Archivo de la categoría: Política local

O BNG  INSTA Á ALCALDÍA A CONVOCAR UNHA REUNIÓN SOLICITADA POLAS EMPRESAS DO POLÍGONO DE BARREIROS COA CORPORACIÓN MUNICIPAL

O BNG  INSTA Á ALCALDÍA A CONVOCAR UNHA REUNIÓN SOLICITADA POLAS EMPRESAS DO POLÍGONO DE BARREIROS COA CORPORACIÓN MUNICIPAL.

O luns 28 de xaneiro rexistraron un escrito, con numerosas necesidades sen atender no polígono, no que pedían que se trasladara aos grupos municipais e reunirse coa corporación. 

Barreiros, 8 de febreiro 2019. “O parque empresarial de Barreiros presenta numerosas necesidades, así como moitas as deficiencias nos servizos públicos de competencia municipal que alí se prestan ou deberan prestarse.” Esta foi a situación notificada polos empresarios alí ubicados hai máis dunha semana, a través dun escrito dirixido a toda a corporación solicitando unha reunión urxente co alcalde e con todos os grupos políticos municipais.

Carencias e deficiencias que se poden solucionar  con vontade política

En dito escrito, enuméranse moitas das carencias da zona industrial de Barreiros, tales como a necesidade de dispoñer de fibra óptica; o deficiente alumeado, que se suple en moitos casos coa iluminación das propias naves; a recollida de lixo; a rede de sumidoiros; a sinalización e pintado das rúas; limpeza das parcelas que están sen edificar; sistemas de vixianza… “A todos estes problemas pódenselles buscar solución, se hai vontade política de facelo. E para iso, o primeiro que hai que facer é atender as peticións que fan e reunirse coas persoas afectadas”, afirmou Ana Ermida, concelleira e portavoz do BNG en Barreiros.

No escrito dirixido á corporación, as persoas titulares das empresas apostan tamén pola efectiva realización da obra que permita un acceso directo do polígono coa autovía, tal e como solicitou o BNG en días pasados, logrando acordo unánime da corporación ao respecto para presentar alegacións ao proxecto da A74 para que se inclúa esta modificación.

Un polígono industrial con todos os servizos e ben comunicado, clave para o desenvolvemento de Barreiros

O BNG entende que esta zona industrial de Barreiros é de primordial importancia, non só para este concello senón para toda a contorna, pola estratéxica ubicación desta área. Neste sentido, desde a formación nacionalista recordan que no pleno do pasado 28 de xaneiro se aprobou por unanimidade a proposta do BNG de solicitar a Fomento un enlace directo ao polígono desde a futura A-74, que enlazará coa A-8. “Sería o polígono mellor comunicado da zona, e non podemos permitir que se deixe sen realizar este enlace, cando só está a 100 m da rotonda de conexión da A-8 e a A-74. Pensando no futuro de Barreiros, o polígono industrial é clave para o desenvolvemento social e económico do noso concello”  afirmou Ana Ermida.

A raíz da proposta do BNG, o concello de Barreiros remitiu ao Ministerio de Fomento, o pasado día 1 de febreiro a correspondente alegación ao proxecto de trazado da autovía A-74 de A Mariña, tramo Barreiros-Foz.

O GOBERNO DE BARREIROS ACUMULA FACTURAS SEN PAGAR DO ANO PASADO POR CASE 600.000€

O GOBERNO DE BARREIROS ACUMULA FACTURAS SEN PAGAR DO ANO PASADO POR CASE 600.000€

Esta cantidade incrementouse con respecto ao 2017 en 100.000€.

Barreiros, 24 de xaneiro de 2019. No pleno do vindeiro luns, o Partido Popular leva un recoñecemento extraxudicial de crédito de facturas pendentes do ano 2018 por falta de crédito no orzamento dese ano, por un importe de 566.041,69€.

“A esta cantidade, debemos sumarlle 28.000€ que contempla o orzamento do 2019 para investimento en alumeado que o propio alcalde recoñece na memoria presentada que son para gastos do 2018”, explican desde o BNG.

A portavoz municipal do BNG, Ana Ermida, lamenta que “esta estea sendo a práctica habitual do goberno do PP, especialmente nos últimos anos, o que está creando un verdadeiro burato negro económico que fai perigar a propia sustentabilidade do Concello.”

