CHAMAN A UN PACIENTE PARA  FACER UNHA RESONANCIA TRAS RECLAMAR E AMEAZAR CON TOMAR MEDIDAS LEGAIS.

Un paciente ponse en contacto coa Plataforma Sanitaria porque quere que se lle axude a facer una reclamación en Atención ao Paciente .O home padece de dor, inchazón e tumefacción no antebrazo esquerdo dende o mes de xullo deste ano. Acude ao seu médico de cabeceira, que lle pon un tratamento ao que non responde. Por iste motivo acude ao Servizo de Urxencias do Hospital da Costa, do cal sae sen diagnóstico e co mesmo tratamento que lle puxeran no Centro de saúde. O problema persiste , non mellora en absoluto. Derívano a Reumatoloxía  e danlle cita para o 7 de novembro do 2017,  donde lle  piden unha analítica, resonancia e radiografías, máis cítano para ver os resultados e coñecer o seu diagnóstico e establecer un posible tratamento o día 26  de novembro de 2018, máis dun ano despois da sua consulta de reumatoloxía.

Por todo isto presenta una reclamación en Atención ao paciente o día 23 de novembro de 2017,solicitando que se lle axilicen os trámites para diagnosticar e tratar o seu proceso,calificando de inadmisible semellante lista de agarda. Na reclamación, que ten o número de rexistro  2727, o usuario conclúe que de non axilizarse os trámites  tomaranse as medidas legais que considere oportunas.

O día 28 de novembro o paciente recibe una chamada telefónica na que lle notifican que acuda ao hospital o día 29 de novembro a realizar a devandita resonancia.

Desde a Plataforma Sanitaria manifestan que é un escandalo que se esté a adiantar citas a aquel@s pacientes que ameacen con acudir á xustiza , pois a maiores de ser un modo nefasto de administrar asistenza sanitaria resulta inaceptable por pasar por diante de aquel@s que non fan reclamación e agardan para ser vist@s.

A Plataforma Sanitaria esixe á administración que se xestione adecuadamente a asistencia sanitaria , non a golpe de reclamacións senón garantindo que cada proceso patolóxico sexa visto en base a criterios clínicos obxectivos,segundo a súa gravidade e garantindo uns tempos de agarda axeitados,facendo as previsións adecuadas de

persoal que garantan a asistenza sanitaria dacordo ás necesidades. Sinalan tamén que isto non é un caso illado ,é un modus operandi do goberno da Xunta para desprestixiar e desmantelar a sanidade pública co fin de privatizala .Trátase de facer negocio coa sanidade e de reservar poltronas nos consellos de administración dos hospitais privados a modo de portas xiratorias- conclúen desde a Plataforma Sanitaria.

UNHA MULLER DENUNCIA  CATORCE MESES DE ESPERA PARA UNHA CONSULTA EN LUGO POR UN TROMBO NUNHA PERNA

Unha muller contacta hai uns días coa Plataforma Sanitaria porque quere darlle difusión ao seu caso.  Non se facilitarán os datos da persoa  por unha cuestión de protección da súa intimidade.

A doente  acude ao seu Centro de Saúde aqueixada de dor nunha perna acompañado de latexo na zoa ,rubor e calor. @ médic@ de cabeceira  tras facerlle unha completa exploración e  pedir opinión @s outr@s profesionais do Centro diagnostica un trombo e considera que debe ser atendida por un/-ha especialista en Cirurxía Vascular, polo que se envía un volante para solicitar  consulta  no Servizo de Vascular do HULA  o día 16 de outubro de 2017

Respóstanlle  vía correo postal confirmándolle que a devandita cita na consulta de cirurxía vascular do HULA será o día 4 de decembro de 2018,e dicir un ano e dous meses despois de ser solicitada a cita .A muller abraiada , indignada e asustada polo que poidera pasar nese tempo de espera,  acude ao Servizo de Atención ao Paciente do hospital da Costa a poñer unha reclamación que figura rexistrada co número 2497, xa que non se trata dun catarro ou dunha contractura muscular, senón de algo bastante serio e con posibles consecuencias graves- refire .

Unha vez rexistrada a reclamación contacta coa Plataforma Sanitaria porque quere que o seu caso sexa denunciado ante os medios de comunicación.Considera que precisa unha cita o antes posible na consulta de cirurxía vascular e tamén unha resposta por parte do Sergas – reflexa na súa reclamación.

