Archivo de la categoría: Ollomao

Ollomao pon en marcha este sábado “A Lanterna Máxica”

Ollomao pon en marcha este sábado “A Lanterna Máxica”, un obradoiro de literatura, teatro e cinema para nenas e nenos.

Barreiros, 19 de xaneiro de 2015. Este sábado 23 de xaneiro ás 16:00h. en Celeiro de Mariñaos haberá unha presentación da actividade. Posteriormente as nenas e nenos que o desexen poderán quedar a unha primeira sesión de portas abertas para coñecer o obradoiro.

Rubén Pérez e Brian Rodríguez, con experiencia e formación nos campos da interpretación e o audiovisual, son os coordinadores do proxecto “A Lanterna Máxica”, unha actividade que combina as vontades da literatura, o teatro e o cinema para ser ofrecida como alternativa de ocio e cultura, e que chega a Barreiros da man do Colectivo Cultural Ollomao.

Esta actividade deseñada nesta ocasión para a participación de público infantil, preferentemente de entre 6 e 12 anos, está pensada para que as nenas e nenos por medio do xogo coñezan e comprendan textos literarios galegos e o contexto dos mesmos, para tamén por medio do xogo aprender a interpretalos e finalmente adentrarse no mundo do audiovisual sendo protagonistas dunha historia.

“A Lanterna Máxica” será presentada este sábado, 23 de xaneiro ás 16:00h, nas Escolas de Celeiro de Mariñaos. Posteriormente haberá unha sesión de portas abertas á que poden quedar todas as nenas e nenos que desexen coñecer a actividade, tanto de Barreiros como de outros concellos. Só no caso de asistir ás vindeiras sesións, dúas por mes dunha duración de tres horas cada unha, procede o abono do cota mensual de 10€ por participante, non debendo abonar ningún coste no caso de asistir únicamente á sesión de proba deste sábado.

Para asistir á primeira clase de “A Lanterna Máxica” non é preciso inscribirse previamente, máis en calquera caso dende Ollomao agradécese coñecer a intención daquelas nenas e nenos que desexen asistir para ter unha previsión da participación.

Para máis información, dende o colectivo barreirense habilitan dúas canles de contacto,  [email protected]. Para coñecer o proxecto de “A Lanterna Máxica” pode consultarse a páxina de Facebookhttps://www.facebook.com/alanternamaxica.

Expo-subasta de fotografía a favor da Asociación “Ring 14”

barraVer todas las fotos:barra

ExposicionFotos (1)

ExposicionFotos (7)

Expo-subasta de fotografía a favor da Asociación “Ring 14”.
As fotografías expostas no Centro Sociocultural de San Cosme ata o día 29 de novembro foron cedidas pola Asociación fotográfica “Os Negativos” de Viveiro. Todas as obras están á venda coa finalidade de recadar fondos para a asociacióm “Ring 14”, en pro da investigación dunha enfermidade xenética rara derivada de alteracións no Cromosoma 14, e que afecta, entre outras, a Sofía, unha moza veciña de Barreiros.
As persoas interesadas en colaborar con esta asociación e adquirir algunha das fotografías expostas poden facelo puxando por un valor dende 25€, prezo de saída de cada fotografía. Pódese puxar de dúad formas:
– Presencialmente, no horario de apertura da exposición, cubrindo unha tarxeta disposta para tal finalidade.
– Por correo electrónico, escribindo a [email protected], e indicando: título/autor da fotografía pola que se desexa puxar, nome da persoa que realiza a puxa, teléfono de contacto e prezo polo que se puxa.
Cada día actualizarase o prezo de saída de cada fotografía tendo en conta as puxas realizadas no día anterior, e finalmente cada unha delas será asignada á persoa que puxara por un valor máis alto.
Esta exposición permanecerá aberta ata o día 29 de novembro no seguinte horario:

image1Os Negativos apoya a una niña enferma

Metátese Teatro, este domingo nas Escolas de Celeiro de Mariñaos.

Metátese Teatro, este domingo nas Escolas de Celeiro de Mariñaos.teatro

O proxecto teatral Buxiganga da Deputación de Lugo en colaboración co Colectivo Cultural Ollomao trae a Celeiro de Mariñaos a obra “A gran final” do grupo Metátese Teatro de Palas de Rei.

