INFORMACIÓN SOBRE O DESENVOLVEMENTO DO CRIBADO COVID19
O pavillón municipal xa está preparado para acoller as probas do cribado que se realizarán mañá, martes 13, ás 436 persoas anotadas voluntariamente.
O SERGAS enviou a todas as persoas anotadas un SMS co horario de realización da proba.
As probas realizaranse entre as 9:30 e as 13:30 horas.
Se algunha das persoas anotadas non recibe o SMS de cita, poderá pasar en dito horario(entre 9:30-13:30) polo pavillón para ser atendida.
O persoal de Protección Civil organizará a dirección e aparcamentos dos vehículos.
A entrada das persoas para a realización da proba será pola porta esquerda (mirando de fronte ao pavillón) e a saída pola dereita.
Haberá dous equipos realizando probas, polo que as persoas terán asignada unha mesa en función da primeira letra do primeiro apelido:
Mesa da A-J
Mesa da L-Z
Durante a espera deberá gardarse a distancia de seguridade, sen rebasar as marcas do chan.
É obrigatorio o uso de máscara.
Facilitarase xel hidroalcólico á entrada.
Deben atenderse ás indicacións do persoal encargado da organización.