Archivo de la categoría: Política local

Carmen Veiga presenta a súa candidatura

IMG_5801

Carmen Veiga presenta a súa candidatura como alternativa “á desidia, falla de interese, amiguismo e clientelismo cos que goberna o Partido Popular en Barreiros”

23-04-15

Barreiros, 23 de abril de 2015.- A agrupación socialista de Barreiros presentou hoxe a candidatura que concorrerá aos comicios municipais do vindeiro 24 de maio e que está encabezada por Mª Carmen Veiga. No acto de presentación participaron tamén, a vicepresidenta segunda da Deputación de Lugo –Lara Méndez-, o secretario de Política Municipal – Álvaro Santos- e o secretario de Organización de Barreiros – Benito Longarela-.

Veiga presenta a súa candidatura como alternativa “á desidia, falla de interese, amiguismo e clientelismo cos que goberna o Partido Popular e que levou ao concello a unha situación de débeda ata o ano 2032”. A alcaldable explicou ademais as carencias que está a sufrir a cidadanía do municipio pola falla de políticas efectivas do actual goberno e que está a condenar aos veciños e veciñas de Barreiros a carecer dos servizos máis elementais. A candidata socialista puxo como exemplo a falla de saneamento e depuradoras operantes, viais intransitables ou carencia de cunetas. Este déficit de servizos choca coas “altas taxas impostas polo concello, xa que subiron máis dun 47% e temos o IBI máis alto da provincia”.

Ante estes feitos, os socialistas de Barreiros indican que “os veciños e veciñas do municipio se merecen un goberno que se preocupe verdadeiramente por eles”. Por iso, os socialistas basearán o seu proxecto de xestión municipal na creación de emprego, transparencia honradez e seriedade.

Alternativa real e solvente
Neste senso, a vicepresidenta segunda da Deputación destacou a capacidade da candidatura socialista de Barreiros “para sacar a este concello da parálise e o desastre económico aos que o ten sometido o goberno local do Partido Popular dende hai décadas”. “Os socialistas somos unha alternativa clara, real e solvente na que os barreirenses e todos os veciños da Mariña poden confiar”.

“Así o demostramos na Deputación. A Mariña pasou a ser protagonista da nosa acción política, mentres que para o PP estaba totalmente esquecida”, subliñou Méndez, engadindo neste senso “que fomos quen de desbloquear a posta en marcha dos parques de bombeiros, investimos 2,8 millóns nas residencias públicas de Trabada e Ribadeo, puxemos en marcha no Valadouro a primeira escola pública de horticultura de Galicia e impulsamos a promoción turística con todo tipo de iniciativas, ademais de garantir servizos sociais básicos, como a axuda no fogar ou a teleasistencia”.

“Mocidade e maiores a nosa prioridade”
O programa do PSOE inclúe a creación dun centro de día, a posta en marcha do saneamento integral do concello e un plan de emprego “que favoreza ás nosas empresas e aos nosos desempregados”. “ A nosa mocidade e os nosos maiores son as nosas prioridades”, indicou a alcaldable, quen anunciou ademais que “ faremos un plan turístico desestacionador, promoveremos o sector primario, poñeremos en valor o noso patrimonio con especial atención ao medio ambiente e faremos unha área específica para a muller e o emigrante”.

A lista do PSOE que levará a cabo estes proxectos tan necesarios para o municipio é a seguinte:

1.- María Carmen Veiga Rodríguez
2.- José Antonio Otero Ramos
3.- Ángeles López López
4.- Adrián Longarela Otero
5.- María Jesús Jover-Peralta Pane
6.- Jorge David Vázquez Grande
7.- José Terrón Cantíl
8.- Silvia Otero Moirón
9.- Manuel Dos Santos Fernandes Batista
10.- Josefa Posada Rocha
11.- Benito Longarela Geada

Suplentes:
1.- Modesto López Gutíerrez
2.- Miguel Angel Barrera Longarela

O REXEDOR SINALA QUE É NO PLENO ONDE SE DEBE FALAR DOS ASUNTOS QUE LLES AFECTAN A MEMBROS DA CORPORACIÓN E NON NOS MEDIOS DE COMUNICACIÓN.