A función terá lugar o domingo 15 de novembro ás 20.00h. nas antigas escolas, cun coste de 2€ por persoa. A peza, dirixida a todos os públicos, mistura o humor e a retranca abordando a temática do deporte profesional, a competición, as grandes estrelas, fracasos e soños.

Esta actividade encóntrase dentro do ciclo de actuacións teatrais programado polo colectivo barreirense para o mes de novembro, tras a estrea da peza “Noite de Reis” do grupo de teatro de Ollomao. Coa finalidade de descentralizar as actividades que se organizan, as obras de teatro son levadas a diferentes parroquias do Concello. Na vindeira semana, a cita será no Centro Sociocultural de San Cosme de Barreiros cunha función de Chimchiribote Marionetas para público infantil.

Escena da obra “A gran final”, de Metátese Teatro.

Shakespeare a lo grande con Ollomao hoy en Barreiros

Shakespeare a lo grande con Ollomao hoy en Barreiros

20 actores representarán el nuevo montaje de este clásico, Noite de Reis, tras un año de trabajo (San Miguel, 20.30)

YOLANDA GARCÍABARREIROS / LA VOZ, 31 de octubre de 2015

Noite de Reis, de William Shakespeare, ha sido la obra elegida por el grupo teatral de Colectivo Cultural Ollomao de Barreiros para llevar a cabo su segunda superproducción, en la que participan más de 20 personas que han dedicado más de un año a ensayos y preparativos. Todo, para que hoy esté a punto el gran estreno, que será a las 20.30 horas en el pabellón de los colegios de San Miguel, con entrada a la venta al precio de 4 euros.

«Temos un hándicap importante á hora de facer teatro en Barreiros -señala Tamara Rubios, quien preside Ollomao- que é o feito de non contar cun teatro, auditorio ou casa da cultura equipado e adaptado ás necesidades dunha obra desta envergadura, o que nos obriga a montar de cero un auténtico teatro, con escenario, caixa negra, lucese, son e patio de butacas no pavillón do colexio, o que supón un esforzo técnico e económico importante». Aclara que la recaudación se destina a cubrir todos esos gastos derivados de la escenificación.

Noite de Reis (Twelfth Night) de Shakespeare «narra unha enrevesada historia de confusión de identidade, transformación e decepción. Ilusión e realidade son case indistinguibles nesta brincadeira co amor e a identidade sexual como transfondo», señalan desde Ollomao.

Hay que recordar el éxito que tuvieron Os vellos non deben de namorarse y Oé, Oé, Oé!!! con más de 5.000 personas de público.

a escena teatro para despedir octubre

Ollomao participará mañán na limpeza do río Masma

Actuarán no tramo situado entre O Barral e Rexa

BARREIROS / LA VOZ, 26 de septiembre de 2015.

O colectivo Ollomao, de Barreiros, participará mañán, domingo, na limpeza colectiva do río Masma, dentro dunha iniciativa xeral de limpeza de ríos que emprende a organización ecoloxista Adega.

A limpeza do Masma este domingo centrarase nun tramo entre os barrios de O Barral e Rexa. Será pola tarde entre as cinco e media e as sete e convidan a participar. Trátase, explican, de recoller lixo; non de desbrozar. E de manter limpos os ríos da nosa comunidade, para sensibilizar á poboación. Por iso animan a participar na iniciativa ambiental.

