Archivo de la categoría: Política local

Fuente Parga manifesta a súa “total disposición” para contestar a todas e cada unha das preguntas das Asociacións

Fuente Parga manifesta a súa “total disposición” para contestar a todas e cada unha das preguntas das Asociacións

O candidato do Partido Popular á alcaldía do Concello de Barreiros, Alfonso Puente Parga, agradece a invitación feita polas asociacións para a participación nun debate público entre as tres persoas candidatas á alcaldía.

O alcaldable popular indica que “tanto as asociacións sinaladas no escrito coma as que non aparecen, están a desenvolver unha tarea importante no Concello”. Polo tanto, manifesta a súa “total disposición para contestar a todas e cada unha das preguntas que me queiran dirixir as Asociacións, como xa veño facendo nos últimos dez anos que levo na alcaldía do Concello de Barreiros, e seguirei facendo despois do 24 de maio, na condición que me corresponda”.

Así mesmo, manifesta “o desacordo co formato proposto para contestar ás demandas ou preguntas das Asociacións; xa que un debate, se define como: “unha forma de comunicación na que existe unha confrontación de opinións diferentes sobre unb tema determinado”; polo que, para evitar calquera tipo de confrontación entre veciños e veciñas, aceptaría que a reunión coas Asociacións fose por separado cos distintos candidatos”.

Engade o alcaldable no seu comunicado que “esta decisións ven motivada pola lamentable situación vivida no último Pleno da Corporación, na que os membros do grupo de goberno, fomos directa e inxustificadamente insultados por concelleiros da oposición, e para evitar que esta situación poida repetirse, é polo que non aceptamos o formato de debate”.

“Esta decisión, xa foi transladada na mañá do sábado 2 de maio persoal e verbalemente a un dos representantes que me fixeron chegar a invitación, e telefonicamente na tarde-noite á outra das representantes por atoparse esta de viaxe. Así mesmo a ambos xa se lles anticipei a miña disposición a deixar constancia escrita, que traslado na presente”, conclúe Fuente Parga.

O BNG LAMENTA A FALTA DE CULTURA DEMOCRÁTICA DO PP DE BARREIROS E O SEU CANDIDATO, QUE IMPIDEN QUE SE CELEBRE O DEBATE PROPOSTO POLAS ASOCIACIÓNS

O BNG LAMENTA A FALTA DE CULTURA DEMOCRÁTICA DO PP DE BARREIROS E O SEU CANDIDATO, QUE IMPIDEN QUE SE CELEBRE O DEBATE PROPOSTO POLAS ASOCIACIÓNS.

Ana Ermida traslada a disposición do BNG-Asembleas Abertas a escoitar ás asociacións e responder todas as preguntas que desexen nun acto que convocan para o 15 de maio.

“A actitude do candidato do PP demostra que pensa que o concello é cousa súa e non permite que se faga nada que non controle directamente”, afirma Ana Ermida.

Barreiros, 5 de maio de 2015.- O BNG de Barreiros lamenta que a actitude do PP de Barreiros e do seu candidato impida ás veciñas e veciños disfrutar dun debate electoral público, en condicións de igualdade e no que contrastar as propostas e ideas das forzas que concorren ás vindeiras eleccións municipais.

Segundo manifestou a candidata, Ana Ermida, “o xeito de actuar do candidato do PP, Alfonso Fuente, e a súa resposta son unha falta de respecto ao resto de candidatas, á organización e ás veciñas e veciños que decidiron democraticamente plantexar un debate entre as tres forzas. O que demostra é que non sinte ningún respecto polas asociacións que, democraticamente, decidiron propoñer un debate con uns prazos e unhas normas que elas mesmas marcan, como organizadoras.”

O candidato do PP entregou a súa resposta fóra de prazo e rexeitando participar nun debate, tal e como propoñían as 23 asociacións promotoras, tratando de impoñer outro tipo de acto que lle interesa máis electoralmente. Para Ana Ermida “isto é mostra do acostumado que está a facer e desfacer o que el quere, sen que ninguén lle poña normas e sendo sempre xuíz e parte. Se non ten valor para debater, para confrontar ideas, é que non está preparado para participar na vida política, porque así é como se participa en democracia.”

“Non nos sorprende esta actitude, coñecendo como actúa nos plenos municipais. Onde só fala el e no momento en que desde a oposición facemos preguntas ou pretendemos debater algunha cuestión que non lle interesa, corta o debate e levanta a sesión. El pensa que o concello e todo o que se fai en Barreiros ten que ser cousa súa e non é consciente de que a sociedade, afortunadamente, é quen de organizarse sen tutelas nin dirixismos pola súa parte e para el iso é unha afrenta, non é quen de aceptalo”, afirma a candidata do BNG-Asembleas Abertas.

Ademais, desde o BNG-Asembleas Abertas sinalan que “Alfonso Fuente mente e retorce a realidade para xustificar a súa covardía e a súa incapacidade para afrontar este acto. Ningunha das candidatas que se enfrontarían a el neste debate o insultaron en ningún momento”, afirman.