FUENTE PARGA SUBLIÑA QUE CANDO ALGUÉN PRESENTA UNHA DENUNCIA A OBRIGA DE CALQUERA ALCALDE É ABRIR UN EXPEDIENTE DE INVESTIGACIÓN. O REXEDOR SINALA QUE É NO PLENO ONDE SE DEBE FALAR DOS ASUNTOS QUE LLES AFECTAN A MEMBROS DA CORPORACIÓN E NON NOS MEDIOS DE COMUNICACIÓN.

Barreiros, 23 de abril de 2015. O alcalde, Alfonso Fuente, considera que non é nos medios de comunicación onde debe falarse do expediente de investigación que lle afecta á portavoz do BNG no Concello, Ana Ermida. Fuente Parga di que iso debe facerse no pleno, e que así de fará o vindeiro luns, 27 de abril, e subliña que cando se presenta unha denuncia a obriga de calquera alcalde é abrir ese expediente de investigación.

O rexedor dixo: “excusatio non petita, accusatio manifesta é o que se meu veu esta mañá á cabeza ao ler a prensa, porque iso está dentro de algo que xa se anunciara no pleno no se día, cando se falou do expediente ao tenente de alcalde. Díxose que calquera expediente que se abrira no Concello que afectara a calquera membro do pleno da Corporación daríase conta no pleno, pero para nada era a miña intención que saíra nos medios de comunicación. Pero vexo hoxe que sae o Bloque Nacionalista Galego acusándonos de prácticas mafiosas. Se abrir un expediente cando hai unha denuncia se considera unha práctica mafiosa, que veña Deus e o vexa, porque esa unha obriga de calquera alcalde. Cando alguén presenta un escrito de denuncia o alcalde, despois da investigación previa, ten que decidir se abre ou non expediente”.

Fuente Parga refírese “ao que din nesa noticia de que hai 12 expedientes e só se abriu un, iso é falso porque a maioría dos expedientes de denuncias que houbo eran sobre solo rústico e estes quen os abre é a Axencia de Legalidade Urbanística porque o solo rústico todo o mundo sabe que depende directamente da Xunta de Galicia. En cambio os expedientes sobre solo de núcleo ou urbano dependen única e exclusivamente do Concello”.

Ao alcalde sorpréndelle que “a portavoz do BNG, Ana Ermida, diga que non ten coñecemento do expediente ata que recibe a convocatoria do pleno porque o día 6 de abril se lle notificou o expediente e está firmado o acuse de recibo no Concello. Polo tanto o día 6 deste mes tivo coñecemento dese expediente e de feito está a disposición ata o día 25 de abril”.

Alfonso Fuente sinala que “cando se di que só realizaron obras para facer un peche e arranxar unha palleira para garaxe, non fai falta que o diga eu porque está á vista que houbo máis obras, pero todo isto recóllese no expediente, do que non vou falar ata o pleno, porque quedaramos en dar información no pleno, para que todos os membros da Corporación saiban todo o que afecta aos concelleiros. Un ten que ser consecuente coas súas accións e evidentemente a obriga do alcalde é que cando hai unha infracción urbanística ou de calquera tipo se lle corresponde abrir expediente ten que facelo, sexa no prazo e na época que sexa. E así se fixo, pero isto non quere dicir que remate xa, porque haberá unha instrución e prazo de alegacións, porque hai que seguir o procedemento legal”.

O alcalde manifestou: “entón do que é o expediente daremos conta no pleno do vindeiro luns; aí é onde se falará do que consta no documento, porque eu creo que nos medios de comunicación non é onde debe debaterse un expediente, senón que é o pleno da Corporación, como así se acordou no seu momento. Non obstante, ás persoas afectadas nese expediente xa se lles foi notificado o día 6 de abril. Polo tanto cando din que o descoñecían é mentira”.