En xaneiro do ano pasado, xunto coa aprobación do orzamento para o 2018, o goberno municipal recoñecía 467.955,14€ sen pagar do 2017 para cargar contra o orzamento do 2018. “Este ano, o importe de facturas sen pagar increméntase en practicamente 100.000€”, explica Ana Ermida, “o que supón que en só un ano a cantidade sen pagar sube case un 25%”.

Desde o BNG sinalan que “é algo que era evidente que ía pasar e xa o advertimos o ano pasado, cando vimos o descontrol existente e como estaban quedando facturas sen pagar desde mediados de ano.” A portavoz municipal explica que “isto é unha auténtica bola de neve que levará todo por diante de non poñerlle freo, porque se para pagar esas facturas pendentes restamos crédito do orzamentado para o ano 2019, sen que esa necesidade se contemple nos mesmos, supón que se empeza o ano con moitos menos cartos dos necesarios para facer fronte aos gastos do ano en curso. Polo tanto, volveremos a atoparnos a mediados de ano sen crédito para pagar facturas que se volverán a incrementar cada ano máis, restando cada vez máis fondos e provocando que cada ano o crédito para as facturas se acabe antes.”

Desde o BNG lamentan que o PP siga empeñado en arruinar Barreiros e aseguran que “dá a sensación de que o que pretenden é deixar o Concello nun estado lamentable para impedir que quen veña detrás poida reverter a situación.”

O BNG INSTA AO CONCELLO DE BARREIROS A ESIXIR DO MINISTERIO DE FOMENTO UNHA ENTRADA DIRECTA AO POLÍGONO NA CONEXIÓN DA A-8 E A FUTURA A-74

O BNG INSTA AO CONCELLO DE BARREIROS A ESIXIR DO MINISTERIO DE FOMENTO UNHA ENTRADA DIRECTA AO POLÍGONO NA CONEXIÓN DA A-8 E A FUTURA A-74

Desde a formación nacionalista consideran que é tecnicamente posible e que dese xeito o polígono de Barreiros sería o mellor situado a nivel de comunicación por estrada.

Barreiros, 20 de xaneiro de 2019. O Bloque Nacionalista Galego en Barreiros vén de presentar unha moción para o seu debate no pleno do vindeiro luns a respecto da necesidade de que o Concello de Barreiros presente unha alegación ao proxecto da A-74 para garantir que o polígono industrial situado na Cruz do Lobo conte con un acceso directo á conexión desa autovía coa A-8 que se proxecta a escasos metros do mesmo.

A portavoz municipal, Ana Ermida, asegura que “nunha obra da envergadura da que se prevé,  realizar unha conexión co polígono de Barreiros que lle garanta maior facilidade de acceso ao mesmo, é tecnicamente posible e economicamente viable, xa que o polígono está a escasos 500m. da conexión.” Asegura, ademais, que “con esta pequena medida, o polígono de Barreiros pasaría a converterse na zona industrial mellor situada en toda a A-8 e na propia A-74, co pulo que iso suporía á zona industrial e as repercusións económicas e sociais que se derivan dese feito”.

Para o BNG, “apostar pola política industrial en Barreiros é facer este tipo de xestións e non anunciar implantacións de empresas pantasmas cada catro anos en período electoral”, afirman.

Ana Ermida asegura que “se o polígono de Barreiros conta con unha entrada directa que evite os desprazamentos a contrasentido para o acceso aos mesmos, a competitividade que se lles dá ás empresas que xa están instaladas no mesmo e a posta en valor do propio polígono pode ter unhas fantásticas consecuencias no desenvolvemento económico do municipio.”

“Queremos arrincar o compromiso do goberno municipal de que poña os servizos técnicos a traballar nesta proposta e que antes do 5 de febreiro, cando finaliza o prazo de alegacións, presente ante o Ministerio de Fomento a proposta técnica para esixir que se teña en conta no trazado definitivo da A-74 a necesidade do polígono barreirense de contar con ese servizo de acceso directo”, explica a portavoz municipal.

