MANIFESTO PLATAFORMA EN DEFENSA DA SANIDADE PÚBLICA DA MARIÑA

No hay texto alternativo automático disponible.MANIFESTO PLATAFORMA EN DEFENSA DA

SANIDADE PÚBLICA DA MARIÑA

(PARTE 1)

Bo día veciños e veciñas.

O primeiro de todo agradecervos a vosa resistencia e capacidade de mobilización desde fai 5 meses contra este novo ataque de quen está a gobernar contra a nosa sanidade pública, a sanidade de todas e de todos.

Sodes un exemplo de traballo e dignidade que sitúa a esta comarca na vangarda na defensa da sanidade de todas.

Tamén o noso agradecemento a aquelas e aqueles que agora mesmo están traballando e que lles gostaría estar aquí. Que saibades que estades aquí e agora connosco.

Como ben sabedes, o pasado 2 de agosto, foi publicado o Anteproxecto de Lei polo que se modifica a Lei de Saúde de Galicia na que suprimen as actuais Áreas Sanitarias de O Barco, A Mariña, Monforte e O Salnés. Publicación feita con premeditación, aleivosía e escurantismo, en pleno mes de Agosto, con moitos profesionais e veciñanza de vacacións e sen diálogo previo.

Xa vemos como concibe o Goberno do Señor Núñez Feijoó a negociación e a transparencia!!

A pesar de este escurantismo hai que resaltar a importante participación cidadá e do movemento social no rexeitamento desta reforma sanitaria, posto que nunca antes se acadaran un número tan elevado de queixas no Portal de Transparencia da Xunta.

O obxectivo do Goberno do PP con esta reforma é avanzar nas políticas de desmantelamento da Sanidade Pública, consolidando a liña de recortes, que tanto dano fixeron e están facendo o noso Sistema de Saúde, provocando un perda no numero de camas e servizos nos hospitais comarcais e afastando de este xeito a resolución dos problemas da cidadanía.

Baleira de contido os hospitais comarcais coa finalidade de concentrar os servizos sanitarios nos grandes hospitais. Esta medida supón unha gran barreira para o acceso da cidadanía a atención hospitalaria , especialmente a poboación rural e máis avellentada.

A modificación da Lei introduce un perigoso cambio na maneira de xestionar e planificar os servizos sanitarios, un perverso cambio de modelo no que pasamos de basearnos “nas necesidades sanitarias e asistenciais da poboación” (Lei vixente) a ter só en conta os “recursos sanitarios existentes” (Lei modificada). Cambio moi substancial, que permite concentrar os recursos onde máis conveña ou estean xa instalados e que sexa a poboación a que teña que acudir a eles… SE PODE.

Consolida, ademais, o abandono e relegación da Atención Primaria, a máis próxima e accesíbel para os cidadáns e doentes, que xa non recuperará as súas estruturas de planificación e xestión, o seu presuposto propio e os seus orzamentos, afondando nun deterioro da calidade asistencial xa imparable.

Señor Núñez Feijoo: A SANIDADE NON SE VENDE!!… DEFÉNDESE!!

(PARTE 2)

SABEDES O QUE ACONTECEU DESDE QUE PASAMOS A DEPENDER DE LUGO NO ANO 2013? ÍMOSVOLO A CONTAR

Dende que pasamos a depender de Lugo no 2013 esta Área sufriu unha parálise no seu crecemento con unha perda total da súa autonomía, identidade e desenvolvemento. Xa naquel momento manifestamos a nosa preocupación pola situación de esta Área Sanitaria e polas condicións nas que nos atoparíamos unha vez que se materializase esta integración. Temiamos que isto suporía unha absorción por parte do HULA ao trasladarse a ese centro todos os órganos de decisión, planificación e xestión. Non nos equivocábamos.

– Sabedes que agora desaparecemos como Área Sanitaria e pasamos a ser pacientes de Lugo?, que ata o de agora nos invitaban a ir a Polusa e a Virxen dos Ollos Grandes pero cando desapareza a Área pasarán a obrigarnos?

– Sabedes que nos están a retirar servizos sanitarios?

