O BNG DE BARREIROS COMPROMETE “MAIOR ATENCIÓN Á ZONA INTERIOR DO CONCELLO” E “APOIO CLARO AOS SECTORES AGROGANDEIRO E FORESTAL”

A cabeza de lista do BNG, Ana Ermida, afirma que “os veciños e veciñas de Vilamar, Cabarcos, San Xusto, Gondán, A Rilleira, Vilamartín ou a Insua tamén pagan impostos e teñen dereito a uns servizos iguais aos de San Miguel ou San Cosme”

O Bloque propón crear unha rede de transporte entre as distintas parroquias, a xestión forestal conxunta, habilitar cargadeiros para a madeira e depósitos contra incendios, apoiar aos gandeiros na venda do leite e poñer en marcha un sistema de recollida de plásticos agrícolas, deseñar un plan de mantemento continuo das pistas e viais municipais e iniciar o saneamento nas parroquias do interior do concello

Barreiros, 19 de maio de 2015.- O Bloque Nacionalista Galego defende a “igualdade de trato” para os veciños e veciñas das parroquias do interior do concello de Barreiros con respecto aos das parroquias costeiras. Nunha reunión con veciños onte en San Xusto, a candidata do BNG á alcaldía de Barreiros, Ana Ermida, afirmou que “os veciños e veciñas de Vilamar, Cabarcos, San Xusto, Gondán, A Rilleira, Vilamartín ou A Insua pagan os seus impostos igual que os de San Cosme ou San Miguel, así que teñen dereito a ter os mesmos servizos”.

Ana Ermida explicou en San Xusto que o Programa de Goberno do BNG para Barreiros inclúe unha serie de medidas para “dinamizar as parroquias do interior do concello e dotalas dos mesmos servizos que as da costa”. Neste sentido, unha das principais propostas do Bloque é “a creación dunha rede de transporte que conecte as distintas parroquias do concello e permita aos veciños e veciñas das parroquias do interior desprazarse a San Cosme para acudir ao médico, ao banco ou a calquera dos servizos existentes na capital do Concello”. O Bloque tamén propón “achegar servizos ás parroquias do interior, como actividades, para o que propoñen “usar a rede de escolas, teleclubs e locais sociais existente” en cada parroquia.

Fomento do cooperativismo e diversificación do sector agrario

Para o BNG “o sector agrogandeiro e forestal segue tendo un importante peso en Barreiros e o Concello non lle presta neste momento nin a máis mínima atención”. “Fuente Parga parece que só pensa no turismo”, afirma Ana Ermida. Pola contra, o BNG propón realizar un plan de fomento e información sobre cooperativismo, emprego e desenvolvemento local que inclúa un servizo de asesoramento técnico e formación para a mellora e diversificación dos sectores agrario, forestal e marisqueiro. Ana Ermida propón servizos específicos para os gandeiros do concello, como a posta en marcha dun servizo de recollida municipal de plásticos agrícolas, que xa existen noutros concellos gobernados polo Bloque, como por exemplo en Ribadeo.

Os nacionalistas propoñen tamén a promoción dos produtos locais (leite, horta, etc.) en mercados de proximidade e como reclamo turístico, así como a creación dunha marca de calidade propia para promocionar os produtos propios e o concello e promoveranse e apoiaranse feiras e mercados, ou aquelas outras iniciativas innovadoras que faciliten a comercialización da produción local do sector primario. En definitiva, resume Ana Ermida, “poñer o Concello ao servizo das reivindicacións das produtoras e produtores para presionar na consecución de prezos xustos para os seus productos”.

Aproveitamento do monte e revitalización do sector marisqueiro

O BNG inclúe tamén no seu Programa de Goberno para Barreiros o “apoio a alternativas económicas para fomentar o aproveitamento do monte e do mar como oportunidade laboral (apicultura, froitos silvestres, algas, etc)”, con medidas como “a explotación da ría como alternativa económica e laboral, ligada ao marisqueo” ou a “xestión forestal conxunta, con mantemento e apertura de novas pistas forestais e habilitar cargadeiros para a madeira nas pistas para facilitar a saca”.

