La politización de las asociaciones culturales, deportivas, etc.

Esto es una pena, que algunos políticos utilicen a las asociaciones para atraer a sus filas nuevos simpatizantes con la sola intención de arañar nuevos votantes para sus partidos.

La verdad si os fijáis detenidamente veréis quienes son los que de verdad manejan el cotarro de estas pretendidas reuniones informativas o como se quieran llamar.

Yo por mi parte no me creo nada de lo que se propone para estas reuniones y no necesito que nadie me diga lo que debo de hacer, ya hare yo lo que crea conveniente sin que nadie me dirija mi voto.

Lamento que estas asociaciones se dejen llevar por los políticos y lo que si me gustaría es que se dedicaran a lo que es su función, cultura, deporte, etc.

Un saludo, Álvaro

CONCERTO NO CENTRO SOCIOCULTURAL DE BARREIROS O VINDEIRO DOMINGO, 10 DE MAIO

O GRUPO NOVA POESÍA OFRECERÁ UN CONCERTO NO CENTRO SOCIOCULTURAL DE BARREIROS O VINDEIRO DOMINGO, 10 DE MAIO.

Barreiros, 6 de maio de 2015.  O vindeiro domingo, 10 de maio, o grupo Nova Poesía ofrecerá un concerto de música tradicional e clásica de autores galegos para piano, canto e rapsodia. Será no centro sociocultural Manuel Díaz Sampedro a partir das 19 horas.

O acto, denominado A música e a poesía galegas nas nosas letras, está organizado pola Concellería de Cultura e pola Oficina de Información Xuvenil de Barreiros.

Nova Poesía está composto por músicos de profesión e vocación que viven mergullados na música. Piano: Julia Pico; Rapsoda: José Luis Mera; e Mezosoprano: Mª José Ladra.

Carta enviada polo bng ás asociacións organizadoras do debate previsto para o día 15 de maio

Barreiros, a 5 de maio de 2015.

Estimadas veciñas,

Estimados veciños;

Dirixímonos a vós a raíz do convite que recibimos por parte das asociacións que representades para participar nun debate electoral público entre as persoas que encabezamos as candidaturas que se presentan no concello de Barreiros.

En primeiro lugar, queremos parabenizarvos publicamente pola vosa iniciativa, traballo e por poñer o voso tempo e disposición para lograr que en Barreiros puidera desenvolverse un acto destas características que nunca antes se plantexara deste xeito. Polo tanto, agradecervos enormemente a vosa disposición a traballar polo ben común e a pulcritude coa que se desenvolveu todo o proceso.

Desafortunadamente, non podemos estar facendo este agradecemento en público no propio acto, xa que parece que o candidato do Partido Popular non acepta as normas que acordástedes participativa e democraticamente.

En calquera caso, como fixemos desde o primeiro momento, desde o BNG- Asembleas Abertas amosámonos en disposición de manter con vós, como xa fixemos coas veciñas e veciños que o desexaron en actos nas parroquias, calquera tipo de reunión para contrastar e coñecer propostas e preocupacións.

Se por algo se caracteriza o BNG é por escoitar e explicar publicamente o que sexa preciso e, nese sentido, tíñamos previsto un acto con asociacións que paralizamos no momento en que coñecemos a iniciativa que promovíades, coa intención de non interferir na mesma.

Dado que, finalmente, non pode levarse a cabo, aproveitamos xa a oportunidade que nos brindades para anunciarvos a convocatoria pública dun acto do BNG-Asembleas Abertas dirixido a todas as asociacións que o desexen o vindeiro venres, 15 de maio, ás 21horas no Centro Sociocultural de San Cosme. Alí poderedes trasladar o que consideredes, coñecer as nosas propostas e preguntar, sen ningún tipo de limitación de forma ou número, o que estimedes.

Como sempre fixemos, desde o BNG queremos reiterar a nosa disposición para o que precisedes e o noso agradecemento polo traballo desinteresado que estades realizando, logrando un concello máis vivo, dinámico e atractivo.

Sen outro particular, recibide unha fonda aperta;

Asdo. Ana Ermida Igrexas.