A candidata do BNG-Asembleas Abertas recorda ademais que “Alfonso Fuente e máis eu xa temos participado nalgún debate público nunha emisora municipal de radio e sen ningún tipo de problema. Creo que calquera persoa con un mínimo de educación e de cultura democrática é capaz de debater publicamente e máis nun acto moderado por profesionais. O que lle pasa é que nesta ocasión tería que facelo diante das súas veciñas e veciños, da súa base de votantes e é consciente de que ten moito que perder e nada que gañar”, conclúe.

A candidatura do BNG a disposición das asociacións.

Desde a candidatura do BNG-Asembleas Abertas, agradecen o traballo desinteresado feito polas asociacións e lamentan que outras forzas políticas non respetasen os tempos e prazos establecidos polas mesmas, incluso á hora de emitir valoracións. A formación nacionalista ten claro que o protagonismo ten que ser da sociedade e, neste caso, expresada no movemento asociativo de moi diverso ámbito que tivo esta iniciativa. Deste xeito, o BNG-Asembleas Abertas anuncia xa unha convocatoria de acto público dirixido a todas as asociacións do concello que queiran tomar parte para o propio día 15 de maio.

“Desde o BNG xa tíñamos previsto unha reunión con asociacións para recoller as súas inquedanzas e propostas, pero paralizamos a convocatoria ao coñecer esta iniciativa e entender que é moito máis interesante un acto xurdido da propia sociedade que convocado desde as organizacións políticas”, explica Ana Ermida.

“En calquera caso, e á vista de que o debate como tal non poderá ter lugar pola negativa do PP, o BNG convoca a todas as asociacións de Barreiros para o vindeiro venres, 15 de maio ás 21horas no Centro Sociocultural, para que poidan coñecer as propostas do BNG e trasladar as súas propias.”

Igualmente, a candidatura do BNG-Asembleas Abertas amosan a súa absoluta dispoñibilidade para contestar calquera cuestión que se lles plantexe desde as asociacións ou colectivos, sen ningún tipo de condición de forma ou número.

O DEBATE PÚBLICO PROPOSTO POLAS 23 ASOCIACIÓNS DE BARREIROS NON SE LEVARÁ A CABO POLA NEGATIVA DO PARTIDO POPULAR A PARTICIPAR NO MESMO CO FORMATO PROPOSTO

O DEBATE PÚBLICO PROPOSTO POLAS 23 ASOCIACIÓNS DE BARREIROS NON SE LEVARÁ A CABO POLA NEGATIVA DO PARTIDO POPULAR A PARTICIPAR NO MESMO CO FORMATO PROPOSTO.barra

Relacionado

Agregado PP. Pax2.jpg 

Agregado PP. Pax1.jpg 

Agregado BNG.jpg

Agregado PSOE.jpg

barraBarreiros, 4 de maio de 2015. O BNG e o PSOE de Barreiros aceptaron a súa participación no debate público e imparcial solicitado por 23 asociacións veciñais, culturais, deportivas e de comerciantes, entre outras, en tempo e forma: por escrito e entre o xoves 30 de abril e o sábado 2 de maio. O PP respondeu de forma verbal o último día indicando que aceptaría con condicións que entregaría por escrito. Dito escrito non foi entregado ata a mañá do luns 4 de maio na Casa do Concello, incumprindo así os tempos establecidos, o que dificultou tamén a posibilidade de trasladar o conxunto de respostas a todos os partidos no tempo previsto.

En dito escrito, o alcaldable polo Partido Popular sinala “o desacordo co formato proposto para contestar ás demandas ou preguntas das Asociacións”. Na carta entregada aos tres grupos políticos o pasado xoves propoñendo a participación en dita iniciativa, por acordo das asociacións facíase constar que “sería precisa a aceptación a participar polas tres persoas candidatas á alcaldía, desistindo da organización do debate no caso de producirse algunha non aceptación”. Alfonso Fuente sinala na súa resposta que “aceptaría que a reunión coas Asociacións fose por separado cos distintos candidatos” polo que a organización do debate entende e conclúe que este non é o formato plantexado e polo tanto, Alfonso Fuente non acepta.

Asimesmo, Alfonso Fuente afirma “o seu desacordo co formato proposto para evitar calquer tipo de confrontación entre veciñas e veciños”, o cal dende as asociacións promotoras é considerado como unha falta de confianza na autoorganización, respeto e cordialidade entre a veciñanza, e polo tanto entre as asociacións, e destacan ademais que dende o momento en que por unanimidade e de maneira democrática se levou adiante esta iniciativa, todas elas fixeron gala destes atributos. Non se entende que alguén poida esperar confrontacións precisamente entre quen demostra boa educación e respeto polas formas e a cultura democráticas.

Asimesmo, dende a organización lamentan tamén as informacións vertidas por algúns dos partidos políticos antes da decisión tomada entre as asociacións, unha vez recibidas todas as contestacións por parte das tres persoas candidatas á alcaldía, en reunión o luns 4 de maio ás 20h., e a posterior comunicación oficial aos tres grupos políticos. Por este motivo, as asociacións participantes, non se responsabilizan das declaracións feitas polos partidos nin as conclusións tomadas polos mesmos.