– Sabedes que queren centralizar as intervencións cirúrxicas en Lugo e que moitos especialistas din que se os obrigan a ir a operar a Lugo pedirán traslado e marcharán da Mariña e que ninguén quererá vir a traballar aquí nesas condicións?

– Sabedes que agora para implantar un marcapasos nos derivan a Lugo?, que pra cambiarlle as pilas temos que ir a Lugo?

– Sabedes que agora para operar ao teu neno dunha fimose nos derivan a Coruña?

– Sabedes que agora para operar unhas cataratas nos derivan a Lugo a centros privados?

_Que para operarnos dun xeonllo nos derivan a Lugo a centros privados?

– Sabedes que unha soa enfermeira queda toda a noite ao cuidado de máis de 30 pacientes?

_Sabedes que so hai 3 celadores polas noites para atender urxencias, quirófanos, UCI, partos, cambios de postura de pacientes encamados etc, e que esta falla de celadores paraliza a actividade de persoal sanitario que teñen que esperar por un celador que non hai.

– Sabedes que o servizo de oncoloxía non ten consulta de enfermeira para prestar educación sanitaria a pacientes e familiares como no resto de hospitais? Sabedes que o hospital de día de oncoloxía está en precario, sen oncólogos propios que se ven obrigados a vir á Mariña dende Lugo despois de facer unha garda e sen durmir? Sabedes que no hospital non temos presenza de oncólogos e cando ingresa un paciente queda ao cargo dun internista xa que os oncólogos non pertencen á Mariña?

– Sabedes que para facer unha proba de esforzo de cardioloxía temos que agardar máis de un ano?

Sabedes que o servizo de Anatomía Patolóxica se atopa abandonado, sen persoal suficiente atrasando o diagnostico do cancro e de enfermidades moi graves?

– Sabedes que a ampliación do Hospital amplía espazos pero non servizos? Non teremos máis quirófanos, non teremos máis plantas de hospitalización, non amplían a UCI, non teremos novas especialidades. O que realmente se amplía é a área de consultas.

– Sabedes que levamos anos demandando a necesidade dunha resonancia magnética e de aparellos para realizar a densitometría ósea, electromiográmas, placas dentais e sempre nos dicían que non había espazo para ubicalos e agora que están a crear espazo sabedes que non queren traelos? Sabedes que non os queren traer xa que teñen un negocio montado coas privadas de Lugo?

– Sabedes que o persoal do servizo de diálise elaborou un proxecto para implantar na comarca hemodiálises a domicilio? Sabedes que para iso precisaban atopar pacientes dispostos a inicialo? Sabedes que logo de atopalos e presentar o proxecto, Lugo apoderouse da iniciativa e os pacientes da Mariña tiveron que pasar 1 mes en Lugo recibindo educación sanitaria?. Resumindo, roubáronnos o servizo e o implantaron en Lugo.

– Sabedes que os nosos centros de saúde están totalmente abandonados, con falta de persoal médico, de enfermería, administrativo, material e longas listas de espera?

– Sabedes que non se cubren as ausencias dos nosos profesionais e non mandan a ninguén de Lugo para aquí?

(PARTE 3)

Dende a Plataforma en Defensa da Sanidade Pública da Mariña…

EXISIMOS a retirada do Proxecto de Reforma da Lei Galega de Saúde

EXIXIMOS A NON SUPRESIÓN das Áreas Sanitarias

EXIXIMOS A DESVINCULACIÓN da xestión integrada con Lugo e que A MARIÑA SEXA UNHA ÁREA SANITARIA INTEGRADA PROPIA como a comarca de Ferrol.

EXIXIMOS A MELLORA NA ATENCION PRIMARIA e a dotación de recursos económicos e humanos necesarios para acadar a mellor calidade asistencial.

PORQUE GOBERNE QUEN GOBERNE A SANIDADE NON SE VENDE: DEFENDESE!!

E témola que defender as persoas que cremos nela, que apostamos por unha sanidade pública e de calidade.

