A Plataforma na Defensa da Sanidade Pública da Mariña mobiliza a mais de mil mariñás e mariñaos para acudir a Composela este domingo 4 de febreiro á manifestación en defensa da Sanidade Pública e da Área Sanitaria da Mariña

Toda A Mariña é unha soa voz na defensa da nosa sanidade

A Mariña, 2 de febreiro 2018. A Plataforma na Defensa da Sanidade Pública da Mariña  mobiliza a mais de mil persoas para acudir á manifestación convocada por S.O.S Sanidade Pública, da que forma parte a plataforma mariñá. Dez autobuses e centos de coches particulares levarán a Compostela o clamor de toda unha comarca que se opón contundentemente aos recortes en sanidade do Partido Popular, á eliminación da Área Sanitaria da Mariña, á centralización en Lugo dos recursos económicos que tiñan que ser xestionados desde o Hospital de Burela, para o Hospital de Burela e para a Atención Primaria na comarca, pero que desde a implantación da EOXI no 2013 pasan a depender do HULA, reducíndose e diminuindo desde aquela os servizos sanitarios na comarca e aumentando as derivacións a Lugo, ao HULA  e ás clínicas privadas.

O desprazamento organizado mais grande para acudir a unha manifestación fóra da Mariña

Desde a Plataforma destacan tamén que esta é unha das mobilizacións mais grandes que tén habido na comarca para asistir a unha manifestación fóra da Mariña. E resaltan tamén o apoio recibido desde todos os puntos da comarca, de diferentes colectivos de índole veciñal, cultural, social, deportivo e tamén a nivel individual, independentemente das diferentes ideoloxías ou sensibilidades políticas.

A Mariña é unha soa voz na defensa da sanidade pública

A Mariña agora mesmo xa é  unha voz única na defensa da súa sanidade pública, afirman desde a Plataforma, o que é unha garantía para seguir afrontando conxuntamente todas as loitas que esta comarca tén por diante, no referente especialmente á sanidade,  pero tamén aos servizos públicos e mesmo ás infraestruturas, asuntos nos que esta comarca queda sempre marxinada.

As saídas dos buse serán desde as Estacións de Autobuses de Viveiro, Burela, Foz, Ribadeo,e  desde a Casa do Mar de San Cibrao

A TERCEIRA E ÚLTIMA ETAPA DA CARAVANA POLA SANIDADE PÚBLICA REMATARÁ NO PORTO DE BURELA COA CHEGADA DOS COCHES DESDE OS TRES ITINERARIOS.

Desde o a explanada do Porto de Burela dirixirase camiñando ate o Centro de Saúde , donde se dará lectura a un manifesto.

A Mariña,12 de xaneiro de 2018. O vindeiro sábado día 13 de xaneiro terá lugar a terceira e última etapa da Caravana pola  Sanidade Pública. Nesta ocasión os puntos de orixe ubícanse nos Centros de Saúde de Foz, Valadouro e San Cibrao, correspondentes respectivamente aos itinerarios  oriental, central e occidental. Os tres itinerarios rematarán na explanada do Porto de Burela ,a donde chegaremos simultáneamente, e desde aquí dirixirémonos camiñando ate o Centro de saúde de Burela donde se dará lectura a un manifesto- comenta o portavoz da Plataforma, Víctor Vila.

Desde a Plataforma Sanitaria da Mariña queremos facer un chamamento a toda a poboación da comarca para que acudan a esta etapa da Caravana , desprazándose ate a localidade que lle quede máis próxima ou lle sexa máis cómoda. O que nos xogamos é a supervivencia da Área Sanitaria , pois o gobernó da Xunta pretende eliminala converténdoa nun distrito de Lugo sen debate, a golpe de decreto, usando a mayoría absoluta que posúen de forma totalitaria e absolutista, e desoíndo o clamor popular da Comarca- apuntan desde a Plataforma Sanitaria.

Para máis información chamar a Victor Vila 677343429

MALESTAR D@S VECIÑ@S DA MARIÑA POLA NON SUSTITUCIÓN DOS DOUS HEMATÓLOGOS DO HOSPITAL DA COSTA DURANTE DOUS DÍAS.

Os dous hematólogos da plantilla , con ausencias xustificadas, non foron sustituídos e todas as probas hematolóxicas  foron asumidas polo servizo de hematoloxía do HULA.

A Mariña, 4 de xaneiro de 2018. Durante os días 2 e 3 de xaneiro os dous hematólogos que conforman a plantilla do servizo de Hematoloxía do Hospital da Costa, ausentes con permisos xustificados, non se cubriron pasando a facerse cargo das probas hematolóxicas, tales como os controles de Sintrom e o seu informe coa pauta de tratamento,entre outras, o servizo de Hematoloxía do HULA. Esto causou retrasos na emisión dos devanditos informes mesmo ate a tarde ou noutros casos ate o día seguinte, provocando nos pacientes nerviosismo e inseguridade polas doses de fármaco que debían tomar.

Á  Plataforma Sanitaria dirixíronse profesionais dos centros de saúde da comarca e pacientes, ansios@s porque comezan a apreciar que este colectivo estaba no certo en todo o que adiantou que ocurriría respecto á nosa dependencia do HULA cada vez maior, e que parece que comeza a ir a marchas forzadas.

A Plataforma Sanitaria amosa a súa indignación ante a falta de cobertura d@s profesionais que collen permisos debidamente xustificados ,aos que teñen dereito, máis que deben ser cubertos para non coartar os devanditos dereitos  nen condicionar a súa interrupción nun exercicio de responsabilidade profesional , para que a poboación esté debidamente atendida.

Para máis información chamar a Victor Vila 677343429.