Alfonso Fuente considera que “antes de atacar á persoa que abre o expediente haberá que analizar o fondo do asunto, polo que considero que iso que dixeron é grave. Incluso me sorprende ao ler a noticia que a señora Ana Ermida xa di que pode haber algunha irregularidade. Eu non o dixen, estao dicindo ela e ao mellor ten razón, pero eu non dixen nada diso; eu simplemente o que fixen foi abrir un expediente de investigación baseado nun informe técnico que se me pasa para decidir a apertura ou non. En canto ao retraso, este expediente foi á Axencia da Legalidade Urbanística, que llo comunicou ao interesado, pediu informe ao Concello e no momento que sabe que recae sobre unha construción en solo de núcleo ou urbano traslada o expediente ao Concello para que decida se abre ou non ese expediente para investigar se se cometeu algunha irregularidade ou ilegalidade”.

E engadiu: “ademais ao abrir unha rúa atópanos con que hai un muro no medio da vía, o que tamén deu pé a ver que algo puido pasar. Polo tanto hai varias cousas relativas a este asunto. E cando existe unha denuncia dun particular se o alcalde non procedera a abrir ese expediente evidentemente sería o alcalde quen estaría incumprindo a lei e cometendo un delito, ao non atender unha denuncia de calquera particular. Todas as denuncias hai que tramitalas, esa é unha obriga de calquera alcalde, sexa do partido que sexa e gústelle ou non a quen sexa”.

 

El BNG acusa al PP de Barreiros de prácticas mafiosas por un expediente a Ana Ermida

Ana Ermida, junto a Antonio Veiga, en un pleno en Barreiros.

O BNG DENUNCIA “ACTITUDES MAFIOSAS” DO ALCALDE DE BARREIROS, QUE INTENTA AMEDRENTAR AO BNG ABRÍNDOLLE UNHA INVESTIGACIÓN Á CABEZA DE LISTA DO BLOQUE POLO ARRANXO DA SÚA CASA HAI SEIS ANOS

O presidente dos promotores, Xabier Díaz, foi quen denunciou, en xaneiro do 2012,  á portavoz nacionalista e a outra ducia de persoas que no seu momento plantaron cara á desfeita urbanística do Concello de Barreiros

A candidata do Bloque, Ana Ermida, di que “non nos van calar, imos seguir denunciando a malia urbanística que hai instalada en Barreiros”

Barreiros, 23 de abril de 2015. O BNG denuncia “actitudes mafiosas” do alcalde de Barreiros, o popular Alfonso Fuente Parga, que tenta amedrentar ao BNG abríndolle unha investigación á súa cabeza de lista, Ana Ermida, por obras de arranxo da súa casa, acometidas con licenza municipal hai seis anos.

O alcalde de Barreiros leva a pleno este luns dar conta dunha resolución na que acorda iniciar unha investigación á portavoz municipal e cabeza de lista para as municipais de maio por obras realizadas na súa vivenda familiar no ano 2009, tendo obtido licenza no ano 2008. O Concello pide información sobre as obras tras ter recibido no ano 2012 unha denuncia do promotor urbanístico Xabier Díaz, un expediente que o PP tivo parado ata o 27 de marzo deste mesmo ano e que saca agora, ás portas das eleccións municipais, para tentar “desprestixiar e coaccionar ao BNG”.

“Queren utilizar esta cuestión para enlamar a campaña electoral. Están utilizando indecentemente o concello como arma electoral do Partido Popular, con actitudes propias da mafia, da mafia urbanística que veu de fóra e que está instalada en Barreiros e que conta co apoio e a colaboración do alcalde e do Partido Popular. É o mundo ao revés, o portavoz da Asociación de Promotores Inmobiliarios de Barreiros, Xabier Díaz, imputado por varias actuacións urbanísticas, un dos responsables da desfeita urbanística do Concello de Barreiros denunciando a quen denuncia esas irregularidades e á Xunta por ter paralizado no seu momento esa desfeita. O dito, é o mundo ao revés”, sentenza a cabeza de lista do Bloque.

“Atácannos, van a por nós porque molestamos. Porque denunciamos as ilegalidades urbanísticas, as cacicadas e o amiguismo do alcalde cos promotores, porque lles plantamos cara. Levámolo facendo as mulleres e homes do Bloque desde o ano 2007 e con isto non nos van calar. Somos os únicos que lles plantamos cara en Barreiros, os únicos que facemos oposición ás súas políticas no urbanismo e por iso van a por nós”, afirma Ana Ermida.

