Os alumnos do Ceip San Cosme de Barreiros despediron o día cunha gran Festa de Carnaval baixo a temática de Peter Pan e as aventuras do Capitán Garfio. Os nenos pequenos ían disfrazados de cangrexos, os medianos de peixes e os maiores e profesores caracterizados como Capitán Garfio, Wendy e outros personaxes do conto. Fixeron un desfile polo recinto escolar, cantaron unhas cancións para as familias no pavillón e remataron a festa con doces de Entroido. A actividade foi organizada polos profesores.