PREVISIÓN SÁBADO 16 DE DECEMBRO

SEGUNDA  ETAPA DA CARAVANA POLA SANIDADE PÚBLICA

Data:  Sábado 16 de decembro

Hora:  11 horas

Lugar:  Saídas simultáneas dos centros de saúde de XOVE,MONDOÑEDO E BARREIROS

Asunto: Segunda etapa da caravana de coches  en 3 etapas  e con tres itinerarios .Dende os puntos de orixe desta segunda etapa, e percorrendo parte do territorio occidental,central e oriental, remataremos respectivamente  nos centros de saúde de SAN CIBRAO, VALADOURO E FOZ. Previo á saída e posterior a chegada faranse pequeñas concentracións nos centros de saude

Para máis información, chamar a Victor Vila 677343429

A PLATAFORMA SANITARIA PERCORRERÁ  A MARIÑA CUNHA CARAVANA POLA SANIDADE PÚBLICA EN VARIAS ETAPAS.

            Será unha caravana de coches con tres itinerarios alternativos á que están convidad@s tod@s @s veciñ@s.

A Plataforma Sanitaria confirma que os próximos actos a desenvolver  polo colectivo no mes de decembro consistirán , entre outros, nunha caravana de coches que co nome xenérico de CARAVANA  POLA SANIDADE PÚBLICA  percorrerá  A  Mariña  en tres etapas, comezando o  vindeiro sábado 9 de decembro.

Cada etapa desenvolverase simultáneamente en tres itinerarios , occidental, oriental e central, de xeito que se percorrerá a comarca ao completo.

A etapa deste vindeiro sábado 9 de decembro, ten como itinerario oriental Ribadeo-Barreiros, a  ruta central será Trabada-Lourenzá- Mondoñedo e o occidental Viveiro- Xove, con saída ás 11 da mañá.

O itinerario Ribadeo – Barreiros  sairá da Praza do Mercado de Ribadeo e remata no Centro de Saúde de Barreiros. Á mesma hora sae o itinerario central dende a Praza do Concello de Trabada, pasará por Lourenzá e desde aquí se dirixe cara ao Centro de Saúde de Mondoñedo, donde remata.Da parte occidental da Mariña , tamén ás 11 horas, sae o terceiro itinerario dende o Pavillón de Deportes Municipal de Viveiro para chegar ao Centro de Saúde de Xove.

Da segunda e terceira etapas a celebrar  só trascenderon as rutas , que serán Barreiros- Foz, Mondoñedo- Valadouro e Xove-San Cibrao o sábado 16 de decembro , sendo as saídas do sábado 23 respectivamente Foz, Valadouro, e San Cibrao para rematar todas diante do Hospital da Costa.

Desde a Plataforma Sanitaria animamos a todas e todos @s veciñ@s da comarca a participar neste acto reivindicativo na defensa da sanidade pública que solicita ao Goberno da Xunta de Galicia a retirada do Anteproxecto de modificación da lei 8/ 2008 de Saúde de Galicia que conducirá á desaparición da Área Sanitaria da Mariña.  As consecuencias da eliminación da Área Sanitaria serán devastadoras para a comarca, pois aumentarán ainda máis as derivacións a Lugo de xeito obrigatorio, non como ahora que é voluntario baixo “advertencias” de ir ao final das listas de agarda. Estes deplazamentos corren ao cargo do paciente ou familiares que a maiores teñen que percorrer 100 quilómetros por unhas estradas obsoletas , motivos máis que suficientes para que se manteña a área sanitaria, do mesmo xeito que se mantén a de Ferrolterra. Con esta CARAVANA POLA SANIDADE PÚBLICA aunaremos dúas reivindicacións moi necesarias e case históricas da comarca, o mantemento da Area Sanitaria da Mariña e a construcción do máis que necesario Corredor Barreiros-San Cibrao –sinalan desde a Plataforma Sanitaria

UNHA PACIENTE CANSADA DE QUE AS SUAS DEMANDAS NON SEXAN ATENDIDAS PRESENTA UN ESCRITO NA SUBXERENCIA DO HOSPITAL

Burela a  27 de novembro de 2017. A muller leva esperando por un ecocardigrama de stress dende o mes de maio.Dita proba debería terse feito en setembro,polo que no mes de outubro pon a súa primeira reclamación da que non obtén resposta.Pon una segunda reclamación un mes máis tarde, tamén desatendida.Nesas datas decide contactar coa Plataforma Sanitaria para que difundan o seu caso e envíase á prensa.

A deixadez e inoperancia é  tal que de novo contacta coa Plataforma Sanitaria, e tras poner outra reclamación máis,con número de rexistro 37158, presenta un escrito ante a Subxerencia Executiva do Hospital da Costa facendo responsable á dirección do centro do que lle poida pasar en cuestión de saúde ,pois estoy tomando tratamiento para el corazón sin saber si lo necesito o no, ya que no sé lo que tengo.Tomaré las medidas oportunas legales contra la dirección del Hospital y la Gerencia de Lugo- relata la paciente.

Un grupo de veciñas e vecinos piden formalmente copia da súa historia clínica

Na mañá do 27 de novembro un grupo de veciñas e vecinos indignados e preocupados porque os seus historiais clínicos fosen levados para Lugo e a cargo dunha empresa privada, acudiu ao hospital da Costa e formalizaron a solicitude de copia do seu historial completo.

A Plataforma Sanitaria faise eco das súas demandas e pon de manifesto que este é un paso máis por parte do gobernó da Xunta cara una paulatina privatización dos servizos sanitarios como vimos decindo dende hai tempo – manifestan desde a Plataforma.

Para máis información chamar a Victor Vila 677343429