“Pensa o ladrón que todos son da súa condición”

A cabeza de lista do Bloque afirma estar “moi tranquila” e considera que a apertura desta investigación é “unha represalia política” por ter denunciado todos estes anos “as irregularidades urbanísticas que o Goberno municipal cometeu neste concello”. “Pensa o ladrón que todos son da súa condición. É un intento de enlamar e de querer igualarnos a todos, despois de que denunciaramos todas as ilegalidades que se teñen cometido en Barreiros. Pero non todos somos iguais: o BNG é honrado. E demos sobradas mostras de honradez e de firmeza en todos estes anos. Non temos nada que ocultar”, aseguran os nacionalistas.

“Atacan ao BNG e van a por nós porque molestamos”

“Na provincia de Ourense o PP ameazou e presionou á xente para que non fora nas candidaturas do Bloque. En Barreiros como non poden conseguir iso atácannos directamente a quen imos na candidatura e damos a cara. Pero estou segura de que os veciños e veciñas de Barreiros vanse rebelar diante do PP e das súas actitudes mafiosas, caciquís e antidemodráticas. E teñen a oportunidade de facelo votando ao BNG o día 24 de maio. O que queda claro que lles molesta que esteamos os do Bloque aí e que denunciemos as súas políticas”, conclúe Ana Ermida.

Para a formación nacionalista isto demostra que “o PP está nervioso en Barreiros, non lles dan as contas e por iso recorren á guerra sucia. Estas actuacións deixan en evidencia a súa actitude antidemocrática, con métodos dignos do máis puro franquismo para aniquilar ao rival político”, aseguran.

María Carmen Veiga, reúnese cos veciños do municipio

A candidata do PSdeG-PSOE á alcaldía de Barreiros, María Carmen Veiga, reúnese cos veciños do municipio

18-04-15

Agrupación PSOE Barreiros 18/04/2015.- O partido socialista de Barreiros e a súa candidata á alcaldía, María Carmen Veiga, comezaron en pasados días unha serie de xuntanzas coa veciñanza do pobo.

Estiveron xa en de San Xusto de Cabarcos e este vindeiro LUNS 20 estarán en: CELEIRO DE MARIÑAOS, ás 21.00 horas no GRUPO ESCOLAR de Celeiro de Mariñaos (Antiga escola), continuando en vindeiros días con estas xuntanzas por outros lugares do Concello.

O obxectivo das reunións é manter unha charla sobre a actualidade municipal, expoñer as liñas xerais do proxecto con que van concorrer aos vindeiros comicios, un programa verdadeiramente solidario, realista e capaz de corrixir as deficiencias que se dan na actualidade no pobo, tanto a nivel de xestión como de investimentos ou fiscalidade, un programa onde primen os intereses de todos os veciños e veciñas independentemente da parroquia na que vivan.

Como queremos que o noso proxecto sexa o que mais se adapte ás necesidades reais existentes en Barreiros e co que a maioría se sinta identificado, establecemos estes diálogos abertos coa veciñanza, para escoitar as súas propostas e necesidades, analizando entre todos a actual situación do Concello de Barreiros para construír xuntos un novo proxecto capaz de facer de Barreiros un lugar mellor para vivir cos servizos e dotacións que se merece, tras a eterna “noite escura interminable” a que nos teñen sometidos os sucesivos gobernos do PP e o Alcalde Fuente Parga.

Alfonso Fuente presenta en Barreiros una candidatura “joven”