Candidata do BNG-Asembleas Abertas en Barreiros

Fuente Parga manifesta a súa “total disposición” para contestar a todas e cada unha das preguntas das Asociacións

Fuente Parga manifesta a súa “total disposición” para contestar a todas e cada unha das preguntas das Asociacións

O candidato do Partido Popular á alcaldía do Concello de Barreiros, Alfonso Puente Parga, agradece a invitación feita polas asociacións para a participación nun debate público entre as tres persoas candidatas á alcaldía.

O alcaldable popular indica que “tanto as asociacións sinaladas no escrito coma as que non aparecen, están a desenvolver unha tarea importante no Concello”. Polo tanto, manifesta a súa “total disposición para contestar a todas e cada unha das preguntas que me queiran dirixir as Asociacións, como xa veño facendo nos últimos dez anos que levo na alcaldía do Concello de Barreiros, e seguirei facendo despois do 24 de maio, na condición que me corresponda”.

Así mesmo, manifesta “o desacordo co formato proposto para contestar ás demandas ou preguntas das Asociacións; xa que un debate, se define como: “unha forma de comunicación na que existe unha confrontación de opinións diferentes sobre unb tema determinado”; polo que, para evitar calquera tipo de confrontación entre veciños e veciñas, aceptaría que a reunión coas Asociacións fose por separado cos distintos candidatos”.

Engade o alcaldable no seu comunicado que “esta decisións ven motivada pola lamentable situación vivida no último Pleno da Corporación, na que os membros do grupo de goberno, fomos directa e inxustificadamente insultados por concelleiros da oposición, e para evitar que esta situación poida repetirse, é polo que non aceptamos o formato de debate”.

“Esta decisión, xa foi transladada na mañá do sábado 2 de maio persoal e verbalemente a un dos representantes que me fixeron chegar a invitación, e telefonicamente na tarde-noite á outra das representantes por atoparse esta de viaxe. Así mesmo a ambos xa se lles anticipei a miña disposición a deixar constancia escrita, que traslado na presente”, conclúe Fuente Parga.

Fallecimiento del Señor Don Francisco Rodríguez Rodríguez

EsquelasEl Señor  Don Francisco Rodríguez Rodríguez,  falleció en A Coruña, el día 5 de Mayo de 2015, a los 74 años confortado con los Auxilios Espirituales.

Sus familiares ruegan una oración por el eterno descanso de su alma.

CONDUCCION DEL CADAVER: Miércoles día 06  de Mayo a las cinco de la tarde salida del Tanatorio de Benquerencia hasta el Cementerio de San Cosme, donde recibirá cristiana sepultura.

FUNERAL: A continuación en Ia Iglesia Parroquial de San Cosme de Barreiros.

CAPILLA ARDIENTE: Tanatorio Rodríguez Dorado de Benquerencia.

ROSARIO: Martes día 05 de Mayo, a las ocho de la tarde en la Capilla del Tanatorio.

Teléfono 982 12 45 43

San Cosme de Barreiros 05 de Mayo de 2015

www.rodriguezdorado.es

O BNG LAMENTA A FALTA DE CULTURA DEMOCRÁTICA DO PP DE BARREIROS E O SEU CANDIDATO, QUE IMPIDEN QUE SE CELEBRE O DEBATE PROPOSTO POLAS ASOCIACIÓNS

O BNG LAMENTA A FALTA DE CULTURA DEMOCRÁTICA DO PP DE BARREIROS E O SEU CANDIDATO, QUE IMPIDEN QUE SE CELEBRE O DEBATE PROPOSTO POLAS ASOCIACIÓNS.

Ana Ermida traslada a disposición do BNG-Asembleas Abertas a escoitar ás asociacións e responder todas as preguntas que desexen nun acto que convocan para o 15 de maio.

“A actitude do candidato do PP demostra que pensa que o concello é cousa súa e non permite que se faga nada que non controle directamente”, afirma Ana Ermida.

Barreiros, 5 de maio de 2015.- O BNG de Barreiros lamenta que a actitude do PP de Barreiros e do seu candidato impida ás veciñas e veciños disfrutar dun debate electoral público, en condicións de igualdade e no que contrastar as propostas e ideas das forzas que concorren ás vindeiras eleccións municipais.

