PREVISIÓN INFORMATIVA 2 ABRIL 2019 DATA: Martes 2 de abr
HORA: De 11 a 13 horas
LUGAR: Entrada principal do Hospital da Mariña
ASUNTO: A UMAR colocarase na entrada principal do Hospital da Mariña( parte nova do mesmo) para informar a usuari@s, profesionais e colectivos do que precisen acerca de derivacións, ou agardas excesivas. Tamén redactaremos e daremos rexistro ás reclamacións que precisen facer.
Boa tarde a todas e todos pola vosa presencia neste acto na defensa da nosa Área Sanitaria. Realmente a Plataforma Sanitaria da Mariña estamos emocionadas e emocionados ao ver a cantidade de xente que viñestes a este acto reivindicativo en defensa da sanidade pública sabendo que en moitos casos non é doado polas obrigas laborais , familiares, e de calquera outro tipo.
Na Mariña non nos rendemos nin nos resignamos e é por iso que continuamos saíndo á rúa na defensa dun ben común: a sanidade pública, a de todas e a de todos.
Porque nada mudou, acaso o que si cambiou foi a desvergoña con que a Xerencia e o SERGAS anunciaron MÁIS E MELLORES SERVIZOS E A BLINDAXE DO NOSO HOSPITAL.
Hoxe estamos aquí para denunciar o deterioro constante que sufre a sanidade da Mariña e para preguntarlle a quen dirixe a nosa sanidade onde están os máis e mellores servizos prometidos.
Nestes días listes nos nosos panfletos, nas redes sociais, nos medios de comunicación, algunhas das razóns parar estar novamente hoxe aquí e queremos lembrarvos algunhas das nosas reivindicacións básicas e fundamentais para garantir una asistencia sanitaria de calidade.
ATENCIÓN PRIMARIA.
Creación de prazas de persoal de tódalas categorías profesionais en xornada ordinaria e redución de cupos. Así, o cupo base de médicos e enfermería establecelo nun máximo de 1.250 tarxetas sanitarias(TSI), e 800 en pediatría.
Dotar de pediatras a todos os Centros de Saúde da Mariña.
Incrementar os profesionais de apoio coa incorporación de Matronas, traballadores sociais, Odontólogos e hixienistas dentais, Fisioterapeutas, Logopedas, Terapeuta ocupacional, PSX…
Cubrir o 100% das ausencias en todas as categorías.
Dúas equipas completos enfermaría-médica en todos os PACs e dotalos de material.
ATENCIÓN HOSPITALARIA.
Recuperación da Área Sanitaria Roubada.
Dotación de Resonancia Nuclear Magnética Fixa, placas dentais, electromiogramas, densitometrías óseas, electroencefalogramas, consulta de cirurxía vascular, e recuperar a implantación de marcapasos, as operacións de fimose pediátrica…
Dotar do persoal necesario en todas as categorías existentes, e crear prazas públicas de logopedas, terapeutas ocupacionais, da consulta de enfermería oncoloxía…
Rematar coas derivacións aos hospitais privados de Lugo e A Coruña e as privatizacións de servizos hospitalarios (mantemento, historias clínicas…)
HOXE ESTAMOS AQUÍ POR TODO ISTO E TAMÉN:
– PORQUE ESIXIMOS QUE SE NOS DEVOLVA A ÁREA SANITARIA QUE NOS ROUBARON.
– PORQUE ESIXIMOS A DERROGACIÓN DESTA LEI DE SAUDE.
– PORQUE ESIXIMOS QUE A MARIÑA SEXA UNHA ÁREA SANITARIA PROPIA TAL E COMO O É A VECIÑA COMARCA DO FERROL, CON SIMILAR NÚMERO DE HABITANTES E SEN AS DISTANCIAS QUE HAI NA MARIÑA AO HOSPITAL DE LUGO.
– PORQUE ESIXIMOS QUE SE DOTE DE RECURSOS HUMÁNS E MATERIAIS OS NOSOS CENTROS DE SAÚDE.
– PORQUE ESIXIMOS QUE A AMPLIACIÓN DE EDIFICIOS VAIA ACOMPAÑADA DUNHA AMPLIACIÓN REAL DE SERVIZOS, ASÍ COMO DOS RECURSOS HUMANOS AXEITADOS PARA GARANTIR UNHA ASISTENCIA SANITARIA DE CALIDADE.
– PORQUE ESIXIMOS UNHA SANIDADE PÚBLICA DE CALIDADE, UNIVERSAL,GRATUITA , INTEGRAL, INTEGRADA, EQUITATIVA E DE PROXIMIDADE.
