O CONCELLO DE BARREIROS PROGRAMA, PARA ESTES DÍAS, TEATRO O 3, A CABALGATA DE REIS E O NACEMENTO VIVENTE QUE TERÁN LUGAR O 5 DE XANEIRO.

Barreiros, 31 de decembro de 2018. O Concello de Barreiros continúa coa súa programación de Nadal cunha actuación teatral que terá lugar este xoves, día 3, e a cabalgata de reis e o nacemento vivente que se celebrarán o sábado, 5 de xaneiro.

O grupo Palimoco Teatro representará Queres que cho conte?. A obra, dirixida ao público familiar, será no centro sociocultural Manuel Díaz Sampedro, en San Cosme de Barreiros, ás 12:00 horas. Esta actuación está incluída no programa Nadal pola Provincia, que desenvolve a Deputación de Lugo.

O sábado, 5 de xaneiro, ás oito da tarde terá lugar a apertura ao público do nacemento vivente. E celebrarase a tradicional cabalgata de reis. A comitiva chegará ao centro sociocultural Manuel Díaz Sampedro arredor das 20:15 horas.

Todas estas actividades están organizadas pola Concellería de Cultura de Barreiros e a Oficina Municipal de Información Xuvenil coa colaboración de moz@s e voluntarios.

AS COMISIÓNS DE FESTAS DE SAN ROQUE, SAN BARTOLO E SAN COSME AGRADECEN A COLABORACIÓN DO CONCELLO BARREIRENSE COA ORGANIZACIÓN DESTES EVENTOS.

Barreiros, 9 de outubro de 2018. As comisións de festas de San Roque, San Bartolo e San Cosme queren agradecer ao Concello de Barreiros a axuda prestada para a realización de ditas festas, que consistiu en facilitar carpas, instalación eléctrica, grupo electróxeno e combustible, tal e como fai en todas as demais festas do municipio.

SAN COSME DE BARREIROS CELEBRA AS SÚAS FESTAS PATRONAIS OS DÍAS 26 E 27 DE SETEMBRO. HABERÁ MISAS, PROCESIÓN, SESIÓNS VERMÚ, VERBENAS E XOGOS INFANTÍS.

Barreiros, 25 de setembro de 2018. San Cosme de Barreiros celebra as súas festas patronais os días 26 e 27 na praza do Concello. O edil de Medio Ambiente, José Manuel Gómez Puente, anima a asistir ás actividades programadas. Haberá misa solemne os dous días, á unha do mediodía, e sesión vermú. Mañá, mércores 26, actuará un grupo de gaiteiros á saída da misa, e ás 21:30 horas celebrarase a festa-verbena coas orquestras Abanico e Metrópolis. O xoves 27, festivo local, terá lugar a misa cantada pola Coral de Barreiros, ás 18:00 horas haberá xogos infantís e ás 21:30 horas festa-verbena coas orquestras Essencia e Alaska.

O concelleiro barreirense anunciou que “mañá e o xoves se vai celebrar o San Cosme, que é a festa patronal de San Cosme e de Barreiros. É festivo local o día 27 e como é costume sempre se fan os días propios de festa, que van ser o 26 e 27”.

Gómez Puente dixo que “os dous días a misa vai ser á unha. Mañá na igrexa de Abaixo, seguida de procesión e despois a actuación dunha agrupación folclórica de gaiteiros. De seguido será a sesión vermú e a festa-verbena ás nove e media. Ímola facer cedo porque imos ter dúas orquestras e para que non se alongue moito a festa, acabar sobre as tres e media ou catro da madrugada parécenos que está ben”.

O edil sinalou que “o día 27 haberá tamén misa solemne á unha e vai estar cantada pola Coral de Barreiros, que o fai moi ben. Animo á xente a que veña á misa para que os escoite e despois haberá sesión vermú. Ás seis vai haber xogos infantís e ás nove e media festa-verbena con dúas grandes orquestras”.

José Manuel Gómez Puente subliñou que “son dous días que coinciden pola semana, pero a tradición di de respectar ese día festivo local que é o xoves. Animamos a que a xente disfrute destes dous días de lecer, tantos aos veciños de Barreiros como aos de toda a comarca. Esperemos que nos acompañe o tempo que creo que si. Vai haber carpa para non notar a friaxe da noite e animar á xente para que nos acompañe”.

NOTA: 

26-09-2018  Actuación folclórica despues de la música.

27-09-2918  Misa cantada pola Coral de Barreiros.

Xogos infantiles ás 18:00 Horas

Medio centenar de miembros de la familia Cela celebraron su comida anual hace unos días en el restaurante O Asador, de Barreiros. Oriundos de San Martiño los 11 hermanos y hermanas y sus hijos se reúnen desde hace 16 años para pasar una jornada compartiendo mesa y mantel, conversación y recuerdos. A este encuentro llegaron procedentes de Foz, Burela, Barreiros, O Valadouro, A Coruña, Oza, Cesures, Carballiño, Madrid y Ourense.