Segundo manifestou a candidata, Ana Ermida, “o xeito de actuar do candidato do PP, Alfonso Fuente, e a súa resposta son unha falta de respecto ao resto de candidatas, á organización e ás veciñas e veciños que decidiron democraticamente plantexar un debate entre as tres forzas. O que demostra é que non sinte ningún respecto polas asociacións que, democraticamente, decidiron propoñer un debate con uns prazos e unhas normas que elas mesmas marcan, como organizadoras.”

O candidato do PP entregou a súa resposta fóra de prazo e rexeitando participar nun debate, tal e como propoñían as 23 asociacións promotoras, tratando de impoñer outro tipo de acto que lle interesa máis electoralmente. Para Ana Ermida “isto é mostra do acostumado que está a facer e desfacer o que el quere, sen que ninguén lle poña normas e sendo sempre xuíz e parte. Se non ten valor para debater, para confrontar ideas, é que non está preparado para participar na vida política, porque así é como se participa en democracia.”

“Non nos sorprende esta actitude, coñecendo como actúa nos plenos municipais. Onde só fala el e no momento en que desde a oposición facemos preguntas ou pretendemos debater algunha cuestión que non lle interesa, corta o debate e levanta a sesión. El pensa que o concello e todo o que se fai en Barreiros ten que ser cousa súa e non é consciente de que a sociedade, afortunadamente, é quen de organizarse sen tutelas nin dirixismos pola súa parte e para el iso é unha afrenta, non é quen de aceptalo”, afirma a candidata do BNG-Asembleas Abertas.

Ademais, desde o BNG-Asembleas Abertas sinalan que “Alfonso Fuente mente e retorce a realidade para xustificar a súa covardía e a súa incapacidade para afrontar este acto. Ningunha das candidatas que se enfrontarían a el neste debate o insultaron en ningún momento”, afirman.

A candidata do BNG-Asembleas Abertas recorda ademais que “Alfonso Fuente e máis eu xa temos participado nalgún debate público nunha emisora municipal de radio e sen ningún tipo de problema. Creo que calquera persoa con un mínimo de educación e de cultura democrática é capaz de debater publicamente e máis nun acto moderado por profesionais. O que lle pasa é que nesta ocasión tería que facelo diante das súas veciñas e veciños, da súa base de votantes e é consciente de que ten moito que perder e nada que gañar”, conclúe.

A candidatura do BNG a disposición das asociacións.

Desde a candidatura do BNG-Asembleas Abertas, agradecen o traballo desinteresado feito polas asociacións e lamentan que outras forzas políticas non respetasen os tempos e prazos establecidos polas mesmas, incluso á hora de emitir valoracións. A formación nacionalista ten claro que o protagonismo ten que ser da sociedade e, neste caso, expresada no movemento asociativo de moi diverso ámbito que tivo esta iniciativa. Deste xeito, o BNG-Asembleas Abertas anuncia xa unha convocatoria de acto público dirixido a todas as asociacións do concello que queiran tomar parte para o propio día 15 de maio.

“Desde o BNG xa tíñamos previsto unha reunión con asociacións para recoller as súas inquedanzas e propostas, pero paralizamos a convocatoria ao coñecer esta iniciativa e entender que é moito máis interesante un acto xurdido da propia sociedade que convocado desde as organizacións políticas”, explica Ana Ermida.

“En calquera caso, e á vista de que o debate como tal non poderá ter lugar pola negativa do PP, o BNG convoca a todas as asociacións de Barreiros para o vindeiro venres, 15 de maio ás 21horas no Centro Sociocultural, para que poidan coñecer as propostas do BNG e trasladar as súas propias.”

Igualmente, a candidatura do BNG-Asembleas Abertas amosan a súa absoluta dispoñibilidade para contestar calquera cuestión que se lles plantexe desde as asociacións ou colectivos, sen ningún tipo de condición de forma ou número.