As asociacións promotoras desta iniciativa agradecen a disposición das tres candidaturas ás eleccións do 24 de maio a escoitar as súas preguntas e emplazan aos tres grupos políticos a ser quen tomen a iniciativa de convocalas se o desexan, dado que o formato proposto non pode ser levado a cabo como foi solicitado.

Finalmente, as asociacións promotoras desta iniciativa mostran a súa satisfacción polo xurdimento dun movemento de colaboración entre elas, así como pola disposición de todas a fomentar a participación conxunta procurando unha mellor dinamización e desenvolvemento da localidade, con propostas e iniciativas xurdidas dende a veciñanza.

 

A DESIDIA, AS PRÉSAS E A INCOMPETENCIA DO PP DE BARREIROS PROVOCAN ACCIDENTES QUE PODEN TER GRAVES CONSECUENCIAS

bng“A DESIDIA, AS PRÉSAS E A INCOMPETENCIA DO PP DE BARREIROS PROVOCAN ACCIDENTES QUE PODEN TER GRAVES CONSECUENCIAS”, AFIRMA ANA ERMIDA.

Un depósito de auga que levaba máis de dous meses  sen colocar, e sobre o que os veciños xa tiñan advertido da perigosidade, provocou importantes danos no Teleclub de O Val do Caínzo.

“O Teleclub presenta importantes danos e incluso perigo para as persoas e a zona nin sequera esta valada ou sinalizada. É urxente que se proceda á sinalización e valado da mesma”, asegura Ana Ermida.

“É a consecuencia da política que fai o PP en Barreiros: improvisación, présas a poucas semanas das eleccións e que pareza que fan sen facer nada, teñen estes resultados”, afirman desde o BNG.FOTO 2

Barreiros, 1 de maio de 2015.- O BNG de Barreiros visitou hoxe ás veciñas e veciños do Val do Caínzo para avaliar a situación na que quedou o Teleclub tras o impacto que sufriu por un depósito municipal de auga que agardaba desde hai máis de dous meses para ser colocado.

“Segundo nos explicaron, hai máis de dous meses que se presentou un depósito de auga neste lugar, en teoría para colocalo como depósito contra incendios. Esta medida, foi solicitada publicamente polo BNG tras as reunións que estivemos mantendo nas diferentes parroquias e nas que se nos trasladou esa necesidade”, explica a portavoz municipal e candidata á alcaldía de Barreiros polo BNG, Ana Ermida. “Desde aquel momento, os veciños e veciñas do lugar advertiron á concelleira da parroquia, e tamén no propio concello, do perigo que supoñía deixar un depósito desas características no alto sen ningún tipo de protección, xa que  único que lle puxeron foron uns troncos horizontais aos lados que, loxicamente, non foron freo no momento en que comezou a rodar.”

“Pero, coma sempre, as actuacións municipais realízanse sen ningún tipo de planificación e carecendo do mínimo rigor. Así, por facerse ver e nun intento de enganar ás veciñas e veciños, levan un depósito para un lugar e deíxano alí sen ningún tipo de medida de seguridade. E máis de dous meses despois, o depósito segue sen estar colocado e provoca importantísimos danos non só no propio depósito, se non nun lugar de uso público como o teleclub da parroquia e en postes de teléfono e da luz”, continúa.

“É a mostra da incapacidade para xestionar, das actuacións feitas sen planificación nin un mínimo de coñecemento das necesidades. O que fixeron neste caso é o que fan habitualmente cada catro anos: poñen maquinaria a traballar uns días, levan material ou moven persoal para aparentar actividade, pero sen facer realmente nada. Dous meses para empezar a colocar un depósito é unha falla de respecto a quen paga os impostos para recibir servizos, ademais de demostrar o tipo de goberno municipal que hai en Barreiros”, afirman.

“Desde o BNG alegrámonos de que non houbese ningún tipo de dano persoal”, afirma Ana Ermida, “pero iso non pode servir para desviar a atención sobre os danos que se produciron e a perigosidade da situación, que pode ter consecuencias aínda sen valorar, incluso a construcción dun novo centro social.”

Ademais, desde o BNG pídenlle ao concello de Barreiros que proceda “inmediatamente a sinalizar e valar o lugar, tendo en conta a situación na que quedou o teleclub, que presenta un risco inminente para calquera persoa que se achegue.”

O BNG XA CONFIRMOU A SÚA PARTICIPACIÓN NO DEBATE ELECTORAL QUE PROMOVEN AS ASOCIACIÓNS DE BARREIROS

bngO BNG XA CONFIRMOU A SÚA PARTICIPACIÓN NO DEBATE ELECTORAL QUE PROMOVEN AS ASOCIACIÓNS DE BARREIROS.

Ana Ermida valora “moi positivamente” este tipo de iniciativas que permiten á poboación participar da vida política e coñecer e contrastar en primeira persoa as distintas alternativas.

“O BNG sempre está disposto a debater e falar coa xente, polo que estas actividades sempre contarán coa nosa participación”, afirma a candidata.

