A UNIDADE MÓBIL DE AXUDA COAS RECLAMACIÓNS (UMAR) VOLTA O MARTES 4 DE SETEMBRO  Á ENTRADA PRINCIPAL DO HOSPITAL.

 Desde a Plataforma Sanitaria anuncian tamén que a UMAR retoma a súa actividade en Atención Primaria o terceiro martes de setembro,  despois do descanso estival.

A Mariña 31 de agosto de 2018. A Unidade Móbil de Axuda Coas Reclamacións  (UMAR)volverá colocarse o vindeiro martes 4 de setembro na entrada  principal do Hospital da Mariña. A mesa informativa colocarase no seu horario habitual, de 11 a 13 horas, para proporcionar información a usuari@s , profesionais e colectivos en materia de derivacións e  agardas , e mesmo prestarán axuda para redactar reclamacións e para a súa presentación no rexistro.

A Plataforma Sanitaria informa tamén de que a actividade da UMAR en Atención Primaria retomarase, tras un período de descanso estival no Centro de Saúde de Viveiro. Será o  terceiro martes de mes, o día  18 de setembro de 11 a 13 horas.

  A maior parte das reclamacións respaldadas pola UMAR foron resoltas en tempo record.

O colectivo sanitario amosa a súa  total satisfacción e cataloga como un éxito a implantación destas mesas informativas, polas que pasaron numeros@s mariñás e mariñaos  demandando información, manifestando o seu malestar pola deriva da sanidade pública e  presentando reclamacións. A maior parte das reclamacións respaldadas por esta Unidade Móbil foron resoltas case de inmediato pola dirección do hospital , o cal da unha idea da incompetencia  xestora  da  Xerencia ,  máis tamén  revalida a importante función social que está a desenvolver este dispositivo móbil , totalmente instalado na comarca da Mariña.

A UNIDADE MÓBIL DE AXUDA COAS RECLAMACIÓNS (UMAR) VOLVERÁ Á ENTRADA DO HOSPITAL O PRÓXIMO MARTES 7 DE AGOSTO.

A mesa informativa para usuari@s , profesionais  ou colectivos colocarase na entrada principal en horario de 11 a 13 horas.

O vindeiro martes día 7 de agosto a Unidade Móbil de Axuda coas Reclamacións ( UMAR ) volve a estar na entrada principal da Mariña  en horario de 11 a 13 horas para atender todas aquelas dúbidas que poidan xurdir en temas de agardas, derivacións ou outras , tanto a usuari@s como a profesionais ou colectivos. Do mesmo xeito, ofrécese tamén para axudar na redacción de reclamacións  a quen precise e mesmo na súa entrega no rexistro.

Desde a Plataforma Sanitaria da Mariña animamos a tod@s aquel@s veciñ@s que queiran reclamar por considerar que hai atrasos para facer unha proba diagnóstica, para unha consulta ou unha intervención cirúrxica que se acheguen ate a entrada do hospital e contacten con nós.

A Plataforma Sanitaria quere recordar tamén que durante o mes de agosto só funcionará a UMAR no hospital ,  aplazándose a UMAR que o terceiro martes de mes tería que estar nun centro de saúde ata setembro.

NUMEROS@S VECIÑ@S DA MARIÑA ACUDIRÁN O PRÓXIMO DÍA 20 A COMPOSTELA A CONCENTRARSE DIANTE DO PARLAMENTO.

Unha representación da Plataforma Sanitaria entrará ao hemiciclo para seguir de preto o debate

Representantes da Plataforma en Defensa da Sanidade Pública da Mariña e numerosas veciñas e vecinos da Comarca acudirán o vindeiro martes día 20 de Marzo a Compostela ao debate parlamentario no que se tratará no primeiro punto da orde do día a reforma da lei de saúde de Galicia. Divers@s integrantes da Plataforma entrarán ao hemiciclo para escoitar o debate , mentres que o resto de asistentes estará concentrado nas inmediacións do Parlamento, en apoio aos grupos políticos da oposición que defenden a retirada do proxecto de reforma da lei de saúde de Galicia. A concentración está convocada por SOS Sanidade Pública, entidad que aglutina a todas as Plataformas en Defensa da Sanidade Pública .

A Plataforma sanitaria agradece a veciñas e vecinos da comarca a enorme esforzo e implicación nesta loita e critica o lavado de cara e de conciencia que fai o PP previo a mobilizacións ou a trámites parla-mentarios.

A Plataforma Sanitaria desexa facer chegar a todas @s mariñás e mariñaos o seu agradecemento polo in-menso esforzó feito ate este momento .Foron meses do loita moi dura nos que a Comarca se implicou to-talmente e foi quen de marcar feitos históricos coas masivas mobilizacións que tiveron lugar tanto na Ma-riña como en Compostela.”Conseguimos coa nosa loita molestar e incluso logramos que algún político do PP mariñán se avergoñara do que o seu partido está a facer coa sanidade pública na comarca, xa que hai moito tempo que deixou de facer declaracións e mesmo pasa pola comarca de refilón , sen que se note moito a súa presenza- manifestan desde a Plataforma.