Se no pleno do luns a moción non sae adiante, o BNG asegura que o será a propia formación nacionalista a que se dirixa ao Ministerio.

O BNG CONVOCA UN ACTO LÚDICO-REIVINDICATIVO NA DEFENSA DO SERVIZO DE PEDIATRÍA EN BARREIROS

O BNG CONVOCA UN ACTO LÚDICO-REIVINDICATIVO NA DEFENSA DO SERVIZO DE PEDIATRÍA EN BARREIROS

O acto será o domingo 27 de xaneiro, ás 12 da mañá en San Cosme, e contará con actuacións dirixidas ás e aos menores.

“A situación actual e a falta de resposta efectiva por parte do SERGAS require de mobilización social para forzar que sexan atendidas as necesidades de nenas e nenos”, asegura Ana Ermida.

Barreiros, 18 de xaneiro de 2019. O BNG convoca ás veciñas e veciños de Barreiros a un acto que terá lugar o domingo 27 de xaneiro, ás 12 da mañá, para reivindicar e defender o servizo de pediatría en Barreiros.

Desde o BNG sinalan que “coa situación que se está producindo no servizo de pediatría no noso concello, onde sistematicamente o SERGAS deixa sen cubrir a praza nos casos de permisos da profesional, é fundamental que a veciñanza se mobilice e que as persoas afectadas ou preocupadas polo continuo deterioro da sanidade no centro de saúde de San Cosme fagan oír as súas queixas publicamente para amosar que a reivindicación é masiva e uniforme.”

A portavoz municipal do BNG, Ana Ermida, explica que este acto, que se desenvolverá na praza do Concello se o tempo o permite, contará con espectáculos para as nenas e nenos para que nel poida participar todo o mundo. “Queremos que sexa unha actividade familiar, á que poidan acudir as nenas e nenos, nais e pais, avós e avoas… e calquera persoa que queira defender que os servizos sanitarios que se presten en Barreiros sexan propios do século XXI”, afirma.

“Pretendemos que a reivindicación estea acompañada de diversión para as máis pequenas, porque non podemos esquecer que as nenas e nenos son o futuro deste concello e deste País. E deixalos sen atención pediátrica é, ademais dun acto de inxustiza con respecto aos que residen noutros lugares, un acto de desconsideración e de falta de humanidade, xa que se está a poñer en perigo o máis sensible das vidas de calquera persoa.”

No acto haberá actuacións musicais e actividades de entretemento e “tratarase de visibilizar e dimensionar esta problemática para que chegue a oídos e lle saque as cores a quen é responsable da situación”, afirma Ana Ermida

O ORZAMENTO DE BARREIROS PARA O 2019 REFLICTE O FINAL DO GOBERNO MUNICIPAL

O ORZAMENTO DE BARREIROS PARA O 2019 REFLICTE O FINAL DO GOBERNO MUNICIPAL

As contas presentadas polo goberno aumentan os cartos destinados a empresas e reducen os investimentos en beneficio das veciñas e veciños.

Os investimentos redúcense á metade con respecto ao 2018 e non contemplan ningunha obra nova.

Barreiros, 11 de xaneiro de 2019. “O orzamento presentado polo goberno do Partido Popular deixa ver claramente a decrepitude que precede ao fin dos seus días”, afirmou a portavoz municipal do BNG a respecto das contas aprobadas no pleno celebrado na tarde de onte.

Segundo o BNG, no orzamento para o 2019 séguese a afondar na política de gastar os cartos públicos en privatizar servizos básicos, desmantelando o cadro de persoal municipal e deixando en precario os servizos xestionados directamente.

A portavoz municipal do BNG, Ana Ermida, acusa ao Partido Popular de “carecer de proxecto para Barreiros, de estar a velas vir, agardando acontecementos e sen outro interese que o seu propio, sen ter en conta as necesidades municipais e das veciñas e veciños.”

A formación nacionalista destaca que “novamente volven a incrementarse partidas destinadas a empresas, como son as do mantemento do alumeado público, que continúa medrando ano tras ano ou, neste ano como novidade, a do mantemento da rede de abastecemento, recentemente privatizada e que practicamente duplica o seu coste con respecto ao 2018.”