Para rematar dar as grazas a todos vos, que dende ideoloxías e sensibilidades diferentes, sodes exemplo de loita na defensa da sanidade pública da Mariña.
Temos do noso lado a razón e venceremos nós!
Este aplauso vai por vós, pola veciñanza alegre e combativa da Mariña e para lembrarlle a quen xestiona a nosa sanidade que estaremos AGORA, AQUÍ É SEMPRE na defensa da sanidade pública. Vai por vós!
“A XERENCIA DO HOSPITAL DANOS CITAS FALSAS PARA PECHARNOS A BOCA “- DENUNCIA UNHA PACIENTE.A 
relata que tras acudir a Atención ao Paciente e advertir que chamaría á prensa, déronlle unha cita que lle anulan pouco despois, vía telefónica.
A paciente ten problemas reumatolóxicos nas máns e nos ombreiros desde hai tempo ,pero estes agraváronse desde setembro de 2018. Foi vista polo reumatólogo e este recomenda unha nova consulta dentro de tres meses ou catro , como moi tarde, máis pasados cinco meses segue agardando que a chamen. Por iste motivo acude a Atención ao Paciente a facer unha reclamación e ,ante a advertencia de que ía chamar á prensa danlle ao fin unha cita para o 14 de febreiro de2019. Máis non remata aquí a súa “ aventura”, pois aos poucos días é chamada de novo desde o hospital para anularlla, decíndolle que a xa a chamarán.
A muller, indignada ante a estratexia da xerencia de “ darnos citas falsas para pecharnos a boca e que non vaiamos á prensa nin á Plataforma Sanitaria “, decide contactar co colectivo sanitario para que lle redacte unha reclamación, que se rexistra o 5 de febreiro de 2019 con número de entrada 384. Desde a Plataforma sanitaria indícaselle que agarde un tempo para que a xerencia poida conseguirlle unha nova cita, mais pasado mes e medio volta de novo a Atención ao Paciente onde lle indican que non vai ser chamada de momento. Este é o detonante que leva á paciente a contactar novamente co colectivo sanitario para denunciar públicamente , nos medios de comunicación, o seu caso. “ Estou farta de que me tomen o pelo e xa non é a primeira vez que o fan. Cando me programaron para unha operación chamáronme para dicirme que o médico que me ía operar xa non estaba, e eu deseguida comprendín onde estaba a trampa, polo que respostei que se non estaba o meu xa habería outro que me operase. Se chego a caer na trampa igual ainda non estaba operada agora”-relata a paciente indignada.
Desde a Plataforma Sanitaria esiximos á xerencia que deixe de xogar coa saúde das persoas e de burlarse delas porque xa non lle colan á xente as “ trapalladas que están a inventar para dar largas @s pacientes en espera para unha consulta , proba ou intervención”- comentan desde o colectivo. Lembrámoslle tamén que se deben ao benestar da poboación á que atenden e que están caldeando @s pacientes até o punto de desesperalos. “ Agardamos que tomen nota e cambien de actitude e de xeito de xestión ,antepoñendo @s pacientes aos criterios economicistas e ideolóxicos”- conclúen @s activistas sanitari@s.
A PLATAFORMA SANITARIA DENUNCIA QUE O SERGAS PENALIZA ÁS PERSOAS SEN RECURSOS ECONÓMICOS.
Un paciente, derivado á privada para operarse, solicita que lle abonen os gastos de desplazamento por carecer de recursos económicose e o SERGAS rexeitao.
A Mariña 15 de febreiro de 2019.A Plataforma Sanitaria denuncia a política do SERGAS de derivación para intervencións cirúrxicas a Lugo e Coruña e a penalización ás persoas que , por falta de recursos económicos non poden desprazarse a ditas cidades.
O colectivo expón o caso dun paciente que sufriu rotura de menisco en xeonllo esquerdo que presentou reclamación en Atención ao Paciente con data de 14 de febreiro de 2019 e número de rexistro 542 ,e que amosa a súa indignación co SERGAS,pois trátase dun enfermo sen recursos económicos que se sinte abandonado polo sistema.
O paciente acude á consulta de Traumatoloxía e o día 26 de xuño de 2018 entra en lista de agarda para ser intervido cirúrxicamente. Na primeira semana de xullo é chamado desde o Hospital da Mariña para ofertarlle a operación na privada de Lugo ou Coruña . “ Eu non me neguei a ir á privada , simplemente expliquei que a miña situación social e económica impídeme desprazarme a máis de cen quilómetros se o SERGAS non me abona os gastos de desplazamento, algo que desde o Servizo de Saúde rexeitaron”- comenta indignado.
