Os alumnos do Ceip San Cosme celebraron esta venres o Día da Árbore. O exemplar que plantaron no xardín do colexio é un amieiro, que foi donado pola Deputación de Lugo. Trala plantación os nenos posaron para a foto representando o símbolo da árbore en linguaxe de signos. En todas as actividades que organizan utilizan a linguaxe de signos dentro da filosofía do equipo de ensino para normalizar a comunicación e integración entre todos os alumnos.