Empregando a linguaxe sanitaria, poderiamos afirmar que a sanidade na Área da Mariña esta na UCI e cun prognostico reservado, e de levarse a cabo a supresión da Área Sanitaria, a gravidade desta paciente que é a Sanidade Pública da Mariña

empeorará drasticamente, mentres non se cambien as políticas que esta a aplicar o goberno do PP e que afogan á cidadanía.

Non consintamos que continúen co desmantelamento da Área da Mariña!!

LOITEMOS POLA SANIDADE PUBLICA !!

Burela a 13 de xaneiro de 2018.

La Diputación repara carreteras en la comarca con 1,3 millones

La Diputación repara carreteras en la comarca con 1,3 millones

En Barreiros, Lourenzá, A Pontenova, Trabada, O Valadouro y Viveiro

.
PEPA LOSADA
/ LA VOZ 

La junta de gobierno de la Diputación Provincial aprobó ayer una inversión de cuatro millones de euros para mejorar 79 kilómetros en varios tramos de 27 carreteras de la provincia. Alrededor de 1,3 millones se invertirán en obras en A Mariña. Lo anunció el presidente, Darío Campos.

En Barreiros se aprobó contratar el arreglo de 5,4 kilómetros de la LU-P-6103, de Trabada, por Fórnea a Barreiros. El presupuesto es de 354.977 euros. A 310.557 euros asciende la inversión prevista para arreglar un total de 6,5 kilómetros de la LU-P-1904, de A Fonsagrada a A Pontenova; de la LU-P-4805, de Boulloso, por Dodrín, a Figueirúa, y de la LU-P-4808, de A Pontenova por Vilaouruz, a la N-640. En Lourenzá se invertirán 99.465 euros en arreglar con aglomerado en caliente 2,2 kilómetros de la LU-P-2801, de Santo Tomé, por San Adriano e Augaxosa, a Arroxo; de la LU-P-2803, de Santo Tomé a Lindín, y de la LU-P-2805, de Santo Tomé a Santa María Maior.

Se aprobó iniciar la contratación para mejorar con 168.456 euros 3 kilómetros de la LU-P-5506, de Augaxosa a Trabada, y en O Valadouro, 4.450 metros de la LU-P-1502, de Burela, por Vilaestrofe, a Ferreira y la LU-P-6303, de Campo por Guín, al Eixo de Moas. Esta obra se financiará con 176.356 euros. También en Viveiro se invertirán 192.319 euros en mejorar 4.580 metros en tramos de la LU-P-6601, de A Misericordia a Silvarosa; de la LU-P-6611, de Magazos a Fontecova, y de la LU-P-6613, del cementerio nuevo a la iglesia de San Roque.

O CONCELLO DE BARREIROS CONTARÁ CUN ORZAMENTO DE 4.400.000 EUROS PARA 2018. DESA CIFRA UN MILLÓN DE EUROS VAN DESTINADOS A INVESTIMENTOS

O CONCELLO DE BARREIROS CONTARÁ CUN ORZAMENTO DE 4.400.000 EUROS PARA 2018. DESA CIFRA UN MILLÓN DE EUROS VAN DESTINADOS A INVESTIMENTOS, SEGUNDO VEN DE SUBLIÑAR O ALCALDE, ALFONSO FUENTE.

Barreiros, 12 de xaneiro de 2018.  O vindeiro luns, 22 de xaneiro, ás 19:30 horas terá lugar no Concello barreirense un pleno extraordinario no que se someterá a aprobación o orzamento municipal para 2018, que ascende a 4.400.000 euros. Desa cifra 1 millón de euros están destinados a investimentos. O alcalde, Alfonso Fuente, amósase sorprendido polas críticas realizadas nas últimas horas desde o BNG.

O rexedor manifestou: “a verdade é que despois de escoitar ás críticas do BNG aos presupostos e ao recoñecemento extraxudicial de crédito do Concello de Barreiros sorpréndeme que digan que hai que pagar as facturas. Evidentemente cando hai unha serie de gastos hai que pagar as facturas, facturas que non se puideron aprobar no ano 2017 e apróbanse agora no 2018. Trátase de facturas de luz, de recollida do lixo ou do servizo de cobro de auga. Esas facturas hai que pagalas porque eses servizos se prestaron no ano 2017 e se van a pagar no 2018. O BNG é un partido que está na oposición, non está no goberno, non sabe e por iso llo hai que explicar, que se unhas facturas non se poden aprobar no 2017 se aproban agora neste ano para pagalas. E insisto páganse porque se prestan eses servizos”.