Desde o momento en que o paciente solicita o pago dos gastos para poder desplazarse até o hospital privado e obtén unha negativa por resposta, a maiores pasa a unha lista B ( non estrutural, chámanlle na EOXI ) para ser operado no Hospital da Mariña. Por ista razón ponse en contacto coa Plataforma Sanitaria para solicitar axuda na redacción e rexistro da pertinente reclamación, xa que desexa denunciar públicamente este agravio e facendo responsable á Xerencia do Hospital da Mariña das consecuencias para laborais e para a súa saúde que supón este castigo, e sen descartar a vía xudicial. “ Por riba de estar enfermo, con moita dor , con incapacidade funcional e con risco de perder o meu emprego pola longa baixa son penalizado a unha lista paralela por non dispor de recursos económicos”- relata emocionado.
Desde a este colectivo sanitario esiximos á Xerencia do Hospital que comece a poñerse no lugar dos veciños e veciñas en lugar de acatar ao dediño as directrices que lle marcan desde as cúpulas do SERGAS e do goberno da Xunta.” Ás veces faise necesario, para defender os intereses dos máis débiles e desprotexidos, actúar con certa insubmisión e enfrentarse a quen carece de sensibilidade e empatía, xa que a sanidade é un ben común que debe tratarnos a tod@s por igual, independentemente de onde vivamos e dos nosos recursos económicos”- conclúen desde a Plataforma Sanitaria.
A PLATAFORMA SANITARIA ESIXE AO SERGAS QUE DÉ A CARA E GARANTA A MARIÑÁS E MARIÑAOS O RESTABLECEMENTO DOS SERVIZOS DE LOGOPEDIA E FISIOTERAPIA.
Trala ruptura do concerto cunha clínica privada, o Sergas deixa sen asistencia a centos de pacientes sin darlles ningún tipo de información.A Mariña 7 de febreiro de 2019. A Plataforma Sanitaria da Mariña esixe ao Sergas que deixe de agocharse e dé a cara ante o gravísimo problema sanitario existente na Mariña, trala ruptura do concerto que o organismo sanitario viña mantendo cunha clínica privada, da que dependía o servizo de logopedia da comarca e que tamén proporcionaba fisioterapia. A Plataforma En Defensa da Sanidade Pública da Mariña foi alertada polas nais e pais de afectad@s do abandono total no que ficaban ao quedar as súas crianzas sen logopeda na Mariña e “ sin que o Sergas se dignara siquera a darnos unha explicación.Nin a máis mínima información temos, deixáronnos abandonados, non sabemos que vai pasar.Non teñen vergoña nen humanidade”,- relatan indignad@s .
Segundo vimos de coñecer a través de pacientes aos que se lles suspendeu a consulta de hematoloxía que tiñan hoxe no hospital, o centro sanitario queda hoxe cun so hematólogo dos tres que hai actualmente , dado que un deles colleu un permiso e a terceira hematóloga foi derivada ao HULA como está a facer cada xoves. A Plataforma xa alertou hai tempo desta situación, e non se lle puxo remedio, so se adicaron a tachar de alarmistas e mentireir@s @s activistas deste colectivo. Agora volve ocurrir e “este é outro exemplo máis da incompetencia para xestionar e do agravio ao que se ten sometida a esta comarca, pois están a derivar a outra facultativa cara ao HULA, que xa dispón de dez hematólog@s en plantilla, sen importarlles como quedamos. Abandonad@s polo Sergas e polo goberno do PP son as palabras máis axeitadas para definir esta situación”- coméntan Víctor Vila, portavoz do colectivo.
O BNG CONVOCA UN ACTO LÚDICO-REIVINDICATIVO NA DEFENSA DO SERVIZO DE PEDIATRÍA EN BARREIROS
O acto será o domingo 27 de xaneiro, ás 12 da mañá en San Cosme, e contará con actuacións dirixidas ás e aos menores.
“A situación actual e a falta de resposta efectiva por parte do SERGAS require de mobilización social para forzar que sexan atendidas as necesidades de nenas e nenos”, asegura Ana Ermida.
Barreiros, 18 de xaneiro de 2019. O BNG convoca ás veciñas e veciños de Barreiros a un acto que terá lugar o domingo 27 de xaneiro, ás 12 da mañá, para reivindicar e defender o servizo de pediatría en Barreiros.
