A Carreira Popular de Reis de Barreiros volta a desputarse grazas a colaboración da Deputación de Lugo

O Praias de Barreiros FS tómalle o pulso á Liga Gallega Norte

Tras un inicio de campaña complicado, os de Andrés López conseguiron encadear unha boa xeira de resultados xusto antes da xornada na que lles toca descansar. Nos últimos catro encontros os barreirenses acadaron dúas victorias e dous empates que lles permitiron escalar varios postos na táboa clasificatoria.

As lesións marcaron o debut do Praias na Liga Gallega Norte, as ausencias de Sergio e Miguel nas primeiras xornadas condicionaron moito o rendemento dos barreirenses. “Costounos moito ó principio, tivemos un lastre importantísimo por culpa das lesións. Chegamos moi xustos de xente para a rotación, a medida que recuperamos xente, vámonos levantando e empezan a chegar os resultasdos” expresou Andrés López nunha entrevista que lle realizaron en Radio Foz.

O técnico do conxunto barreirense engadiu: “Somos un recén ascendido, necesitamos un periodo de adaptación e de consolidación. É preciso implantar unha nova metodoloxía de traballo e aumentar a esixencia. O Praias ten moi boas perspectivas para facer un proxecto bo e ambicioso. Pero para falar dun ascenso e categoría teremos que falar en anos próximos. Ahora é o momento de adaptarse e consolidarse”.

Tras sumar oito puntos nas últimas catro xornadas, Andrés fixou o lugar que debe ocupar o Praias de Barreiros na competición. “Miramos máis cara arriba que cara abaixo, non deberíamos ter problemas para salvar a categoría, non creo que teñamos que pelexar por evitar o descenso”. E tamén destacou o mal do equipo no inicio de tempada: “O noso lastre é a faceta defensiva, o obxetivo é meiorar ahí”.

Da mesma maneira Andrés destacou o traballo da xunta directiva e o apoio da afición. “É unha maravilla xogar os partidos no Pavillón Municipal. É un privilexio poder contar con ese apoio”.

Trala disputa das primeiras once xornadas, o Praias de Barrreiros ocupa a séptima posición da táboa clasificatoria con 14 puntos. O próximo fin de semana tócalle descansar e o seu próximo encontro terá lugar na Fonsagrada o 12 de decembro.

4ª xornada da LNB: Ismael de Outeiro, un tapado que asoma

Ver más fotos 

Éxito do trail e 1/2 km vertical Monte Comado con preto de 90 participantes

Xoán Rodríguez e Begoña Alonso e Juan Luís Gómez e Marisa Ares, gañadores do Trail e 1/2 km vertical monte Comado respectivamente, celebrado este domingo 11 de outubro na localidade barreirense de Santiago de Reinante.

A saída para esta dobre carreira de montaña dábase ás 10.00 horas na propia praia de Arealonga onde agardaban os preto de 90 participantes para disfrutar dunha gran mañá de deporte. Igualmente, os acompañantes que acudiron á meta do monte Comado, puideron animar ós corredores e disfrutar do ambiente da carreira e das excelentes vistas.

Na 1/2 km vertical, unha carreira de 4,5 km e un desnivel acumulado de case 500 m, impuxéronse na liña de meta Juan Luis Gómez del Río como gañador absoluto e primeiro entre os homes e Marisa Ares Reigosa, primeira entre as mulleres.

As clasificación por categorías foron:
Sénior masculino
1- Aitor García
2- Julián Castaño
3- Rafael Marful

Veterán A Feminino
1- Marisa Ares
2- Begoña Iglesias
3- Liliana Rodríguez

Veterán A masculino
1- José Bernardo Ginzo
2- Juan Pablo López
3 – Ibán Méndez

Veterán B feminino
1- Xoana Mª Dorado

Veterán B masculino
1- Juan Luís Gómez
2- Luís Souto
3- Pablo Fernández

No trail, a carreira de 21 km e case 1.400 m de desnivel acumulado, o vencedor absoluto e masculino foi Xoán Rodríguez Bermúdez, un contrastado trail-runner da Mariña. Entre as mulleres, a vencedora foi Begoña Alonso Fernández.

As clasificicacións por categorías foron:
Sénior masculino
1- Martín Pardiñas
2- Manuel Eiras
3- Aris Villarino

Veterán A feminino
1- Begoña Alonso
2- Loli Piñeiro

Veterán A masculino
1- Paco Gueimunde
2- Marcos Rodríguez
3- Carlos Loriente

Veterán B masculino
1- Xoán Rodríguez
2- Juan Menéndez
3- Juan Carlos Díaz

Os trofeos foron entregados por D. Alfonso Fuente, como alcalde de Barreiros, e D. Antón Veiga como vicepresidente da Deputación de Lugo.

A organización quere agradecer o excelente comportamento e deportividade de tódolos participantes, así como a labor de Protección civil, colaboradores, Concello de Barreiros e Eroski City Barreiros.

Toda a información da carreira, con fotos e clasificacións está aloxada na webwww.mediokmverticalmontecomado.jimdo.com e na páxina de Facebook carreira popular das praias – 1/2 km vertical monte Comado.