A Fuente Parga parécelle “curioso, porque si ben as críticas do BNG se dirixen moitas veces ás administracións gobernadas polo PP dicindo que solo sabemos recortar e por outro lado se queixan de que hai que pagar as facturas. Está claro que se non se recorta hai que pagar os servizos, porque eu non vexo que cando goberna o BNG as eléctricas non lles cobren ou as empresa de recollida do lixo tampouco. Eles, como é normal, teñen que pagalas igual. Polo tanto, iso é que facemos neste Concello aprobar as facturas en pleno para pagalas porque se trata de servizos prestados. E insisto en que eses servizos hai que pagalos porque non se recortou ningún deles. En Barreiros séguese a prestar o servizo de recollida do lixo, segue habendo alumeados públicos e incluso os estamos a aumentar, e todos eses servizos cando se prestan hai que pagalos”.

O alcalde barreirense engadiu que “o que me resulta curioso é que non falen de que no presuposto de 2018 se contempla unha partida dun millón de euros en Barreiros. Iso parece que está desaparecido nos presupostos por iso quero poñelo eu enriba da mesa. Neste novo ano investiremos un millón de euros, parte deses cartos irán destinados á nova depuradora de auga e outra a vías municipais, a maiores doutras subvencións que se poidan ir recibindo ao longo do 2018 para novas inversións”.

A Alfonso Fuente sorpréndelle “esa visión catastrófica que queren ofrecer de Barreiros, porque precisamente é un Concello que segue a prestar servizos, que non recorta en nada e como é lóxico, e como todo o mundo sabe, as facturas da luz, da auga e da recollida do lixo hai que pagalas, e para pagalas hai que aprobalas. É unha actuación normal dentro da actividade de calquera Concello”.

Substraídos 400 euros en equipos de limpeza dunha urbanización de Barreiros

Substraídos 400 euros en equipos de limpeza dunha urbanización de Barreiros

Urbanización na que entraron os ladróns, preto de Altar. I.G (AMA)
 Urbanización na que entraron os ladróns, preto de Altar. I.G (AMA)

Entraron nun complexo residencial practicamente baleiro en AltaUnha empresa de limpezas con sede en Lugo denunciou o roubo de diverso material, valorado en máis de 400 euros, que lle substraeron dun cuarto de contadores eléctricos, onde o tiñan gardado, no interior dunha urbanización barreirense próxima á praia de Altar.

Os ladróns aproveitaron o feito de que o complexo residencial permanece deshabitado a meirande parte do ano, principalmente nestas datas, para entrar no recinto. Os denunciantes calculan que o roubo tivo que producirse nalgunha data entre as doce do mediodía do pasado 29 de decembro e as once da mañá do venres 5 de xaneiro.

Unha persoa que representa á empresa de limpezas afectada por este furto presentou no cuartel da Garda Civil barreirense a denuncia tras percatarse da falla do material que necesitaban para desenvolver o seu traballo de xeito habitual.

Quen queira que fose, sabía onde se gardaba este material, porque accedeu directamente ao cuarto de contadores da electricidade e doutros subministros da urbanización para apoderarse dun carro da limpeza, valorado nuns 300 euros.

Tamén substraeron o material que había e que a empresa afectada cifrou nuns 140 euros. Descoñécese o valor dos danos causados para entrar no recinto.

Polo demais, a Garda Civil continúa investigando os roubos producidos en varias segundas residencias da localidade barreirense dende o pasado verán. Unha grande parte delas pertencían precisamente a veciños da capital luguesa que as teñen para veranear ou pasar tempadas de descanso na costa.