Segundo declaracións da portavoz municipal, “as continuas privatizacións dos servizos que se están a levar a cabo, lonxe de supoñer un aforro, aumentan os gastos e realízanse a costa de desmantelar o cadro de persoal municipal, xa que se deixan prazas vacantes sen cubrir, por exemplo de operarios de obras, mentres se contratan empresas para realizar eses traballos.”

“Fronte a estes gastos que suben, volvemos a asistir ao descenso dos investimentos en mantemento de vías públicas, que volven baixar ata quedar en 20.000 euros. Pero o máis grave é que o anexo de investimentos amosa a falta de proxecto e compromiso con Barreiros do goberno municipal, xa que non reflicte ningún proxecto de investimento novo, recolléndose só proxectos que xa estaban orzamentados outros anos e que, ou non se levaron a cabo, ou non se finalizaron”, afirman desde o BNG.

Ana Ermida lamenta que “o diñeiro das veciñas e veciños de Barreiros siga a repartirse discrecionalmente e sen atender a ningún criterio obxectivo, máis que os intereses que poida ter o alcalde e o seu equipo en cada momento.”

A formación nacionalista votou en contra duns orzamentos que cualifican de “continuidade dos dos anos anteriores, baleiros de interese para a xente e ao servizo dos intereses particulares dunhas poucas persoas.”

As contas presentadas polo goberno aumentan os cartos destinados a empresas e reducen os investimentos en beneficio das veciñas e veciños.

Os investimentos redúcense á metade con respecto ao 2018 e non contemplan ningunha obra nova.

Barreiros, 11 de xaneiro de 2019. “O orzamento presentado polo goberno do Partido Popular deixa ver claramente a decrepitude que precede ao fin dos seus días”, afirmou a portavoz municipal do BNG a respecto das contas aprobadas no pleno celebrado na tarde de onte.

Segundo o BNG, no orzamento para o 2019 séguese a afondar na política de gastar os cartos públicos en privatizar servizos básicos, desmantelando o cadro de persoal municipal e deixando en precario os servizos xestionados directamente.

A portavoz municipal do BNG, Ana Ermida, acusa ao Partido Popular de “carecer de proxecto para Barreiros, de estar a velas vir, agardando acontecementos e sen outro interese que o seu propio, sen ter en conta as necesidades municipais e das veciñas e veciños.”

A formación nacionalista destaca que “novamente volven a incrementarse partidas destinadas a empresas, como son as do mantemento do alumeado público, que continúa medrando ano tras ano ou, neste ano como novidade, a do mantemento da rede de abastecemento, recentemente privatizada e que practicamente duplica o seu coste con respecto ao 2018.”

Segundo declaracións da portavoz municipal, “as continuas privatizacións dos servizos que se están a levar a cabo, lonxe de supoñer un aforro, aumentan os gastos e realízanse a costa de desmantelar o cadro de persoal municipal, xa que se deixan prazas vacantes sen cubrir, por exemplo de operarios de obras, mentres se contratan empresas para realizar eses traballos.”

“Fronte a estes gastos que suben, volvemos a asistir ao descenso dos investimentos en mantemento de vías públicas, que volven baixar ata quedar en 20.000 euros. Pero o máis grave é que o anexo de investimentos amosa a falta de proxecto e compromiso con Barreiros do goberno municipal, xa que non reflicte ningún proxecto de investimento novo, recolléndose só proxectos que xa estaban orzamentados outros anos e que, ou non se levaron a cabo, ou non se finalizaron”, afirman desde o BNG.

Ana Ermida lamenta que “o diñeiro das veciñas e veciños de Barreiros siga a repartirse discrecionalmente e sen atender a ningún criterio obxectivo, máis que os intereses que poida ter o alcalde e o seu equipo en cada momento.”

A formación nacionalista votou en contra duns orzamentos que cualifican de “continuidade dos dos anos anteriores, baleiros de interese para a xente e ao servizo dos intereses particulares dunhas poucas persoas.”

