Archivo de la categoría: Obras

A Deputación de Lugo adxudica por máis de 1M€ melloras en estradas provinciais de 9 concellos, entre eles Barreiros, Riotorto, Trabada e Lourenzá

A Deputación de Lugo adxudica por máis de 1M€ melloras en estradas provinciais de 9 concellos, entre eles Barreiros, Riotorto, Trabada e Lourenzá

18-12-20

 Lugo, 18 de decembro de 2020. O Presidente da Deputación de Lugo, José Tomé Roca, informou este venres de que a Xunta de Goberno aprobou a adxudicación de obras de mellora en estradas provinciais por máis de 1M€ en nove concellos da provincia. “Seguimos demostrando o noso compromiso coa mellora da mobilidade”, subliñou José Tomé.

As obras efectuaranse en vías que discorren polos municipios de Barreiros, Monforte, Bóveda, Riotorto, Trabada, Lourenzá, Vilalba, Xermade, e A Pastoriza. “De norte a sur, onde gobernan os 3 grupos políticos con representación na Corporación provincial”, subliñou.

En Barreiros, adxudicáronse por 91.300€ os traballos de mellora da estrada provincial LU-P-0610, coñecida como a estrada da Costa. “Vanse renovar dous quilómetros, entre os puntos quilométricos 3,400 e 5,400, cun prazo de execución de 9 meses”, detallou o Presidente, e engadiu que esta estrada ten moita importancia estratéxica na Mariña porque é a que discorre paralela ás praias de Barreiros e chega ata a das Catedrais, en Ribadeo. “Melloraremos outro tramo desta vía na próxima anualidade, co compromiso de que neste mandato quede totalmente renovada esta estrada. A día de hoxe, só faltarían por renovar 4 quilómetros”, indicou José Tomé.

En Monforte de Lemos, adxudicáronse por 133.100€ as obras da vía que une o núcleo de Monforte con Currelos, no concello do Saviñao, a LU-P-3202. As actuacións desenvolveranse entre os quilómetros 4 e 6,8. O prazo de execución é de 9 meses.

En Bóveda, a Xunta de Goberno aprobou a adxudicación de obras na estrada LU-P-0907, a vía que une a parroquia de Teilán co concello de Paradela. Son un total de 3 quilómetros de vía, entre o punto quilométrico 0 e o 3,2. Estes traballos teñen un orzamento de máis de 93.000€ para renovar o firme da estrada. O prazo de execución é de 9 meses.

Tamén foi aprobada á adxudicación por máis de 152.500€ do proxecto para renovar o firme da LU-P-5506, que comunica os concellos de Trabada, A Pontenova e Lourenzá, dende o quilómetro 0 ata o 4,1. Con estas obras, a estrada de Augaxosa a Trabada queda renovada de maneira íntegra.

En Vilalba, o Presidente anunciou a adxudicación das obras de mellora da vía LU-P-6510. Trátase da estrada que conecta os núcleos de Panchita e Oleiros, na que a Deputación inviste 150.000€.

En Xermade, déuselle o visto bo á adxudicación dunhas obras de mellora na vía LU-P-2204, a estrada que une Momán coas Pontes. Estes traballos execútanse en case quilómetro e medio desta vía, entre os puntos quilométricos 7,000 e 8,340 e teñen un orzamento de máis de 250.000€. O prazo de execución é de 6 meses. “Con esta última actuación, a Deputación mellorará máis de 8 quilómetros dos 9,7 que ten de lonxitude a vía, co que só restaría pouco máis dun quilómetro para o seu acondicionamento íntegro, cuxo proxecto será redactado no vindeiro ano 2021”, avanzou o Presidente.

Na Pastoriza, adxudicouse a rehabilitación do firme da estrada LU-P-1106, que vai de Castro de Rei a Campo do Oso, pasando por Reigosa. Ten un investimento de 167.180€. Melloraranse uns 4 quilómetros desta estrada, entre os puntos quilométricos 16,9 a 20,4. O prazo de execución de 9 meses.