O Santo Estevo do Ermo, protexido e custodiado

A Irmandade Santo Estevo vén de asinar un acordo de custodia do territorio con propietarios de parcelas desta fraga barreirense. Este contrato, o primeiro que se asina na Mariña Lucense, implica o compromiso do colectivo en colaboración cos propietarios, por espazo de 25 anos prorrogables, a conservar a diversidade biolóxica, a paisaxe e o patrimonio cultural deste lugar, garantindo que os usos e acitvidades que se leven a cabo nestas parcelas sexan respetuosos co entorno e garantan a posta en valor deste espazo natural, único no concello polo seu patrimonio cultural, ambiental, histórico e inmaterial.santo-estevo-ermo

O obxectivo da Irmandade nestes terreos de máis dunha hectárea, nunha primeira fase do proxexto, será levar a cabo a eliminación da flora exótica invasora e a plantación de especies autóctonas, partindo dentro do posible de individuos trasplantados da mesma fraga, coa fin de evitar a contaminación xenética. Durante a realización dos traballos e unha vez rematado o proxecto, este espazo natural serviría como esceario de educación ambiental dirixido aos nenos e nenas dos colexios do concello.

Dende a Irmandade Santo Estevo, agradecen a boa disposición e colaboración dos propietarios destas terras, situadas no mesmo corazón da fraga e colindantes coa capela. Son parcelas que na actualidade non están a ser aproveitadas para producción forestal e que os propietarios poñen en mans deste colectivo, mediante acordos de custodia, para o aproveitamento medioambiental. A recuperación destes espazos é indispensable para garantir a conservación das especies florais do soutobosque e a fauna autóctonas.

Asimesmo, o colectivo Irmandade Augas Santas organiza para este vindeiro sábado 9 de maio un roteiro arqueolóxico e ambiental pola fraga do Santo Estevo, na que colaboran varias asociacións locais e autómicas, ademáis da Deputación Provincial de Lugo. Estas son: Maremasma (Foz), Ollomao e Irmandade San Caetano (Barreiros), Erebia, Mariña Patrimonio e Adega. O roteiro será guiado, ademáis da entidade organizadora, por técnicos de medio ambiente e arqueoloxía que, logo do xantar, participarán nunha conferencia-coloquio aberta no mesón parrillada “O que che dixen”, en Reinante. Visitarán os restos arqueolóxicos do cemiterio e antiga capela de Santo Estevo da Ribeira do Masma (Século IX), construccións das ermitañas, ponte medieval e antigas minas de ferro, de onde se sacaba o mineral para a fábrica de Sargadelos. No apartado medioambiental, poderase contemplar a beleza de endemismos coma os felgos xigantes relictos do período Triásico, a sacabeira rabilonga, o caracol de Quimper ou algunhas especies protexidas de morcegos. Mediante esta actividade, os organizadores reivindican a recuperación e protección deste espacio natural para o que a Irmandade Santo Estevo xa tén presentado no Concello de Barreiros en xaneiro do ano pasado un proxecto para a protección deste ecosistema, solicitando a súa declaración como Espazo Natural de Interese Local (ENIL). No seu día, esta iniciativa foi apoiada tanto polo goberno local (PP) como polos partidos da oposición (BNG E PsdeG), sen que polo de agora se teñan máis novas ao respecto.

IV Festival Histórico Augas Santas
A seguinte actividade organizada por este colectivo barreirense será a celebración do IV Festival Histórico Augas Santas, que este ano cadra o sábado 20 de xuño e para o que, polo de agora, os organizadores prefiren non facer un adianto do programa.

Roban los electrodomésticos de dos chalés de Barreiros

Ocurrió el fin de semana y en uno de los casos se salvó de la «quema» una lavadora que todavía estaba embalada

VIVEIRO / LA VOZ, 05 de mayo de 2015.

Los delincuentes están calentando motores estos últimos tiempos en la comarca. Durante el último fin de semana han estado por la zona de Barreiros y Ribadeo. En el primer municipio entraron en dos viviendas situadas en la carretera que  baja hacia la playa de As Catedrais y que prácticamente discurree por el límite de los dos municipios, llevándose una buena cantidad de electrodomésticos. Por lo que ha trascendido, de uno de ellos se llevaron la mayor parte de los aparatos de la cocina, así como material electrónico (horno, vitrocerámica, nevera…). Lo que al parecer se salvó de la «quema» fue una lavadora que  todavía estaba embalada. La mayor parte de estos equipos estaban nuevos.

Todo apunta a que los autores de estos dos robos utilizaron algún vehículo de carga para llevarse los aparatos. Por la coincidencia de las fechas, es de suponer que se trata del mismo grupo que en la noche del domingo al lunes se llevaron también material de jardinería y herramientas  de dos propiedades de Ribadeo y de lo cual se informa en  la parte inferior de esta misma página.

