NOTA AOS MEDIOS DE COMUNICACIÓN

Ollomao celebrará este sábado a súa asamblea anual, á que convida a asistir a todas as persoas interesadas. O Colectivo Cultural Ollomao de Barreiros celebra a asamblea anual do seu noveno ano de andaina. Terá lugar ás 19:00h. en primeira convocatoria e 19:30h. en segunda, no Salón de Actos do Centro Sociocultural “Manuel Díaz Sampedro”. Esta asamblea será de carácter aberto, de xeito que ademais de todas as persoas socias do colectivo poden asistir todas aquelas outras que teñan tomado parte nas actividades levadas a cabo ou calquera con interese en participar e aportar ideas. Os puntos a tratar en dita xuntanza serán o estado das contas, así como a planificación de actividades para o presente ano e a incorporación de novas persoas.