Desfibriladores
Por outra banda, na Xunta de Goberno deste venres tamén se licitou por un importe de 60.000€ o contrato de subministro de 49 desfibriladores semiautomáticos, no marco da campaña Lugo, Provincia Cardioprotexida.

Esta licitación é por dous anos e forma parte desta iniciativa da institución provincial coa que “dotaremos de desfibriladores aos 49 concellos que decidiron sumarse á campaña, e que leva aparellada a formación necesaria a persoal municipal para o manexo dos aparatos desfibriladores”, detallou o Presidente.

Deste xeito, a Deputación contribuirá a mellorar a protección dos veciños e veciñas da provincia ante posibles fallos cardíacos cunha medida que vai na liña do que recomendan as organizacións de profesionais sanitarios. Tomé Roca indicou que “é moi importante contar con equipos desfibriladores nas instalacións e espazos públicos para reducir ao mínimo posible o tempo de reposta ante unha parada respiratoria. Estamos falando da diferencia entre a vida ou graves secuelas, ou mesmo a morte”.

Zonas verdes
O mandatario provincial explicou, ademais, que na sesión do Goberno deste venres se aprobou a renovación do encargo á empresa pública Tragsa para os traballos de conservación e mantemento das zonas verdes. “Facémolo por 2 anos, 2021 e 2022, por un importe de 1,7 millóns de euros para poder atender máis de 82 hectáreas de zonas verdes repartidas por toda a provincia”.

En materia de contratos, licitouse por un importe de 41.300€ ao contrato por lotes dos seguros para a cobertura integral da flota de catamaráns da Deputación de Lugo durante dous anos. Este seguro inclúe a responsabilidade civil, o seguro obrigatorio de viaxeiros e o seguro de cascos das embarcacións e equipos.

Rehabilitación do Castelo de Doiras
En materia de convenios, hoxe aprobouse unha achega de 95.000€, en dúas anualidades, á Fundación Xosé Soto de Fión, para colaborar nas obras de conservación e mellora do Castelo de Doiras, en Cervantes. Este monumento, declarado Ben de Interese Cultural (BIC), é un elemento patrimonial e turístico con gran poder para captar visitantes á comarca dos Ancares. Por este motivo, “dentro da nosa aposta por impulsar o turismo interior da provincia e por conservar o patrimonio cultural, financiamos as actuacións que permitan un mellor mantemento, para poñelo en valor e potencialo como referente turístico”, explicou o Presidente.

Concretamente, faranse labores de limpeza e roza da vexetación, reposición de fiestras, reparación e restitución de escaleiras, portas e drenaxe do edificio, instalación de falsos teitos en madeira e varandas e dotación de novos puntos de luz exterior. Ademais, eliminaranse restos da construción, como azulexos e baldosas e instalaranse elementos naturais como pedra e madeira.

Por outra banda, este convenio recolle traballos de investigación e divulgación, como a elaboración dun dossier informativo; a colocación de paneis explicativos para os visitantes, así como a obriga de establecer uns horarios de apertura ao público, no que haberá un guía turístico.

Local social en Foz e belén xigante de Viveiro
Este venres tamén se lle deu o visto bo a un convenio bianual de 43.000€ para a construción dun local social para asociación de veciños Río de Ouro, da parroquia de San Acisclo, no concello de Foz. Esta nova infraestrutura, que vai estar adosada ao actual edificio da Escola de San Acisclo, aumentará a superficie útil da antiga escola e proporcionará unha maior funcionalidade ó edificio, aumentando o seu aforo, moi limitado neste momento, e permitindo realizar unha serie de actividades que actualmente non se poden facer por falta de espazo, como obras de teatro, pequenos concertos, sesións de cine ou faladoiros, entre outras.

A Xunta de Goberno tamén aprobou unha achega de 70.000€ en dúas anualidades para o Concello de Viveiro co fin de sufragar os gastos de instalación do Belén Xigante. Tomé Roca subliñou que “este Belén é un elemento que supón un verdadeiro revulsivo económico durante as festas de Nadal para o comercio e a hostalería da comarca, que tanto están a sufrir as consecuencias derivadas da pandemia do coronavirus”.

