XA SE COÑECEN OS PREMIAD@S NA FASE LOCAL DOS CONCURSOS DE DEBUXO E NARRACIÓN LETRAS GALEGAS 2019, CONVOCADOS POLA BIBLIOTECA PÚBLICA MUNICIPAL DE BARREIROS.
Barreiros, 16 de maio de 2019. A Biblioteca Pública Municipal de Barreiros deu a coñecer os nomes dos gañadores e gañadoras dos Concursos de Debuxo e Narración Letras Galegas 2019 na súa fase local.
No apartado de Debuxo os galardoados foron: Lara Gayo Piñeiroa, Carla Rañón Broz, Sara Fernández Coldeira, Daniela Yáñez Lorenzo, Felipe Martín de Burgos, Antía Murias Sampedro, Iria Vidal Vega, Sara Daniela Da Costa Simoes e Hajar Zaid Selouane.
Na modalidade de Narración resultaron premiados: Iria López Boto, Fernando Seco Sánchez, Jimena Fernández-Reinante Pérez e Zaira Veiga Castosa.
0s premiad@s nesta fase local pasarán a participar na fase provincial do certame, organizado pola Biblioteca Provincial co patrocinio da Consellería de Cultura e Turismo.
Onte, domingo, remataron as celebracións do Concello de Barreiros para conmemorar o Día das Letras Galegas. Foi con dúas actuacións
musicais no centro sociocultural Manuel Díaz Sampedro. O Dúo
Rosas ofreceu un concerto de bandurria e guitarra. Esta formación está integrada por Julia María Dopico, profesora do Conservatorio Superior de Música da Coruña, e Daniel Adzemian, profesor de
guitarra. Tamén actuou a Coral Polifónica de Barreiros, dirixida por Beatriz Vázquez Mesa, interpretando cancións populares galegas.
BARREIROS CELEBRARÁ O DÍA DAS LETRAS GALEGAS CON TEATRO E COAS ACTUACIÓNS QUE OFRECERÁN O DÚO ROSAS E A CORAL POLIFÓNICA LOCAL. AS ACTIVIDADES ESTÁN ORGANIZADAS POLO CONCELLO.
Barreiros, 9 de maio de 2018. A Delegación de Cultura organiza varias actividades con motivo da celebración do Día das Letras Galegas. O día 13 de maio terá lugar unha representación do grupo de teatro O Bordelo, e o día 20 actuarán o Dúo Rosas e a Coral Polifónica de Barreiros.
O grupo de teatro O Bordelo poñerá en escena Depende, unha obra cómico-costumbrista. A representación terá lugar este domingo, día 13, ás 19:00 horas no centro sociocultural Manuel Díaz Sampedro, en San Cosme de Barreiros.
As actividades da Concellería de Cultura de Barreiros con motivo do Día das Letras Galegas continuarán o 20 de maio con dúas actuacións musicais ás 19:00 horas no centro sociocultural Manuel Díaz Sampedro.
O Dúo Rosas ofrecerá un concerto de bandurria e guitarra. Esta formación está integrada por Julia María Dopico, profesora do Conservatorio Superior de Música da Coruña, e Daniel Adzemian, profesor de guitarra. Tamén actuará a Coral Polifónica de Barreiros, dirixida por Beatriz Vázquez Mesa, interpretando cancións populares galegas.
Organiza o Concello a través da súa Concellería de Cultura coa colaboración da Coral Polifónica de Barreiros.
O alcalde, Alfonso Fuente, e a concelleira de Cultura, Adela Rodríguez, entregaron os premios aos gañadores dos Concursos de Narración e Debuxo Letras Galegas 2017, na súa fase local. O acto tivo lugar na Biblioteca Pública Municipal. E nas últimas horas tivo lugar a clausura do curso de relaxación e concentración para nen@s e moz@s, que se celebrou de xaneiro a maio, organizado pola OMIX barreirense.
BARREIROS CELEBRARÁ O DÍA DAS LETRAS GALEGAS CUN CONCERTO QUE REUNIRÁ MAÑÁ A TRES CORAIS.
Barreiros, 16 de maio de 2017. O Concello barreirense celebrará o Día das Letras Galegas cun concerto, que se celebrará mañá, 17 de maio, no centro sociocultural Manuel Díaz Sampedro.
Dará comezo ás 19:30 horas e contará coa actuación da Coral de Cangas, a Coral de Riotorto e a Coral de Barreiros.
A actividade está organizada pola Concellería de Cultura.
As escolas de Celeiro de Mariñaos, en Barreiros, acolleron un acto en homenaxe a Manuel María no que a concelleira de Cultura, Adelina Fernández, lembrou a vida do poeta lugués e seguidamente tivo lugar unha actuación da 
Coral Polifónica barreirense. Os asistentes gozaron de temas ben coñecidos como o himno galego, en homenaxe a Manuel María e ao Día das Letras Galegas, e tamén escoitaron unha canción habanera que serviu como adianto do que será o IV Festival de Habaneras que se celebrará este vindeiro sábado, 21 de maio.
Barreiros celebrou o día das Letras Galegas con teatro e con música o domingo e o martes. O grupo A Adala puxo en escena o 15 de maio “Unha morta moi viva”. A actividade foi organizada pola Oficina de Información Xuvenil e pola Biblioteca Pública Municipal. O centro sociocultural Manuel Díaz Sampedro enchéuse para gozar con esta representación.