Barreiros, 1 de maio de 2015.- O BNG de Barreiros aceptou inmediatamente o convite que lle fixeron chegar 23 asociacións e colectivos do concello para a celebración dun debate entre as tres persoas que encabezan as candidaturas que se presentan no concello para as vindeiras eleccións do 24 de maio.

A candidata do BNG-Asembleas Abertas, Ana Ermida, sinalou que “é unha iniciativa que merece a pena apoiar e, desde logo, o BNG sempre está en disposición de debater. Por iso non dubidamos nin un só momento cando nos convocaron a aceptar o convite.” Neste sentido, a candidata nacionalista agradeceu “o esforzo das asociacións e colectivos por dotar a Barreiros de maior transparencia, democracia e participación cidadá nos asuntos públicos. Todo un exemplo no funcionamento democrático municipal”, asegurou.

“É o mínimo democrático que se lle esixe a calquera persoa que encabece unha candidatura que opte a gobernar un concello: escoitar e responder ás cuestións das veciñas e veciños”, afirma. “E neste caso, nun exercicio de democracia, iniciativa social e cooperación, máis de 20 asociacións e colectivos foron quen de poñer en marcha unha iniciativa coma esta que merece todo o respecto e apoio e demostra que a sociedade está interesada en coñecer as distintas opcións e poder valoralas directamente.”

“Non se entendería que calquera persoa que aspira a ser elixida democraticamente non tomara parte nunha actividade así, expresión da democracia e a participación cidadá ao máis alto nivel”, afirma Ana Ermida. “Os representantes públicos debémonos ás veciñas e veciños e temos a obriga mínima de atender as súas peticións”, continúa.

“Neste caso, ademais, a representación social é moi ampla, ao tratarse dun grupo moi numeroso de colectivos ao que aínda poden sumarse máis nas vindeiras semanas.Trátase dun exercicio de democracia nunca visto en Barreiros e, desde logo, desde o BNG poñeremos todo da nosa parte para que poida ter lugar a súa celebración”, conclúe Ana Ermida.

ASOCIACIÓNS DE BARREIROS PROPOÑEN A PP, BNG E PSOE A DATA DO VENRES 15 DE MAIO ÁS 9 DA NOITE PARA A CELEBRACIÓN DUN DEBATE PÚBLICO

ASOCIACIÓNS DE BARREIROS PROPOÑEN A PP, BNG E PSOE A DATA DO VENRES 15 DE MAIO ÁS 9 DA NOITE PARA A CELEBRACIÓN DUN DEBATE PÚBLICO

Os apoios á iniciativa non paran de medrar e neste momento son xa 23 asociacións do Concello as que apoian a celebración do debate, que será moderado por dous xornalistas do Progreso e La Voz de Galicia

Entre as asociacións promotoras atópanse as asociacións de veciños de San Cosme, San Miguel, Vilamar, San Xusto, A Rilleira, Vilamartín Pequeño e Celeiro, asociacións culturais como Ollomao, O Arco da Vella e Augas Santas, a Asociación de Comerciantes, os clubs de fútbol Iberia e Celta Barreiros, a ANPA do colexio de San Miguel, a asociación de gandeiros Barreiros Leite e outras de carácter social ou deportivo

As asociacións promotoras entregaron esta mañá unha comunicación oficial aos cabezas de lista das tres formacións políticas, que teñen de prazo até este sábado para confirmar a súa asistencia

Barreiros, 30 de abril de 2015.

As asociacións de Barreiros propoñen o venres 15 de maio ás 9 da noite como data para a celebración dun debate público entre os cabezas de lista dos tres partidos que se presentan ás eleccións do 24 de maio no Concello: PP, BNG e PSOE. Así o acordaron un total de 23 asociacións que apoian a iniciativa e que mantiveron unha reunión onte pola noite no Centro Sociocultural Manuel Díaz Sampedro de San Cosme.

Esta mesma mañá, representantes das asociacións entregaron persoalmente un convite aos tres cabezas de lista, Alfonso Fuente, polo Partido Popular; Ana Ermida, polo Bloque Nacionalista Galego; e Mari Carmen Veiga, polo Partido Socialista Obreiro Español. Os tres cabezas de lista teñen de prazo até este sábado para confirmar a súa presenza no debate.

A proposta xurdida das asociacións para a celebración dun debate público en Barreiros entre os cabezas de lista das tres formacións políticas que se presentan ás eleccións do 24 de maio non para de sumar apoios. 23 asociacións do Concello confirmaron a súa presencia neste debate, na que dirixirán preguntas ás tres persoas que aspiran a ostentar a alcaldía nos vindeiros 4 anos.

As asociacións promotoras, entre as que se atopan asociacións de veciños de distintas parroquias, como as de San Cosme, San Miguel, Vilamar, San Xusto, A Rilleira, Vilamartín Pequeno ou Celeiro, asociacións culturais como Ollomao, O Arco da Vella e Santo Estevo, a Asociación de Comerciantes, a ANPA do Colexio de San Miguel, os clubes de fútbol Celta Barreiros e Iberia, a asociación de gandeiros Barreiros Leite e outras de carácter social ou deportivo, invitan “ás demais asociacións de Barreiros, todas sen excepción, a sumarse a esta iniciativa democrática” que suporía “a celebración do primeiro debate na historia de Barreiros”.