Desde o BNG sinalan que “coa situación que se está producindo no servizo de pediatría no noso concello, onde sistematicamente o SERGAS deixa sen cubrir a praza nos casos de permisos da profesional, é fundamental que a veciñanza se mobilice e que as persoas afectadas ou preocupadas polo continuo deterioro da sanidade no centro de saúde de San Cosme fagan oír as súas queixas publicamente para amosar que a reivindicación é masiva e uniforme.”
A portavoz municipal do BNG, Ana Ermida, explica que este acto, que se desenvolverá na praza do Concello se o tempo o permite, contará con espectáculos para as nenas e nenos para que nel poida participar todo o mundo. “Queremos que sexa unha actividade familiar, á que poidan acudir as nenas e nenos, nais e pais, avós e avoas… e calquera persoa que queira defender que os servizos sanitarios que se presten en Barreiros sexan propios do século XXI”, afirma.
“Pretendemos que a reivindicación estea acompañada de diversión para as máis pequenas, porque non podemos esquecer que as nenas e nenos son o futuro deste concello e deste País. E deixalos sen atención pediátrica é, ademais dun acto de inxustiza con respecto aos que residen noutros lugares, un acto de desconsideración e de falta de humanidade, xa que se está a poñer en perigo o máis sensible das vidas de calquera persoa.”
No acto haberá actuacións musicais e actividades de entretemento e “tratarase de visibilizar e dimensionar esta problemática para que chegue a oídos e lle saque as cores a quen é responsable da situación”, afirma Ana Ermida
A AVALANCHA DE RECLAMACIÓNS NA UMAR DESPLAZADA A MONDOÑEDO PROVOCA UNHA PRÓRROGA NO SEU HORARIO HABITUAL.
O dispositivo móbil colocado no centro de saúde de Mondoñedo redactou unhas duascentas reclamacións en pouco máis de dúas horas.
A Mariña 18 de decembro de 2018. A Unidade Móbil de Axuda coas Reclamacións desplazouse hoxe até o Centro de Saúde de Mondoñedo seguindo a folla de ruta marcada polo colectivo consistente en ubicarse nun Centro de Saúde da comarca os terceiros martes de cada mes. A avalancha de persoas que acudiron a formalizar a súa reclamación foi tal, que obrigou a aumentar o seu horario de atención, para poder atender a tod@s @s veciñ@s que até alí se desplazaron.
En pouco máis de dúas horas formalizáronse unhas duascentas reclamacións, deixándose constancia deste xeito que a UMAR representa nestes momentos unha ferramenta indispensable para mariñás e mariñaos, que ven nesta mesa unha resposta ás súas demandas . ¨ Cando chegamos ao centro de saúde xa había un grupo de xente numeroso agardando por nós ,e en ningún momento deixamos de redactar reclamacións facendo até tres á vez. Tivemos que prorrogar en vinte minutos o horario para que non quedara ninguén sen facela¨- comenta Víctor Vila,portavoz do colectivo.
A maiores das reclamacións que cada persoa podía facer a título individual e referidas aos tempos de agarda para consultas, probas ou intervencións indecentemente prolongados, a Plataforma Sanitaria canalizou as demandas colectivas d@s veciñ@s ,que reclaman a substitución estable e desde o primeiro día de todos os permisos e baixas da pediatra titular así como que se implemente a atención pediátrica no tempo necesario para garantir unha asistencia satisfactoria , para evitar desplazamentos innecesarios e o colapso das urxencias hospitalarias. A segunda demanda colectiva facía referencia ao servizo de fisioterapia que actualmente impártese no centro de saúde de Foz, obrigando @s usuari@s de Mondoñedo e Lourenzá a desplazarse cando existen instalacións no centro de saúde de Mondoñedo. Dotar de aparataxe e de persoal en quendas de mañá e a tarde reduciría considerablemente a agarda para acceder ao tratamento , tanto en Foz coma en Mondoñedo.
Agardando até o último momento pola presencia da alcaldesa da cidade
A Plataforma Sanitaria agardou infructuosamente até o último momento pola presencia da alcaldesa da cidade, Elena Candia, para que materializase o seu apoio real aos problemas sanitarios que sufre A Mariña en xeral e Mondoñedo en particular.
¨A Plataforma Sanitaria tivo coñecemento de que Elena Candia e o seu grupo municipal presentaran unha moción na que pedían un servizo de pediatría ao completo e agardabamos que acudira á UMAR para materializar o seu apoio real asinando unha reclamación como fixo o seu pobo, máis non foi quen de presentarse¨ – lamentan desde o colectivo.