O 22 DE XANEIRO TERÁ LUGAR EN BARREIROS UNHA XORNADA DE CONCIENCIACIÓN E RECOLLIDA DE PILAS

La imagen puede contener: texto

O 22 DE XANEIRO TERÁ LUGAR EN BARREIROS UNHA 

 

XORNADA DE CONCIENCIACIÓN E RECOLLIDA DE PILAS, BATERÍAS E ACUMULADORES. ESTÁ ORGANIZADA POLA FUNDACIÓN ECOPILAS, QUE CONTA COA COLABORACIÓN DO CONCELLO.

Barreiros, 12 de xaneiro de 2018. O vindeiro 22 de xaneiro chegará a Barreiros Ecopilas, unha campaña de concienciación e recollida de

residuos de pilas, baterías e acumuladores.

Esa xornada instalarase unha carpa na praza do Concello de 11 a 13:30 horas e un equipo de monitores medio ambientais ofrecerán información á poboación sobre a importancia de contribuír á reciclaxe de pilas e da recomendación de depositar as pilas domésticas usadas nos contedores habilitados para ese fin, garantindo así a protección do medio ambiente e a máxima recuperación de materias primas para a súa reutilización.

O Concello colabora coa organización desta actividade da Fundación Ecopilas.

PREVISIÓN SÁBADO13  DE XANEIRO de 2018

PREVISIÓN SÁBADO13  DE XANEIRO de 2018

TERCEIRA  ETAPA DA CARAVANA POLA SANIDADE PÚBLICA

Data:  Sábado 13 de Xaneiro de 2018

Hora:  11 horas

Lugar:  Saídas simultáneas dos centros de saúde de FOZ, VALADOURO E SAN CIBRAO

Asunto: Terceira e última etapa da caravana de coches  con tres itinerarios .Desde os puntos de orixe desta terceira etapa realizaremos un percorrido por parte do territorio occidental, central e oriental da Mariña rematando simultáneamente na explanada do Porto de Burela .Desde aquí dirixirémonos camiñando ate o Centro de Saúde de Burela, donde se dará lectura a un manifesto.

Para máis información, chamar a Victor Vila 677343429

O GOBERNO MUNICIPAL DE BARREIROS PAGARÁ ESTE ANO MÁIS DE 500.000€ DE FACTURAS DO ANO PASADO

O GOBERNO MUNICIPAL DE BARREIROS PAGARÁ ESTE ANO MÁIS DE 500.000€ DE FACTURAS DO ANO PASADO

A débeda recoñecida na aprobación dos orzamentos deste ano, supón desequilibralos e seguir endebedando o Concello

Barreiros, 12 de xaneiro de 2018. O vindeiro luns celebrarase en Barreiros un pleno para aprobar os orzamentos do 2018 e “como vén sendo habitual, nese mesmo pleno o goberno municipal xa presenta o primeiro listado de facturas que deixaron sen pagar no ano anterior”, explica a portavoz municipal do BNG.

Mediante a figura do recoñecemento extraxudicial de crédito, que obriga ao goberno a que a aprobación desas facturas sexa en pleno, presentan 467.955,14€ correspondentes a facturas do 2017 que quedaron sen pagar por falta de fondos nese ano. “Esas facturas hai que pagalas dos orzamentos do 2018 e iso supón que do orzamento que se aproba para este ano, xa se sacan eses cartos sen que supoñan ningún gasto novo”, explica Ana Ermida.

“Pero, ademais, o propio orzamento para o 2018 recolle partidas que na memoria da Alcaldía se di expresamente que son para gastos que se fixeron no ano 2017 e que non se pagaron”, aseguran desde o BNG. “Polo tanto, non son só as facturas do recoñecemento extraxudicial, hai que sumarlles eses máis de 40.000€ que xa recoñecen directamente nos orzamentos do 2018 como gastos do 2017.”

Para o BNG “esta situación ao único que contribúe é a seguir afondando o burato económico que ten Barreiros, a consecuencia da mala xestión e o despilfarro do seu goberno municipal.”

Facturas do mes de xullo sen pagar.