Mantemento continuado das pistas e viais municipais

O Bloque acusa ao actual alcalde, Alfonso Fuente, de ter “abandonadas as parroquias do interior, coas pistas nun estado lamentable por falta de conservación e desidia por parte do Concello”. Por iso, o BNG propón “o mantemento continuo das vías municipais e a elaboración dun Plan de reasfaltado en base a unha planificación e priorización previas e non en base a criterios de amiguismo do alcalde”.

Os nacionalistas propoñen tamén dotar ás parroquias do interior doutros servizos, como o inicio do saneamento e a mellora do servizo de abastecemento de auga. Tamén propoñen a construción de bocas de auga e depósitos contra incendios e dotar de tomas de auga e luz os cemiterios municipais.

Mitin central mañá mércores en San Cosme

O BNG de Barreiros celebra mañá mércores ás nove da noite o seu mitin central de campaña no centro sociocultural de San Cosme, coa do deputado do BNG no Parlamento Galego, Cosme Pombo, a candidata a alcaldía de Barreiros, Ana Ermida, e o vicepresidente da Deputación, Antonio Veiga.

FUENTE PARGA DESMINTE AS ACUSACIÓNS REALIZADAS POLO BNG NAS QUE ASEGURA QUE O CONCELLO TEN UNHA DÉBEDA DE 5,5 MILLÓNS DE EUROS. O ALCALDE ASEGURA QUE OS VECIÑOS E AS VECIÑAS QUEREN UN GOBERNO SERIO, RESPONSABLE E QUE SAQUE A BARREIROS ADIANTE.

Barreiros, 19 de maio de 2015. O alcalde, Alfonso Fuente, desminte as acusacións realizadas polo BNG nos mitins destes días. O rexedor di que é falso que o Concello teña unha débeda de 5,5 millóns de euros e subliña que Barreiros non se merece unha oposición desa talla política. Para Alfonso Fuente en campaña non todo vale e engade que o que queren os veciños e as veciñas de Barreiros é un goberno serio, responsable, que non minta e que faga cousas no seu pobo.

O rexedor considera que “chegamos a un extremo onde hai xente que pensa que en campaña electoral vale todo e eu son dos que digo non é así. Hai que ser serios e responsables, sobre todo diante dos veciños, porque aínda que sexamos representantes políticos tamén somos veciños. Digo isto porque hoxe volvemos ver como o Bloque Nacionalista Galego cifra en 5,5 millóns de euros a débeda do Concello de Barreiros. Ata a propia secretaria interventora do Concello se sorprendía, porque iso é mentira e xa tivemos que desmentir isto en varias ocasións, pero seguen na mesma, dicindo que o Concello debe isto, que está endebedado. Pero o Concello ten un préstamo de menos da metade do que din, concretamente de 2,5 millóns de euros. É unha débeda que vai ir pagando como calquera veciño que saca un préstamo. O Concello para facer fronte a infraestruturas, a mellora da rede de saneamento de abastecemento, fixo investimentos que se costearon cun préstamo”.

Fuente Parga sorpréndese “cando din que os votantes do Partido Popular no 2011 están avergonzados do seu alcalde. Que non lle preocupe isto ao BNG, porque aos veciños e veciñas de Barreiros o que lles preocupa é ter unha oposición que minte. Iso si lles preocupa moito, porque estes días cando estamos a visitar aos veciños e lles rebatemos con papeis o que eles vociferan nos mitins, como se soe dicir papeis calan bocas, entón a xente decátase das mentiras que andan contando nos mitins. E iso é moi triste, porque eu creo que Barreiros non se merece unha oposición desta talla, unha oposición á que parece que lle vale todo, pero en política non vale todo”.