OLLOMAO ORGANIZA ESTE SÁBADO EN BARREIROS UN OBRADOIRO EXPRES DE PORTUGUÉS

 cartel Obradoiro de Portugués (1)
O curso, de dúas horas de duración, está impartido por AGAL e aporta ferramentas para falar e escribir correctamente portugués a partir do idioma galego. Está dirixido a público en xeral e a nenos e nenas a partir de 12 anos 
“O noso idioma ábrenos a posibilidade de comunicarnos con 280 millóns de persoas en todo o mundo e esa é unha vantaxe que temos que aproveitar”, afirma Tamara Rubiños, presidenta de Ollomao
Barreiros, 7 de maio de 2015. O Colectivo Cultural Ollomao de Barreiros organiza este sábado no Centro Sociocultural de San Cosme un Obradoiro expres de portugués co obxectivo de fornecer de ferramentas para poder falar e escribir en portugués a partir do idioma galego e concienciar á poboación das posibilidades que se abren aos galegos e galegas a través dos países da Lusofonía.
Aproveitando o mes de maio, no que se celebra o Día das Letras Galegas, o colectivo cultural barreirense pretende “poñer en valor o noso idioma e demostrar a súa utilidade, xa que a través do galego ábrensenos moitas posibilidades, posto que podemos entendernos con 280 millóns de persoas en todo o mundo”, explica a presidenta de Ollomao, Tamara Rubiños.
Con este obxectivo, Ollomao organiza un obradoiro intensivo de dúas horas de duración que comezará ás 7 da tarde e que posibilitará aos asistentes coñecer as principais claves e ferramentas necesarias para escribir e falar portugués a partir do idioma galego. Este obradoiro de portugués simple está dirixido á poboación en xeral e a nenos e nenas a partir de 12 anos.
Será impartido por profesores da Asociación Galega da Lingua (AGAL) que promove a interacción de Galicia co mundo da lusofonía. O obradoiro está deseñado dun xeito moi ameno, usando como materiais recursos como música ou audiovisuais.
As persoas interesadas en participar neste obradoiro poden apuntarse mandando un email a [email protected] ou chamando ao teléfono 650542932.
O portugués, sexta lingua máis falada no mundo
Actualmente o portugués é a sexta lingua máis falada no mundo, oficial en 4 continentes e 8 países, sendo algúns deles, como Brasil, potencias emerxentes neste momento. “O mundo de fala portuguesa, a lusofonía, é neste momento unha oportunidade, e o galego é unha entrada privilexiada para acceder a ese mundo, unha verdadeira vantaxe competitiva que temos os galegos e galegas e que temos que saber aproveitar”, afirma Tamara Rubiños.
O portugués é a lingua principal de Portugal, Brasil, Angola, Guinea-Bissau, Mozambique, Cabo Verde, Santo Tomé e Príncipe e Timor Oriental. Todos eses países conforman a Comunidade de Países da Lingua Portuguesa.

 

A aula das nenas dos Colexios Vellos de San Miguel, arredor de 50 anos despois

"Manuela Vilaboy, Laura Cabarcos e Suso Rodríguez; presentando o documental "Lembrazas dunhas escola unitaria" de Cabreiros."

A aula das nenas dos Colexios Vellos de San Miguel acolleu hoxe, arredor de 50 anos despois, a algúns dos seus antigos alumnos nenos daquela. Entre eles, AntónCosta Rico que nos acompañou para lembrarnos de cómo xurdiron as escolas unitarias e as habaneras, e qué supuxo aquel xeito de aprender no rural. Tamén estivo Yolanda Neira do CRA do Boqueixón-Vedra onde as unitarias seguen a ser unha realidade e fan ben certo aquel dito de que “as cousas grandes saen de sitios pequenos”, e co lema de que “na aldea que hai unha escola viva, non medran as hedras”. E finalmente, compartimos un momento de cinema vendo o documental “Lembranzas dunha escola unitaria” de Cabreiros, xunto con Suso Rodríguez, Manuela Vilaboy e Laura Cabarcos: unha mostra de canto de importante é que como comunidade nos impliquemos na creación da nosa aldea. E tamén da súa escola, fundamental.

Grazas a tod@s por estar esta tarde. Foi un pracer seguir APRENDENDO XUNT@S NO RURAL!!! Pola nosa parte, vémonos na vindeira para seguir facendo POBO!

Aprender no rural, III Xornadas de Historia Local de Barreiros organizadas por Ollomao

“Aprender no rural” é a temática das , para este domingo 19 de abril a partir das 16:30h. nos Colexios Vellos de San Miguel de Reinante.

As Xornadas de Historia Local de Barreiros acadan a súa terceira edición cunha mesa redonda na cal se conversará sobre o pasado e presente da educación. Para a ocasión, os Colexios Vellos de San Miguel de Reinante contarán coa presenza de Antón Costa Rico, Catedrático da Historia da Educación na USC que tén abondado no estudo da relación entre o rural e a educación, así como a importancia das escolas unitarias e aquelas que foran creadas cos cartos procedentes da emigración ás Américas. Precisamente, aportacións grazas ás cales foron tamén construídos os Colexios Vellos de San Miguel e onde casualmente, Antón Costa foi alumno hai arredor de 50 anos cando cursaba os estudos primarios.