Xa rematou todo!!!!
Esta historia empezou alá polo mes de xullo de 2014, cando me estaba adestrando para a carreira de Valgrande en Pajares. Atopei un camiño tan fermoso como empinado para subir a Comado. E ahí se levou a cabo parte da miña preparación.
Entre tanta subida e baixada en solitario se foi fraguando a carreira 1/2 km vertical monte Comado e logo de comentalo con Xesus Seivane Vazquez, en tres meses a carreira estaba organizada e os corredores subindo e descubrindo o noso monte.
Pero como “a cabeza non para”, 4,4 km facíanse poucos e o potencial do monte de Barreiros era moito. Moitas vistas ó google maps e algunha ruta andando polo monte ata que dous grandes, Agustín e Mario me deron o seu apollo e decidimos afronta-lo reto, organiza-lo Trail monte Comado. Tres meses dando voltas polo monte, buscando os “mellores” camiños e a incertidume sempre na cabeza ata que tivemos todo desbrozado, que non foi pouco e todo grazas a que moitos fumos os que creimos neste proxecto, Iván Labrada, Iván Centeno, Suso Diaz, Xoel Díaz Branco, a Rober de Elena Perez, a comisión veciñal de Reinante con A Valea Taxi Ribadeo ó fronte, o Marqués, Suso Loureiro e moitos máis colaboradores durante o día da carreira.
O resto xa se pode ver na páxina Carreira popular das praias – 1/2 km vertical monte Comado, a loita do home por superarse e o disfrute final da natureza.
Estamos como cabras??? que vaaaaaa!!!! Somos así e que sexa así por moitos anos.
Espero dentro dun ano estar escribindo unha nota parecida.
Dar as grazas ademáis de a todo-los mencionados anteriormente a outros moitos que nos animástedes nas redes, dando publicidade á carreira, invitando a amigos a participar e sobre todo, polo cariño que recibimos nestos días.
Como díce un dos máis grandes, vémonos no monte!!!!!

O próximo sábado 10 de outubro o Praias de Barreiros recibe no Pavillón Municipal ó Mera FS.

Ambos conxuntos acadaron o ascenso á Liga Autonómica Gallega Norte a tempada pasada tras proclamarse campións dos reus respectivos grupos de Liga Provincial, sen embargo os inicios e a adaptación á nova categoría non está sendo fácil para ningún dos dous equipos.

Barreirenses e oleirenses son os únicos conxuntos que aínda non conseguiron puntuar nas tres primeiras xornadas de competición. Algo que cambiará trala disputa deste encontro. Os de Andrés López seguirán sen poder contar con Sergio, Miguel e Mario unha xornada máis, pese a iso, tentarán facer bo o factor cancha para intentar que os tres puntos se queden en Barreiros.

O encontro está fixado para o próximo sábado 10 de outubro ás 18:30 horas.

Barreiros, 29 de setembro de 2015.-Este martes 29 de setembro tivo lugar no salón de actos do Centro Sociocultural Manuel Díaz Sampedro a presentación da temporada 2015-2016 das Escolas Deportivas de Barreiros nun acto informativo presentado polo alcalde. D. Alfonso Fuente Parga onde se detallou o funcionamento das mesmas para os vindeiros meses.

En aras de poder ofertar aos veciños de Barreiros actividades de diversa índole que favorezan o benestar xeral dos seus participantes se deseñou este programa deportivo no que para esta temporada 2015-2016 se van a impartir 8 disciplinas deportivas, estando dirixidas por un lado nen@s e mozos nas que se ofertan as seguintes:

-Fútbol Sala Biberón: Luns e Mércores de16,30 – 17,30 horas
-Fútbol Sala Prebenxamin: Mércores e Venres de 17,30 – 18,30 horas
-Fútbol Sala Benxamin: Marttes de 18,30 – 20,00 horas e Venres de 17,30 – 18,30 horas
-Fútbol Sala Alevin: Mércores e Venres de18,30 – 20,00 horas
-Fútbol Sala Infantil e Cadete: Luns e Xoves de 18,00 – 19,30 horas
-Xogos predeportivos – que se desenvolven nos centros educativos de San Miguel (martes de 14,30 – 15,30 horas) e San Cosme (mércores 14.30 – 15,30 horas). Esta actividade está dirixida aos nen@s de educación infantil dos respectivos centros.
-Atletismo: Mércores de 16,30 – 17,30 horas
-Tenis de mesa: Luns de 16,30 – 17,30 horas
-Patinaxe: Martes de 16,30 – 18,30 horas
-Natación: Xoves de 17,15 – 18,00 horas

E por outro lado para os adultos coa oferta de:
-Ximnasia – que se desenvolve en San Miguel (martes e xoves de 17,45 – 18,45 horas) e San Cosme (martes e xoves de 19,00 – 20,00 horas)
-Aerobic: Martes e Xoves de 20,00 – 21,00 horas

Todas as disciplinas comezarán a impartirse dende o día 1 de outubro e finalizarán o vindeiro 30 de maio do 2016. Os interesados en obter máis información poden chamar ao teléfono 662 090 374 ou ben remitir un mail ao enderezo:
[email protected]

O prazo de inscrición segue aberto polo que calquera persoa interesada en participar poderá inscribirse ao longo das vindeiras semanas.

O PROXIMO SABADO 26 DE SETEMBRO, NO PROGRAMA Citius Altius Fortius DA TV GALEGA AS 16:55 H. EMITIRASE A III CARREIRA POPULAR BENQUERENCIA TERRA MAR, ESTE MESMO PROGRAMA REPITIRASE O DOMINGO 27 AS 14:30 H.