Elecciones 24 M |
Alfonso Fuente presenta en Barreiros una candidatura “joven”
El alcaldable del Partido Popular, Alfonso Fuente, ha presentado esta tarde una candidatura de 14 personas entre las que destacan viejos conocidos, que ya estaban en la actual corporación o en la anterior, y también caras nuevas. El popular ha reseñado que la media de edad es de 44 años y que es una lista joven, con dos nuevas incorporaciones de 24 y 27 años.
Alfonso Fuente ha destacado que “o PP nunca perdeu en Barreiros, nunca, nin o vai a facer no ano 2015” y ha subrayado que Barreiros tiene más servicios que cuando él llegó al Ayuntamiento, pese a “los recortes que dicen algunos que hay”.
Habló de la Sanidad comparando la situación actual con la que encontró, entonces había tres médicos y dos ATS que sigue habiendo, pero han sumado una matrona y un pediatra. En Educación subrayó la existencia de dos colegios y una guardería, en Servicios Sociales 20 auxiliares de ayuda a domicilio y sin lista de espera, en Deporte el Gimnasio Municipal, dos equipos de fútbol , uno de fútbol sala, Escuelas Deportivas, Asociación Ecuestre y Deportes Náuticos.
Alfonso Fuente glosó lo conseguido y habló de lo que está por venir, como el millón de euros para acometer obras de abastecimiento o el arreglo de la carretera Reme-Vilamar.
No se olvidó de las críticas ni de los críticos señalando que lo único con lo que puede atacar la oposición es con la Deuda del Concello, que la hay. Lo comparó con cualquier familia que pide un crédito para afrontar un gasto y tiene una deuda que saldar. Ante el miedo de los otros partidos a la deuda del Ayuntamiento, Fuente les dice “que no se presenten si no se atreven que ya la pagaremos nosotros”.
El presidente provincial popular, José Manuel Barreiro, que arropó al candidato en la presentación, mencionó la escasa representación del BNG. Reseñó que en Barreiros sólo tiene dos concejales e hizo referencia concreta al vicepresidente de la Diputación, Antonio Veiga: “para ser de donde é…, parece que a xente non lle ten moito recoñecemento”.

CANDIDATURA PP BARREIROS
1.- Alfonso Fuente
2.- José Manuel Gómez Puente
3.- Lorenzo Penabad Bolaño
4.- Adelina Rodríguez Fernández
5.- María del Mar Sante García
6.- Daniel Cancio García
7.- Adrián Blanco Pérez
8.- Nuria López Morado
9.- Concepción Fernández Iglesias
10.- Javier Fernández López
11.- Sonia Piñeiro Rúas
12.- Remedios García Leiva
13.- José Otero Méndez
14.- Ana Isabel Yanez Fernández

Candidatura del BNG al Concello de Barreiros

BNG
ANA ERMIDA ENCABEZA A LISTA DO BNG EN BARREIROS COMO “ALTERNATIVA CLARA” AO DESGOBERNO DO PARTIDO POPULAR

O vicepresidente da Deputación, Antonio Veiga, irá de número dous dunha lista paritaria con 8 homes e 8 mulleres e con 10 persoas independentes

Ana Ermida afirma que o Bloque é “garantía de seriedade e honradez” para o Concello e de que este “sempre estará ao servizo de todos os veciños e veciñas e non de intereses particulares”

Barreiros, 16 de abril de 2015.- A actual portavoz municipal e responsable comarcal do Bloque, Ana Ermida, encabezará a lista do BNG en Barreiros co vicepresidente da Deputación, Antonio Veiga, de número dous dunha candidatura que se presenta como “alternativa clara e real ao Partido Popular”.

Os nacionalistas, que se presentan baixo a fórmula BNG-Asembleas Abertas, presentan en Barreiros unha candidatura paritaria formada por 8 homes e 8 mulleres, das que 9 nunca antes tomaran parte nunha lista electoral, e na que dan entrada a 10 persoas independentes.

“Presentamos a mellor candidatura de todas as que se presentan en Barreiros, a máis formada e preparada, socialmente representativa de todas as parroquias e de todos os sectores produtivos de Barreiros e presentámonos como unha alternativa clara de goberno para sacar a Barreiros da parálise e o desgoberno no que ten sumido o Partido Popular o Concello”, afirma Ana Ermida, que destaca que “o Bloque é garantía de seriedade e honradez en Barreiros e de que o Concello sempre estará ao servizo de todos os veciños e veciñas e non de intereses persoais e particulares”.

Candidatura de xente moza xunto a persoas con experiencia

Logo da actual portavoz municipal, Ana Ermida, de 31 anos e licenciada en Dereito, e do vicepresidente da Deputación, Antonio Veiga, integran a lista como número 3 Montse Porteiro, diplomada en Enfermería e traballadora na Unidade de Diálise do Hospital da Costa, e Dámaso Ratoeira Basanta, axente medioambiental e veciño de San Cosme, como número 4.