Desde o grupo municipal do BNG aseguran que na relación de facturas do 2017 que se presentan para aprobar no pleno “hai facturas desde o mes de xullo. As facturas de luz, auga ou lixo levan sen pagar desde setembro”, afirman.

“Non sabemos que desculpa vai poñer este ano o goberno do PP, cando o ano pasado presumían (ao recoñecer máis de 200.000€ de facturas do ano anterior) que mellorara moito a situación ao rebaixalas con respecto ao ano anterior en 100.000€”, explica Ana Ermida. “Non ten xustificación que nun só ano, esta cantidade se duplicara. A única explicación é a que xa advertimos desde o BNG que se estaba producindo: especialmente nos meses de verán, para saír ao paso das críticas e queixas que se producían a diario, o PP en Barreiros optou por contratar servizos a empresas externas, sen ningún tipo de control, e incrementando o custo dos traballos que se poderían facer con persoal propio se houbera organización e control por parte do goberno municipal.”

“O único que está claro é que o PP conseguiu quebrar economicamente o Concello de Barreiros coa súa inoperancia e a súa xestión a espaldas das necesidades públicas. O goberno do PP en Barreiros, con Alfonso Fuente á cabeza, pasará ás páxinas máis negras da historia de Barreiros por afundir un Concello con tanta potencialidade e capacidade coma este”, conclúe Ana Ermida.

O CONCELLO DOTA DE DIFERENTES SERVIZOS AOS LOCAIS SOCIAIS DO MUNICIPIO

O CONCELLO DOTA DE DIFERENTES SERVIZOS AOS LOCAIS SOCIAIS DO MUNICIPIO. NO DE VILAMAR VEN DE INSTALAR UN TERMO PARA AUGA QUENTE E UN FREGADEIRO.

Barreiros, 11 de xaneiro de 2018. O Concello segue a dotar de diferentes servizos aos locais sociais do municipio. No de Vilamar acaba de instalar un termo para auga quente e tamén un fregadeiro.

O alcalde, Alfonso Fuente, explicou que “desde o Concello vimos colaborando coa asociación de veciños de Vilamar para instalar un termo para que o local social tivera auga quente e tamén se colocou un fregadeiro, de forma que a organización de festas como a que hai este próximo sábado, a festa dos callos, que está collendo tanta sona, non só en Barreiros senón na comarca, que poidan facerse dunha forma máis cómoda, precisamente porque outros anos carecían de auga quente e de fregadeiros”.

O rexedor dixo que “o que estamos facendo en todos os locais sociais, aparte de xa no seu momento telos mellorado e nalgúns casos construílos, agora ilos dotando pouco a pouco de mellores servizos. Entonces coa instalación deste termo que vai levar auga quente a este local mellora a prestación de servizos para todos os veciños da zona de Vilamar e todos os que queiran gozar desta festa dos callos que hai este sábado; e animo a todo o mundo a participar nela”.

Ruta da Cornería este sábado en Barreiros

Ruta da Cornería este sábado en Barreiros

De la mano de la asociación Mar e Monte, Café Bar Moderno y Concello

La imagen puede contener: 20 personas, personas sonriendo, personas de pie, montaña, cielo, exterior y naturalezaCEDIDA (Ampliar)

Sábado 13 Salida a las 10.00 horas Café Bar Moderno Empieza también este fin de semana otro año de rutas de senderismo y de promoción de los encantos históricos, naturales y patrimoniales de Barreiros de la mano de la asociación Mar e Monte, Café Bar Moderno y Concello. Más información en el teléfono de contacto 615 092 115.

O alcalde, Alfonso Fuente, e o concelleiro José Manuel Gómez entregaron os premios aos gañadores do Concurso de Poesía e Debuxo Nadal 2017

 

O alcalde, Alfonso Fuente, e o concelleiro José Manuel Gómez entregaron os premios aos gañadores do Concurso de Poesía e Debuxo Nadal 2017. Os nenos e nenas recibiron diplomas e tamén material escolar como agasallo. O rexedor felicitounos e animounos a seguir creando a través do debuxo e da poesía. O acto tivo lugar na Biblioteca nas últimas horas.

Noticias de Barreiros