Sala de despece na Fonsagrada
Así mesmo, foi aprobado un convenio coa Sociedade Club de Caza e Pesca da Fonsagrada por importe de 22.300€. O obxectivo é mellorar e acondicionar a sala de despece de produtos cinexéticos.

En concreto, con esta achega a sala pasará a contar cunha nova envasadora ao vacío para pezas grandes, e cunha serra que permitirá cortar pezas e ósos, incluso conxelados. “Con estas dotacións mellorarase a rendibilidade, eficacia e presentación dos produtos elaborados”, explicou Tomé Roca na rolda de prensa.

La Xunta concede a Barreiros 200.000 euros para la reforma de las antiguas escuelas

La Xunta concede a Barreiros 200.000 euros para la reforma de las antiguas escuelas

 La alcaldesa de Barreiros, Ana Ermida, frente al edificio que se rehabilitará. EP
El presupuesto procede del Fondo de Cooperación del Instituto Galego de Vivenda e Solo

La Consellería de Medio Ambiente, Territorio e Vivenda ha concedido una ayuda de más de 200.000 euros al Ayuntamiento de Barreiros, procedentes del Fondo de Cooperación, para llevar a cabo una actuación de rehabilitación que albergará usos administrativos y sociales.

De ello ha informado el departamento autonómico en un comunicado, en el que señala que la conselleira, Ángeles Vázquez, y la alcaldesa de Barreiros, Ana Belén Ermida Igrexas, han firmado de forma telemática el convenio que le dará acceso a este municipio de la Mariña lucense al Fondo de Cooperación del Instituto Galego da Vivenda e Solo (IGVS).

Según ha informado la Xunta, este instrumento permite apoyar a los ayuntamientos de menos de 50.000 habitantes en la financiación de las actuaciones de rehabilitación y conservación del patrimonio construido.

A alcaldesa e o concelleiro de medio rural revisaron as obras que se están a levar a cabo na pista de subida a Penabor

A alcaldesa e o concelleiro de medio rural revisaron as obras que se están a levar a cabo na pista de subida a Penabor, que desde a súa apertura hai vinte anos, non se tiña sometido a arranxos.
🚜 Os traballos, financiados con fondos propios do Concello, tamén se realizarán nas pistas de subida a Cornería e na de acceso aos depósitos de Vilamartín Grande e consistirán en actuacións con motoniveladora, pala e pisón segundo as necesidades das pistas.
🏔 Con estas actuacións mellorarase o firme dos camiños e a recollida de augas pluviais mediante a mellora das cunetas, tratando de evitar o seu deterioro.

 

OBRAS EN BARREIROS PARA MELLORAR O ABASTECEMENTO DE AUGA POTABLE

AS OBRAS SON PROXETADAS EN BARREIROS POR AUGAS GALICIA PARA MELLORAR O ABASTECEMENTO DE AUGA POTABLE

A nova captación funcionará por gravidade logrando un importante aforro enerxético

Barreiros, 19 de setembro 2020. 

➡️ Nesta semana comezaron as obras, proxectadas por Augas de Galicia, para mellorar a planta potabilizadora situada en Celeiro de Mariñaos coa construción dunha nova captación sobre o río Masma. 

Estas actuacións “teñen como obxectivo prioritario garantir o abastecemento de auga potable en calidade e cantidade no concello de Barreiros” segundo explica a concelleira de saúde, Montse Porteiro, e engade que, “a nova captación, que pasa a substituír a antiga e data de finais dos anos 70, permitirá mellorar o abastecemento de auga no Concello de Barreiros e, ao mesmo tempo, lograr un importante aforro enerxético, xa que o captarse auga por gravidade, elimínase un bombeo que implicaba a antiga captación”.

As obras, que son dunha enorme envergadura e precisan acometer un gran movemento de terras, “poden provocar pequenas alteracións nas características da auga coma o color, sen que en ningún momento se altere a súa potabilidade” asegura a edil.

A duración das mesmas estimase de quince días ,período que pode variar en función das condicións climatolóxicas.