Como número 5 irá María Belén Fernández Soto, mestra e veciña de San Miguel, como número 6 Cándido Álvarez Veiga, gandeiro da Rilleira, e como número 7 Marta Castrillón, de 25 anos e traballadora do sector do comercio. Nunha lista ampla, na que incorporan 5 persoas suplentes, ademais das 11 titulares, a formación nacionalista pretende representación de todas as idades, sectores e situacións. Así forman parte da mesma gandeiros, amas de casa, xubiladas, estudantes e traballadoras e traballadores na administración e na empresa privada. Con esta mesma intención, incorporan como suplente a Lucía Pérez García, veciña de San Cosme, emigrada no Perú, que na fotografía de candidatura representan con unha maleta, “simbolizando a emigración da mocidade galega que segue a ser expulsada do País como consecuencia das políticas levadas a cabo polos distintos gobernos.”

A lista complétana Daniel García, Xoán Antonio Fernández Sante, Aurora Moreira Bermúdez, Diego Vizoso, Cristina González, Xoán Manuel Díaz Branco, Lucía Pérez García, Olga Villarino e Xesús Díaz.

CANDIDATURA  BNG-ASEMBLEAS ABERTAS BARREIROS

ELECCIÓNS MUNICIPAIS 2015

ANA BELÉN ERMIDA IGREXAS. 31 anos. Portavoz municipal en Barreiros. Licenciada en dereito. Técnica superior en desenvolvemento local. Xerente do GDR da comarca de A Mariña. Reinante.

ANTONIO VEIGA OUTEIRO. 52 anos. Concelleiro do BNG en Barreiros. Vicepresidente da Deputación de Lugo. Celeiro.

MONTSERRAT PORTEIRO SANCHEZ. 48 anos. Diplomada en Enfermería. Traballadora na Unidade de Diálise do Hospital da Costa. San Cosme.

DÁMASO RATOEIRA BASANTA. 43 anos Capataz forestal. Axente Mediambiental. San Cosme.

MARÍA BELEN FERNÁNDEZ SOTO. 47 anos. Diplomada en Maxisterio. Licenciada en Xeografía e Historia pola Universidade de Santiago. Mestra no CEIP Virxe do Carme de Burela. San Miguel.

CÁNDIDO ÁLVAREZ VEIGA. 57 anos. Gandeiro. A Rilleira. Cabarcos.

MARTA CASTRILLÓN FREIRE. 25 anos. Diplomada en enfermaría. Traballadora no comercio. San Miguel.

DANIEL GARCÍA FERNÁNDEZ. 25 anos. Diplomado en Maxiterio por Educación Física. Técnico superior de TAFAD. Monitor de ximnasia. Celeiro.

XOAN ANTONIO FERNÁNDEZ SANTE. 32 anos. Palista. Ibia. San Xusto.

AURORA MOREIRA BERMÚDEZ. 52 anos. Ama de casa. San Cosme.

DIEGO VIZOSO CASTRO. 21 anos. Estudante do ciclo superior de automoción. San Pedro.

CRISTINA GONZÁLEZ PARDO. 60 anos. Ama de casa. Celeiro.

XOAN MANUEL DÍAZ BRANCO. 37 anos. Diplomado en Turismo. Presidente do Comité de Empresa de Irmandiños. Directivo do Iberia. Músico. San Miguel.

LUCÍA PÉREZ GARCÍA. 31 anos. Licenciada en belas artes. Técnica de imaxe persoal, perruquería e estética. San Cosme. Emigrada no Perú.

OLGA VILLARINO RODRÍGUEZ. 71 anos. Xubilada. Celeiro/ San Cosme.

XESÚS DÍAZ BLANCO. 46 anos. Diplomado e Licenciado en Ciencias Empresariais. Asesor contable e fiscal. San Miguel.

O PARTIDO POPULAR EN BARREIROS SEGUE INCUMPRINDO NO PAGO A PROVEDORES

A pesar de ter solicitado un crédito de 2,5 millóns de euros no 2012, o concello triplica o prazo marcado polo Ministerio para o pago de facturas.