O GOBERNO DE BARREIROS QUITA6.000 EUROS DOS CAMIÑOS PARA DESTINAR A PUBLICIDADE E PROPAGANDA

O GOBERNO DE BARREIROS QUITA 6.000 EUROS DOS CAMIÑOS PARA DESTINAR A PUBLICIDADE E PROPAGANDA

Esta cantidade súmase aos 10.000 euros que se contemplaban nos orzamentos inicialmente

Barreiros, 30 de novembro de 2018. Mediante unha resolución da alcaldía do 23 de novembro, o goberno do Partido Popular en Barreiros vén de aprobar sacar 6.000 euros do investimento en camiños para destinalos a publicidade e propaganda.

Para o BNG esta modificación do orzamento demostra que “o goberno de Barreiros está máis preocupado de vender a súa propia imaxe que do estado no que están os camiños que usan as veciñas e veciños”, asegura a portavoz municipal, Ana Ermida.

“É unha verdadeira lástima estar sufrindo un goberno coma este, que só se preocupan de si mesmos e de meter cartos en pagar publirreportaxes para limpar a imaxe nefasta que calquera persoa que vexa como está Barreiros ten”, afirman desde o BNG.

“Con estas actuacións demóstrase cales son as prioridades deste goberno municipal. É absolutamente vergoñento que, coa situación que teñen os camiños municipais nin sequera investiran os miserables 70.000 euros que se orzamentaban inicialmente.” Ana Ermida cualifica de “obsceno” o feito de que se deixen cartos sen gastar nesta partida e decidan gastalos en propaganda e publicidade.

A formación nacionalista lamenta ademais que “todos estes cartos que o goberno destina a propaganda e publicidade -estes 6.000 euros que se suman aos 10.000 que xa se contemplaban nos orzamentos- son absolutamente inútiles no caso de Barreiros; porque a situación que ten este concello como consecuencia da xestión do goberno municipal non se maquilla nin gastando en anuncios millóns de euros.”

O CONCELLO DE BARREIROS, ACUSADO DE INTRUSISMO PROFESIONAL NO SERVIZO DEAMBULANCIA DAS PRAIAS

O CONCELLO DE BARREIROS, ACUSADO DE INTRUSISMO PROFESIONAL NO SERVIZO DE AMBULANCIA DAS PRAIAS

O escrito do Colexio de Enfermería, que non foi facilitado ao BNG, traslada unha denuncia formal dos profesionais da enfermería pola insuficiencia de medios humanos na ambulancia e intrusismo profesional.

A persoa que ocupa o posto de auxiliar na ambulancia de praias non estivo contratada con esa función, senón como auxiliar de axuda no fogar.

O alcalde mentiu ao anunciar servizos profesionais nas praias que non se prestaron.

Barreiros, 27 de novembro de 2018. O BNG de Barreiros reiterou no pleno de onte a solicitude de ter coñecemento directo dun escrito presentado polo Colexio de Enfermería de Lugo, que xa tiña solicitado por escrito a primeiros de novembro. A negativa do goberno municipal a facilitárllelo, ocultando o contido do mesmo, propiciou o salto ao público da información sobre o posible erro de funcionamento nun desfibrilador, que foi desmentido polo alcalde no día de onte. “Supoñemos que o que dixo onte o alcalde no pleno sexa totalmente certo, aínda que é difícil crer a unha persoa que minte sistematicamente para tapar a súa propia incompetencia”, asegura a portavoz municipal Ana Ermida. “En calquera caso, alegrámonos que a información fose errada e podería terse aclarado inicialmente se o alcalde na primeira semana de novembro nos contestara ao escrito, aínda que entendemos que tiña outras preocupacións ás que atender”, sinalan.

Sen embargo, a información trasladada polo alcalde sobre o escrito é aínda máis preocupante, xa que “foron precisamente as mentiras do alcalde as que propiciaron a presentación dunha denuncia formal do Colexio de Enfermería por falta de medios humanos na ambulancia das praias e por intrusismo profesional.”

As mentiras do alcalde destapan servizos falsos.