A Deputación investirá 600.000€ na mellora de estradas en Barreiros, Monforte, Bóveda e Trabada

A Deputación investirá 600.000€ na mellora de estradas en Barreiros, Monforte, Bóveda e Trabada

21-08-20

 Lugo, 21 de agosto de 2020. O Presidente da Deputación de Lugo, José Tomé Roca, responsable da área de Xestión Territorial, anunciou este venres un investimento de preto de 600.000€ na mellora de firmes de catro estradas provinciais nas comarcas da Mariña e da Zona Sur, en concreto, nos concellos de Barreiros, Monforte, Bóveda e Trabada. Fíxoo na rolda de prensa na que, xunto á Vicepresidenta, Maite Ferreiro, explicou os asuntos abordados na Xunta de Goberno celebrada hoxe, na que se aprobaron os proxectos e a licitación das obras para acometer estas actuacións, que se desenvolverán nas seguintes vías da Deputación:

– En Barreiros, na LU-P-0610, coñecida como a estrada da Costa, na que se acometerán melloras en dous quilómetros (entre os puntos quilométricos 3,400 e 5,400). O orzamento base de licitación é de 115.712,18€. Esta estrada ten unha importancia estratéxica na Mariña porque é a que discorre paralela ás praias de Barreiros e chega ata a das Catedrais, en Ribadeo.

– En Monforte, a Deputación continuará coa mellora da estrada que une a cidade co núcleo de Currelos, no Saviñao, a LU-P-3202, na que xa acondicionou 1,4 quilómetros o pasado ano, e agora, con este proxecto que hoxe aprobou e licitou, actuará noutros preto de tres quilómetros (entre os puntos quilométricos 4,000 e 6,800) cun investimento de 158.135,49€. As obras de mellora desta estrada teñen un importante valor social porque se trata dunha vía moi utilizada polos veciños e veciñas.

– En Bóveda, a institución provincial rehabilitará o firme da estrada LU-P-0907, que une os municipios de Bóveda e Paradela, coñecida como a estrada de Remesar. As obras afectarán aos tres primeiros quilómetros da vía, que parte da parroquia de Teilán, en Bóveda, en concreto, entre os puntos quilométricos 0,350 e 3,250, e o orzamento co que saen a licitación ascende a 110.730,51€.

– A Deputación completará tamén a mellora do firme da estrada provincial LU-P-5506, que conecta Aguaxosa con Trabada, e que supón a principal vía de comunicación deste municipio coa capital da provincia. A pavimentación desta vía, que pasa tamén polos concellos de Riotorto e Lourenzá, veuse facendo por tramos nos últimos anos e quedaban os case catro quilómetros que agora se van a mellorar (entre os puntos quilométricos 0,220 e 4,140), cun investimento próximo aos 200.000€.

Segundo explicou o Presidente, nas catro estradas acometeranse o mesmo tipo de obras: a reapertura e limpeza de cunetas para aumentar a durabilidade; pavimentación, co estendido dunha capa de mestura bituminosa en quente sobre o firme existente, que dotará á calzada de maior regularidade e aumentará tamén a súa capacidade estrutural; e sinalización horizontal mediante o pintado de marcas viarias reflexivas brancas.