Respecto ás declaración feitas polo xerente do Hula, Ramón Ares na radio en días pasados e en entrevistas na prensa escrita de hoxe , a Plataforma Sanitaria non se sorprende xa que este forma de actuar ven sendo habitual nel@s nos días previos ás nosas mobilizacións ou ,como neste caso ,previo á pretensión de apro-bar unha reforma da lei de saúde que saben será lesiva para o páis e para a comarca, nun intento de limpar as súas conciencias .”Xa estamos afeit@s a estas publirreportaxes , entrevistas a páxina completa e dípti-cos que sen ningún tipo de pudor publican nos medios malgastando os cartos de tod@s nós en vez de inves-tilos en necesidades apremiantes que ten a comarca e que lles importan ben pouco.Esto é un total lavado de cara e de conciencia, máis sen aportar nada concreto e respostando con evasivas a preguntas tan directas e claras como a ganancia de servizos, nas que bastaría cun si ou un non.Está claro que a Plataforma Sanita-ría non minte cando afirma que non imos gañar ningún servizo novo nen se van ampliar os servizos que xa existen, salvo a área de consultas , que era moi necesaria- afirman responsables da Plataforma.

Respecto ás declaración feitas polo directivo do HULA nas que di que “non se deberá facer política coa sani-dade” , a Plataforma amósase sorprendida de que informar á poboación do que vai significar esta reforma , mobilizarse por non estar de acordó e presentar reclamacións por agardar máis de un ano para certas pro-bas lles pareza facer política e nembargantes facer unha modificación de calado dunha lei non sexa politi-zar .”Pode ser que falemos distintos idiomas e que reformar unha lei sexa facer encaixe de bolillos”- ironiza a coordinadora da Plataforma.

Sorprende tamén que de repente mude de novo a súa opinión sobre a necesidade da enfermeira de onco-loxía e volvan precisamente ahora a dicir que crearán esa praza e que non existe por falta de espazo. ”Agardamos que esto non sexa de novo outra tomadura de pelo @s veciñ@s, esta vez en boca dun xerente o cal sería ainda máis grave por ser o responsable directo de que a poboación reciba os servizos sanitarios axeitados,gratuitos ,de proximidade e de calidade”- conclúe o portavoz da Plataforma .

DENUNCIA QUE LEVA ESPERANDO 3 MESES POR UNHA RESONANCIA CUNHA SOSPEITA DE ENFERMIDADE ARTERIAL GRAVE.

O paciente cré que se está a enganar @s usuari@s cunhas listas de agarda totalmente falseadas e afirma que acudirá ao xulgado.

A Mariña, 16 de Marzo de 2018. O paciente ,que xa padece unha enfermidade arterial severa , precisa ser visto na consulta de cirurxía vascular no HULA para descartar unha obstrucción nas arterias carótidas,patoloxía que de confirmarse sería catalogada como grave. Antes de acudir á consulta de vascular precisa facer unha resonancia que foi pedida como preferente o día 15 de decembro de 2017.

O pasado mes de febreiro contacta coa Plataforma porque nesas datas ainda non o chamaran para facer esa proba preferente e presenta unha reclamación o día 26 de febreiro de 2018 con número de rexistro 404. ”Paréceme unha irresponsabilidade por parte da xerencia e da xestión das listas de agarda levar agardando 3 meses por unha proba preferente para confirmar se teño obstruídas as carótidas,enfermidade que é grave e que podería traer consecuencias importantantes para a miña vida e supervivencia”- manifesta o doente.

O paciente ante esta absoluta falta de previsión nos tempos de agarda por parte da xerencia e a incompetencia  da mesma, anuncia que tomará as medidas legais oprtunas e que fai responsable á mesma de todo canto lle poidera ocurrir desde a presentación da reclamación.” Necesito ir á consulta de vascular porque o problema que teño nas arterias é grave, teño medo de que me pase algo porque non estamos a falar dunha enfermidade leve, e mentras non teña feita a resonancia non me chaman para ir á consulta.Esperemos que isto non teña consecuencias para a  miña saúde ou calidade de vida”- conclúe o paciente desesperado e atemorizado.

A Plataforma Sanitaria ve nas actuacións da dirección do centro sobre as listas de agarda un modus operandi establecido desde hai un tempo para desacreditar o sistema público sanitario e facilitar a desviación a centros privados.” Non se trata de envíos puntuais de pacientes cara a centros privados como aseguraba o xerente do HULA nunha entrevista na radio. Estamos a ver  desviacións masivas de pacientes a facer probas diagnósticas ou procedementos cirúrxicos perfectamente asumibles polo Hospital da Costa, cara a centros privados que presionan ao goberno da Xunta para que xestione   derivacións de forma xenérica “-  declaran representantes da Plataforma Sanitaria.