CLAUSURADO NA AULA CEMIT DE BARREIROS O CURSO DE INFORMÁTICA BÁSICA, NO QUE PARTICIPARON ARREDOR DE 20 ALUMN@S.

Barreiros, 2 de decembro de 2016. A Aula CeMIT de Barreiros ven de clausurar o último curso celebrado este 2016. Desta volta foi un curso de iniciación a informática no que uns 20 alumnos deron os seus primeiros pasos no manexo do ordenador, “quedando moi ilusionados con seguir avanzando xa en próximos cursos que se celebrarán durante o 2017”, segundo explica Manuel Pérez.

A actividade formativa da aula neste 2016 péchase cun balance de 38 actividades, entre cursos, charlas, seminarios e vídeo conferencias, que suman un total de 380 horas formativas de diversa temática e niveis.

Ademais destas actividades a Aula CeMIT de Barreiros está aberta para uso libre dos ordenadores e internet en horario de 15:00 a 21:00 de luns a xoves.