As asociacións que aínda non confirmaron a súa asistencia no debate poden facelo até o mércores da vindeira semana contactando con algunha das asociacións participantes e deste xeito terán a oportunidade de trasladar ás tres forzas políticas os problemas ou preguntas dos seus veciños ou asociados. Todas as asociacións terán tamén até ese día, o mércores 6, para enviar o seu listado de preguntas e temas a tratar no debate, até un máximo de tres por asociación.

“Debate público e absolutamente imparcial”

O movimento asociativo de Barreiros fai a través desta iniciativa un chamamento a prol da “a participación veciñal directa na toma de decisións que afectan ao ben común” por considerar que “esa é a base da democracia real” e, por iso, queren que os cabezas de lista das distintas formacións políticas expliquen á cidadanía as súas propostas neste debate do día 15, que será aberto e ao que poderán asistir todas as persoas que o desexen.

As 23 asociacións participantes xa na iniciativa insisten en que o debate será “público, aberto e absolutamente imparcial”. “Co gallo da celebración, o vindeiro 24 de maio, de eleccións municipais e co obxectivo fundamental de que a cidadanía coñeza as propostas das distintas formacións políticas para o concello de Barreiros, consideramos imprescindible que se realice un debate público en Barreiros cos tres grupos políticos que presentan candidatura ás próximas eleccións municipais do 24 de maio nun espazo no cal se respecten as normas establecidas pola Xunta Electoral para os debates públicos, a saber: respeto é igualdade nos tempos de intervención e respecto nos turnos en función do número de votos obtivos por cada partido político nas anteriores eleccións”, explican as asociacións na carta entregada esta mañá aos cabezas de lista das tres formacións políticas.

O debate estará moderado por dous xornalistas da comarca, Pablo Villapol, de EL PROGRESO, e María Cuadrado, de LA VOZ DE GALICIA.

“Obriga democrática dos candidatos para cos veciños e veciñas”

Na carta entregada hoxe a Alfonso Fuente, Ana Ermida e Mari Carmen Veiga, as asociacións convidan aos cabezas de lista de PP, BNG e PSOE a tomar parte neste debate “como unha obriga democrática para cos seus veciños e veciñas, que teñen dereito de coñecer de primeira man as propostas de cada partido”.

Para o movimento asociativo de Barreiros, este debate, é “un complemento imprescindible aos mítines electorais que poidan organizar os distintos partidos políticos”, un acto público “no cal a cidadanía teña a posibilidade de coñecer e confrontar de primeira man as propostas dos tres grupos políticos”.

Sería a primeira vez que se celebra un debate electoral no concello de Barreiros entre as distintas formacións políticas que se presentan á alcaldía. As asociacións promotoras destacan que se trata dunha iniciativa “a prol da transparencia, a pluralidade, a cultura democrática e a participación veciñal na vida do Concello”.

ADXÚNTANSE AS CARTAS ENTREGADAS AOS TRES GRUPOS POLÍTICOS E LISTADO DAS ASOCIACIÓNS QUE PARTICIPAN NA INICIATIVA

https://dub125.mail.live.com/mail/ViewOfficePreview.aspx?messageid=mgp278iS7v5BGqoQAiZMHVng2&folderid=flinbox&attindex=1&cp=-1&attdepth=1&n=23216897

https://dub125.mail.live.com/mail/ViewOfficePreview.aspx?messageid=mgp278iS7v5BGqoQAiZMHVng2&folderid=flinbox&attindex=2&cp=-1&attdepth=2&n=55500278

https://dub125.mail.live.com/mail/ViewOfficePreview.aspx?messageid=mgp278iS7v5BGqoQAiZMHVng2&folderid=flinbox&attindex=3&cp=-1&attdepth=3&n=77731502

Polémico pleno en Barreiros, con insultos y tensión, en el que se trató el expediente a Ana Ermida

El alcalde dio cuenta en la sesión de anoche sobre la supuesta infracción urbanística a la edil y alcaldable del BNG

JOSÉ ALONSO BARREIROS / LA VOZ, 28 de abril de 2015. Actualizado a las 05:00 h. 0

Todo apuntaba a que el de ayer en Barreiros iba a ser un pleno acalorado. En los últimos días la cuerda se había tensado con un cruce de declaraciones. El meollo estaba en que el alcalde, Alfonso Fuente (PP), iba a dar cuenta de la apertura de un expediente por una supuesta infracción urbanística a la edil nacionalista y candidata a las elecciones de mayo Ana Ermida. Y así lo hizo, con la sala llena de público. En rigor se trataba de dar cuenta, por lo que no cabían preguntas. Pese a ello, los dos ediles del BNG, Ana Ermida y Antonio Veiga, lo intentaron. Querían que el alcalde explicase su proceder, pero Fuente levantó la sesión y fue entonces cuando la tensión más o menos contenida rebosó. Ana Ermida acudió al alcalde reprochándole que diese datos personales, y que por lo tanto son privados, de familiares suyos involucrados en el expediente urbanístico. Fuente ya había dado las que creía sus explicaciones, y no respondió. Entonces quien explotó fue Antonio Veiga, y no dudó en señalar al alcalde y a los concejales del PP acusándoles de actuar como sinvergüenzas.

