Ata o Monte do Gozo chegaron os barreirenses que están a realizar por etapas o camiño de Santiago, a través do trazado primitivo. Este sábado partiron de Santa Irene (Pedrouzo) e percorreron 18 quilómetros ata o Monte do Gozo. O concelleiro de Medio Ambiente en Barreiros, José Manuel Gómez Puente, contou que “acabamos a xornada con ledicia e emoción, tras divisar a Catedral de Santiago, que está xa moi preto”. Os 4 quilómetros que restan para chegar a Compostela faranos o 18 de xuño.