DENUNCIA UNHA DEMORA DE CASE UN ANO NUNHA CITACIÓN PARA UNHA PROBA DE ESFORZO

DENUNCIA UNHA DEMORA DE CASE UN ANO NUNHA CITACIÓN PARA UNHA PROBA DE ESFORZO.

O paciente que ten taquicardias e non coñece a súa causa,  anuncia que acudirá á xustiza se non se pon solución ao seu caso.

As vicisitudes do paciente remóntanse ao ano 2016, ano en que acude numerosas veces ao servizo de Urxencias con infeccións urinarias de repetición e cólicos nefríticos. Tras numerosos períodos de tempo con tratamentos antibióticos deciden facerlle unha ecografía , diagnostícase o seu mal e pónselle tratamento. É entón cando comeza a sufrir taquicardias de ate 180 pulsacións. Nen os electrocardiogramas que lle fixeron nen un rexistro posterior da actividade do corazón en 24 horas reflicten as taquicardaias , polo que se lle solicita  en  marzo de 2017 unha proba de esforzo que, segundo as indicacións do cardiólogo, deberá realizarse como moi tarde en  6 meses.

En febreiro do 2018 o paciente contacta coa Plataforma Sanitaria para que lle axude a facer unha reclamación, xa que hai case un ano desto.  “ Receitáronme ansiolíticos, máis as taquicardias non desapareceron e a maiores teño mareos. Xa non sei se todo esto que me pasa é pola medicación que tomo, pola ansiedade ou se teño algo no corazón, teño medo de que un día me dé algo, necesito un diagnóstico”- relata o paciente.

Para a Plataforma Sanitaria é intolerable a absoluta falta de respecto e desprezo que a Xerencia do Hospital e o Sergas amosan cara @s pacientes ninguneándoos ao deixalos ate un ano sen diagnosticar e producíndolles sufrimentos innecesarios.  “ Están a abrigar @s veciñ@s a denunciar, e ainda por riba búrlanse da xente ao publicar nesas reportaxes a doble páxina tempos de agarda falsos para calmar o clamor popular , que comeza a ser preocupante para [email protected]”- comenta o portavoz da Plataforma Sanitaria.

Manifesta tamén a Plataforma  Sanitaria que cifrar en quince días o tempo de agarda medio para estudos cardiolóxicos, cando a xente está a esperar un ano ou máis é dunha desfachatez impresionante.”  Teñen a cara máis dura que o cemento que están a utilizar na tan celebrada obra de ampliación por parte de Balseiro e Vega”- ironiza Victor Vila, portavoz da Plataforma.

O paciente solicita ser citado á maior brevidade posible,  facendo responsable á xerencia do que lle poda ocurrir a partir da data de rexistro da reclamación.” Se non me dan solución non dubidarei en acudir á xustiza”- conclúe o afectado.

Deja un comentario

Tu dirección de correo electrónico no será publicada. Los campos obligatorios están marcados con *