Sinvergüenzas

«

Díxenlle á secretaria que si quería que o fixera constar en acta, porque eu me reafirmo no que dixen. Levo moitos anos en corporacións en Barreiros, con varios alcaldes, e nunca vin unha forma de actuar, de sinvergüenzas, como a de agora. E reafírmome no que dixen, que si esta é a campaña que queren, enlamada, a nós non nos da medo

», manifestaba Antonio Veiga al término del pleno.

Lo que más mal sentó en el BNG fue que el alcalde informase con pelos y señales del expediente mientras en el caso de otro abierto al teniente de alcalde, José Manuel Gómez Puente (PP), que sí requirió de un expediente de reposición de la legalidad, no informó públicamente de ello. «Aquí hai un expediente que poden consultar os membros da corporación, pero que non é público. Que se fale delo, con todo tipo de detalles, con nomes e apelidos, cando non se sabe como vai acabar, é indignante», manifestaba Antonio Veiga.

Pero el alcalde, Alfonso Fuente, lo ve de otro modo. Si bien dijo que le gustaría considerar todo una anécdota propia de la tensión de la inminencia de la campaña electoral, «ser obxecto de increpacións moi graves, que nos insulten, que nos chamen sinverguenzas, pois non deixa de ser lamentable, e mais vindo de alguén que é vicepresidente da Deputación». Y añadió: «Abrimos o expediente porque trátase de infraccións urbanísticas en solo urbano por posibles obras sen licenza. Fíxose unha investigación e comprobouse que podía haber dúas vivendas cando solo se permite unha. Haberá que analizar e de aí sairá unha resolución e no informe xurídico ditaminarase ata onde hai que chegar. O 24 haberá unha nova corporación e será a que seguirá adiante con este asunto».

Fuente Parga informó también del informe de la arquitecta municipal en el que analiza las supuestas infracciones urbanísticas de las que fue denunciada Ana Ermida en el año 2012 por un promotor, concluyendo que hay dos muy graves, tres graves y tres leves. El alcalde recurrió a la secretaria municipal durante el pleno para que diese cuenta de que podría haber incurrido en un caso de prevaricación de no haber ordenado elaborar un informe a raíz de la denuncia y, a la vista de su resultado, incoar un expediente por supuestas irregularidades urbanísticas.

El adiós de Longarela

El edil socialista, Benito Longarela, sentenció: «

Como último pleno meu sentinme decepcionado. Isto víase vir, pero despois de ver o que vin hoxe case me alegro de irme da política»

Unha ducia de asociacións de Barreiros propoñen a celebración dun debate público sobre o Concello

Unha ducia de asociacións de Barreiros propoñen a celebración dun debate público sobre o Concello

Barreiros, 27 de abril de 2015.

 O movimento asociativo de Barreiros fai un chamamento a prol da celebración dun debate público sobre o Concello entre as formacións políticas que se presentan ás eleccións do 24 de maio. Consideran que “a participación veciñal directa na toma de decisións que afectan ao ben común é a base da democracia” e, por iso, queren que os cabezas de lista das distintas formacións políticas expliquen á cidadanía nun debate “público, imparcial e aberto” as súas propostas.

As asociacións promotoras, entre as que se atopan asociacións de veciños de distintas parroquias, como as de Vilamar, San Xusto, A Rilleira ou Celeiro, asociacións culturais como Ollomao e Augas Santas, a Asociación de Comerciantes e outras de carácter social ou deportivo, invitan “a todas as asociacións de Barreiros sen excepción a sumarse a esta iniciativa”. Para iso, convocan a unha reunión que se celebrará este mércores, 29 de abril, ás 21:00 horas no Centro Sociocultural Manuel Díaz Sampedro de San Cosme, coa finalidade de escoller unha comisión organizadora e propoñer data e lugar para a celebración do debate.

Para esta reunión están sendo avisadas todas as asociacións de Barreiros a través dunha carta na que se explica que “co gallo da celebración, o vindeiro 24 de maio, de eleccións municipais e co obxectivo fundamental de que a cidadanía coñeza as propostas das distintas formacións políticas para o concello de Barreiros, propoñemos que se realice un debate público en Barreiros cos tres grupos políticos que presentan candidatura ás próximas eleccións municipais do 24 de maio” e a través da cal se convida a sumarse e tomar parte desta iniciativa.

“Obriga democrática dos candidatos para cos veciños e veciñas”
Unha vez acordado entre as distintas asociacións na reunión deste mércores o lugar de celebración, o día e a hora do debate, as asociacións convidarán aos cabezas de lista de PP, BNG e PSOE a tomar parte “como unha obriga democrática para cos seus veciños e veciñas, que teñen dereito de coñecer de primeira man as propostas de cada partido”.