O alcalde barreirense cre que “os veciños e veciñas de Barreiros o que queren é un goberno serio, responsable, que non lles minta e que vaia facendo as cousas e sacando Barreiros adiante, como viñemos facendo estes anos: mantendo os servizos e non prometendo, como está a facer a señora Ana Ermida, e poñendo como exemplo Concellos onde goberna o Bloque, anda dicindo que vai facer unhas cousas que logo resulta que nos municipios onde goberna o BNG non as fai. Nin presupostos participativos, nin colaboración con asociacións, nin nada diso se fai nos Concellos onde goberna o Bloque. Polo tanto os veciños e veciñas de Barreiros non poden crer a esta señora, porque nos pon como exemplo Concellos onde non fan o que eles din que van facer en Barreiros. Polo tanto non ten credibilidade e iso é o que lamento”.

Alfonso Fuente Parga engadiu: “neste momento, como representante de todos os veciños e veciñas ata o día 24, evidentemente teño que defender os intereses de todos os veciños e o que non podemos consentir é unha oposición que está mentindo, aínda que sexa en campaña electoral, porque non vale todo”.

Alfonso Fuente: “os políticos da oposición non teñen propostas para Barreiros, limítanse á critica”

15-05-15

Barreiros, 15 de maio de 2015.- O candidato á alcaldía polo Partido Popular en Barreiros e actual alcalde, Alfonso Fuente Parga, esbozou no mitin deste venres o seu compromiso co concello, mentres que, pola contra, os políticos da oposición “non teñen propostas para Barreiros, limítanse a criticar a labor do alcalde”.

Segundo o alcaldable popular “están en contra de todo, realmente non sabemos se queren traballar por Barreiros ou non. Non lles gusta o turismo, non lles gustan os servizos sociais, non lles gustan os colexios, nin a gardería…”.

Así o puxo de manifesto o candidato popular durante o mitin celebrado no Asador de Barreiros e no que participaron tamén o Conselleiro de Educación, Román Rodríguez, e o secretario xeral do PP lucense, José Manuel Balseiro.

Fuente Parga reiterou o seu compromiso de que continuará a traballar para sacar adiante propostas de importante demanda en Barreiros, ao igual que fixo durante estes anos. Entre as actuacións materializadas ás que referiu atópanse: melloras no abastecemento de auga e en redes de saneamento, posta en marcha do ximnasio municipal, mantemento da gardería ou o servizo de axuda no fogar sen lista de espera.

Balseiro pide o voto para Fuente Parga
Pola súa banda, o secretario xeral dos populares lucenses, José Manuel Balseiro, pediu o voto para Alfonso Fuente Parga e argumentou que o Partido Popular é o único comprometido co municipio e o que maior esforzo inversor está a realizar en Barreiros.

Ademais da boa xestión a nivel local; Balseiro revelou o forte compromiso da Xunta de Galicia co municipio, que investiu nesta localidade máis de 15 millóns de euros dende 2009, o que supón preto de 18 veces máis ca achega da Deputación (850.000 euros).

Balseiro criticou que a Deputación de Lugo co PSOE e co BNG á cabeza non existira durante estes anos para Barreiros, ata o punto de que, por exemplo, estímase que a débeda en materia de servizos sociais (cuxo responsable, Antón Veiga, é o número dous da lista do BNG en Barreiros) ronda os 200.000 euros.

Román Rodríguez alaba las inversiones realizadas por la Xunta en Cervo y Barreiros

El conselleiro de Educación apoyó las candidaturas de Villares y Alfonso Fuente en sus municipios como una “garantía de estabilidad”

Sábado 16 de Mayo de 2015 | P. V. | A Mariña

El conselleiro de Educación, Román Rodríguez, se desplazó ayer a la comarca mariñana para apoyar las candidaturas de Alfonso Villares en Cervo y de Alfonso Fuente en Barreiros. En ambos municipios citó a las opciones que representa el Partido Popular como las que pueden aportar más estabilidad al municipio y por consiguiente conseguir mejores resultados para sus vecinos.

En el concello cervense Rodríguez estuvo acompañado también del número dos de la candidatura del PP, José Manuel Balseiro, quien en ese aspecto indicó que «cos datos na man, a Xunta achegou ao municipio un investimento de 39 millóns de euros fronte ós 728.000 da Deputación».