Barreiros, 31 de marzo de 2015. Segundo a información que se contempla na liquidación do orzamento do 2014, o concello de Barreiros supera en 64 días o prazo establecido para o pago das súas facturas.

Segundo o BNG “esta situación é gravísima xa que en Barreiros pediuse un préstamo de 2 millóns e medio para pagar facturas no ano 2012 e dous anos despois estamos nunha situación de emerxencia.”

“Non é só cuestión de prazos, que tamén, pola importancia que poidan ter para pequenas empresas ou persoas autónomas que traballan para o ente municipal. O máis grave é que o propio Ministerio establece que, se se superan os prazos de pago en 30 días, deben tomarse medidas para incrementar os ingresos ou reducir os gastos”, explica a portavoz municipal Ana Ermida. “E, no caso de que o atraso nos pagos persista, o propio Estado pode deixar de ingresar o diñeiro que tería que recibir o concello desde o goberno de Madrid”, continúa.

No caso de Barreiros, o prazo para pagar facturas triplica ao establecido legalmente, polo que ou se adoptan medidas drásticas ou o máis probable é que o concello vexa sensiblemente reducidos os seus ingresos, creando unha nova débeda e novos problemas económicos no ente municipal e supoñendo, de facto, unha intervención do Estado en Barreiros.

Para o BNG a situación é de emerxencia, “ou damos a volta a este xeito de xestionar ou teremos un concello a piques da quebra técnica, sen ingresos suficientes para afrontar os gastos mínimos de mantelo aberto. A responsabilidade desta situación é de quen leva anos despilfarrando e gastando o diñeiro de todas e todos sen prestar un só servizo, só creando débeda e deixando Barreiros nunha situación de hipoteca para os vindeiros 18 anos.”

O goberno do PP oculta información do PXOM ás veciñas e veciños.

No pleno de onte o alcalde popular de Barreiros informou de que o Plan Xeral de Ordenación Municipal xa estaba finalizado, pero asegurou que non se ía coñecer ata despois das eleccións municipais.

Desde o BNG en Barreiros cren que “isto é unha mostra máis da desvergoña e a falta de respecto ás veciñas e aos veciños coa que goberna o PP en Barreiros.”

“Algo terán que ocultar se se negan a que a xente coñeza un documento tan importante coma o PXOM, que marca o desenvolvemento de Barreiros, antes dunhas eleccións municipais”, afirma Ana Ermida.

“Pedímoslle ao Partido Popular e ao alcalde que teñan un mínimo de respecto e fagan pública a documentación da que dispoñen, que é pagada con cartos de todas e de todos. A xente ten dereito a coñecer como lle afecta o PXOM e de poder valoralo como actuación deste goberno”, declara a portavoz municipal.

Para o BNG o que están intentando é que o PXOM non lles supoña custos electorais. “Son conscientes de que é un plan ao servizo das grandes urbanizacións e non da veciñanza, feito ás súas costas, e por iso non queren que a xente o coñeza. Ocultan información pública en función dos intereses electorais do PP”, conclúe Ana

FUENTE PARGA ASEGURA QUE AS OBRAS DA ESTRADA DE BAIXADA Á PRAIA DE REINANTE CONTINUARÁN O VINDEIRO VENRES

FUENTE PARGA ASEGURA QUE AS OBRAS DA ESTRADA DE BAIXADA Á PRAIA DE REINANTE CONTINUARÁN O VINDEIRO VENRES. PARA O DÍA ANTES, O XOVES, ESTÁN CITADOS OS PROPIETARIOS DA FINCA QUE OCASIONARON A PARALIZACIÓN DOS TRABALLOS.

Barreiros, 10 de marzo de 2015. O alcalde, Alfonso Fuente, asegura que as obras da estrada de baixada á praia de Reinante seguirán o vindeiro venres. Un día antes, o xoves, están citados os propietarios das fincas que ocasionaron a paralización dos traballos. Fuente Parga estima que nun mes, máis ou menos, as obras concluirán.