Para o movimento asociativo de Barreiros, este debate, “de carácter público e absolutamente imparcial”, é plantexado “como un complemento imprescindible aos mítines electorais que poidan organizar os distintos partidos políticos, no cal a cidadanía teña a posibilidade de coñecer e confrontar de primeira man as propostas dos tres grupos políticos, nun espazo no cal se respecten as normas establecidas pola Xunta Electoral para os debates públicos, a saber: respeto é igualdade nos tempos de intervención e respecto nos turnos en función do número de votos obtivos por cada partido político nas anteriores eleccións”.

Sería a primeira vez que se celebra un debate electoral no concello de Barreiros entre as distintas formacións políticas que se presentan á alcaldía. As asociacións promotoras destacan que se trata dunha iniciativa “a prol da transparencia, a pluralidade, a cultura democrática e a participación veciñal na vida do Concello”.

Iniciativa plural que parte de distintos ámbitos
Para facilitar a comunicación entre as distintas asociacións sobre esta iniciativa foi creada a conta de correo electrónico [email protected]. Á reunión deste mércores en San Cosme están convocadas as asociacións de veciños de todas as parroquias, asociacións do ámbito social, cultural e deportivo existentes no Concello, as ANPAS dos colexios, asociacións de mulleres, de gandeiros, de cazadores, etc.

A adhesión a esta iniciativa por parte dunha asociación ou colectivo suporá ter a posibilidade de aportar temáticas, propostas ou preguntas a plantexar en dito debate, para que sexan respondidas polos tres grupos políticos, de maneira que as distintas asociacións poñan sobre a mesa “os problemas, necesidades e propostas dos veciños e veciñas das distintas parroquias, así como nos ámbitos aos que pertencen as asociacións participantes”.

 

ANA ERMIDA PRESENTOU A CANDIDATURA DO BNG-ASEMBLEAS ABERTAS

ANA ERMIDA PRESENTOU A  CANDIDATURA DO BNG-ASEMBLEAS ABERTAS ARROUPADA POLOS ALCALDES DE RIBADEO, MONDOÑEDO E RIOTORTO, AOS QUE PON DE EXEMPLO DE CÓMO SERÍA UN GOBERNO DO BLOQUE EN BARREIROS

No acto interviron tamén outras persoas da candidatura que representaban a mocidade, a loita pola recuperación dos espazos naturais, o emprego precario ou a situación do sector lácteo galego.

A candidata nacionalista acusa ao alcalde de “gobernar para si e os seus amigos os construtores e non para os veciños e veciñas de Barreiros” e de “querer calar ao BNG con extorsións ao máis puro estilo siciliano”01

Barreiros, 25 de abril de 2015.- A candidata do BNG á alcaldía de Barreiros, Ana Ermida, pon a Ribadeo, Mondoñedo e Riotorto de exemplo do que sería o Goberno municipal do Concello de Barreiros se estivese gobernado polo Bloque. O acto de presentación da candidatura nacionalista, celebrado onte pola noite no Centro Sociocultural de San Cosme, estivo arroupado polos tres alcaldes nacionalistas da comarca, Fernando Suárez, Orlando González Cruz e Federico Gutiérrez, aos que Ana Ermida puxo de “exemplo de alcaldes ao servizo dos seus veciños e veciñas”.

“Nós queremos que o Concello de Barreiros sexa un concello da xente, das veciñas e veciños, e non de quen veu destruír o noso concello e que só querían e seguen querendo gañar cartos, sen importarlles para nada as veciñas e veciños de Barreiros. Queremos que Barreiros sexa coma Ribadeo, coma Riotorto e coma Mondoñedo, que teñen alcaldes do Bloque que defenden aos seus veciños e veciñas e gobernan ao seu servizo. Non fan coma o alcalde de Barreiros, que goberna para si e os seus amigos”, afirmou Ana Ermida.

A candidata nacionalista acusou ao actual alcalde de “non ter feito nada nestes catro anos” e de “endebedar ao Concello”. “O Concello de Barreiros é o que máis débeda por habitante ten de toda Galiza e iso non é porque se fixeran moitas cousas e haxa moitos servizos, é porque o PP gobernou para os amigos e hipotecou ao Concello para os vindeiros 20 anos”, denunciou.02

“Ese é o modelo do PP. O modelo do despilfarro, do gasto do diñeiro de todos en comprar vontades por un puñado de votos, o modelo do amiguismo, o caciqueo, os asfaltados ata as portas e a 3 semanas das eleccións. Calquera persoa con un mínimo de conciencia sinte vergoña allea de ver o que se leva feito neste concello e o que se está a facer”, afirmou.

“Pero está nas mans de todas as veciñas e veciños de Barreiros que isto cambie, facer que o Concello deixe de ser a Cosa Nostra  e empeze a ser cousa de todas e todos os veciños. E para que o concello cambie só se pode facer unha cousa, apoiar o cambio o día 24 de maio”, afirmou a cabeza de lista do Bloque.