O prazo de execución de cada un dos catro proxectos tamén é o mesmo, de 9 meses dende o inicio das obras, polo que, segundo avanzou o Presidente, estarán previsiblemente rematadas na primavera.
“Dende o principio do mandato marcamos como prioridade a mellora da rede viaria provincial, á máis extensa de España, con máis de 4.200 quilómetros, porque cremos que a mobilidade contribúe de forma moi importante ao equilibrio territorial. Creo que dende o Goberno estamos respondendo a ese compromiso con feitos”, subliñou o Presidente, quen lembrou que a día de hoxe a Deputación ten en marcha obras en estradas provinciais por importe duns 4,6M€.
Adxudicación de dous contratos
Por outra banda, a Xunta de Goberno aprobou a adxudicación de dous contratos: o de mantemento de portas automáticas dos edificios da Deputación por un importe de 32.757,12€ e dous anos de duración, con opción de prórroga por outros dous, e o de subministro de gas propano para os centros de atención a maiores da Deputación, por un ano e un importe total de 107.938,05€.
Remanentes do Plan Único para Navia e Sober
Outro dos puntos tratados na Xunta de Goberno foi a aprobación da solicitude dos concellos de Navia de Suarna e Sober para destinar a novas obras os remanentes resultantes da execución de actuacións financiadas con cargo ao Plan Único 2019.
En concreto, Navia de Suarna destinará preto de 16.300€ para actuacións complementarias de acondicionamento da avenida de Galicia, entre a rúa Cimadevila e a avenida dos Ancares, e o Concello de Sober dedicará 21.608,24€ á reforma da rede de saneamento da rúa da Mina.
Cemiterio de Viveiro
A Xunta de Goberno aprobou así mesmo o Plan de Seguridade e Saúde da obra de reparación do muro de contención do cemiterio municipal de Altamira, en Viveiro, danado pola riada do 2018. A Deputación financia esta actuación con máis de 96.000€, correspondentes ás obras, e outros preto de 17.000€ que xa destinou á redacción do proxecto, respondendo deste xeito á petición do Concello de Viveiro para arranxar as patoloxías e as deficiencias estruturais producidas no muro de contención sur do recinto.

BARREIROS LICITA O ARRANXO DE VÍAS MUNICIPAIS POR VALOR DE MAÍS DE 50.000€

BARREIROS LICITA O ARRANXO DE VÍAS MUNICIPAIS POR VALOR DE MAÍS DE 50.000€La imagen puede contener: cielo, árbol, planta, nube, césped, exterior y naturaleza

Barreiros, 5 de xuño de 2020. O goberno municipal de Barreiros vén de licitar obras de mellora e arranxo de vías municipais por un importe de 39.741,46€ máis IVE, correspondentes ao aforro obtido na adxudicación do plan único do 2019.

Segundo explica o concelleiro de obras, Antonio Veiga, “trátase de levar a cabo pequenas actuacións sobre a rede viaria municipal para tratar de que chegue a un estado de partida mínimo e, a partir desa situación, poder acometer melloras máis substanciais.

As vías que se inclúen no proxecto para realizar arranxos nelas son o Camiño Novo en Reinante, acceso a barrio de Suigrexa, en Benquerencia; acceso a Fixoucos en Vilamar; acceso ao Barral en Celeiro; acceso na Rilleira e acceso desde o Teleclub en Vilamartín Pequeno

Pola contía dos traballos, a tramitación correspóndese con un contrato menor que podería adxudicarse directamente. Porén, o goberno municipal optou por solicitar oferta a todas as empresas que participaron na licitación inicial do plan único do 2019 e valorar o arranxo doutras vías complementarias para adxudicar, valoradas en 9.065,12€ máis IVE.

Así, ademais dos camiños incluídos no principal, as obras de arranxos poderán, en función das ofertas das empresas participantes, incluír arranxos na Baixada á Insua, acceso no Rego do Molido en Benquerencia, acceso en Vilamartín Grande desde a subida a Trabada, acceso en Novás en San Xusto, acceso desde Vilar ás vivendas sociais, en San Cosme, camiño dos Campos en San Miguel e camiño do Barreiro en Reinante.

Pendentes da resolución do plan marco de camiños para licitar máis arranxos.

O goberno municipal agarda tamén pola resolución por parte da Xunta de Galicia da solicitude de axuda con abeiro ao Plan Marco de Camiños 2020-2021 para poder licitar o arranxo dos camiños de acceso desde a N-634 a San Miguel, camiño de Escanlar ao Canteiro e accesos a Abelleira; todos eles en Benquerencia.

O importe de execución na licitación destes camiños en Benquerencia ascende a 36.635,68€ máis IVE, que se executará entre este ano e o seguinte.

Elaboración dos proxectos para o plan único 2020.