Desde a Plataforma Sanitaria esiximos aos organismos competentes que sexa atendida a demanda desta paciente,que se teña en consideración a  potencial  gravidade  desta patoloxía e se lle apliquen uns tempos de espera axeitados ao cadro, sempre dentro do contexto da sanidade pública.

A Plataforma  Sanitaria reclama un servizo de Cirurxía Vascular para A Mariña

Do mesmo xeito desde a Plataforma Sanitaria reclamamos a creación do Servizo de Vascular na Mariña , máis que xustificado polo número de habitantes con que conta a comarca , e a prevalencia e incidencia de Patoloxía Vascular na zona. A esto temos que engadir as continuas consultas de vascular que precisan as usuari@s do Servizo de Hemodiálise para a creación do seu acceso vascular, control e/ou reparación do mesmo, correndo pola súa conta a cantía dos desprazamentos e manutención se precisaran. A carencia deste servizo no Hospital da Costa é unha mostra máis do total desprezo d@s dirixentes políticos pol@s mariñás e mariñaos.

A Asemblea Informativa celebrada en Barreiros o xoves 23 de novembro, un éxito en  asistentes e participación.

Un nutrido número de veciñ@s participaron da asamblea informativa que o pasado xoves 23 de novembro se celebrou no salón de actos do Centro Social de Barreiros.

A Plataforma denunciou o grave problema que está a sufrir a Atención Primaria en xeral, co abandono total por parte da administración tanto no mantemento das instalacións, algunas sen reparar dende a súa creación no século pasado e con problemas na calefacción, como no suministro de materiais ( servizo recentemente privatizado) ou na cobertura de profesionais.

Unha especial importancia acada a deixadez total co que se está a tratar a cobertura de pediatras nos centros de saúde da comarca.Mentres que en algunas localidades como Viveiro,que atende a maiores aos nen@s de Ourol e o Vicedo, non cubren ou o fan de forma insuficiente as ausencias dun dos profesionais co conseguinte caos asistencial, ou directamente non contratan pediatras para outras amplias zonas como o Valadouro, donde un total de trescentos nen@s teñen que ser atendid@s pola pediatra en Foz, sobresaturada polo volumen de pacientes. No caso de  Barreiros a pediatra acude ao centro de saúde dúas horas tres veces por semana, porque é compartida con Mondoñedo e Lourenzá ,sendo imposible dar a asistencia sanitaria de calidade @s máis pequen@s.

Para máis información chamar a Victor Vila 677343429

Asemblea informativa en San Cosme de Barreiros este xoves

22-11-17

A Asociación de Comerciantes promociona Barreiros a través do “Templo da Saúde”

07-12-16

Barreiros 7 de decembro de 2016 – A Asociación de Comerciantes de Barreiros presentou este mediodía o novo proxecto de difusión e impulso do concello como destino turístico cultural, natural e saudable: “Barreiros, Templo da Saúde”. Unha iniciativa coa que pretenden animar á xente a visitar Barreiros con calma, para desfrutar do silencio, do mar e dos produtos da terra.

O presidente da ACIAM, Xesús Seivane, quere rescatar aquela costume dos avós de pasar nove días ao carón do mar para recuperar a saúde despois do laboreo dos campos. Beber auga de mar, camiñar polos paraxes de Barreiros, admirar o patrimonio e desfrutar das conversas tranquilas sen mirar o reloxo, como se facía no século pasado nos lavadoiros (elementos que están a recuperar dende a Asociación de Comerciantes coa axuda dos integrantes de “Mar e Monte”)

A ACIAM dispón de material promocional do Templo da Saúde, mapas, rutas documentadas, ademáis dun libro onde veñen recollendo todos aqueles hitos históricos relacionados co concello.

Todos os sábados organizan rutas guiadas e este sábado, ademáis, farán unha Cea de Nadal. Ao tempo de confraternizar, porán en común os obxectivos e directrices do Templo da Saúde. Terá lugar no restaurante Oliñas do Mar a partir das dez da noite.

O presidente da ACIAM quixo, na presentación deste proxecto, ter un recordo especial para Suso do Siñeiro, xornalista recentemente desaparecido que era un gran amante de Barreiros e das boas tertulias.