Los inmuebles de Barreiros eran utilizados como segunda vivienda, como ocurre en la mayor parte de casas a las que entran a robar en ese municipio. Uno de los afectados había estado en la suya hasta las siete de la tarde del sábado.

O DEBATE PÚBLICO PROPOSTO POLAS 23 ASOCIACIÓNS DE BARREIROS NON SE LEVARÁ A CABO POLA NEGATIVA DO PARTIDO POPULAR A PARTICIPAR NO MESMO CO FORMATO PROPOSTO

O DEBATE PÚBLICO PROPOSTO POLAS 23 ASOCIACIÓNS DE BARREIROS NON SE LEVARÁ A CABO POLA NEGATIVA DO PARTIDO POPULAR A PARTICIPAR NO MESMO CO FORMATO PROPOSTO.barra

Relacionado

Agregado PP. Pax2.jpg 

Agregado PP. Pax1.jpg 

Agregado BNG.jpg

Agregado PSOE.jpg

barraBarreiros, 4 de maio de 2015. O BNG e o PSOE de Barreiros aceptaron a súa participación no debate público e imparcial solicitado por 23 asociacións veciñais, culturais, deportivas e de comerciantes, entre outras, en tempo e forma: por escrito e entre o xoves 30 de abril e o sábado 2 de maio. O PP respondeu de forma verbal o último día indicando que aceptaría con condicións que entregaría por escrito. Dito escrito non foi entregado ata a mañá do luns 4 de maio na Casa do Concello, incumprindo así os tempos establecidos, o que dificultou tamén a posibilidade de trasladar o conxunto de respostas a todos os partidos no tempo previsto.

En dito escrito, o alcaldable polo Partido Popular sinala “o desacordo co formato proposto para contestar ás demandas ou preguntas das Asociacións”. Na carta entregada aos tres grupos políticos o pasado xoves propoñendo a participación en dita iniciativa, por acordo das asociacións facíase constar que “sería precisa a aceptación a participar polas tres persoas candidatas á alcaldía, desistindo da organización do debate no caso de producirse algunha non aceptación”. Alfonso Fuente sinala na súa resposta que “aceptaría que a reunión coas Asociacións fose por separado cos distintos candidatos” polo que a organización do debate entende e conclúe que este non é o formato plantexado e polo tanto, Alfonso Fuente non acepta.

Asimesmo, Alfonso Fuente afirma “o seu desacordo co formato proposto para evitar calquer tipo de confrontación entre veciñas e veciños”, o cal dende as asociacións promotoras é considerado como unha falta de confianza na autoorganización, respeto e cordialidade entre a veciñanza, e polo tanto entre as asociacións, e destacan ademais que dende o momento en que por unanimidade e de maneira democrática se levou adiante esta iniciativa, todas elas fixeron gala destes atributos. Non se entende que alguén poida esperar confrontacións precisamente entre quen demostra boa educación e respeto polas formas e a cultura democráticas.

Asimesmo, dende a organización lamentan tamén as informacións vertidas por algúns dos partidos políticos antes da decisión tomada entre as asociacións, unha vez recibidas todas as contestacións por parte das tres persoas candidatas á alcaldía, en reunión o luns 4 de maio ás 20h., e a posterior comunicación oficial aos tres grupos políticos. Por este motivo, as asociacións participantes, non se responsabilizan das declaracións feitas polos partidos nin as conclusións tomadas polos mesmos.

As asociacións promotoras desta iniciativa agradecen a disposición das tres candidaturas ás eleccións do 24 de maio a escoitar as súas preguntas e emplazan aos tres grupos políticos a ser quen tomen a iniciativa de convocalas se o desexan, dado que o formato proposto non pode ser levado a cabo como foi solicitado.

Finalmente, as asociacións promotoras desta iniciativa mostran a súa satisfacción polo xurdimento dun movemento de colaboración entre elas, así como pola disposición de todas a fomentar a participación conxunta procurando unha mellor dinamización e desenvolvemento da localidade, con propostas e iniciativas xurdidas dende a veciñanza.

 

Noticias de Barreiros