Moitos foron os que se deron cita onte, domingo, nos xardíns do Eido Dourado, a carón da praia barreirense de A Pasada, para gozar coa música de Barahúnda e coa intensa voz de Helena De Alfonso. Con esta actuación arrincaron os Concertos no Solpor, que organiza o Eido Dourado durante o verán e que este ano chegan á súa oitava edición. A lúa, as estrelas e a música de Barahúnda encheron de maxia os xardíns do Eido Dourado.