU AS OBRAS DE AGLOMERADO QUE SE REALIZARON ESTES DÍAS NA ESTRADAQUE UNE VILAMAR CON SAN XUSTO.

No hay texto alternativo automático disponible.

Barreiros, 23 de novembro de 2018. O alcalde, Alfonso Fuente, supervisou hoxe as obras de aglomerado que se realizan na estrada que une Vilamar con San Xusto. Hai dous días que comezaron estes traballos e hoxe poderían quedar rematados. O rexedor estivo acompañado pola concelleira Mar Sante.

O alcalde declarou que “na mañá de hoxe visitaba o aglomerado que fai dous días se iniciaba na estrada que vai dende Vilamar a San Xusto. Acompañado da concelleira Mar Sante, de San Xusto, estivemos vendo as obras que se están a realizar e que quedarán rematadas no día de hoxe”.

Alfonso Fuente lembrou que “levamos demandando a mellora desta vía desde o Concello xa hai moito tempo. Xunto coa actuación que fixo a Xunta de Galicia na estrada Reme-Vilamar e esta, que é unha estrada provincial que levamos demandando ante a Deputación que se fixera o seu aglomerado, as vías principais de acceso e saída da zona interior do concello practicamente quedan rematadas, e agora seguimos traballando en mellorar a rede municipal”.

O rexedor anunciou que “se van facer melloras nas outras vías que van rematando nestas para que sexa o mellor posible o acceso a todos os núcleos do interior do concello”.

ASÍ SECELEBROU HOXE, VENRES, EN BARREIROS O DÍA INTERNACIONAL CONTRA A VIOLENCIA DEXÉNERO

COA CREACIÓN DUN MURAL, COA LECTURA DUN MANIFESTO E CUN MINUTO DE SILENCIO. ASÍ SE CELEBROU HOXE, VENRES, EN BARREIROS O DÍA INTERNACIONAL CONTRA A VIOLENCIA DE XÉNERO.

Barreiros, 17 de novembro de 2018. O Concello de Barreiros organizou varios actos con motivo da celebración do Día Internacional contra a Violencia de Xénero, que se conmemora o 25 de novembro.

As actividades, programadas polo departamento de Servizos Sociais, celebráronse hoxe na praza das vivendas sociais de San Cosme. O programa deu comezo ás 10:30 horas coa creación dun mural contra a violencia de xénero. E ás 12:00 horas deuse lectura a un manifesto e gardouse un minuto de silencio polas vítimas da violencia machista.

Ademais o vindeiro luns, 26 de novembro, farase entrega dos premios do IV Certame de Debuxo “Di Non á Violencia”. O acto terá lugar no centro sociocultural de San Cosme ás 19:00 horas. Participan o CEIP San Cosme de Barreiros e o CEIP San Miguel de Reinante.

Noticias de Barreiros