Usar as institucións para atacar aos rivais políticos

Ana Ermida acusou ao alcalde de facer “política indecente e sen escrúpulos, usando as institucións para atacar aos rivais políticos”. “Usan o Concello, que pagamos todas e todos, para atacarnos porque lles molesta que denunciemos as súas políticas urbanística. Pero que saiban que non nos van calar, nin coas súas ameazas nin coa apertura de investigacións a un mes das eleccións”, anunciou a cabeza de lista do Bloque. “O BNG non ten nada que ocultar e por iso fomos nós mesmos os que decidimos facer públicas as actitudes chantaxistas e mafiosas deste alcalde e a súa pandilla, que actúan coma se de matóns se tratase”, criticou.

“Abren unha investigación, é dicir, piden información sobre unhas obras feitas hai 6 anos e denunciadas no ano 2012 nada menos que por Xabier Díaz, ese promotor imputado en múltiples casos urbanísticos, que constrúe en solo rústico, que desgracia o entorno dun edificio emblemático coma os colexios vellos de San Miguel e que destrúe un acceso aos colexios coa súa obra que despois o señor alcalde amaña con cartos de todos e todas.  Ese é o amigo do alcalde e do PP de Barreiros, ao que premia con traballos varios para o Concello. E esa é a mafia urbanística que se instalou en Barreiros e que campa ás súas anchas coma se se tratara da mesma Sicilia, eses son os que marcan o ritmo deste Concello”, explicou Ana Ermida.03

A lista do BNG, a mellor de cantas se presentan

Ademais da cabeza de lista tamén interviron no acto outras persoas da candidatura, como Belén Fernández Soto, mestra; Diego Vizoso, estudante e que, con 21 anos, é a persoa máis nova da candidatura; Lucía Pérez, que representando á mocidade emigrada, enviou un video desde Perú; Dámaso Ratoeira, axente forestal e activista na recuperación do Santo Estevo do Ermo; Marta Castrillón, “enfermeira por vocación e traballadora do comercio por obligación”, tal e como ela mesma se presentou e Cándido Álvarez, que expuxo a situación pola que está atravesando o sector gandeiro en xeral e o leiteiro en particular e as alternativas que podería haber.

“Presentamos un equipazo que teño a honra e a responsabilidade de encabezar, no que, como xa vístedes, dá igual comezar por diante que por detrás. No que as persoas van polo que valen e non polo que costan”, afirmou Ana Ermida, que destacou que “o Bloque é garantía de seriedade e honradez en Barreiros e de que o Concello sempre estará ao servizo de todos os veciños e veciñas e non de intereses persoais e particulares”.

Candidatura de xente moza xunto a persoas con experiencia

Os nacionalistas, que se presentan baixo a fórmula BNG-Asembleas Abertas, presentan en Barreiros unha candidatura paritaria formada por 8 homes e 8 mulleres e na que dan entrada a 10 persoas independentes, das que 9 nunca antes tomaran parte dunha lista electoral “porque cremos que a política municipal é cousa de todas e todos e non é necesario ter carnet de ningunha organización para aportar, construír e traballar polo ben común”, afirmou Ana Ermida.

Logo da actual portavoz municipal, Ana Ermida, de 31 anos e licenciada en Dereito, e do vicepresidente da Deputación, Antonio Veiga, integran a lista como número 3 Montse Porteiro, diplomada en Enfermería na Unidade de Diálise do Hospital da Costa, e Dámaso Ratoeira Basanta, axente medioambiental e veciño de San Cosme, como número 4.

Como número 5 irá María Belén Fernández Soto, mestra e veciña de San Miguel, como número 6 Cándido Álvarez Veiga, gandeiro da Rilleira, e como número 7 Marta Castrillón, de 25 anos e traballadora do sector do comercio. A lista complétana Daniel García, Xoán Antonio Fernández Sante, Aurora Moreira Bermúdez, Diego Vizoso, Cristina González, Xoán Manuel Díaz Branco, Lucía Pérez García, Olga Villarino e Xesús Díaz.

El urbanismo en el municipio sigue dando problemas

La licencia solicitada por Ana Ermida data del año 2008 y le fue concedida en el Concello. La obra la hizo al año siguiente, aunque la denuncia de Xavier Díaz llegó tres años más tarde. Díaz fue presidente de la Asociación de Promotores de Barreiros (Aprobar) y presentó la denuncia contra una serie de particulares, gran parte de ellos vinculados al colectivo surgido unos años antes llamado ‘Máis talento e menos cemento’ que durante un tiempo denunció lo que consideraban un urbanismo desmedido en el municipio. La denuncia contra la obra realizada en la propiedad de Ermida se presentó ante la Axencia de Protección da Legalidade Urbanística, que al no ser la competente para instruirla la remitió al Concello. Allí estuvo hasta que se realizó un informe en el año 2012 por una técnico municipal y después Ermida asegura que no se hizo nada hasta que ahora se llevará a pleno.

Sin debate

El expediente contra Ana Ermida se tratará en el pleno como una resolución de la alcaldía. Esto significa que simplemente se da cuenta de ella y ni se comenta ni se debate. Al tratarse de una sesión plenaria extraordinaria tampoco habrá el capítulo de ruegos y preguntas.