A portavoz municipal explica que antes de iniciar a temporada de verán, o alcalde anunciaba con un comunicado á prensa que se pode consultar aínda a día de hoxe na páxina oficial do Concello de Barreiros que “este ano imos contar cunha ambulancia, xa hai pouco tempo prestaba o servizo de ambulancia medicalizada na Mariña, que é como unha UCI móbil, imos tela a disposición no concello de Barreiros durante todo o verán. Oxalá non haxa que usala, pero sabemos que sempre hai algunha cousa e ímola ter aí con dous técnicos sanitarios sumados aos 21 socorristas…”. “Nestas declaracións, asegura Ana Ermida, hai tal cantidade de mentiras que é insultante que este señor se atreva a acusar a ninguén de mentir”

“En primeiro lugar, vende claramente un servizo de ambulancia medicalizada. Aínda que agora pretenda facer ver que do que falaba era do vehículo e non do servizo, está clarísima cal era a intención naquel momento e a mensaxe que trasladaba. Este tipo de voltas gramaticais ou sintácticas poden valer nunha defensa xudicial, pero non en declaracións políticas, que é fronte ao que estamos agora mesmo”, inciden desde o BNG. Por iso o Colexio de Enfermería traslada a falta de medios humanos, porque a ambulancia medicalizada debe contar, cando menos, con persoal técnico e de enfermería e non se cumpría neste caso.

“Pero aínda hai outra mentira máis, ao anunciar dous técnicos; xa que só había unha persoa técnica sanitaria. De feito, nas declaracións de hoxe mesmo xa fala de un técnico e unha auxiliar”, sinala Ana Ermida.

O persoal auxiliar da ambulancia de praias, auxiliar de axuda no fogar.

Pero o máis grave, e o que si que ten responsabilidades políticas directas, é que a persoa que exerceu como auxiliar sanitaria na ambulancia das praias nos últimos anos nunca estivo contratada como tal. De feito, xa o ano pasado, o BNG denunciara publicamente que esa persoa estaba contratada como auxiliar de axuda no fogar no Concello durante todo o ano. Polo tanto, a ambulancia nas praias a efectos laborais só contaba con unha persoa técnica.

Esta cuestión é gravísima e a responsabilidade é dun goberno municipal que antepón a propaganda e o autobombo ás necesidades reais do servizo e, desde logo, trátase dunha clarísima neglixencia profesional”, aseguran desde a formación nacionalista.

Desde o BNG manifestan que a actitude do alcalde e do equipo de goberno tapando todo o relacionado con esta cuestión e negando o acceso directo ao escrito. aínda a día de hoxe, demostra que hai algo que tapar en todo esto e, en todo caso, desde o BNG cren que é moito máis grave a actitude do goberno municipal a respecto de poñer persoal non adecuado nun servizo coma este que o posible fallo nun aparato que, de terse producido e aclarado, non tería maior responsabilidade. “Non ter contratado persoal obrigatorio e, por riba, anunciar servizos falsos, ten unha clarísima responsabilidade, mesmo máis aló das políticas”, aseveran.

A formación nacionalista quere deixar “meridianamente claro o apoio do seu grupo ás persoas profesionais do servizo de salvamento e socorrismo, como sempre trasladou publica e privadamente, e en todo momento poññendose á súa disposición. “Por iso non imos permitir que a neglixencia dun goberno municipal poid amnachar o bo facer destes profesionais que velan pola seguridade nos areiais barreirenses”, conclúen.

O BNG REXISTRA UNHA MOCIÓN EN BARREIROS PARA QUE O CONCELLO EXIXA MEDIDAS PARA REBAIXAR A FACTURA DA LUZ

O BNG REXISTRA UNHA MOCIÓN EN BARREIROS PARA QUE O CONCELLO EXIXA MEDIDAS PARA REBAIXAR A FACTURA DA LUZ

A formación nacionalista recolleu máis dun cento de sinaturas de apoio á súa proposta entre as veciñas e veciñosdo m   unicipio.

A deputada Olalla Rodil, presente na recollida, asegurou que “a luz a día de hoxe é un ben de absoluta primeira necesidade, polo que non pode estar grava co mesmo IVE ca un paquete de tabaco”

 

Barreiros, 9 de novembro de 2018. O Bloque Nacionalista Galego rexistrou na mañá de hoxe unha moción no Concello de Barreiros para instar á corporación municipal a esixir, no pleno que se celebrará a finais de mes, que se adopten medidas que permitan rebaixar o recibo da luz; que vén sufrindo escandalosas subas mensualmente e que repercuten especialmente nas consumidoras e consumidores galegos.