O BNG PROPÓN QUE O CONCELLO HABILITE UN LOCAL PÚBLICO PARA PEQUENAS EMPRESAS E PERSOAS AUTÓNOMAS EN BARREIROS

A cabeza de lista do Bloque, Ana Ermida, acusa ao candidato do PP de “vender fume co polígono industrial antes das eleccións” e pregunta “se hai algún interese persoal nesta operación con unha empresa do  sector do transporte?”

A candidata nacionalista continúa visitando aos veciños e veciñas de todas as parroquias e afirma que “se o alcalde non sabe ou non quere atender o Concello que deixe o posto e se centre nos seus negocios privados, que son dos realmente se ocupa”

Barreiros, 14 de maio de 2015.-  O BNG de Barreiros propón no seu programa medidas de axuda a persoas autónomas e pequenas empresas, entre as que se inclúe a adecuación dun local municipal como local de oficinas, “facilitando o asentamento de empresas en Barreiros e axudando ao tecido que xa existe no concello.”

A candidata do BNG á alcaldía de Barreiros, Ana Ermida, asegura que “o concello debe servir para axudar ás veciñas e veciños e, neste caso, ás persoas autónomas ou pequenas empresas. O que non pode ser é outro problema máis, como está sendo actualmente, acumulando meses de retraso nos pagos.”

O BNG- Asembleas Abertas propón tamén aproveitar e apoiar aos sectores produtivos do concello, como o forestal, o gandeiro ou o marisqueiro. Neste sentido, a formación nacionalista propón unha oficina de asesoramento para estes sectores na que poder informarse e formarse con apoio técnico.

“Destas cuestións é das que ten que preocuparse un goberno municipal e non de atender máis aos seus negocios privados que ás necesidades da veciñanza. A xente sabe que en Barreiros é máis fácil atopar a Alfonso Fuente na xestoría que ten ao lado do concello ou recorrendo casas para buscar clientes que no despacho do concello ou recorrendo casas preocupándose polos problemas das veciñas e veciños”, aseguran.

A candidata do Bloque, que segue recorrendo as distintas parroquias do concello e reuníndose cos veciños e veciñas, afirma que “se Alfonso Fuente non sabe ou non quere atender o Concello, o mellor que pode facer é deixar o posto e centrarse nos seus negocios privados, que son realmente os que lle preocupan”. Ana Ermida acusa a Fuente Parga de “mirar só por si e non polo interese xeral do Concello nin polo dos veciños e veciñas”.

Por iso, Ana Ermida invita a todas as persoas que votaron ao Partido Popular nas últimas eleccións a “reflexionar” sobre “se este é o tipo de alcalde que queren para Barreiros, un alcalde que só mira por sí e os seus negocios sen importarle para nada os veciños e veciñas”.

Onde se vai instalar a empresa vasca?

A candidata do Bloque acusa tamén a Fuente Parga de “vender fume antes das eleccións co polígono industrial” e pregúntalle “en que parcela do polígono se vai instalar a empresa vasca que anunciou porque segundo os datos de Xestur, no polígono de Barreiros só quedan dispoñibles 6 parcelas salteadas e de pequenas dimensións, polo que parece pouco probable que nelas se poida instalar un gran grupo loxístico, como tentou vender o alcalde”. O BNG pregunta tamén polo saneamento do polígono e o funcionamento da depuradora, xa que “a primeira obriga do Concello é ter un polígono con todos os servizos para poder promocionalo.”

Ana Ermida lembra que hai catro anos Fuente Parga anunciou para o polígono “unha empresa sueca da que nada máis se soubo” e teme que desta volta aconteza o mesmo unha vez pasadas as eleccións. En todo caso, pregúntalle ao alcalde “se existe algún interese ou relación persoal ou familiar con esta empresa relacionada co sector do transporte?”.