Nestes momentos, o equipo de goberno atópase ultimando a solicitude do Plan Único da Deputación para o ano 2020, no que tamén se incluirán obras de arranxos e melloras de viais. Antonio Veiga explica que “o que se está tratando é de atallar os problemas viarios máis importantes e de realizar actuacións en todas as parroquias, para tentar chegar a uns mínimos de mantemento e despois programar a medio prazo actuacións de maior calado na rede viaria.”

O CONCELLO DE BARREIROS LICITA A OBRA PARA O ARRANXO DA CUBERTA DO CONSISTORIO

O CONCELLO DE BARREIROS LICITA A OBRA PARA O ARRANXO DA CUBERTA DO CONSISTORIO

Trátase dunha obra de rehabilitación completa da cuberta que mellorará a eficiencia enerxética do edifico.

Barreiros, 24 de outubro de 2019. O Concello de Barreiros pon en marcha o proceso de licitación da obra “Rehabilitación enerxética da envolvente térmica de cuberta da Sede Municipal do Concello de Barreiros”, esta obra será unha rehabilitación completa da cuberta e deberá levarse a cabo con materiais que melloren a envolvente térmica da mesma, facendo así do consistorio un edificio enerxéticamente eficiente.

A obra está financiada polo IDEA, dentro das subvencións a proxectos singulares das entidades locais que favorezan o paso a unha economía baixa en carbono no marco do Programa Operativo FEDER de crecemento sostible 2014-2020, cun importe de 50.132,74€ para un investimento previsto de 62.665,93€ que inclúe as obras, os gastos de redacción do proxecto e a dirección de obra.

O prazo de licitación para presentar as ofertas a través da Plataforma de Contratación do Estado comezou o 24 de outubro e remata o 14 de novembro (ambos inclusive)

A execución da obra é de dous meses dende que se inicie salvo causas imprevistas.

FINALIZADAS AS OBRAS DE MELLORA EN VARIOS PARQUES INFANTÍS DE BARREIROS

FINALIZADAS AS OBRAS DE MELLORA EN VARIOS PARQUES INFANTÍS DE BARREIROS.

Esta semana quedaron rematadas as obras de mantemento e mellora dos parques infantís de San Miguel, Agolada e San Bartolo.

Barreiros, 16 de outubro 2019. O Concello de Barreiros ven de supervisar a finalización das obras de mantemento e reforma de varios parques infantís do municipio. Este contrato incluía a instalación de pezas novas, o adecentamento dos elementos xa existentes, así como mellora dos pavimentos e peches para os parques infantís dos núcleos de San Miguel, Agolada en Benquerencia e no San Bartolo.

As obras, que contaban cun presuposto de 25.912,15€, foron financiados nun 70% pola Xunta de Galicia e o 30% con fondos municipais.

Barreiros licita mejoras en su red viaria por valor de 192.000 euros

Barreiros licita mejoras en su red viaria por valor de 192.000 euros

PEPA LOSADA
BARREIROS / LA VOZ 

Pese a su delicada situación económica, el Concello de Barreiros está licitando importantes actuaciones, por su cuantía, con el capital que le corresponde de diferentes programas. Es el caso del Plan Único de la Diputación por el cual invertirá 192.022 euros en la mejora en la red viaria. De esa cantidad, la Diputación aporta 180.610, y el Concello le corresponde pagar 11.412.

El contrato licitado es para la pavimentación de la carretera da Barcela, Urbanización Viladaíde, Suaigrexa, carretera de Sarxendez, carretera en Ferrería, de rotonda de A-8 a carretera de Trabada, carretera de Insua, carretera de Pedreira, Igrexa de San Xusto a Campo da Festa y camino de Mescosa. El plazo de ejecución es de tres meses y, en cualquier caso, las obras deberán estar concluidas antes de octubre de 2020.

La otra licitación es de la ampliación del centro social de San Xulián de Cabarcos, con una inversión de 67.686 euros, de cuya cantidad la Diputación aporta 57.558 euros a través del Plan Único de Cooperación de 2019, mientras que el Concello tiene que aportar los 10.128 euros restantes. El plazo de ejecución de estas obras es de seis meses y deberán estar concluidas en octubre de 2020.