O rexedor dixo que “esta obra de Reinante continuará o próximo venres xa que o xoves ás 10 da mañá están citados os propietarios da finca que motivaron a paralización desta obra e no prazo dun mes aproximadamente quedará lista para disfrute de todos os veciños de Reinante, gañando un espazo público moi importante que estaba unha situación mala. E precisamente a execución desas obras vai dar valor a todos os veciños desa zona”.

Fuente Parga sinalou que “é certo que se retrasou, porque as obras non se fan dun día para outro. É unha actuación importante e a imposibilidade de acceder a unha das fincas e ter que iniciarse un período de expropiación foi polo que houbo este retraso. Non obstante eu o que valoro é que a obra se vai facer e os retrasos nas obras prodúcense en moitas ocasións por diferentes motivos. Hai que ter en conta que este inverno houbo moitos días con auga, o que impediu que se puidera traballar. Polo tanto a obra continuará e vaise rematar; e iso é o realmente importante”.

Desde xeito o alcalde responde ás críticas vertidas nas últimas horas desde o BNG.

O BNG DENUNCIA UNHA NOVA PARALIZACIÓN DA OBRA DE ARRANXO DA ESTRADA DE BAIXADA Á PRAIA DE REINANTE

A obra comezou hai seis meses e acumula máis de dous de retraso, razón pola que xa se ten feito unha recollida de sinaturas entre a veciñanza. 

Barreiros, 10 de marzo de 2015. O BNG faise eco do malestar das veciñas e veciños de Reinante, que denuncian que as obras de arranxo de baixada á praia e que dá acceso a gran parte da veciñanza volven a estar paradas, acumulando sucesivos retrasos desde o mes de decembro.

Desde o BNG sinalan que esta é unha mostra de cómo se fan as cousas en Barreiros, con unha total improvisación e sen obxectivos claros. A portavoz municipal, Ana Ermida, informou que “desde o mes de outubro esta obra non está a dar máis ca problemas. Comezaron con ela sen ter claro que ían facer, sen ter falado coa xente á que lle afectaría nas súas propiedades e sen saber sequera os traballos que terían que realizar. A mostra máis palpable da falta de planificación é que, cando xa estaba a obra iniciada, modificouse o proxecto para poder expropiar un terreo afectado.”

“Agora mesmo, hai dúas semanas que a obra está totalmente parada; pero o máis grave é que desde que a finais de xaneiro, cando as veciñas e veciños de Reinante recolleron sinaturas e solicitaron no concello que se retomaran as obras tras estar paradas desde decembro, só se fixeron traballos de xeito esporádico e discontinuo. Non se estivo traballando alí nin unha semana seguida”, explica Ana Ermida.

Para a formación nacionalista, “o Partido Popular -incluída a concelleira de cultura, que é desa parroquia-  o que está facendo é intentando enganar á xente, tomándoa por parva; poñendo as máquinas alí no momento no que se protesta, pero sen intención de finalizala.”

O BNG explica que máis de seis meses para unha obra de soterramento de alumeado e construción de beirarrúas en pouco máis de 300 metros, demostra a pouca capacidade que ten este goberno para xestionar. “As molestias que se están causando para todas as persoas que viven na parroquia e circulan por esa vía son inmensas, pero non só, xa que se trata dunha das baixadas á zona de praia. Despois pretenderán vender os servizos que hai en Barreiros e promocionar turisticamente a zona, pero os feitos son que unha das baixadas cara ás praias, onde hai negocios turísticos, está nunha situación terceiromundista a pouco máis de quince días para semana santa. Esta é a promoción que o goberno municipal fai Barreiros, da súa zona de praias e esa é a imaxe que van levar as persoas que nos visiten”, afirman desde o BNG.

Mari Carmen Veiga, candidata del PSOE en Barreiros

Sucede a Benito Longarela, el único fundador vivo del partido socialista en el municipio

BARREIROS LA VOZ26 de febrero de 2015.

Maria del Carmen Veiga, secretaria xeral del PSOE de Barreiros, vecina de Celeiro, será la candidata del partido en las municipales. Así se decidió en la asamblea de la agrupación local. Benito Longarela, como ya había anunciado, da un paso atrás e irá en los últimos puestos de la lista. Deja atrás una dilatada trayectoria, de 16 años como edil, siendo el único fundador vivo del PSOE de Barreiros.