O BNG segue recorrendo as parroquias e reuníndose cos veciños e veciñas

O Bloque Nacionalista Barreiros está a desenvolver unha campaña electoral “moi intensa” en Barreiros na que está a participar a candidata á alcaldía, Ana Ermida, o vicepresidente da Deputación, Antonio Veiga, e toda a candidatura. Os nacionalistas están a percorrer estes días parroquia a parroquia para reunirse cos veciños e veciñas. Onte estiveron en San Pedro de Benquerencia, hoxe estarán en San Miguel de Reinante e o domingo estarán en Celeiro de Mariñaos, onde o Bloque organiza un acto público con xantar e música.

Mañá venres, o BNG de Barreiros reúnese no centro social Manuel Díaz Sampedro de San Cosme con asociacións para lles presentar as súas propostas para o Concello e responder ás súas preguntas. Este acto, ao que están convocadas todas as asociacións do Concello, ten lugar despois de que o alcalde se negara a acudir a un debate solicitado e organizado por 23 asociacións do concello para coñecer de primeira man as propostas das tres formacións políticas que se presentan ás eleccións o día 24. Ana Ermida di que negándose a acudir ao debate, Fuente Parga demostrou a súa “cobardía”. “Non se atreve a debater co Bloque”, afirma.

(NOTA: FOTOGRAFÍA DO ACTO DO BNG ONTE EN SAN PEDRO DE BENQUERENCIA)

O BNG acusa a Alfonso Fuente de “xogar coas necesidades da xente” e “traficar con postos de traballo do Concello”

Barreiros, 11 de maio de 2015

A candidata do BNG á alcaldía de Barreiros, Ana Ermida, acusa ao candidato do PP, Alfonso Fuente, de “non ter escrúpulos á hora de xogar coas necesidades da xente” por “andar prometendo postos de traballo a persoas que están no paro e necesitadas de ingresos”.

“Queremos avisar aos veciños e veciñas de Barreiros de que o alcalde anda estes días prometendo postos de traballo a todo o mundo, pero engana a esas persoas as que llo promete, porque o mesmo posto de traballo estallo prometendo a 20 persoas diferentes, así que estamos diante dunha auténtica estafa política”, denuncia a candidata do Bloque.

Ana Ermida pide a estas persoas “que non se deixen enganar” porque “o Concello de Barreiros debe máis de 3 millóns de euros e viuse obrigado a recurir a un Plan Financieiro, polo que non está en condicións de andar contratando a todas as persoas ás que llelo está prometendo o alcalde estes días. Estaos enganando”, afirma.

A candidata do Bloque achaca este comportamento “desesperado” de Alfonso Fuente “ao seu nerviosismo”. “Non lle dan as contas e anda desesperado en busca de votos estes días, sen importarlle enganar á xente”, afirma Ana Ermida, que acusa ao candidato do PP de “traficar cos postos de traballo do Concello”.

“Agora anuncia unha empresa vasca para o polígono, hai catro anos anunciou unha sueca”
Ana Ermida, que esta tarde estará xunto a outros membros da súa candidatura na parroquia de San Miguel de Reinante e ás 9 da noite reuniráse cos veciños e veciñas de Vilamar na escola da parroquia, acusa a Fuente Parga de “vender fume” co anuncio de que unha empresa vasca está interesada en instalarse no polígono industrial de Barreiros. “Hai catro anos anunciou que ía vir unha empresa sueca e ía crear centos de postos de traballo”, lembra a candidata do Bloque.

Ana Ermida di que “hai máis de 10 anos que se fixo o polígono e a día de hoxe a maioría das parcelas están baleiras e o Concello non ten nin Plan de Dinamización para o polígono nin Plan de Desenvolvemento Local”, polo que a candidata do BNG afirma que “Alfonso Fuente non ten moito de que presumir neste aspecto”.

A cabeza de lista do Bloque acusa ao actual alcalde de “preocuparse moito máis nos últimos anos por que se construíran bloques de apartamentos que de que se asentaran empresas que deran traballo á xente de Barreiros”