A presentación da moción produciuse despois de que, durante pouco máis de dúas horas, recollesen máis dun cento de sinaturas de apoio ás propostas defendidas pola formación para lograr unha tarifa eléctrica galega e medidas que garantan o acceso da poboación á electricidade como un ben de primeira necesidade.

Así o defendeu a deputada nacionalista, Olalla Rodil, presente na recollida, que asegurou que “a día de hoxe a luz tense convertido nun ben de primeira necesidade, polo que non é comprensible que o IVE do recibo da luz sexa o mesmo que o do tabaco ou o alcool.”

Rodil manifestou que ademais de para as familias, as propostas do BNG terían unha importante incidencia no sector industrial e empresarial, “desde as gandeirías ata as persoas autónomas que están vendo como a factura da luz é cada vez máis alta e un dos principais gastos aos que se enfrentan mensualmente.”

Desde o BNG aseguran que unha tarifa eléctrica galega permitiría reducir o custo da enerxía arredor do  30% con respecto ao prezo actual. E cren que “nun País produtor coma Galiza, é lóxico que poidamos beneficiarnos cando menos nos nosos recibos, tendo en conta o impacto que teñen as infraestruturas produtoras de enerxía, tales como encoros ou os eólicos nos montes”, afirma a portavoz en Barreiros, Ana Ermida.

Desde a formación frontista defenden tamén a eliminación dos suplementos territoriais que se contemplan nos recibos, “xa que supoñen unha clara discriminación para Galiza”.

O BNG mantén ademais que “o lóxico sería que aquelas centrais que rematen a concesión, fundamentalmente encoros que se consturíron durante o franquismo con un importante impacto social e ecolóxico, retornen a mans públicas e se xestionen por unha empresa pública galega que socialice os beneficios da producción eléctrica en Galiza”.

O BNG RECOLLERÁ SINATURAS EN BARREIROS CONTRA A SUBA DO RECIBO DA LUZ

O BNG RECOLLERÁ SINATURAS EN BARREIROS CONTRA A SUBA DO RECIBO DA LUZ

A formación nacionalista informará sobre as propostas que defende para que se rebaixe a factura da luz e recollerá sinaturas entre as 9 e as 12 do vindeiro venres, 8 de novembro, na beirarúa de enfrente do Concello.

Barreiros, 6 de novembro de 2018. O Bloque Nacionalista Galego colocará un punto de información e recollida de sinaturas sobre a suba da enerxía e o recibo da luz en Barreiros, o vindeiro venres, 8 de novembro, de 9 a 12.

O punto informativo colocarase na beirarrúa de enfrente do concello e nel, a formación nacionalista recollerá sinaturas entre as persoas que apoien as medidas propostas para lograr unha rebaixa no recibo da luz e estabilidade na tarifa eléctrica.

Desde o BNG veñen defendendo a necesidade dunha tarifa eléctrica galega, que permitiría reducir o custo da enerxía sobre un 30% con respecto ao prezo actual. “É de xustiza que nun País produtor coma Galiza, poidamos beneficiarnos cando menos nos nosos recibos, tendo en conta o impacto que teñen as infraestruturas produtoras de enerxía, tales como encoros ou os eólicos nos montes”, afirma a portavoz en Barreiros, Ana Ermida. “O que non é normal é o que está pasando actualmente, que as consumidoras e consumidores galegos teremos que pagar máis no noso recibo da luz en beneficio das eléctricas.”, aseguran.

Desde a formación frontista defenden a eliminación dos suplementos territoriais que se contemplan nos recibos, “xa que supoñen unha clara discrimación para Galiza”. Propñoen tamén a baixada do IVE do 21% que actualmente grava a enerxía ao 4% dos produtos básicos, “porque a día de hoxe a enerxía tense convertido nun ben de primeira necesidade e, por iso, debe garantirse que toda a poboación teña acceso a ela.”

O BNG vai un paso máis aló e defende que aquelas centrais que rematen a concesión, fundamentalmente encoros que se consturíron durante o franquismo con un importante impacto social e ecolóxico, retornen a mans públicas e se xestionen por unha empresa pública galega que socialice os beneficios da producción eléctrica en Galiza”.