Nesta sesión, ademais de abordar a historia barreirense no que respecta ao ensino no rural, participará Yolanda Neira, directora do Centro Rural Agrupado de Boqueixón. Mostrará a experiencia do que é unha escola unitaria a día de hoxe, a importancia que tén para o territorio o feito de que as nenas e nenos teñan a oportunidade de aprender no seu lugar de procedencia e residencia, e qué supón para a integración territorial e vitalidade dos núcleos rurais. Unha ensinanza que permite estar conectada co mundo sen perder a vinculación co territorio.

E finalmente, Xesús Rodríguez Rodríguez, profesor na Facultade de Educación da USC presentará o documental “Lembranzas dunha escola unitaria” de Cabreiros (Xermade). Unha reportaxe realizada pola Asociación de Veciños de Cabreiros, na cal se recrea a historia da escola, os contratempos á hora da súa construcción acordando aportar un carro de pedra por cada casa veciña para poder levala a cabo, e tamén o que supuxo para a veciñanza aquela irrupción dun novo modelo educativo. Xesús Rodríguez estará acompañado por Manuela Vilaboy e Laura Cabarcos, participantes no vídeo e profesionais tamén da educación.

Entrega dos diplomas da segunda promoción da Universidade Rural de Barreiros

Aproveitando a ocasión, dado que a temática das xornadas deste domingo é arredor da importancia e características de “aprender no rural”, Ollomao fará entrega dos diplomas ás alumnas e alumnos da II edición da Universidade Rural de Barreiros. A iniciativa pioneira que comezou a andar no outono de 2013, camiña xa cara a súa terceira edición, prevista para inicio á volta do verán e na cal haberá entre outras novidades un curso sobre “Turismo e Desenvolvemento Local” e un segundo curso de “Dereito”.

Ollomao convida a asistir a todas as persoas interesadas, sendo unha cita aberta a calquera que desexe tomar parte.

Ollomao convoca ó sector hostaleiro e turístico de Barreiros para presentarlle novas actividades para o seu ámbito de traballo

Ollomao convoca ó sector hostaleiro e turístico de Barreiros para presentarlle novas actividades para o seu ámbito de traballo

30-03-15

Barreiros, 30 de marzo de 2015. O Colectivo Cultural Ollomao volve a convocar ao sector hostaleiro e turístico de Barreiros para afondar na liña de colaboración mutua que iniciaron xa no pasado ano.

Nesta ocasión chaman a tomar parte nunha reunión que terá lugar na sala de xunta do centro sociocultural este martes, ás 18.15 horas. Nela, a directiva de Ollomao exporá ao sector a nova semente que se porá en marcha nesta terceira edición da Universidade Rural. Nesta terceira edición desde o Colectivo incorporarán novos contidos, entre os que destaca unha semente dedicada ao turismo como factor de desenvolvemento local.

“Ollomao ten entre os seus obxectivos a defensa e posta en valor do patrimonio e cultura propias, riqueza que nalgúns lugares é visto moi intelixentemente como fonte de ingresos para o desenvolvemento local por medio do turismo. O que pretendemos é aproveitar a Universidade Rural para ter a oportunidade de aprender como o noso concello pode aproveitar todos os recursos cos que conta e ser algo máis que un mar de praias”, explica a presidenta do colectivo, Tamara Rubiños.

Desde o colectivo cultural fan un chamamento ao sector para que tome parte nesta reunión na que se presentará esta iniciativa e tamén se valorarán outras realizadas no ano 2014, como os Xoves Universitarios ou o Teatro nos bares, e se recollerán propostas que poidan aportar as persoas que participen de cara a “seguir aproveitando sinerxias e traballando conxunta e coordinadamente entre os sectores económicos e culturais do concello, logrando así unha oferta variada e que amosa unha imaxe de Barreiros a proxectar en todos os ámbitos”, afirma Tamara Rubiños.

Desde Ollomao valoran “moi positivamente a colaboración nas actividades iniciadas no ano pasado e agradecen a súa disposición e as facilidades para organizalas, agardando que foran igual de satisfactorias para o sector e iso supoña continuar e mellorar nas actividades a realizar, supondo un beneficio para todas e todos”, conclúen.